Arxiv
Oliy ta’lim vazirligi tizimidagi muassasalarda 11,4 mlrd so‘mlik moliyaviy xato va kamchiliklar aniqlandi
Oliy va o‘rta maxsus ta’lim vazirligi tizimidagi 73 ta muassasada 3 oy ichida 11,4 mlrd so‘mlik moliyaviy xato va kamchiliklarga yo‘l qo‘yilgani ma’lum bo‘ldi. Qolaversa, ortiqcha ish haqi va boshqalarga 912,2 mln so‘m sarflangani, 3 ta tashkilotda aniqlangan 259 mln so‘mlik xatoda esa jinoyat alomati mavjudligi aniqlandi. Natijada 4 nafar mansabdor ishdan olindi, 31 nafari intizomiy jazoga, 1 nafari esa jarimaga tortildi.
Dorivor o‘simliklarni yetishtiruvchilarga kredit va soliq imtiyozlari berildi
Prezident farmoni bilan dorivor o‘simliklarni ishlab chiqarish va qayta ishlash bilan shug‘ullanuvchi oilaviy tadbirkorlar va kichik biznes subyektlari uchun soliq va kredit imtiyozlari berildi. Besh yilda 36 ming gektarda dorivor o‘simliklarning yangi plantatsiyalari yaratiladi. O‘zbekistonda ishlab chiqarilmaydigan uskunalar esa 2025 yilgacha bojxona bojidan ozod qilindi, QQSni kechiktirib to‘lashga ruxsat etilib, tashish xarajatlarining 50 foizgacha qismi qoplanishi belgilandi.
DXX Sirdaryoda yana ikkita noqonuniy mayning-ferma faoliyatiga chek qo‘ydi
DXX Guliston shahrida ikkita noqonuniy mayning-ferma faoliyatiga chek qo‘ydi, birinchi holatda fuqaro 19 dona mayning qurilmasini o‘rnatgani aniqlandi. Ikkinchi holatda esa toshkentlik fuqaro 148 dona mayning qurilmasi yordamida fevraldan beri 40 ming dollarga teng kriptovalyuta ishlab chiqargani aytilmoqda. Ular elektr energiyadan noqonuniy foydalanib, davlatga 660 mln so‘mdan ortiq zarar yetkazgani ma’lum bo‘ldi.
AQShning O‘zbekistondagi elchisi lavozimiga Jonatan Henik nomzodi taklif etildi
Prezident Jo Bayden AQShning O‘zbekistondagi elchisi lavozimiga Jonatan Henik nomzodini ilgari surdi. 2019 yildan buyon ushbu lavozimni Deniyel Rozenblyum egallab kelmoqda.
O‘zbekiston qahramoni Lola Murotova shifoxonada davolanmoqda
Ijtimoiy tarmoqlarda O‘zbekiston qahramoni, farg‘onalik fermer Lola Murotova vafot etgani haqida xabarlar tarqaldi. «Gazeta.uz» ga Farg‘ona viloyati hokimligi matbuot xizmati «xabarlar asossiz» ekanligi va Lola Murotova shifoxonada davolanayotgani, uning ahvoli «stabil og‘ir holatda» ligini ma’lum qildi.
Andijonda o‘ziga tegishli bo‘lmagan yerni $9 mingga sotishga uringan shaxs ushlandi
Andijon viloyatida huquqni muhofaza qiluvchi organlar xodimlari o‘ziga tegishli bo‘lmagan 3,5 sotix yer maydonini 9 ming dollarga sotishga uringan shaxsni qo‘lga oldi. Unga nisbatan jinoyat ishi qo‘zg‘atildi.
Senatning navbatdagi yalpi majlisi 28 may kuni chaqiriladi
Senatning 26-yalpi majlisi 28 may kuni bo‘lib o‘tadi. Unda senatorlar «Davlat fuqarolik xizmati» va «Davlat ehtiyojlari uchun yer uchastkalarini kompensatsiya to‘lash sharti bilan olib qo‘yish tartibi to‘g‘risida»gi va boshqa qonunlarni ko‘rib chiqadi. Qolaversa, Vazirlar Mahkamasiga yuborilgan ikkita parlament so‘rovi natijalari muhokama qilinadi.
O‘zbekistonga konfet va shokolad ko‘rinishidagi narkotikni olib kirmoqchi bo‘lgan shaxs ushlandi
Nyu-Yorkdan Toshkentga uchib kelgan yo‘lovchi o‘zi bilan tarkibida kannabis moyi bo‘lgan 18 ta qadoqda saqich, 2 quti konfet va 10 dona shokoladni olib kirishga urindi. Uning yonidan yana 1,2 gr «marixuana» ham topildi. Gumondor moddalardan davolanishda foydalanishini va bu taqiqlanganini bilmasligini aytdi. Bojxona qo‘mitasi «bilmasligi uni javobgarlikdan ozod etmasligini» qayd etdi.
O‘zbekistonda «Yevro-6» dizel yoqilg‘isini ishlab chiqarish yo‘lga qo‘yildi
Buxoro neftni qayta ishlash zavodida O‘zbekistonda ilk bor «Yevro-6» toifasidagi dizel yoqilg‘isini ishlab chiqarish yo‘lga qo‘yildi.
Nima tayyorlaymiz: turli xil kekslar
Keks-chizkeyk, limonli va vanilli, bananli hamda shokoladli keks, «zebra» keksi, qaynagan suv qo‘shib tayyorlanadigan shokoladli keks — Zira.uz mazali kekslar retseptlari ro‘yxatini taqdim etadi.
20 may kuni O‘zbekistonda sodir bo‘lgan eng muhim xabarlar dayjesti
1 iyundan oylik maoshlar oshirilishi, ishdan olingan «O‘zmedimpeks» direktori, 1 sentabrdan o‘quvchilar uchun yagona maktab formasiga o‘tilishi, 2030 yilda YAIM $160 mlrdni tashkil etishiga ishontirayotgan Jamshid Qo‘chqorov, $745 mlnga ko‘paygan O‘zbekiston oltin-valyuta zaxiralari, Umar Xayyom haqida film olishni rejalashtirayotgan eronlik rejissyor va boshqalar — «Gazeta.uz»ning 20 maydagi eng muhim xabarlari dayjestida.
1 iyundan oylik ish haqlari oshiriladi
1 iyundan budjet tashkilotlari xodimlarining ish haqi 12 foizga oshiriladi. Mehnatga haq to‘lashning eng kam va bazaviy hisoblashning yangi miqdorlari belgilanmoqda.
Ijtimoiy sug‘urta tizimini joriy etish rejalashtirilmoqda
Prezident farmoni loyihasiga ko‘ra, 2022−2030 yillarda aholini ijtimoiy himoya qilish milliy strategiyasini tasdiqlash kutilmoqda. Unga ko‘ra, fuqarolarni baxtsiz hodisa, ish o‘rinlari qisqarishi va boshqa hollarda daromadsiz qolishdan himoyalash maqsadida Ijtimoiy sug‘urta jamg‘armasi tashkil etiladi. Shuningdek, 6 oy davomida uzliksiz ishlagan ayollarga homiladorlik va tug‘ish nafaqasining bir qismini davlat, qolganini esa ish beruvchi to‘lab berishi reja qilinayapti.
Yuridik va jismoniy shaxslarga doimiy foydalanish huquqida yer uchastkalarini xususiylashtirish boshlandi
Davlat aktivlarini boshqarish agentligi yuridik va jismoniy shaxslarga doimiy foydalanish huquqi asosida yer uchastkalarini xususiylashtirish boshlanganini ma’lum qildi. Arizalar Davlat xizmatlari markazlari yoki yagona interaktiv davlat xizmatlari portali orqali qabul qilinadi.
«Samarqand darvoza» savdo majmuasi oldidagi chorraha va ko‘chalar ta’mirlanadi
Shanba kunidan Toshkent shahridagi Samarqand darvoza, Ko‘kcha darvoza va Qoratosh ko‘chalarida ta’mirlash ishlari olib boriladi. Hokimiyat bu vaqtda yo‘llar yopilmasligi, balki transport harakati qisman cheklanishini ma’lum qildi.
Toshkentda avtobusga chiqish old eshikdan, tushish orqa eshikdan bo‘ladi
“Toshshahartransxizmat” yo‘lovchilar endi avtobus va elektrobuslarga old eshikdan chiqib, orqa eshikdan tushishi haqida ma’lum qildi. Bu ularga qulaylik yaratish va transport madaniyatini shakllantirish maqsadida joriy etilgani aytildi.
Maktublardan tortib farmonlargacha: o‘zbek olimlari Usmonlilar imperiyasining tarixiy arxivini o‘rganadi
Turkiyaning «TURKTAV» jamg‘armasi o‘zbekistonlik tadqiqotchilarga Usmonlilar imperiyasining tarixiy arxivlarga kirish imkoniyatini taqdim etdi. Bu orqali o‘zbek olimlari O‘zbekiston tarixiga oid bir qator hujjatlarni tiklashlari mumkin. Jamg‘arma 55 ming qo‘lyozmani raqamlashtirgan bo‘lib, ular qatoridan Turkiston xonliklarining farmonlari, maktublar, Usmonlilar davlati bilan munosabatlariga oid hujjatlar joy olgan.
1 sentabrdan o‘quvchilar uchun yagona maktab formasi to‘liq joriy qilinadi
Hukumat 2022/2023 o‘quv yilidan boshlab o‘quvchilar uchun yagona maktab formasini to‘liq joriy etishga qaror qildi. Dastlab, buni 2019 yilda amalga oshirish rejalashtirilgan edi, ammo jamoatchilik noroziligi tufayli muddat 2024 yilga qoldirilgandi. Kam ta’minlangan oilalarga formani xarid qilishga ko‘maklashiladi.
«O‘zmedimpeks» direktori lavozimidan ozod etildi
Sog‘liqni saqlash vaziri «faoliyatida xato va kamchiliklarga yo‘l qo‘ygani» uchun «O‘zmedimpeks» DUK rahbari Diyorxon Kattaxodjayev hamda vazirlik boshqarmasi mas’ul xodimini ishdan bo‘shatdi.
O‘zbekiston xorijdan qaytgan mehnat migrantlarini qanday qilib ish bilan ta’minlamoqchi?
Mehnat vazirligi xorijda ishlab, O‘zbekistonga qaytgan mehnat migrantlarini ish bilan ta’minlash maqsadida bir qator chora-tadbirlarni ko‘rish taklifini bildirdi. Ular qatoridan «50×50» dasturi doirasida 40,5 mln so‘mgacha hamda har bir migrant uchun ish beruvchiga 405 ming so‘mdan subsidiyalar ajratish, 1 gektargacha yerni 30 yilga ijaraga berish, qolaversa, 50 mingdan ortiq migrantni haq to‘lanadigan jamoat ishlariga jalb qilish o‘rin olgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting