Arxiv
«Zakovat» intellektual o‘yini g‘olib va sovrindorlari OTMlarga imtihonsiz qabul qilinadi
Prezident qarori bilan «Zakovat» intellektual o‘yinining respublika bosqichida g‘olib va sovrindor bo‘lgan o‘quvchilar hamda OTM talabalari ta’limning keyingi bosqichiga to‘lov-kontrakt asosida imtihon sinovlarisiz qabul qilinadi. Shuningdek, «Yangi O‘zbekiston bog‘i»ga tutash hududda «Zakovat intellektual o‘yinlari klubi» uchun alohida bino hamda «Intellektual o‘yinlar shaharchasi» barpo etiladi. Qolaversa, «Zakovat» stipendiyasi joriy etiladi.
MB asosiy stavkani 14 foiz darajasida saqlab qoldi
Markaziy bank boshqaruvi asosiy stavkani 14 foiz darajasida o‘zgarishsiz qoldirdi. MBda o‘tgan yili inflyatsiyani yuzaga keltirgan asosiy omillar oziq-ovqat va energiya-yoqilg‘i mahsulotlari narxlarining sezilarli darajada o‘sishi ekanligi ta’kidlandi. «Inflyatsion jarayonlar yil so‘ngida noaniqliklar va pandemik xatarlar fonida narxlarga uzoqroq muddat davomida bosim yaratishi mumkin», — deyiladi regulyator xabarida.
Endi yo‘qolgan ashyolar bo‘yicha xizmatlarni Davlat xizmatlari markazlari ko‘rsatadi
Hukumat qarori bilan IIV tizimidagi «Topilmalar stoli» faoliyati tugatiladi, uning o‘rniga topilmalarni qabul qilish, saqlash va egalariga qaytarish bo‘yicha xizmatlar DXM tomonidan ko‘rsatiladi. Topilmalar 6 oygacha saqlanadi, agar bu vaqt ichida egasi aniqlanmasa, ashyo davlat mulkiga o‘tadi va auksionda sotib yuboriladi.
«Bu — o‘limning boshlanishi». Mahalliy ishlab chiqaruvchi — go‘sht importiga QQS va bojning bekor qilinishi haqida
Hukumat bir qator oziq-ovqat mahsulotlari, jumladan, go‘sht importi va sotuvida QQSning nol stavkasini 30 aprelgacha uzaytirishni rejalashtirmoqda. Mahalliy ishlab chiqaruvchilar Jizzax Organic va Promeat chorvachilik va go‘sht yetishtirish sohasida ahvolning qanday kechayotgani, QQSdan ozod qilish qanday oqibatlar va xavf-xatarlarga olib kelishi, go‘sht narxi oshishining oldini olish uchun qanday muqobil yechim taklif qilishlari haqida so‘zladi.
MB 200 ming so‘mlik kupyurani muomalaga chiqarishni rejalashtirmoqda
Payshanba kuni Markaziy bank boshqaruvi raisi Mamarizo Nurmuratov 200 ming so‘mlik banknotalarni ishlab chiqarish reja qilinayotganini ma’lum qildi. Yangi kupyuralar 2024 yildan muomalaga kiritilishi kutilmoqda.
“Yovuzlikni ko‘rsatmay yashaydigan zamonda emasmiz”. “Sevimli” TV rahbari — “Sabriya” seriali haqida
“Sevimli” telekanalida efirga uzatilgan “Sabriya” serialidagi behayo epizodlarga nisbatan bildirilgan tanqidlardan so‘ng, telekanal rahbari Amira Rashidova munosabat bildirdi. “Yovuzlikni ko‘rsatmay, yomon odamlarning borligini berkitib yashaydigan zamonda emasmiz”, — dedi u. O‘zbekiston Kinematografiya agentligi bosh direktori Firdavs Abduxoliqov esa serial “haqiqatdan ham badiiy va mazmunan sayoz” ekanligini tan oldi.
Bir yil ichida 518 nafar o‘zbekistonlikning jasadi xorijdan olib kelindi
O‘tgan yili Tashqi mehnat migratsiyasi agentligi ko‘magida xorijda vafot etgan 518 nafar fuqaroning jasadi O‘zbekistonga olib kelingan. Shuningdek, agentlik og‘ir ahvolga tushib qolgan 321 nafar fuqaroning vatanga qaytishiga ham yordam bergan.
Bunyod Abdullayev Ekologiya qo‘mitasi matbuot xizmati rahbarligiga qaytdi
Bunyod Abdullayev oradan qariyb 1 yil o‘tib, Ekologiya davlat qo‘mitasi matbuot xizmati rahbari lavozimiga qayta tayinlandi. U 2021-yilning fevralida ishdan bo‘shatilgandi.
O‘zbekistondagi har bir mahallada yoshlar yetakchisi lavozimi joriy etildi
Prezident qaroriga asosan maktablardagi yoshlar yetakchilari shtat birliklari qisqartirilib, uning o‘rniga respublikadagi har bir mahallada yoshlar yetakchisi lavozimi joriy etildi. Ularga mahalladagi xonadonlar soniga qarab, 4 mln so‘mdan 5 mln so‘mgacha maosh to‘lanadi. Har chorakda eng ilg‘or 100 nafar yetakchi esa bir oylik maoshga teng pul mukofoti hamda «Yangi O‘zbekiston islohotchisi» ko‘krak nishoni bilan taqdirlanadi.
“Vaqf” fondi 2021-yilda qariyb 70 mlrd so‘mni xayriya qildi
“Vaqf” xayriya jamoat fondi o‘tgan yili xayriya, zakot, diniy tashkilotlar, aksiyalar, homiylar va hamkor tashkilotlardan kelib tushgan 69 mlrd so‘mdan ortiq mablag‘ni xayriyaga yo‘naltirdi. Shundan 36 mlrd so‘mdan ko‘prog‘i masjidlar va ziyoratgoh xodimlarini moddiy va ijtimoiy qo‘llab-quvvatlashga, qariyb 7 mlrd so‘mi nochor, ko‘makka muhtoj fuqarolarga yordam berishga, yana 10 mlrd so‘mi pandemiya davrida diniy soha vakillarini moddiy qo‘llab-quvvatlashga sarflangan.
Chorshanba kuni 1307 kishida koronavirus aniqlandi
Ketma-ket ikkinchi kun antirekord yangilandi, chorshanba kuni yana 1307 kishining koronavirusga topshirgan PZR-testi musbat natijani qayd etdi. Yana 4 nafar bemor virus asoratlari oqibatida vafot etdi.
2021 yilda «O‘zbekneftgaz» tizimida 717 mlrd so‘mlik qonunbuzilishlar aniqlandi
«O‘zbekneftgaz» jamiyati tizimida 2021 yilda o‘tkazilgan o‘rganishlar natijasida jami 717,9 mlrd so‘mlik qonunbuzilish holatlari aniqlandi. Shundan 91,9 mlrd so‘m kamomad va o‘zlashtirishlar, 57,8 mlrd so‘m jamiyatga zarar, 219,9 mlrd so‘m boshqa xato va kamchiliklarni tashkil qildi.
Abatbay Daniyarov Qoraqalpog‘iston Vazirlar Kengashi raisiga o‘rinbosar bo‘ldi
Yoshlar ishlari agentligining Qoraqalpog‘iston Respublikasi boshqarmasi boshlig‘i Abatbay Daniyarov Qoraqalpog‘iston Vazirlar Kengashi raisining o‘rinbosari lavozimiga tayinlandi.
19 yanvar kuni O‘zbekistonda sodir bo‘lgan eng muhim xabarlar dayjesti
«Siyosiy buyurtma» ga uchragan poytaxtlik deputat, qayta ko‘rib chiqiladigan Toshkent jamoat transporti konsepsiyasi, tanqidlar ostida qolgan «Sabriya» seriali, O‘zbekiston va Tojikiston aviatexnikalarni Afg‘onistonga qaytarmasligini aytgan Pentagon, mijozlarga magnitolasiz yetkazib beriladigan Lacetti va Cobalt, ishdan chetlatilayotgan emlanmagan ishchilar, Miraziz Bozorov ishi va boshqalar — «Gazeta.uz» ning 19 yanvardagi eng muhim xabarlari dayjestida.
Prezident Toshkent jamoat transportidan foydalanish darajasini ikki barobarga oshirish bo‘yicha ko‘rsatma berdi
Toshkent jamoat transportidan foydalanish darajasi bor-yo‘g‘i — 21 foizni tashkil qiladi, tizimda qariyb 400 ta avtobus yetishmaydi. Yo‘llar piyoda va velosipedda yurish uchun qulay emas, buning oqibatida YTHlar ko‘p sodir bo‘lmoqda, deya ta’kidlandi prezident ishtirokidagi taqdimotda. Shavkat Mirziyoyev yangi avtobus hamda elektrobuslar xarid qilish va umuman, jamoat transportidan foydalanish darajasini hozirgidan 2 barobar oshirish bo‘yicha ko‘rsatma berdi.
Bloger Miraziz Bozorov ishi bo‘yicha sud kuni aniq bo‘ldi
Sud 20 yanvar kuni toshkentlik bloger Miraziz Bozorovga nisbatan jinoyat ishini ko‘rishni boshlaydi. Jabrlanuvchilar 4 kishidan iborat bo‘lib, ular orasida bloger Shuxrat Musayev hamda Abror Muxtor Aliy ham bor.
Kuniga o‘rtacha 45−50 mingta PZR-test olinmoqda — SVV
O‘zbekistonda har kuni o‘rtacha 45−50 ming nafar fuqaro koronavirusni aniqlash maqsadida PZR-test topshirmoqda. Dekabrning so‘nggi haftasida ushbu ko‘rsatkich 15−20 mingtani tashkil qilgandi. Qolaversa, poytaxtning 12 ta tumanida 24 soat davomida kovidga bepul test topshirish mumkin bo‘lgan manzillar ro‘yxati e’lon qilindi.
FTA O‘zbekistonda chorvachilikni rivojlantirishga 100 mln yevro qarz beradi
Fransiya taraqqiyot agentligi 2022−2026 yillarda O‘zbekistonda chorvachilik sohasini rivojlantirishni moliyalashtirish maqsadida 100 mln yevro qarz ajratadi. Loyihaning umumiy qiymati 147,7 mln yevro bo‘lib, u dastlab Qoraqalpog‘iston, Toshkent, Jizzax, Sirdaryo, Qashqadaryo, Samarqand va Buxoro viloyatlarida, keyinchalik qolgan hududlarda amalga oshiriladi.
Qoraqalpog‘istonda ikki yilga qirg‘ovullarni ovlash taqiqlandi
Qoraqalpog‘iston Vazirlar Kengashi qirg‘ovullar sonini ko‘paytirish maqsadida hududda 2 yil davomida ularni ovlashga taqiq e’lon qildi. Ekoqo‘mita va IIVga qirg‘ovullarni noqonuniy ovlanishning oldini olish va qoyidabuzarlarga nisbatan choralar ko‘rish vazifasi yuklatildi.
Asilbek Ashurov Paxtakor tumaniga hokim bo‘ldi
Jizzax viloyati prokurori o‘rinbosari Asilbek Ashurov Paxtakor tumani hokimi etib tayinlandi. U mazkur lavozimda 2018 yildan beri ishlab kelayotgan Shukrullo Boboyevning o‘rnini egalladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting