Arxiv
YPX mashinalariga 360 gradusda qoidabuzarliklarni aniqlaydigan qurilma o‘rnatilmoqda
O‘zbekistonda sinov tariqasida yo‘l-patrul xizmati mashinalariga 360 gradus radiusga ega bo‘lgan masofada qoidabuzarliklarni aniqlaydigan maxsus qurilmalar o‘rnatilmoqda. Qurilma to‘xtash va to‘xtab turish, harakatlanish tezligini oshirish, svetoforning taqiqlovchi chirog‘iga amal qilmaslik singari qoidabuzarliklarni qayd etadi va u orqali haydovchilarning yashash manziliga jarima qo‘llash to‘g‘risidagi qaror yuboriladi.
Tokio-2020: O‘zbekiston boks bo‘yicha kamida bitta Olimpiada medalini naqd qildi
Tokioda bo‘lib o‘tayotgan Olimpiya o‘yinlarining to‘qqizinchi kunida o‘zbekistonlik sportchilar yengil atletika, yunon-rum kurashi, boks va og‘ir atletika bo‘yicha bellashuvlarda qatnashishdi. Bokschi Bahodir Jalolov yarim finalga yo‘l olib, Olimpiada medalini naqd qilgan bo‘lsa, qolgan sportchilar musobaqada o‘z ishtiroklarini yakunlashdi.
Zomin tumanidagi tog‘larda yong‘in sodir bo‘ldi
Bugun Jizzax viloyatining Zomin tumanidagi “Duoba” QFY O‘riklisoy qishlog‘i dala maydonida yong‘in sodir bo‘ldi. Yong‘inni o‘chirishga 4 ta vertolyot, FVVning 370 dan ortiq xodimlari bilan birga Milliy gvardiya, IIB, Davlat ekologiya qo‘mitasidan ham kuch va vositalari jalb qilingan.
Toshkentda Lada Samara ag‘darilib, yonib ketdi
Toshkent shahri Yakkasaroy tumanida “Vaz-2114” (Lada Samara) avtomobili ag‘darilib ketdi. Oqibatda bir nafar yo‘lovchiga birinchi tez tibbiy yordam ko‘rsatilgan.
31 iyul kuni O‘zbekistonda 889 kishida koronavirus aniqlandi
Kecha kun davomida O‘zbekistonda 889 kishida koronavirus infeksiya qayd etildi. 6 nafar COVID-19 bemori vafot etdi. Shuningdek, shanba kuni 512 kishida pnevmoniya qayd etildi, 3 nafar pnevmoniya bemori vafot etdi.
Sergelida omborxonada gaz-havo aralashmasi chaqnashi sodir bo‘ldi, bir kishi vafot etdi
Sergeli tumanida omborxona binolaridan birida gaz-havo aralashmasi chaqnashi sodir bo‘ldi. Omborxonadan tashqari, korxona ma’muriy binosi ham vayron bo‘ldi. Bir kishi halok bo‘ldi, uch kishi jarohatlandi.
Foto: Uzbekistan Helicopters yangi Airbus vertolyotlarini taqdim etdi
Uzbekistan Helicopters tijoriy maqsadlarda foydalanishga mo‘ljallangan ikkita Airbus H125 vertolyoti taqdimotini o‘tkazdi. Yil yakuniga qadar yana ikkita vertolyot xarid qilish rejalashtirilgan. Bosh vazir o‘rinbosari, turizm va sport vaziri Aziz Abduhakimovning so‘zlariga ko‘ra, 4 kishilik mazkur vertolyotda 1 soat parvoz qilish 12 mln so‘m atrofida bo‘ladi. Vertolyotlar tasnifi, sohadagi monopoliya va boshqalar «Gazeta.uz» fotoreportajida.
Ish beruvchi emlashdan bosh tortganni ishdan chetlashtirishi mumkin, ishdan bo‘shatishi emas — adliya vaziri
«Agarda fuqaro vaksina olishni rad qiladigan bo‘lsa, hech kim uning qo‘l-oyog‘ini bog‘lab, tibbiy muassasaga olib borib vaksina qilmaydi», — dedi adliya vaziri Ruslanbek Davletov. Uning ta’kidlashicha, fuqaro rad qilsa, huquqiy oqibatlari bo‘yicha mas’uliyatni o‘z zimmasiga olishi kerak bo‘ladi. U ish beruvchi esa emlanishni xohlamagan xodimini ma’lum muddat ishdan chetlashtirish va o‘sha davr uchun ish haqi to‘lamasligi mumkinligini aytib o‘tdi.
Samarqanddagi ikkita YTHda 4 kishi vafot etdi
Samarqand viloyati Urgut tumanida Lacetti avtomashinasi yuqori tezlikda uy devoriga urildi. Oqibatda ikki kishi vafot etdi. Shuningdek, Urgut tumanida avtobus ag‘darilishi oqibatida ikki nafar yo‘lovchi halok bo‘ldi.
Prezident saylovi logotipiga imloviy tuzatishlar kiritildi
Markaziy saylov komissiyasi ijtimoiy tarmoqlardagi baxs-munozaralardan so‘ng, prezident saylovi logotipiga ayrim imloviy tuzatishlar kiritdi. Qolaversa, ushbu logotipni yaratishga mablag‘ sarf etilmagani qo‘shimcha qilindi.
Senat majburiy profilaktik emlashlar to‘g‘risidagi o‘zgartishni ma’qulladi
Senatorlar aholining ayrim toifalarini majburiy profilaktik emlashni qonuniylashtirish hamda ish beruvchiga profilaktik emlashdan o‘tishni rad etgan (qarshi ko‘rsatma mavjud bo‘lmaganda) ishchini ishga qo‘ymaslik huquqini berishni ko‘zda tutgan o‘zgartishni ma’qulladilar.
Bo‘ston tumani hokimi Sadbarxon Mamitova vafot etdi
Andijon viloyati Bo‘ston tumani hokimi Sadbarxon Mamitova 56 yoshida vafot etdi. U 2020 yil 4 martdan beri Bo‘ston tumani hokimi bo‘lib ishlab kelayotgan edi.
«Odamlar jarima to‘lab, yana daraxt kesishni davom ettiryapti» — Senat raisi
2021 yilning 6 oyi davomida 4,5 mingdan ortiq daraxt noqonuniy kesilgan, natijada o‘simlik dunyosiga 6,7 mlrd so‘mlik zarar yetkazilgan. Senat raisi Tanzila Narbayeva moratoriy davrida ham daraxtlarning kesilishiga tizimdagi sustkashliklar sabab bo‘layotganligi ta’kidladi. «Odamlar jarima to‘lab, yana daraxt kesishni davom ettiryapti», — dedi u.
Tokio-2020: Olimpiadaning sakkizinchi kunida ham O‘zbekiston medallarsiz qoldi
Tokioda bo‘lib o‘tayotgan Olimpiya o‘yinlarining sakkizinchi kunida o‘zbekistonlik sportchilar dzyudo, boks va o‘q otish bo‘yicha bellashuvlarda qatnashishdi. Bokschilar Elnur Abduraimov va Shahobiddin Zoirov chorak finalga yo‘l olgan bo‘lsa, qolgan sportchilar musobaqada o‘z ishtiroklarini yakunlashdi.
Uyda tayyorlaymiz: shaftolili shirinliklar
«Svetayevskiy» va yozgi piroglar, qovun va malina qo‘shilgan smuzilar — Zira.uz shaftolidan tayyorlanadigan shirinliklar retseptlari ro‘yxatini taqdim etadi.
Yana antirekord: 30 iyul kuni O‘zbekistonda 924 kishida koronavirus aniqlandi
30 iyul kuni O‘zbekistonda pandemiya boshidan beri eng ko‘p kunlik koronavirus holatlari aniqlandi: 924 nafar kishida ushbu infeksiya qayd etilgan. 8 nafar COVID-19 bemori vafot etdi. Shuningdek, juma kuni 559 kishida pnevmoniya qayd etildi, 4 nafar pnevmoniya bemori vafot etdi.
Tokio-2020. 31 iyul uchun O‘zbekiston sportchilari ishtiroki jadvali
Tokio-2020 Olimpiya o‘yinlarining sakkizinchi kunida o‘zbekistonlik sportchilar dzyudo bo‘yicha jamoaviy musobaqalarda hamda boks va o‘q otish bo‘yicha bellashuvlarda ishtirok etadi.
Jahon yangiliklari dayjesti
Afg‘onistonda BMT missiyasiga hujum qilingani, Belarusda namoyishlardan so‘ng deyarli 4,7 ming jinoiy ish ochilgani, Tokio yaqinidagi uchta prefekturada favqulodda holat rejimi joriy etilgani va boshqa yangiliklar — «Gazeta.uz»ning jahon yangiliklari dayjestida.
Rossiyalik harbiylar Surxondaryodagi mashg‘ulotlarga yetib keldi
Rossiya harbiy xizmatchilari shartli dushman bazalarini qidirib topish va yo‘q qilish bo‘yicha qo‘shma o‘quvlarda ishtirok etish uchun Surxondaryoga yetib keldi.
30 iyul kuni O‘zbekistonda sodir bo‘lgan eng muhim xabarlar dayjesti
O‘zbekistonda pandemiya boshlangandan beri koronavirusdan kunlik kasallanish bo‘yicha eng yuqori antirekord qayd etilishi, mamlakatga 3 mln doza Moderna vaksinasi olib kelinishi, yangi qaror va qonun imzolanishi — “Gazeta.uz"ning 30 iyuldagi eng muhim xabarlari dayjestida.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting