Chorshanba kuni koronavirus holatlarining rekord darajada o‘sishi qayd etildi — 719 kishi kasallikka chalindi. Qariyb 500 nafar fuqaroda pnevmoniya aniqlandi. COVID-19 bilan og‘riganlarning yana 4 nafari vafot etdi.
Farg‘ona viloyatida taksi haydovchisi jonsiz holda topildi. To‘rt kishi, jumladan uch nafar voyaga yetmagan bolalar (ikki nafari o‘quvchi) uni o‘ldirganlikda gumon qilinmoqda.
Ikkita kompaniya hamda «Asakabnk» bosh ofisi va filiali xodimlari 2 mln dollar miqdoridagi kredit mablag‘larini o‘zlashtirganlikda gumon qilinmoqda. Mazkur mablag‘lar Osiyo taraqqiyot bankidan jalb qilingan.
Namangan viloyatida sel kelishi va suv toshqinlari natijasida ikkita ko‘prik va bir qancha avtomobilga zarar yetdi, uylarni suv bosdi. 130 nafardan ortiq kishi xavfsiz hududga evakuatsiya qilindi.
Prezident maslahatchisi o‘rinbosari lavozimida besh oydan kamroq muddat ishlagan Shuhrat Otaboyev Xalq banki boshqaruv kengashi raisi bo‘ldi.
Koronavirus tarqalishining oldini olish maqsadida masjidlarda Qurbon hayiti namozini ado etmaslik boʻyicha qaror qabul qilindi. Shu sababli, may oyida nishonlangan Ramazon hayitida gavjum boʻlgan masjidlar Qurbon hayiti kuni huvillab qoldi. “Gazeta.uz” fotomuxbiri Yevgeniy Sorochin poytaxtdagi Minor masjidining 2021 yilgi Ramazon va Qurbon hayitlari kunidagi suratlarini taqdim etadi.
20 iyul kuni O‘zbekistonga ZF-UZ-VAC2001 vaksinasining yana 1 mln dozasi olib kelindi. Shunday qilib, jami vaksina zaxirasi 8 mln 580 ming dozani tashkil qilmoqda.
Toshkentda 5 nafar fuqaro harbiy qismlaridan birida rejalashtirilgan 65 mlrd so‘mlik kapital ta’mirlash ishlarini qurilish firmasi boshlig‘iga olib berish evaziga, shartnoma qiymatining 4 foizi miqdorida pul berishini talab qilgan. Ular oldindan 30 ming dollarni olgan vaqtida ushlandi. Toshkent viloyatida yana bir shunga o‘xshash holat aniqlandi. Shuningdek, Toshkent viloyatida fuqaroni noqonuniy tarzda o‘qishga kirib qo‘yish hamda Sirdaryo viloyatida kredit berish evaziga pul talab qilish kabi holatlar aniqlandi.
20 iyul kuni O‘zbekistonda 698 ta koronavirus bilan kasallanishning yangi holatlari aniqlandi. Bu 2021 yil boshidan eng katta ko‘rsatkich. Shuningdek, 478 kishida pnevmoniya aniqlangan. 4 nafar koronavirus bemori vafot etgan.
299 ta eskirgan nasos stansiyalarini modernizatsiya qilishga 700 mln yevro talab etiladi, deya xabar qildi prezident. Mazkur loyiha amalga oshirilgach, 78 ming gektar yer qo‘shimcha foydalanishga kiritish, 78 mln kVt*s elektr energiyasini va 56 mlrd so‘mlik byudjet mablag‘larini tejashga imkon yaratadi. Birinchi bosqichda 98 ta stansiyani modernizatsiya qilish rejalashtirilgan bo‘lib, buning uchun 146 mln yevro kredit talab qilinadi.
Prezident Shavkat Mirziyoyev tadbirkorlar bilan ochiq muloqot o‘tkazadi. Davlat rahbariga savollar, biznes muhitini yaxshilash bo‘yicha g‘oya va takliflarni 31 iyulga qadar yuborish mumkin.
Tojikistonning Xatlon viloyatida afg‘on qochqinlari uchun vaqtinchalik saqlash bazasini qurish rejalashtirilmoqda. Viloyat rahbari Qurbon Hakimzoda afg‘onlarning o‘z vaqtida fuqarolik urushi jarayonida tojikistonliklarni dastaklaganini esga oldi. Iyul boshida O‘zbekiston Termiz yaqinida ham chodirli shaharcha qurilishi haqida xabar qilingan edi, biroq mamlakat hukumati hozircha ushbu xabarga izoh bermadi.
AQShning Emori universitetida fan doktori unvonini olgan namanganlik Donoxon Abdug‘afurova adabiyotga qiziqishi qanday shakllangani, o‘zining tadqiqotlari hamda o‘zbek adabiyotida ayol yozuvchilarning o‘rni haqidagi fikrlari bilan o‘rtoqlashdi. Shuningdek, u o‘zbek adabiyotidagi afsonaviy yozuvchilardan biri bo‘lgan Anbar Otin ijodiga ham alohida to‘xtaldi.
Umumiy ovqatlanish punktlaridan ovqat yetkazib berish xizmatlariga 8:00 dan 23:00gacha ishlashga ruxsat berildi.
20 iyuldan yopiq binolarda o‘tkaziladigan oilaviy tantana, to‘y, ma’raka va marosimlarda 50 nafargacha mehmon qatnashishi mumkin. Ochiq havoda esa 1 avgustgacha ishtirokchilar soni 100 nafargachani tashkil etishi mumkin.
Afg‘oniston qurolli kuchlarining bir necha hududlarni toliblardan qaytarib olgani, Xitoy va Hindistondagi kuchli yomg‘irlar, Shanxayda dunyodagi eng katta planetariyning ochilgani va boshqa yangiliklar — «Gazeta.uz»ning jahon yangiliklari dayjestida.
Samarqand viloyatining Pastdarg‘om tumanida mast holda tibbiyot xodimlariga tajovuz qilgan fuqaroga nisbatan qamoqqa olish ehtiyot chorasi qo‘llanildi.
Prezident Shavkat Mirziyoyev O‘zbekiston xalqini Qurbon hayiti bilan tabriklab, pandemiya sharoitida diniy ibodatlarni uy sharoitida ado etish xalq hayoti va salomatligini asrashga qaratilgan eng to‘g‘ri qaror ekanini ta’kidladi.
Departament va DXX xodimlari 4200 va 7000 dollar evaziga O‘zbekiston davlat jismoniy tarbiya va sport universitetiga kiritib qo‘yishni va’da qilgan agrar agrar universiteti sport murabbiyi va jismoniy tarbiya universiteti stajyor-o‘qituvchisini qo‘lga oldi.
Navoiy aeroporti bojxonachilari 1841 yilda Aleksandr II nikoh to‘yi sharafiga zarb etilgan 14 ta Rus imperiyasi tangasining olib chiqilishiga chek qo‘yishdi.
Qo‘shimcha imkoniyatlarga ega bulish uchun saytda ro‘yxatdan o‘ting