Dollarning rasmiy kursi 12,72 so‘mga pasaydi va jami 10 598,66 so‘m etib belgilandi. Shuningdek, yevro va rubl kurslari ham biroz pasaydi.
Toshkentning Chilonzor tumanida 20 yoshli qiz 9-qavatdan tushib ketib, vafot etdi. Bosh prokuratura ayol ehtiyotsizlik oqibatida tushib ketganini ma’lum qildi. Biroq qizning ota-onasi uning o‘limida qaynonasi va kuyovini ayblamoqda. Holat yuzasidan surishtiruv xarakatlari olib borilmoqda.
The Guardian va boshqa 16 ta nashr jurnalistlarining birgalikdagi surishtiruvda Isroilning NSO Group kompaniyasiga tegishli Pegasus josuslik dasturi hukumatlar va maxsus xizmatlar tomonidan butun dunyo bo‘ylab, shu jumladan Qozog‘iston, Ozarbayjon va Belarus jurnalistlari, faollari va kompaniya rahbarlari telefonlariga xakerlik hujumi uchun ishlatilganini aniqlashdi.
1 iyun holatiga ko‘ra, respublikada xorijiy kapital ishtirokida faoliyat ko‘rsatayotgan korxonalarning soni 12 ming 654 tani tashkil etmoqda. Hududlar kesimida Toshkent shahri, Toshkent va Samarqand viloyatlarida eng ko‘p xorijiy kapital ishtirokida faoliyat ko‘rsatayotgan korxona mavjud.
46 yoshli O‘zbekiston fuqarosi Sankt-Peterburgda 2009 yilda tug‘ilgan qizchani zo‘rlaganlikda gumonlanib, qo‘lga olindi. Hozirda jinoyat ishi qo‘zg‘atishga oid masala muhokama qilinmoqda.
Xalqaro suzish federatsiyasi Olimpiada yo‘llanmasini olish uchun natijalarni soxtalashtirgan bir qancha o‘zbekistonlik suzuvchilarning ko‘rsatkichlarini bekor qildi. Bu hind sportchisi tomonidan olib borilgan o‘rganishlar natijasida yuzaga chiqdi. Soxtalashtirishga urinish sababli O‘zbekistonga qo‘shimcha sanksiyalar joriy etilishi mumkin. MOQ bayonot bilan chiqdi.
Avgust oyida o‘zbekistonlik askarlar va ofitserlar tojikistonlik va rossiyalik hamkasblari bilan birgalikda tojik-afg‘on chegarasini jangarilar hujumidan qo‘riqlash bo‘yicha amaliyot o‘tkazadilar. Mashg‘ulotlarda uch davlatning havo kuchlari, havo hujumidan mudofaa kuchlari, zirhli texnika va maxsus qo‘shinlari ishtirok etadi.
Afg‘oniston hukumati va «Tolibon» Qatardagi muzokaralarda o‘t ochishni to‘xtatish bo‘yicha kelishuvga erisha olishmadi, lekin iloji boricha tezroq kompromissga erishishga kelishishdi.
Prezident Shavkat Mirziyoyev Germaniya prezidenti Frank-Valter Shtaynmayer va kansleri Angela Merkelga ushbu mamlakatda ro‘y bergan halokatli toshqinlar oqibatida ko‘plab insonlar qurbon bo‘lgani munosabati bilan ta’ziya yo‘lladi.
O‘zbekistonlik MMA jangchisi, O‘zbekiston MMA assotsiatsiyasi vitse-prezidenti Murod Xonto‘rayev avtohalokatga uchrab, vafot etdi.
Prezident Shavkat Mirziyoyev raisligida shu hafta oilaviy tadbirkorlikni rivojlantirish hamda aholining doimiy daromad manbalarini ko‘paytirish yuzasidan videoselektor yig‘ilish bo‘lib o‘tadi. Shuningdek, Buxoro, Navoiy, Qashqadaryo, Samarqand va Surxondaryo viloyatlarida gidrotexnik inshootlarni modernizatsiya qilish bo‘yicha yig‘ilish o‘tkazilishi ko‘zda tutilgan.
O‘zbekistonlik 30 yoshli talaba Tokiodagi Olimpiada o‘yinlariga tayyorgarlik chog‘ida yaponiyalik qizni zo‘rlaganlikda ayblanmoqda. Milliy Olimpiya qo‘mitasining «Gazeta.uz»ga ma’lum qilishicha, ushbu fuqaro O‘zbekiston Olimpiya delegatsiyasi tarkibiga kirmaydi.
Hafta boshida respublikaning katta qismida yog‘ingarchilik kutilmaydi. Juma kuni havo harorati biroz ko‘tariladi, cho‘lli hududlarda harorat +44 darajagacha ko‘tarilishi kutilmoqda.
O‘zbekiston suzish federatsiyasi bosh kotibi Alisher G‘aniyev vaqtincha ishdan chetlatildi. Avvalroq, o‘zbekistonlik suzuvchilar g‘irrom yo‘l bilan Olimpiadaga chiqishga urunishgani haqida ma’lumotlar paydo bo‘lgan edi. MOQ va Sport faxriylari kengashi ushbu holat «sport tamoyillariga mos kelmasligini va olimpizm qadriyatlariga mutlaqo zid ekanligini» ta’kidladi.
18 iyul kuni O‘zbekistonda 585 nafar kishida koronavirus infeksiyasi qayd etildi. 462 nafar kishida pnevmoniya aniqlanib, 5 nafar bemor vafot etdi.
Yakkabog‘ tumani hokimligi o‘z binosiga ega emasligi, hokimlik hozirga qadar Xalq demokratik partiyasining balansida bo‘lgan binoda faoliyat yuritayogani ma’lum bo‘ldi. Tuman hokimi bundan bosh vazir o‘rinbosarlarining, moliya vazirining ham xabari borligi va tez orada bino qurilishini aytdi.
Qashqadaryo viloyatining Chiroqchi tumanida ikki Nexia ishtirokida yuz bergan YTH oqibatida 3 nafar yo‘lovchi vafot etdi. Ikki avtomashina haydovchilari esa shifoxonaga yotqizilgan.
Toshkentda Qibray tumanida joylashgan 7 gektar yer maydonini 23,5 ming dollar evaziga tender savdolariga qo‘yish orqali sotib olib berishni va’da qilgan shahs qo‘lga olindi. Shuningdek, Surxondaryoda 2 gektar yerni 100 mln so‘mga sotmoqchi bo‘lgan shaxs qo‘lga olindi.
17 iyul kuni O‘zbekistonda 507 nafar kishida koronavirus infeksiyasi qayd etildi. 436 nafar kishida pnevmoniya aniqlanib, 3 nafar bemor vafot etdi.
Qaymoqli, yogurtli, shokoladli va mevali — Zira.uz uyda tayyorlasa bo‘ladigan muzqaymoqlar retseptlari ro‘yxatini taqdim etadi.
Qo‘shimcha imkoniyatlarga ega bulish uchun saytda ro‘yxatdan o‘ting