Arxiv
Jismoniy shaxslarga YATT ochib, taksi xizmatlarini ko‘rsatishga ruxsat berildi
Eksperiment tariqasida yakka tartibdagi tadbirkorlarga 4 ta o‘rindiqli yengil avtotransportda yo‘lovchi tashish faoliyati bilan shug‘ullanish huquqi berilmoqda. Yakka tartibdagi tadbirkorlarga taksi faoliyati bilan shug‘ullanish uchun boshlang‘ich to‘lov 5 barobarga kamaytirilib 690 ming so‘mni, oylik to‘lov 1,5 barobarga kamayib 425 ming so‘mni tashkil qiladi.
Toshkentda «O‘lmas polk» aksiyasi o‘tkazilmaydi
Ijtimoiy tarmoqlarda 9 may kuni Toshkent shahrida «O‘lmas polk» aksiyasini o‘tkazishga ruxsat berilgani haqidagi xabarlarga poytaxt ma’muriyati munosabat bildirdi. Hokimiyat bugungi pandemiya sharoitida «O‘lmas polk» aksiyasini o‘tkazishga ruxsat berilmaganligini ta’kidladi.
«Har bir bitiruvchi kamida 2 ta chet tilini mukammal bilishi shart» — Shavkat Mirziyoyev
Prezident videoselektorda 53 ming nafar o‘qituvchining atigi 4 foizi milliy va xalqaro sertifikatga egaligi, 11 ming o‘qituvchining 49 foizi esa testdan o‘ta olmaganini ta’kidladi. Davlat rahbari bundan buyon bitiruvchilar kamida 2 ta chet tilini mukammal bilishi kerakligini aytdi. «Bu qat’iy talab har bir ta’lim muassasasi rahbari faoliyatining asosiy mezoniga aylanishi lozim», — dedi u.
«Paxtakorni tvitterda tortishishsin deb qo‘shishgan» — Twitter foydalanuvchilari «Paxtakor» klubining 82,7 mlrd zarar ko‘rgani haqida
Toshkentning «Paxtakor» futbol klubi 2020 yilda eng ko‘p zarar ko‘rgan 10 ta davlat korxonalari reytingiga kirdi. Klub o‘tgan yilda 82,7 mlrd so‘m zarar ko‘rgan. Twitter tarmog‘ida ushbu holat yuzasidan turli xil fikrlar bildirildi. «Paxtakor» futbol klubi oxirgi yillarda davlat byudjetidan mablag‘ olmaganligini ta’kidladi.
Botir Saidov Xorazm viloyati hokimi o‘rinbosari etib tayinlandi
Xorazm viloyati hokimining turizm va sportni rivojlantirish masalalari bo‘yicha o‘rinbosari vazifasida ishlab kelayotgan Botir Saidov Xorazm viloyati hokimining turizm, sport, madaniyat, madaniy meros va ommaviy kommunikasiyalar masalalari bo‘yicha o‘rinbosari etib tayinlandi.
Sobiq bosh prokuror qamoqxonada tikuv sexida ishlayapti, sobiq DXX raisi chinni idishlarga naqsh solmoqda — inson huquqlari himoyachisi
Chorshanba kuni Ombudsman huzuridagi ekspert guruhi Toshkent viloyatidagi 22-sonli jazoni jazoni ijro etish koloniyasiga tashrif buyurdi. Inson huquqlari himoyachisi Abdurahmon Tashanov sobiq bosh prokuror Rashidjon Qodirov qamoqxonada tikuv sexida ishlayotgani, DXX sobiq raisi Ixtiyor Abdullayev esa chinni idishlarga naqsh solayotganini ma’lum qildi. Tashanov shuningdek sobiq MXX polkovnigi Javdat Sharifxo‘jayev ham bilan ko‘rishgan.
Dollarning rasmiy kursi ketma-ket to‘rtinchi marta pasaydi
Dollarning rasmiy kursi 7 so‘mga arzonladi va jami 10 493 so‘m etib belgilandi. Yevro va rubl kurslari esa biroz ko‘tarildi.
IIV Samarqandlik «Alisher» ismli fuqaroga qamash bilan tahdid qilinmaganligini aytmoqda
YouTube`dagi «Planetka» kanali ijodkorlari Samarqanddagi sayohatida ularga hamroh bo‘lgan Alisher ismli fuqaroni turizm politsiyasi 15 kunga qamash bilan tahdid qilgani haqida ma’lum qildi. Ichki ishlar vazirligi ushbu holat haqiqatga mos kelmasligini ta’kidladi. Vazirlik unga faqat litsenziya olib, keyin turistlarga xizmat ko‘rsatish kerakligi tavsiya qilinganini aytmoqda.
Qoraqalpog‘iston qishloq xo‘jaligi va agrotexnologiyalar instituti tashkil etiladi
2021−2022 o‘quv yilidan Toshkent davlat agrar universitetining Nukus filiali negizida Qoraqalpog‘iston qishloq xo‘jaligi va agrotexnologiyalar instituti tashkil etiladi.
TIV rahbari Abdulaziz Kamilovning may-iyun oylarida Bryusselga borishi kutilmoqda
O‘zbekiston may-iyun oylarida Yevropa Ittifoqi bilan aloqalarni faollashtiradi. 23−27 may kunlari YeIning Markaziy Osiyo bo‘yicha maxsus vakili Piter Burian mamlakatga kelishi, tashqi ishlar vaziri Abdulaziz Kamilovning esa Bryusselga tashrifi kutilmoqda.
«„Sputnik V“ vaksinasi amaldorlar uchun olib kelingan degan qarash juda noto‘g‘ri» — SES boshlig‘i o‘rinbosari
SES boshlig‘i o‘rinbosari COVID-19`ga qarshi «Sputnik V» vaksinasi bilan «faqat amaldorlar emlanayotgani haqidagi qarash juda noto‘g‘ri» ekanligini ma’lum qildi. Uning ta’kidlashicha, mazkur vaksina bilan faqatgina 65 yoshdan kattalar emlanishi ko‘zda tutilgan, shu sababli ushbu yoshdan kichiklarga rad javobi berilmoqda. 1 may kuni quyi palata spikeri o‘rinbosari 37 yoshli Odiljon Tojiyev «Sputnik V» vaksinasi bilan emlangan.
«Oltin daftar»ga xorijda yashab kelayotgan 484 nafar vatandoshlar kiritildi
Xorijda yashab kelayotgan O‘zbekiston taraqqiyotiga o‘z hissasini qo‘shish imkoniyatiga ega 484 nafar muvaffaqiyatli vatandoshlar «Oltin daftar»ga kiritildi.
Bir inson faqat bir turdagi vaksinani olishi kerak — SES boshlig‘ining o‘rinbosari
Bir odam ikki hil vaksina bilan emlanishi mumkin emas, ikkinchi boshqa vaksina qilish salbiy oqibatlarga olib kelishi mumkin, deya ma’lum qildi SES boshlig‘ining o‘rinbosari. Uning ta’kidlashiga ko‘ra, bunday holda organizmda immun-javob reaksiyasini o‘ziga xos kechishi va u odam kasallikka chalinib qolish ehtimoli bor.
Jizzaxda 12 yoshli qiz YTH oqibatida vafot etdi
Jizzax viloyatida Nexia-2 rusumli avtomashina mol boqib yurgan 12 yoshli qizni urib yuborgan. Buning oqibatda, qiz olgan tan jarohatlari bilan shifoxonada vafot etgan.
2021/2022-o‘quv yilidan klinik ordinaturaga qabul kvotasi ikki baravarga oshiriladi
2021/2022-o‘quv yilidan klinik ordinaturada o‘qitishning yangi tizimi joriy qilinib, qabul kvotalari ikki baravarga oshiriladi. Uch yil ishlab berish majburiyati asosida hududlarga zarur tor mutaxassisliklar bo‘yicha shifokorlarni tayyorlashga grant ajratiladi. Ularning yashash xarajatlari esa mahalliy byudjetdan qoplanadi.
Navoiyda YTH oqibatida 3 kishi vafot etdi
Navoiy viloyatida Tracker-2 rusumli avtomashina YTH sodir etishi natijasida, 2 nafar fuqaro voqea joyida, 1 nafar fuqaro shifoxonada vafot etdi.
2021 yilda bepul davolanish orderlari uchun qo‘shimcha 80 mlrd so‘m ajratiladi
2021 yilda respublika ixtisoslashtirilgan tibbiyot markazlarida bepul davolanishga orderlar berish uchun qo‘shimcha 80 mlrd so‘m ajratilmoqda. 1 noyabrga qadar bepul tibbiy yordam olish huquqini beruvchi order berish tizimi joriy etiladi. Ehtiyojmand oilalar «Ijtimoiy himoya yagona reyestri» orqali aniqlanadi.
Firdavs Abduxoliqov Kinematografiya agentligining bosh direktori bo‘ldi
«O‘zbekkino» Milliy agentligining bosh direktori lavozimida ishlab kelgan Firdavs Abduxoliqov Kinematografiya agentligining bosh direktori etib tayinlandi.
Toshket shahar IIBB boshlig‘i o‘rinbosari tayinlandi
Polkovnik Ravshan Sultanxodjayev Toshket shahar IIBB boshlig‘i o‘rinbosari — Huquqbuzarliklar profilaktikasi boshqarmasi boshlig‘i bo‘ldi.
Hamshiralik ishi o‘zini o‘zi band qiluvchi faoliyat turiga kiritiladi
Prezident farmoni bilan 1 iyuldan boshlab hamshiralik ishi o‘zini o‘zi band qiluvchi faoliyat turlari ro‘yxatiga kiritiladi. Hamshiralik bilan faqat o‘rta tibbiy yoki oliy ma’lumotga ega SSVning axborot tizimida ro‘yxatdan o‘tgan, qolaversa, belgilangan muddatlarda o‘z malakasini oshirib borganlar shug‘ullanishi mumkin bo‘ladi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting