Arxiv
«O‘zavtosanoat» transformatsiya ofisi ish boshladi
«O‘zavtosanoat» kompaniyasining Boston Consulting Group bilan hamkorlikda tashkil etilgan transformatsiya ofisi o‘z ishini boshladi. U ishlab chiqarish va biznes jarayonlarini modernizatsiya qilish hamda kompaniyani xususiylashtirish bosqichiga tayyorlashga yordam berishi kerak.
O‘zbekistonda vodorod energetikasi rivojlantiriladi
O‘zbekistonda qayta tiklanuvchi energiya manbalari va vodorod energetikasini rivojlantirish maqsadida Energetika vazirligi huzurida Qayta tiklanuvchi energiya manbalari milliy ilmiy-tadqiqot instituti tashkil etiladi.
Shavkat Mirziyoyev Pokiston bosh vaziri bilan videomuloqot orqali suhbatlashadi
Kelasi hafta Shavkat Mirziyoyevning Pokiston bosh vaziri Imron Xon bilan videomuloqoti rejalashtirilmoqda. Muloqotda ikki mamlakat o‘rtasidagi savdo-iqtisodiy va investitsiyaviy hamkorlikni rivojlantirish masalalari ko‘rib chiqiladi.
Rosselxoznadzor Farg‘ona viloyatidan Rossiyaga olib kirilayotgan o‘simlik mahsulotlariga bo‘lgan vaqtinchalik cheklovni olib tashladi
7 apreldan boshlab Farg‘ona viloyatidan Rossiya Federatsiyasi hududiga pomidor va qalampirdan tashqari barcha o‘simlik mahsulotlarini olib kirishga ruxsat berildi.
YeXHTning amaldagi raisi O‘zbekistonga tashrif buyuradi
YeXHTning amaldagi raisi, Shvetsiya tashqi ishlar vaziri Ann Kristin Linde kelasi hafta O‘zbekistonga tashrif buyuradi.
«Biror yerda ishlamasin, hamma oyligini davlatga topshirsin» — prezident lavozimidan olingan amaldorlar haqida
Shavkat Mirziyoyev ishdan olingan sektor rahbarlarini «siyosatga hiyonatchi» deb atadi. «Ishdan olinganlar ishlagan davridan boshlab hamma oyligini davlatga topshirsin. Televizorda rasmini chiqazib, „xiyonatchi“ deb berish kerak», — dedi prezident.
Toshkent va Farg‘onada yaroqsiz batareykalarni yig‘adigan 171 ta konteynerlar o‘rnatildi
Toshkent shahar va Farg‘onadagi chiqindilarni yig‘ish punktlarida ishlatilgan batareykalarni yig‘ish uchun konteynerlar o‘rnatildi. Hozirda ular 171 ta tashkil etmoqda va keyinchalik respublikaning barcha chiqindi yig‘ish joylari qamrab olinishi ko‘zda tutilgan.
Shina zavodi ishi bo‘yicha tergov olib borilmoqda — Hisob palatasi
Deputat Doniyor G‘aniyev Angrendagi shina zavodi loyihasi oxirigacha o‘ylanmagani va samarasiz faoliyat yuritayotgani masalasini ko‘tarib chiqdi. Hisob palatasi rahbari o‘rinbosari Bahodir Turobov esa mazkur loyiha bo‘yicha materiallar Prezident administratsiyasi topshirig‘i bilan huquqni muhofaza qilish organlariga taqdim etilganini ma’lum qildi.
Jahon yangiliklari dayjesti
Xitoyning qashshoqlikka qarshi kurashish tajribasi haqidagi Oq kitobi, Mozambikda 12 chet ellikning o‘ldirilgani, Madriddagi namoyishlarda ikkita partiya a’zolarining to‘qnashuvi va boshqa yangiliklar — “Gazeta.uz"ning jahon yangiliklari dayjestida.
Sanoat zonalarini infratuzilma bilan ta’minlashga 2 trln so‘mdan ortiq mablag‘ ajratiladi
O‘zbekiston prezidenti respublikadagi sanoat zonalarini infratuzilma bilan ta’minlashga 2 trln so‘mdan ortiq mablag‘ ajratilishini qayd etdi. Alisher Sultonov, Sherzod Hidoyatov va Abdurahmon Abduvaliyevga sanoat zonalaridagi elektr energiya, gaz, suv va yo‘l bilan bog‘liq muammolarni hal etish topshirildi. Biznes-ombudsman esa aybdorlarni ishdan olish va jarimaga tortish bo‘yicha taklif kiritadi.
Senatning 14 yalpi majlisi 23 aprel kuni chaqiriladi
Senatning 14 yalpi majlisi 23 aprel kuni chaqiriladi. Unda fazoviy ma’lumotlar, noshirlik faoliyati, psixiatriya yordamiga oid qonunlarni ko‘rib chiqish reja qilingan. Qolaversa, Hisob palatasi, Bosh prokuratura hamda Markaziy bankning 2020 yildagi faoliyati to‘g‘risidagi hisobotlari muhokama qilinadi.
Shavkat Mirziyoyev Qashqadaryo va Navoiy viloyatlari hokimlariga hayfsan berdi
Prezident Shavkat Mirziyoyev videoselektor yig‘ilishida Qashqadaryo va Navoiy viloyatlari hokimlariga hamda Markaziy bank raisining birinchi o‘rinbosariga hayfsan berdi. Bundan tashqari, Qashqadaryo va Navoiy viloyatlarida kamchiliklarga yo‘l qo‘ygan bir qator sektor rahbarlari ishdan oldi.
Ramazon oyining boshlanishi 13 aprelga to‘g‘ri keladi
O‘zbekistonda Ramazon oyining boshlanishi 13 aprelga to‘g‘ri kelishi ma’lum qilindi. Prezident ushbu oyni munosib tarzda o‘tkazish to‘g‘risidagi qarorni imzoladi.
«3 oyda o‘zgarish bo‘lmasa, birinchi rahbarlarni ham ishdan olaman» — prezident
Shavkat Mirziyoyev boshchiligida o‘tayotgan videoselektorda davlat rahbari sektor rahbarlari ishdan olinishi haqida gapirdi. «3 oyda o‘zgarish bo‘lmasa, birinchi rahbarlarni ham ishdan olaman», — dedi prezident.
Dollarning rasmiy kursi arzonladi
Dollarning rasmiy kursi 6 so‘mga arzonladi va jami 10 473 so‘m etib belgilandi. Shuningdek, yevro kursi ham pasaydi, rubl esa qimmatladi.
Andijon shahar Xalq ta’limi bo‘limi boshlig‘i jinoyat ustida qo‘lga olindi
Andijonda yaqin tanishlarini attestatsiyadan o‘tkazish, uch kishini maktab direktori va o‘rinbosari lavozimlariga tayinlash masalasini ijobiy hal qilishi evaziga 8400 dollarni olgan shaxs ushlandi. U pulning 900 dollarini Andijon shahar XTB boshlig‘iga olib borishi kerakligini aytgan. Tezkor tadbir davomida XTB rahbari ham 900 dollar bilan qo‘lga tushgan.
Tashqi ishlar vazirining yangi o‘rinbosari tayinlandi
G‘ayrat Fazilov tashqi ishlar vazirining Yevropa davlatlari bilan hamkorlik va xalqaro tashkilotlar doirasidagi o‘zaro aloqalar bo‘yicha o‘rinbosari etib tayinlandi.
Bishkekda qiz olib qochishga qarshi miting o‘tkazildi
Qirg‘izistonda yuzlab odamlar 27 yoshli qizning turmush qurish uchun o‘g‘irlab ketilishi va keyinchalik uning o‘ldirilishi ortidan norozilik bildirib hukumat binosi oldida yig‘ilishdi. Namoyishchilar Ichki ishlar vazirligi rahbarining iste’foga chiqishini va «Kelinni o‘g‘irlash» moddasi uchun jazoni kuchaytirishni talab qilmoqda. Vaziyatga bosh vazir va prezident aralashdi.
Din ishlari bo‘yicha qo‘mitaga yangi rais tayinlandi
Sodiq Toshboyev Vazirlar Mahkamasi huzuridagi Din ishlari bo‘yicha qo‘mita raisi lavozimiga tayinlandi.
Namanganda futbol o‘yinidan so‘ng muxlislar tartibsizlik yuzaga keltirishdi
“Navbahor” — “Paxtakor” jamoalari o‘rtasida bo‘lib o‘tgan o‘yindan so‘ng (1:2), namanganlik muxlislar hakamlarning o‘yinda chiqargan qarorlaridan norozi bo‘lib, tartibsizliklar yuzaga keltirishdi.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting