Arxiv
“Axborot kodeksi OAV va jamoatchilik muhokamasidan keyin qabul qilinadi” — AOKA direktori
AOKA direktori Asadjon Xodjayevga ko‘ra, hozirda Axborot kodeksi loyihasining to‘rtinchi varianti ustida ish olib borilmoqda. Loyiha 2025-yil fevralida jamoatchilik muhokamasiga qo‘yiladi, so‘ng parlamentga kiritiladi. “Biz Axborot kodeksini hamma bilan kelishgan holda qabul qilishimiz kerak”, — dedi u.
Malayziya eksport-import banki O‘zbekistonning islom bank bozoriga kirish masalasini muhokama qilmoqda
Malayziya eksport-import banki rahbari va O‘zbekiston elchisi bankning O‘zbekiston Islom banking va sug‘urta (takaful) bozoriga kirishi, shuningdek, mamlakat banklariga moliyaviy resurslar ajratilishini muhokama qildi.
Prezident Jamshid Qo‘chqorovga “O‘zbekistonda xizmat ko‘rsatgan iqtisodchi” unvonini berdi
Prezident farmoni bilan bosh vazir o‘rinbosari — iqtisodiyot va moliya vaziri Jamshid Qo‘chqorovga “O‘zbekiston Respublikasida xizmat ko‘rsatgan iqtisodchi” faxriy unvoni berildi.
Samarqand davlat chet tillar instituti yotoqxonasi qurilishi sifatsiz ishlar sabab to‘xtatildi
Samarqand davlat chet tillar institutining yotoqxonasi qurilishi nazorat inspeksiyasi ro‘yxatidan o‘tkazilmay, o‘zboshimchalik bilan olib borilgani aniqlandi. Shuningdek, jarayon sifatsiz bajarilgani tufayli qurilish to‘xtatildi. Avvalroq Agrar universitet yotoqxonasi qurilishi ham kamchiliklar sabab to‘xtatilgandi.
“Kelasi yildan yo‘l haqi uchun naqd pul qabul qilinmaydi”. Transport vaziri — avtobuslar elektron to‘lov tizimiga o‘tishi haqida
Transport vaziri Ilhom Mahkamov kelasi yildan avtobuslarda yo‘l haqi uchun naqd pul qabul qilinmasligini, to‘liq elektron to‘lov tizimiga o‘tilishini ma’lum qildi. Bunda bekatlarga naqd pulga bilet yoki QR-kod sotib olish imkoniyati yaratiladi. Hozir bu tajriba Toshkent shahrida sinovdan o‘tkazilmoqda.
Nima tayyorlaymiz: issiq sho‘rvalar
Ko‘za sho‘rva, borshch, frikadelkali turkcha sho‘rva, loviyali pomidor sho‘rva va boshqa issiq sho‘rvalar retseptlari — Zira.uz jamlanmasida.
“Ukrainani NATOga taklif qilish — urushni to‘xtatishning yagona yo‘li” — Zelenskiy
Ukraina prezidenti Vladimir Zelenskiy o‘z mamlakatini NATOga taklif qilishni Rossiya bilan urushni tugatishning yagona yo‘li deb atadi. Uning fikricha, bu Kiyevning muzokaralardagi pozitsiyasini mustahkamlaydi va ukrainaliklarning ruhiyatini oshiradi.
Janubiy Koreyaning HAEAHN kompaniyasi Yangi Toshkentdagi 500 mln dollarlik tibbiy klaster bosh rejasini ishlab chiqdi
Janubiy Koreyaning HAEAHN Architecture kompaniyasi Yangi Toshkentda 420 gektar maydonda tibbiy klaster bosh rejasini ishlab chiqdi. Uning qiymati 500 mln dollarga baholanmoqda. 2007-yilda kompaniya hozirgi Toshkent shahri o‘rnida biznes majmuasi loyihasini ham ishlab chiqqandi.
Vazirlarda raqamlashtirish va xususiylashtirish bo‘yicha o‘rinbosarlar paydo bo‘ladi — Davaktiv rahbari
2025-yil O‘zbekistonda barcha sohalarga xususiy sektorni jalb qilish yili bo‘ladi, dedi Davaktiv rahbari Akmalxon Ortiqov prezidentga tayanib. Unga ko‘ra, davlat rahbari vazirlarning raqamlashtirish va xususiylashtirish masalalari bo‘yicha o‘rinbosarlarini tayinlash bo‘yicha topshiriqlar bergan.
“Sud jarayonlarining yoritilishi aholining ishonchini oshiradi” — jinoyat ishlari bo‘yicha sudya
“Gazeta.uz” sud jarayonlarini yoritishda bir necha bor to‘siqlarga duch kelgan. Biz jinoyat ishlari bo‘yicha sudya Sarvar Mamadiyev bilan jurnalistlarning sud zalida bo‘lishi qoidalari, jarayonlarni yoritishga qo‘yiladigan taqiq sabablari haqida suhbatlashdik va tahririyat duch kelgan holatlarni muhokama qildik.
Akmal Saidov: O‘zbekiston hech qanday harbiy tuzilmalarga qo‘shilmaydi
Qonunchilik palatasi spikerining birinchi o‘rinbosari Akmal Saidov O‘zbekiston hech qanday harbiy tuzilmalarga qo‘shilmasligi va Yevroosiyo iqtisodiy ittifoqida (YeOII) kuzatuvchi davlat sifatida qolishini ma’lum qildi.
Netanyahu G‘azo va Livandagi urushni davom ettirishni ma’lum qildi
Isroil bosh vaziri Binyamin Netanyahu HAMAS yetakchisi Yahyo Sinvar o‘ldirilgani ortidan G‘azo va Livanda urushni davom ettirishga va’da berib, guruh tomonidan garovga olinganlar ozod qilinmaguncha janglar to‘xtamasligini aytdi.
Shahar parklari qanday bo‘lishi kerak? Dendrolog nuqtai nazari
“Toshkent ilgari yashil shahar edi”, deb eslaydi taniqli dendrolog Atirgul Xolmirzayeva. U poytaxtni yana yashil qilish mumkin, deydi. Boshlanishiga esa daraxtlarni kesish va ularga zarar yetkazishni, suv havzalarini qisqartirishni to‘xtatish kerak. Buning ijtimoiy va iqtisodiy samaralari o‘zini uzoq kuttirmaydi.
“Odamlar uchun ma’lumotlarning ochiq bo‘lishi juda muhim” — Akiko Fujii korrupsiyaga qarshi kurashish haqida
BMT Taraqqiyot dasturining O‘zbekistondagi doimiy vakili Akiko Fujiiga ko‘ra, O‘zbekiston hukumati korrupsiyaga qarshi kurashishda dalillarga asoslanib ish yuritishga o‘tishi lozim. “Odamlar uchun ma’lumotlarning ochiqligini ta’minlash va jamiyatdagi shaffoflikni yaxshilash juda muhimdir”, — dedi u.
Toshkentdagi O‘zbekiston ovozi ko‘chasining bir qismi 2 oyga yopildi
Mirzo Ulug‘bek tumanidagi O‘zbekiston ovozi ko‘chasining Shahrisabz ko‘chasi bilan kesishmasidan Istiqlol ko‘chasiga qadar qismi dekabr oyi oxirigacha yopildi. Bunga ta’mirlash ishlari sabab qilib ko‘rsatilgan.
Dam olish kunlari harorat ko‘tariladi
Dam olish kunlari O‘zbekistonning katta qismida iliq ob-havo saqlanib turadi. Harorat kechasi +10…+12, kunduzi +25…+28 darajani tashkil qiladi.
Toshkent hayvonot bog‘ining 100 yilligi munosabati bilan fotoko‘rgazma tashkil etiladi
19 va 20-oktabr kunlari Fotosuratlar uyida Toshkent hayvonot bog‘ining 100 yilligiga bag‘ishlangan ko‘rgazma bo‘lib o‘tadi. Tashrif buyuruvchilar poytaxt hayvonot bog‘ining uzoq tarixini aks ettiruvchi 100 dan ortiq arxiv fotosuratni ko‘rishlari mumkin bo‘ladi.
Dam olish kunlari Toshkentda qayerlarga borish mumkin? (19−20-oktyabr)
“Yovvoyi robot”, “Jigar” va yana beshta kinopremyera, qo‘l mehnat mahsulotlari yarmarkalari, hayvonot bog‘ining yubileyi munosabati bilan fotoko‘rgazma, Mot konserti, ko‘rgazmalar, spektakllar, ijodiy mahorat darslari, bolalar uchun va kelayotgan dam olish kunlaridagi boshqa tadbirlar — Afisha.uz jamlanmasida.
Usmon Sharifxodjayev Ijtimoiy himoya milliy agentligi direktoriga o‘rinbosar bo‘ldi
Usmon Sharifxodjayev Ijtimoiy himoya milliy agentligi direktoriga o‘rinbosar bo‘ldi. U 2020-yildan buyon maktabgacha va maktab ta’limi vazirining birinchi o‘rinbosari sifatida ishlab kelayotgandi.
Namanganda 8 yoshli bola yuk mashinasi urib ketishi oqibatida vafot etdi
Namangan shahrida yuk mashinasini boshqarib kelayotgan haydovchi ehtiyotsizlik oqibatida velosipeddagi 8 yoshli bolani urib ketgan. Jabrlanuvchi shifoxonada vafot etgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting