Arxiv
Dollarning rasmiy kursi ketma-ket uchinchi kun ko‘tarildi
Dollarning rasmiy kursi 5,71 so‘mga ko‘tarildi va jami 10 630,75 so‘m etib belgilandi. Shuningdek, yevro kursi biroz ko‘tarildi, rubl kursi esa biroz pasaydi.
«To‘lovni kechiktirgan fuqaro jarima to‘laydi, lekin ogohlantirishsiz elektr ta’minotini uzgan ta’minotchiga chora ko‘rilmaydi» — deputat
Qonunchilik palatasi deputati Maqsuda Vorisova barcha kommunal xizmatlar uchun aholi va ta’minotchi o‘rtasida tuziladigan shartnomalar qayta ko‘rib chiqilishi kerakligini ta’kidladi. «Elektr ta’minoti uchun to‘lovni 5 kunga kechiktirgan fuqaro jarima to‘laydi yoki ta’minotdan uzib qo‘yiladi. Lekin hech qanday ogohlantirishsiz elektr ta’minoti to‘xtatilsa yoki kuchlanish ortib ketgani sababli xonadonlardagi elektr asboblar ishdan chiqsa, ta’minotchiga chora ko‘rishning imkoni yo‘q», — dedi u.
Ishtixonda 8 tup daraxtlarni o‘zboshimchalik bilan kesgan fuqarolarga 63,7 mln so‘m kompensatsiya belgilandi
Samarqand viloyatining Ishtixon tumanida 3 nafar tomonidan 6 tup zarang va 2 tup shumtol daraxtlari o‘zboshimchalik bilan kesib tashlandi. Fuqarolarning har biriga 1 mln 225 ming so‘mdan jarima va 63 mln 700 mln so‘m tabiatga yetkazilgan zararni qoplash uchun kompensatsiya hisoblandi.
Tojikiston Afg‘onistondagi vaziyat tufayli KXSHTdan yordam so‘radi
Tojikiston KXSHTga Afg‘oniston bilan chegarada xavfsizlikni kuchaytirishga yordam berish iltimosi bilan murojaat qildi. Avvalroq, KXSHT agar Tojikiston siyosiy, harbiy va harbiy-texnik yordam ko‘rsatish bo‘yicha murojaat qilsa qo‘llashga tayyor ekanligini ma’lum qilgan edi.
Taksichilik bilan shug‘ullanuvchi jismoniy shaxslar qanday soliqlar to‘laydi?
Taksichilik faoliyati bilan shug‘ullanuvchi YATTlar 2021 yil uchun har oylik 150 ming so‘m qat’iy belgilangan miqdordagi ijtimoiy soliqni to‘laydilar. Berilgan litsenziya varaqasi bo‘yicha bir yilga 245 ming so‘m miqdorida davlat boji undiriladi. 1 sentyabrgacha YATT sifatida davlat ro‘yxatidan o‘tganlar uchun davlat boji undirilmaydi.
Samarqandda totalizatorda katta miqdorda pul yutqazgan 18 yoshli yigit o‘z joniga qasd qildi
Samarqandlik 18 yoshli bola totalizatorda katta miqdorda pul yutqazib, qarz bo‘lib qolganligi uchun o‘z joniga qasd qilganligi aytilmoqda. Ushbu holat Daryo muxbirining Bosh prokuraturaga murojaatidan keyin aniqlanib, tergovga qadar tekshirish ishlari boshlandi.
7 iyul kuni 208 kishida pnevmoniya aniqlandi
Chorshanba kuni O‘zbekistonda 490 nafar fuqaroda koronavirus, 208 nafar kishida pnevmoniya aniqlandi. Shuningdek, so‘nggi kun ichida 2 nafar koronavirus bemori vafot etdi.
O‘zbekistonda 6 oy ichida qariyb 19,5 mingta ajrim qayd etilgan
Yanvar-iyun oylarida respublika bo‘ylab 19 ming 406 ta ajrim holatlari qayd etilgan. Hududlar bo‘yicha eng ko‘p ajrim Toshkent shahri, Farg‘ona hamda Samarqand viloyatlarida qayd etilgan.
Tokioda koronavirus tufayli 12 iyuldan favqulodda vaziyat joriy etiladi
23 iyul kuni Olimpiada o‘yinlarining ochilishi rejalashtirilgan Tokioda koronavirus tufayli 12 iyuldan 22 avgustgacha favqulodda vaziyat e’lon qilinadi. Xalqaro Olimpiya qo‘mitasi boshchiligida tomoshabinlar sonidagi cheklovlarni qayta ko‘rib chiqilishi ko‘zda tutilmoqda.
Toshkentda Markaziy va Janubiy Osiyo mintaqalari bo‘yicha konferensiya bo‘lib o‘tadi
15−16 iyul kunlari Toshkent shahrida «Markaziy va Janubiy Osiyo: mintaqaviy bog‘liqlik. Tahdidlar va imkoniyatlar» mavzusidagi xalqaro konferensiya bo‘lib o‘tadi. Tadbirda O‘zbekiston, Afg‘oniston prezidentlari, Pokiston va boshqa xorijiy davlatlarning tashqi ishlar vazirlari hamda yuqori darajadagi vakillari ishtirok etadi.
Yevro-2020. Italiya finalda Angliyaga qarshi bahs olib boradi
Yevropa chempionatining yarim final o‘yinlari bo‘lib o‘tdi va finalchilar nomi ma’lum bo‘ldi. Unga ko‘ra, Italiya — Angliya terma jamoalari o‘zaro kuch sinashishadi. Final uchrashuvi 11 iyul kuni o‘tkaziladi.
7 iyul kuni O‘zbekistonda sodir bo‘lgan eng muhim xabarlar dayjesti
Bir qator davlat idoralarining rahbariyatidagi o‘zgarishlar, yangi telekanalning ish boshlashi, metro bekatlarida svet o‘chishi, Komil Allamjonovning Saida Mirziyoyeva va Gulnora Karimovani taqqoslash haqidagi fikri — «Gazeta.uz»ning 7 iyuldagi eng muhim xabarlari dayjestida.
Tanzila Narbayeva koronavirusga qarshi emlandi
Oliy Majlis Senati raisi Tanzila Narbayeva may-iyun oylarida koronavirusga qarshi Rossiyaning «Sputnik V» vaksinasi bilan emlangan.
Maktabgacha ta’lim vaziriga yangi o‘rinbosar tayinlandi
Nodir Muslitdinov maktabgacha ta’lim vazirining yangi o‘rinbosari etib tayinlandi.
Jahon yangiliklari dayjesti (to‘ldirildi)
Gaiti prezidentining o‘z uyida o‘ldirilgani, Turkmanistonda majburiy emlashning joriy etilgani, Litvaning Belarus bilan chegara hududida devor barpo etishi va boshqa yangiliklar — «Gazeta.uz»ning jahon yangiliklari dayjestida.
Moody’s O‘zbekiston kredit reytingini «V1» darajasida saqlab qoldi, biroq prognozini oshirdi
Moody’s agentligi O‘zbekistonning kredit reytingini «B1» darajasida saqlab qoldi, biroq «barqaror» prognozini «ijobiy»ga o‘zgartirdi. Bunga mamlakatning institutsional salohiyati yaxshilangani va davlat siyosati samaradorligi ijobiy ta’sir ko‘rsatdi.
Komil Allamjonov — Saida Mirziyoyeva va Gulnora Karimovani taqqoslash haqida fikr bildirdi
Komil Allamjonov Saida Mirziyoyevaning ba’zi tashabbuslarini Gulnora Karimovaning g‘oyalari va loyihalari bilan taqqoslash haqida fikr bildirdi. «U paytdagi xatolar bizga ko‘proq bu yo‘lda xato qilishimizga yoki ularning qilgan xatoliklari bizga bir ko‘rgazma, aslida. Biz shu xatolarni qilsak, loyihalarni shunday xatolik bilan qilsak qanday oqibatlarga olib kelishini ko‘rganmiz. Bu bizga saboq», — deya qo‘shimcha qiladi u.
Dollarning rasmiy kursi yana ko‘tarildi
Dollarning rasmiy kursi 22,48 so‘mga ko‘tarildi va jami 10 625,04 so‘m etib belgilandi. Shuningdek, yevro kursi biroz ko‘tarildi, rubl kursi esa biroz pasaydi.
Buzilishini kutayotgan mahalla Nodira Sulaymonova obyektivida
Toshkent shahri Mirzo Ulug‘bek tumanida 5 yildan buyon buzilishini kutib yashayotgan mahalla hikoyasi Nodira Sulaymonova fotosuratlarida.
Navoiy IESda gaz sizib chiqishi tufayli elektr energiyasi ta’minotida uzilishlar kuzatilishi mumkin
Navoiy issiqlik elektr stansiyasining bug‘-gaz qurilmalarini tabiiy gaz bilan ta’minlovchi quvurida gaz sizib chiqdi. Nosozlikni bartaraf etish ishlarini xavfsiz bajarish uchun gaz ta’minoti to‘xtatilmoqda. «Shu sababli respublikamizning ayrim hududlarida elektr energiyasi ta’minotida qisqa muddatli uzilishlar kuzatilishi mumkin», — deya ma’lum qildi Energetika vazirligi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting