Arxiv
Dollarning rasmiy kursi yana ko‘tarildi
Dollarning rasmiy kursi 22,48 so‘mga ko‘tarildi va jami 10 625,04 so‘m etib belgilandi. Shuningdek, yevro kursi biroz ko‘tarildi, rubl kursi esa biroz pasaydi.
Buzilishini kutayotgan mahalla Nodira Sulaymonova obyektivida
Toshkent shahri Mirzo Ulug‘bek tumanida 5 yildan buyon buzilishini kutib yashayotgan mahalla hikoyasi Nodira Sulaymonova fotosuratlarida.
Navoiy IESda gaz sizib chiqishi tufayli elektr energiyasi ta’minotida uzilishlar kuzatilishi mumkin
Navoiy issiqlik elektr stansiyasining bug‘-gaz qurilmalarini tabiiy gaz bilan ta’minlovchi quvurida gaz sizib chiqdi. Nosozlikni bartaraf etish ishlarini xavfsiz bajarish uchun gaz ta’minoti to‘xtatilmoqda. «Shu sababli respublikamizning ayrim hududlarida elektr energiyasi ta’minotida qisqa muddatli uzilishlar kuzatilishi mumkin», — deya ma’lum qildi Energetika vazirligi.
Toshkent elektr ta’minotidagi nosozlik sabab 3 ta metro bekatida svet o‘chdi
7 iyul kuni Toshkent shahar elektor taminoti tizimida yuzaga kelgan nosozlik sababli metropolitenining “Chilonzor”, “Yunusobod”, “O‘zbekiston” yo‘nalishlaridagi bekatlarida svet o‘chdi. Ma’lum qilinishicha, bu holatda poyezdlar harakati to‘xtamagan.
Yaqin kunlarda shamol va chang bo‘ronlarining kuchayishi kutilmoqda
8−10 iyul kunlari butun O‘zbekiston bo‘ylab shamol 20 m/s gacha kuchayishi kutilmoqda, ba’zi joylarda changli bo‘ron bilan 25−30 m/s gacha kuchayishi mumkin.
«Hidoyat sari» ilmiy-ma’rifiy telekanali ish boshladi
MTRK raqamli platformasida internet orqali efirga uzatiladigan «Hidoyat sari» ilmiy-ma’rifiy telekanali ishga tushirildi. Telekanalda «diniy ilmiy ekspertizadan o‘tgan, turli talqinga o‘rin bermaydigan darajada ishonchli ma’lumotlarga asoslangan» ko‘rsatuvlar va suhbatlar namoyish etiladi.
Samarqand va Surxondaryoda sodir bo‘lgan uchta YTH oqibatida to‘rt kishi halok bo‘ldi
Samarqand viloyatida 5−6 iyul kunlari odam o‘limi bilan sodir bo‘lgan ikkita YTH ro‘y berdi. Toyloq tumanida Spark yuqori tezlikda beton to‘siqqa urilib ketdi va oqibatda haydovchi vafot etdi. Oqdaryo tumanida Lada Largus yuk mashinasi bilan to‘qnashdi. YTH oqibatida ikki kishi halok bo‘ldi. Surxondaryoda sodir bo‘lgan baxtsiz hodisa natijasida Cobalt qarama-qarshi yo‘lga chiqib ketib, yuk mashinasiga urilib ketdi va haydovchi halok bo‘ldi.
Samarqand xalqaro aeroportiga yangi direktor tayinlandi
Saydullo To‘xtasinov Samarqand xalqaro aeroportining yangi direktori etib tayinlandi. Shu bilan birga u Andijon xalqaro aeroporti direktori vazifasida faoliyat yuritadi.
Davlat organi xodimlari onlayn ochiq tanlov asosida ishga qabul qilinadi
Prezident qarori bilan 2021 yil 1 sentyabrdan davlat organlari va tashkilotlari xodimlari onlayn ochiq tanlov asosida ishga qabul qilinadi. Barcha davlat tashkilotlari, viloyat hokimliklarida korrupsiyaga qarshi ichki nazorat tuzilmalari faoliyati yo‘lga qo‘yiladi. 1 avgystdan davlat xaridlari sohasidagi tenderlar natijalari ochiq e’lon qilinadi.
Qashqadaryoda 17 yoshli futbolchi cho‘kib ketib, vafot etdi
Qashqadaryo viloyatining Qamashi tumanida 17 yoshli futbolchi cho‘kib ketdi. Asadbek To‘rayev «Qamashi» futbol klubi bilan birgalikda DXX raisi kubogida chempion bo‘lgan edi.
Akmal Farm dorilarni yetkazib berish xizmatini taqdim etdi
Toshkentda dori-darmonlarni yetkazib berish uchun Pharm Express xizmatlari yo‘lga qo‘yildi.
Bosh vazir o‘rinbosari Behzod Musayev koronavirusga qarshi emlandi
7 iyul kuni Bosh vazir o‘rinbosari Behzod Musayev ham koronavirusga qarshi emlandi.
Korrupsiyada aybdor deb topilganlar ochiq elektron reyestriga kiritiladi
Prezident farmoni bilan korrupsiyaga oid jinoyatlarni sodir etishda aybdor deb topilganlarning ochiq elektron reyestri yuritilishi yo‘lga qo‘yiladi. Ushbu ro‘yxatga kiritilganlar davlat xizmatiga qabul qilinishi va davlat mukofotlari bilan taqdirlanishi, tadbirkorligi davlat xaridlarida ishtirokchi (ijrochi) sifatida qatnashishi taqiqlanadi.
Vaksinalar haqidagi keng tarqalgan feyk xabarlar va noto‘g‘ri farazlar
Koronavirus pandemiyasi boshlangandan buyon ushbu kasallik to‘g‘risida ham, unga qarshi ishlab chiqarilgan vaksina haqida ham turli xil uydirma va ilmiy asosga ega bo‘lmagan yolg‘on xabar va ma’lumotlar tarqalib kelmoqda. «Vaksina bilan birgalikda odamlarga kuzatuv mikrochiplari joylashtirilishi», «kasallikdan tuzalgandan so‘ng emlanish shart emasligi», shular jumlasidan. Vaksina haqidagi eng mashhur feyklar va noto‘g‘ri farazlar haqida «Gazeta.uz» maqolasida.
6 iyul kuni 195 kishida pnevmoniya aniqlandi
Seshanba kuni O‘zbekistonda 471 nafar fuqaroda koronavirus, 195 nafar kishida pnevmoniya aniqlandi. Shuningdek, so‘nggi kun ichida 4 nafar koronavirus bemori vafot etdi.
Davlat xizmatchilari daromadlari deklaratsiyasi 1 yanvardan joriy etiladi
2022 yil 1 yanvardan davlat xizmatchilari, ularning turmush o‘rtog‘i va voyaga yetmagan farzandlarining daromadlari va mol-mulkini deklaratsiya qilish tizimi joriy etiladi. Ularga xorijda bank hisobraqamlarini ochish taqiqlanadi. Manfaatlar to‘qnashuvini oshkor qilish va oldini olish bo‘yicha chora ko‘rmaganlik uchun javobgarlik joriy qilinadi.
Talabalar uchun Prezident granti joriy etildi
2021−2022 o‘quv yilidan OTMga kirish imtihonida eng yuqori ball to‘plagan 200 nafar abiuturiyent uchun prezident granti joriy etildi. Grant sohiblari davlat granti asosida o‘qishga qabul qilinadi. O‘qish davomida grantni olish uchun barcha fanlardan «a’lo» baho olish kerak bo‘ladi. O‘qish yakuniga qadar Prezident grantini olganlar magistraturaga imtihonlarsiz davlat granti asosida qabul qilinadi.
«O‘zbekiston temir yo‘llari» 899 mln so‘mlik qurilish materiallari talon-toroj qilinganini rad etdi
«O‘zbekiston temir yo‘llari» yer usti metrosi qurilishida byudjet mablag‘lari talon-toroj qilingani haqidagi xabarlarni rad etdi. Kompaniyaning aniqlik kiritishicha, noma’lum shaxslar 899 mln so‘mlik kabel mahsulotlarini o‘g‘rilagan. Avvalroq transport prokurori Ma’rufjon Xodjayev transport prokurori Ma’rufjon Xo‘jayev xuddi shuncha miqdordagi talon-torojliklar haqida ma’lum qilgan edi.
6 iyul kuni O‘zbekistonda sodir bo‘lgan eng muhim xabarlar dayjesti
Prezidentning yangi qarorlari, Toshkentdagi radar va kameralar ro‘yxati, Surxondaryoda 109 tup qimmatbaho daraxtlar ruxsatnomasiz kesib tashlanishi, Nurmat Otabekovning koronavirusga qarshi emlash to‘g‘risidagi fikri — “Gazeta.uz"ning 6 iyuldagi eng muhim xabarlari dayjestida.
«Samarqandda 10 kunda 860 kishida koronavirus aniqlangan» — viloyat hokimi. SSV statistikasi buni tasdiqlamaydi
Samarqand viloyati hokimi Erkinjon Turdimov 25 iyundan 5 iyulgacha Samarqandda 860 kishida koronavirus aniqlanganligini ma’lum qildi. Sog‘liqni saqlash vazirligining kunlik statistikasiga ko‘ra xuddi shu vaqt davomida viloyatda 693 ta yangi koronavirus bemorlari qayd etilgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting