Arxiv
Yanvar-may oylarida O‘zbekistonga 205 ta elektromobil import qilingan
2021 yilning birinchi besh oyida O‘zbekistonga xorijdan 205 ta elektromobil import qilingan. Import qilingan elektromobillar uchun 4,6 mln AQSh dollari sarflangan. Elektromobillarning 95% Toshkent shahriga olib kelingan.
Qashqadaryoda rahbar o‘z tashkilotiga qizni ishga olish uchun «birga bir kechani o‘tkazishni» taklif qilgani aytilmoqda
Qashqadaryo viloyat O‘rmon xo‘jaligi boshqarmasi boshlig‘i muxbir qizni matbuot kotibi sifatida ishga olish uchun o‘zi bilan «bir kechaga qolishni» taklif etgan. Muxbir qiz rahbar oldinroq ham shunga o‘xshash takliflar bildirganligini ta’kidlamoqda. Boshqarmadagi xodimlardan biri qizga tinch yurishini, rahbarning ukasi «katta joyda ishlashini» aytgan. O‘rmon xo‘jaligi davlat qo‘mitasi matbuot kotibi ushbu holat bo‘yicha surishtiruv bo‘layotganligini ma’lum qildi.
O‘zbekiston TURKPAga a’zo bo‘lish to‘g‘risida qaror qabul qildi — OAV
Senat raisining birinchi o‘rinbosari Sodiq Safoyev O‘zbekiston Turkiy tilli davlatlar parlament assambleyasiga a’zo bo‘lish to‘g‘risida qaror qabul qilganligini ma’lum qildi.
22 iyun kuni O‘zbekistonda 2 nafar koronavirus bemori vafot etdi, 419 ta yangi kasallanish holatlari qayd etildi
Kecha O‘zbekistonda 419 nafar fuqaroda koronavirus aniqlandi. Shuningdek, so‘nggi kun ichida 528 nafar bemor kasallikdan sog‘ayib, O‘zbekistonda sog‘ayish ko‘rsatkichi 96 foizni tashkil etmoqda.
Qozog‘iston politsiya xizmati 86 ta yangi Cobalt avtomobilidan foydalanadi
Shimoliy Qozog‘iston viloyati politsiyasiga 86 ta yangi Cobalt avtomobili topshirildi.
Sanatoriy, pansionat va oromgohlarga faqat koronavirusga test topshirganlar qo‘yiladi
Endilikda fuqarolar sanatoriy, pansionat va bolalar oromgohlariga faqat PZR test topshirgan holdagina qabul qilinadi, deya ma’lum qildi Sog‘liqni saqlash vazirligi.
“Bugungi sukunat orqali sohadagi barcha muammolarga e’tibor qaratishni istadik” — Kun.uz
Kun.uz 22-iyun kuni o‘zbek tilidagi xabarlar lentasini yangilamadi. Nashr mamlakatda so‘z erkinligi bilan bog‘liq ayrim qonunchilik me’yorlari hamon eski qoliplarda qolayotgani, bunday kamchiliklar istalgan vaqtda so‘z erkinligiga qarshi qurol sifatida foydalanilishi mumkinligini ma’lum qildi.
SSV dorixonalarni noqonuniy narkopreparatlar savdosi uchun qat’iy choralar ko‘rilishidan ogohlantirdi
Kuchli ta’sir qiluvchi dori vositalarini noqonuniy sotgan dorixonalar litsenziyasi bekor qilinadi, deya ogohlantirdi Sog‘liqni saqlash vazirligi. Bayonot poytaxtda shu kabi dori vositalarini sotish bo‘yicha qariyb 40 ta holat aniqlanganidan keyin e’lon qilindi.
Jahon yangiliklari dayjesti
Abu Dabida sayyohlarning COVID-19'ga qarshi bepul emlanishi, Venetsiya va Budapeshtning «tahdid ostida» bo‘lgan Jahon merosi obyektlari ro‘yxatiga kiritilishi, Qorabog‘dagi Shusha shahriga Ozarbayjon qo‘riqxonasi maqomining berilgani va boshqa yangiliklar — «Gazeta.uz»ning jahon yangiliklari dayjestida.
Sabzi narxining yaqin kunlarda arzonlashishi kutilmoqda — Qishloq xo‘jaligi vazirligi
Qishloq xo‘jaligi vazirligi noqulay ob-havo tufayli yetilishi kechikkan «ertapishar» sabzi hosilini yig‘ib olish boshlanganini ma’lum qildi. «Bu bozorni yangi sabzi bilan to‘liq ta’minlash va uning narxi bosqichma-bosqich arzonlashishiga olib keladi», — deya qayd etdi vazirlik.
22 iyun kuni O‘zbekistonda sodir bo‘lgan eng muhim xabarlar dayjesti
Jarimaga tortilgan Kun.uz va Azon.uz nashrlari rahbariyati, 50 yoshdan oshgan fuqarolar hamda OTM professor-o‘qituvchilarini emlash boshlanishi, koronavirus sababli O‘zbekiston Afg‘oniston bilan chegarani yopilishi, Navoiyda to‘rt nafar tilla qazuvchi vafoti — “Gazeta.uz"ning 22 iyundagi eng muhim xabarlari dayjestida.
Uchtepada boshqa shaxsga tegishli armaturani $35,7 mingga sotib yuborgan shaxs qo‘lga olindi
Uchtepa tumanida o‘zning 50 tonna armaturasini boshqa bir fuqaroga sotgan shaxsga nisbatan Jinoyat kodeksining firibgarlikka oid moddasi bilan jinoyat ishi qo‘zg‘atildi.
«Agrobank» vakillari Visa-Humo kobeydjing kartasining afzalliklari haqida so‘zlab berishdi
«Agrobank» ATB kobeyjing kartasini ochgan mijozlar O‘zbekiston va dunyoning 200 dan ortiq mamlakatlarida tovar hamda xizmatlar uchun to‘lovlarni amalga oshirish imkoniyatiga ega bo‘ladilar.
Niqobsiz shaxslar jamoat transportlari saloniga chiqarilmaydi
Respublika maxsus komissiyasi yo‘nalishli avtobus va metroga niqobsiz bo‘lgan shaxslarni transport vositalari saloniga chiqarmaslik bo‘yicha qarorni qabul qildi. Temir yo‘l vokzallari va aeroportlarda esa karantin choralariga rioya qilinishi qat’iy nazoratga olinadi.
Abdulla Aripov Rossiya bosh vaziri bilan uchrashdi
O‘zbekiston bosh vaziri Abdulla Aripov Moskvada Rossiya hukumati rahbari Mixail Mishustin bilan uchrashdi. Rossiya bosh vaziri O‘zbekistonning YeOIIda to‘laqonli ishtirok etishi iqtisodiyot o‘sishi uchun qo‘shimcha imkoniyatlar yaratishini ta’kidladi. Uchrashuvda, yangi o‘quv yilidan O‘zbekistonda Rossiya oliygohlarining yana uchta filiali ochilishi, Rossiyadan yana 200 nafar o‘qituvchilar O‘zbekistonga yuborilishi ma’lum qilindi.
«Maqsad bizning ovozimizni o‘chirish bo‘ldi» — Azon.uz rahbariyati saytdagi maqolalar uchun jarimaga tortildi
Azon.uz nashri rahbariyati saytda e’lon qilingan diniy mazmundagi maqolalar uchun jarimaga tortildi. Shuningdek, sud saytdagi ba’zi xorijiy xabarlarni «O‘zbekistonning boshqa davlatlar bilan munosabatini buzishi mumkin» deb topgan. Azon.uz bosh muharriri «Gazeta.uz»ga ushbu sud jarayonini «jurnalistik faoliyatga tajovuz» deya ta’rifladi. Uning aytishicha, Diniy qo‘mita tahririyatga diniy materiallarni mustaqil chiqarish uchun og‘zaki ruxsat bergan bo‘lgan. Sud qaroridan keyin nashr yangiliklarni e’lon qilishni to‘xtatdi.
Klaster usulida mebel ishlab chiqarish yo‘lga qo‘yiladi
Hududlarda klaster usulida mebel ishlab chiqarishga ixtisoslashgan kichik sanoat zonalari tashkil etiladi. Tadbirkorlar mahsulot eksportini yo‘lga qo‘ygan taqdirda bir qator imtiyozlarga ega bo‘ladi, qolaversa, homashyo va ehtiyot qismlar importi uchun bojxona bojidan ozod qilinadi.
Dollarning rasmiy kursi pasaydi
Dollarning rasmiy kursi 5,49 so‘mga pasaydi va jami 10 581,36 so‘m etib belgilandi. Shuningdek, yevro va rubl ham biroz pasaydi.
Navoiyda to‘rt nafar tilla qazuvchi vafot etdi, uch kishi shifoxonaga yotqizildi
Navoiy viloyatida noqonuniy ravishda tilla qumlarini qazib olish bilan shug‘ullangan to‘rt kishi «elektrodvijok»dan chiqqan yoqilg‘i tutunidan zaharlanib, vafot etgan. Yana uch nafar fuqaro shifoxonaga yotqizilgan.
Surxondaryoda tez yordam mashinasini o‘tkazmagan YPX xodimlari lavozimidan ozod etildi
Surxondaryo viloyatida o‘tkazilgan «Yoshlar festivali» sababli YPX xodimlari yo‘lning harakatlanish vaqtincha cheklangan qismida chaqiruv bo‘yicha manzilga ketayotgan tez yordam mashinasini o‘tkazmagan. Ma’lum bo‘lishicha, 21 iyun kuni ushbu xodimlar lavozimidan ozod etilgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting