Chinoz tumani hududidan o‘tuvchi M-39 yo‘lida Lacetti va Cobalt yengil avtomobillari to‘qnashdi. Natijada bir kishi voqea joyida vafot etdi, bir kishi tan jarohati bilan shifoxonaga yotqizildi.
Yunusobod tumanidagi “Oloy” bozori avtoturargohi hududida Immunitetni tekshirish bo‘yicha tibbiyot punktlari tashkil qilinmoqda. Bu yerda aholi COVID-19 ga test topshirish va uning natijalarini 24 soat mobaynida internet orqali olish imkoniyatiga ega bo‘lishi ta’kidlandi.
Koronavirus infeksiyasiga chalingan 55 yoshli toshkentlik bemor (erkak kishi) o‘tkir nafas va yurak qon-tomir yetishmovchiligi, o‘pka shishi, giperglikemik komadan vafot etdi. COVID-19 asoratlaridan vafot etganlar soni 128 nafarga yetdi.
Prezident farmoni loyihasiga ko‘ra, konsert faoliyatini litsenziyalash tugatilib, o‘rniga faoliyat haqidagi xabarnoma taqdim etish yo‘lga qo‘yiladi. O‘zbekiston Badiiy ijodkorlar uyushmasi a’zosi Husniddin Ato konsert faoliyatini litsenziyalash amaliyoti mumtoz musiqa rivojlanishiga qanday to‘sqinlik qilayotgan hamda nima uchun ushbu sohada konsert dasturlari deyarli tashkil etilmasligi haqidagi fikrlarini «Gazeta.uz» bilan bo‘lishdi.
Moliya vaziri o‘rinbosari Yorqin Tursunov olamdan o‘tdi. U 55 yoshda edi.
Qozog‘iston Prezidenti Qosim-Jomart Tokayev mamlakatda iyul oyi oxirigacha amalda bo‘lgan karantin tadbirlarini yana ikki haftaga cho‘zish va undan keyin bosqichma-bosqich yumshatishni buyurdi.
Belarus prezidenti Aleksandr Lukashenko koronavirus infeksiyasi bilan kasallanganini ma’lum qildi. Unda kasallik simptomsiz kechganini va u infeksiyani «oyoqda» o‘tkazganini ta’kidladi.
Hududlar bo‘yicha o‘rtacha oylik ish haqi e’lon qilindi. Unga ko‘ra, eng ko‘p oylik ish haqini Navoiy va Toshkent viloyatlari ishchilari olishadi. Eng kam oylik ish haqi sog‘liqni saqlash sohasida bo‘lsa, eng yuqorisi bank va IT sohalarida bo‘ldi.
Koronavirus bemorlari soni 276 nafarga ortib, jami 22169 kishini tashkil etmoqda. Yangi holatlar Toshkent shahrida, Qoraqalpog‘istonda, Toshkent, Sirdaryo, Namangan, Navoiy, Farg‘ona va Qashqadaryo viloyatlarida qayd etildi. Shu bilan birga, yana bir koronavirus bemori vafot etdi.
Surxondaryoda «solyarka» to‘la sisternada payvandlash ishlarining olib borilishi portlashga sabab bo‘ldi. Bir kishi vafot etdi, bir kishi jarohatlandi. Alangada yana bir yuk mashinasi yonib ketdi.
28 iyul kuni O‘zbekistonda koronavirusga chalinish va undan sog‘ayish bo‘yicha rekord qayd etildi. Umumiy ko‘rsatkich esa 21893 taga yetdi. 91 bemorning ahvoli o‘ta og‘ir.
Prezident ishtirokidagi yig‘ilishda Buxoro, Farg‘ona, Samarqand va boshqa viloyatlarda pnevmoniya holatlari ko‘paygani ta’kidlandi. Respublika maxsus komissiyasiga malakali mutaxassislardan iborat guruhlar tuzib, har bir hududga yuborish hamda bemorlarni davolash bo‘yicha ko‘rsatmalar berildi.
Bosh prokuror o‘rinbosari Svetlana Ortiqova Qoraqalpog‘iston prokuroriga tunda prokuraturaga chaqirilgan hamda telefonlari va noutbuklari tortib olingan jurnalistlar bilan bo‘lgan voqea yuzasidan tanbeh berdi. Uning so‘zlariga ko‘ra, prokurorlarning harakatlarini o‘rganish ishlari boshlangan.
O‘zbekistonda xizmat ko‘rsatgan artist, xonanda Ruslan Sharipov 53 yoshda hayotdan ko‘z yumdi.
Jo‘qorg‘i Kenges raisining o‘limi haqidagi yolg‘on xabarlarni tarqatish ishi bo‘yicha Nukus IIBga uchta bloger chaqirilib, ularning telefonlari va kompyuterlari tortib olindi. Oldinroq uchta nashrning bosh muharrirlari prokuraturaga chaqirilgan edi. AOKA huquqni muhofaza qilish idoralari xodimlari qonunni buzishganini, ammo jurnalistlar ma’lumotni tekshirishlari kerakligini ta’kidladi.
2020 yilning yanvar-iyun oylarida O‘zbekistonning yalpi ichki mahsulotining nominal hajmi 255,2 trln so‘mni ($26 mlrd) tashkil etdi, iqtisodiy o‘sish esa 0,2% gacha pasaygan. Aholi jon boshiga hisoblangan YAIM 1,8 foizga tushib, 7,4 million so‘mga (766 dollar) teng bo‘ldi.
Koronavirus bemorlari soni 193 nafarga ortib, jami 21699 kishini tashkil etmoqda. Yangi holatlarning 122 nafari Toshkent shahrida, 32 nafari Toshkent viloyatida, 21 nafari Surxondaryo viloyatida hamda 18 nafari Qashqadaryo viloyatida aniqlandi. Shu bilan birga, yana ikki nafar koronavirus bemori vafot etdi.
Qoraqalpog‘istondagi «Jasliq» posyolkasi hududidan o‘tuvchi A-380 avtomobil yo‘lida DAF va VOLVO rusumli ikkita yuk avtomashinasi ishtirokida YTH sodir etildi. Oqibatda bir kishi vafot etdi va kelib chiqqan yong‘in tufayli har ikkala yuk avtomashinasi butunlay yonib ketdi.
Namanganda Cobalt va tez yordam mashinalari to‘qnashuvi natijasida bir nafar fuqaro vafot etdi va yana ikki fuqaro turli darajalardagi tan jarohatlari olishdi.
O‘zbekiston Oliy sudi Straus House ta’sischisi va rahbariyatini Jinoyat kodeksining bir qator moddalari bilan aybdor deb topib, ularga ozodlikdan mahrum etish jazosini tayinladi. Jabrlanuvchilarga yetkazilgan moddiy zararlarni undirish ham belgilandi.
Qo‘shimcha imkoniyatlarga ega bulish uchun saytda ro‘yxatdan o‘ting