Arxiv
Bolaning o‘qishga kirishi maktabning bo‘ynida emas — Rasul Kusherbayev
Deputat Rasul Kusherbayev OTMga kirolmagan o‘quvchilar sababli maktab direktorlari ishdan olinishi «demagogiya ekanligi» va o‘qituvchilarning bunda aybi yo‘qligini ta’kidladi. «Bolaning tadbirkorlikka qiziqishi bo‘lsa, o‘qishga kirishni xohlamasa ham biz o‘qituvchini ayblaymizmi?», — dedi deputat. Uning aytishicha, bunday talab qonunchilik yoki Mehnat kodeksida belgilanmagan.
O‘zbekiston 3 yil ichida ilk bor yanvar oyida oltin sotmadi
O‘zbekiston besh oydan beri oltin eksport qilmagan, ya’ni mamlakat so‘nggi marta 2020 yil avgustida oltin sotgan. Yanvar oyida asosiy eksport sanoat, oziq-ovqat mahsulotlari va kimyoviy moddalar bo‘ldi.
Jizzaxda uchta kompaniya avtomobil ishlab chiqarishni rejalashtirmoqda
2021−2022 yillarda Jizzaxda avtomobil sohasida 277 mln dollarlik uchta loyihani amalga oshirish rejalashtirilgan. Birinchi bosqichda ADM Jizzakh tomonidan yengil avtomobillar, ikkinchi bosqichda Jizzax avtomobil zavodi tomonidan Volkswagen tijoriy avtomobillari, uchinchi bosqichda esa Auto Motors Asia tomonidan tijoriy va yuk avtolarini ishlab chiqarish mo‘ljallanmoqda.
«So‘z erkinligi jamiyat rivojlanishiga xalaqit bermasligi kerak» — Alisher Qodirov
Oliy Majlis Qonunchilik palatasi spikerining o‘rinbosari Alisher Qodirov «erkin so‘z qanchalar erkin bo‘lmasin jamiyatning xotirjam rivojlanishiga xalaqit bermasligi kerak», degan fikrda. U «xalq ishonchi bilan vakolatga ega bo‘lgan hokimiyatga qarshi kurashishga chaqiradigan so‘z huquqbuzarlik sifatida baholanishi va jazolanishi zarur» ekaniga ishora qildi.
Sovuq ob-havo mevali daraxtlarning kurtaklari va gullariga zarar yetkazadi — O‘zgidromet
O‘zgidromet 25−27 fevralda kutilayotgan sovuqlar oyning ikkinchi o‘n kunligida mevali daraxtlarning yozilgan kurtaklari va gullariga zarar yetkazadi deya ogohlantirmoqda.
Dollarning rasmiy kursi ko‘tarildi
Dollarning rasmiy kursi 17 so‘mga qimmatladi va jami 10 549 so‘m etib belgilandi. Yevro va rubl kurslari esa biroz pasaydi.
Uzbekistan Airways onlayn ro‘yxatdan o‘tishni joriy qiladi
Uzbekistan Airways 1 martdan boshlab o‘z qatnovlariga onlayn ro‘yxatdan o‘tish xizmatini joriy qiladi.
Xalqaro tijorat arbitraji to‘g‘risida qonun qabul qilindi
Shavkat Mirziyoyev «Xalqaro tijorat arbitraji to‘g‘risida"gi qonunni imzoladi. Ushbu qonun arbitraj kelishuvga erishish, arbitrlarni tayinlash va arbitraj muhokamasini o‘tkazish tartibini belgilaydi.
«Ruxsat beradiganlarning o‘zi tayyor emas» — Rasul Kusherbayev hokimlik saylovlari haqida
Deputat Rasul Kusherbayev xalq hokimlarni saylashga tayyor emasligi haqidagi fikrga ko‘shilmasligini ma’lum qildi. Uning so‘zlariga ko‘ra, «ruxsat berayotganlarning o‘zi tayyor emas». «Ularda qo‘rquv bo‘lishi mumkin. Qaysi ma’noda, ular xohlagan odamni, odamlar saylamasligi mumkin», — dedi u. Prezident hokimlarni xalq saylashi kerakligini bir necha bor ta’kidlagan. Shu bilan birga, u bunga saylanayotganlar ham, saylovchilar ham tayyor bo‘lishi kerakligini aytgan.
Deputatlar transport vaziri lavozimiga Ilhom Mahkamov nomzodini ma’qulladi
Qonunchilik palatasi deputatlari transport vaziri lavozimiga Ilhom Mahkamov nomzodini ma’qulladi. U o‘tgan yilning oktyabridan buyon vazir vazifasini bajaruvchi sifatida ishlab kelayotgan edi. Avvalroq, Elyor G‘aniyev transport vaziri lavozimidan ozod etilgan edi.
Prezident BMT Inson huquqlari bo‘yicha kengashi sessiyasida nutq so‘zladi
Shavkat Mirziyoyev BMT Inson huquqlari bo‘yicha kengashining 46-sessiyasida nutq so‘zladi. Uning nutqidan asosiylari: yaqin vaqt ichida parlament Nogironlar huquqlari to‘g‘risidagi konvensiyani ratifikatsiya qiladi, bu yil yana 20 mingdan ziyod kishi O‘zbekiston fuqaroligiga ega bo‘ladi, qiynoqlarning har qanday ko‘rinishiga bundan buyon ham mutlaqo yo‘l qo‘yilmaydi, O‘zbekiston bu bo‘yicha maxsus ma’ruzachini taklif etishni ko‘zlamoqda, qolaversa, Inson huquqlari bo‘yicha Oliy komissar tashrifi ham kutilmoqda.
Xorazmda besh kishilik oila is gazidan zaharlandi, uch kishi vafot etdi
Xorazmda choyxona egasi, turmush o‘rtog‘i va bir farzandi gaz o‘chog‘idan sizib chiqqan is gazidan zaharlanib vafot etdi. Ikki farzandi kuchli zaharlangan.
Toshkentda shifokorlarning do‘pposlanishi holati bo‘yicha jinoyat ishi qo‘zg‘atildi
Yashnobod tumanidagi shifoxonada vafot etgan bemorning o‘limidan so‘ng, shifokorlarning do‘pposlanishi holati bo‘yicha jinoyat ishi qo‘zg‘atildi
Chevrolet Onix avtomobilining sinov namunalari olib kelindi
Braziliyadan Chevrolet Onix avtomobilining sinov namunalari olib kelindi. UzAuto Motors kompaniyasi o‘zining yangi GEM platformasida ushbu modelni ishlab chiqarishni o‘zlashtirishni rejalashtirayotganini ma’lum qildi.
Prezident — ayollarning ishlashini taqiqlaydigan erkaklar haqida
«„Eri ruxsat bermasa deyapti“. Bu ham hozir bizning Namanganda mana shu ibora paydo bo‘lyapti. Bu ibora bilan ham kurashishimiz kerak. Nimaga desangiz, hammamiz teng bo‘lib, ayollarimizni ham munosib ish bilan ta’minlashimiz kerak», — dedi Shavkat Mirziyoyev.
Rossiyada dunyo bo‘yicha ilk bor H5N8 parranda grippini yuqtirib olgan inson aniqlandi
Rospotebnadzor dunyo bo‘ylab ilk bor H5N8 parranda grippi bilan zararlangan insonni aniqladi. Virusning odamdan odamga yuqishining iloji yo‘qligini ta’kidlanmoqda, ammo virusda mutatsiya sodir bo‘lishi mumkin.
BMTTD O‘zbekiston mahallalariga 100 ta noutbuk topshirdi
BMTTD Yaponiya hukumatining moliyaviy ko‘magi bilan mahalla qo‘mitalari uchun 100 ta noutbuk va routerlarni taqdim etdi. Uskunalar mahalliy davlat hokimiyati organlari xodimlariga elektron hujjat aylanishi tizimida ishlashga imkon beradi va shu bilan fuqarolarga davlat xizmatlarini ko‘rsatishni tezlashtiradi.
Toshkent viloyatida Farmatsevtika texnik universiteti ochiladi
Qibray tumanida farmatsevtika klasteri doirasida Farmatsevtika texnik universiteti tashkil etiladi. Universitet dori vositalari, tibbiy buyumlar va tibbiy texnika ishlab chiqarishga ixtisoslashadi. Bundan tashqari, Qibray tumanida muassasaninig tarkibi, xodimlar sonini tasdiqlaydigan Klaster direksiyasi tashkil etildi.
Katta muammolarga yetaklaydigan arifmetika: korrupsiya xavfini nima qiladigan bo‘ldik?
Davlat test markazi «Gazeta.uz» kolumnisti Komil Jalilovning OTMga kirish imtihonlari ballariga abituriyentlarning maktabdagi so‘nggi 6 yillik baholari o‘rta arifmetigini qo‘shish loyihasi borasidagi maqolasiga javob qaytardi. Unda muallifning fikrlari noto‘g‘ri ekanligi aytilgan va xorij tajribasi misol sifatida keltirilgan. Biroq DTMning javob maqolasida kolumnist o‘zini o‘ylantirayotgan savollarga javob topa olmadi.
Toshkentda vafot etgan bemorning qarindoshlari shifokorlarni do‘pposlashdi
4-son shahar klinik shifoxonasida vafot etgan 52 yoshli bemorning farzandlari shifokorlarni do‘pposlagan. Tibbiy xodimlarning ahvoli og‘ir deb belgilanmoqda. Sog‘liqni saqlash vazirligi ushbu holat yuzasidan huquqni muhofaza qiluvchi organlarga murojaat yo‘llagan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting