8 nafar koronavirus bemori tuzalib, ular reabilitatsiyaga jo‘natildi. O‘zbekistonda koronavirusdan tuzalganlar soni 107 kishiga yetdi.
MB raisi Mamarizo Nurmurodov valyutalarni sotib olish va sotishda hech qanday cheklovlar joriy etilmasligi, kurs bozor omillari asosida shakllantirilishini ma’lum qildi. Uning so‘zlariga ko‘ra, almashuv kursi «o‘zining tabiiy nuqtasiga yaqinlashmoqda». Valyutaga bo‘lgan talab keskin o‘sgan.
Nikolay Doroshenko Ukrainaning O‘zbekistondagi elchisi etib tayinlandi. U oldin Qirg‘izistonda elchi bo‘lib ishlagan.
Tadbirkorlarga shaxsiy avtomashinalarini boshqarish uchun yengilliklar berilishi rejalashtirilmoqda. Respublika maxsus komissiyasining qarori 1−2 kun ichida chiqadi.
Epidemiologiya, mikrobiologiya va yuqumli kasalliklar instituti klinikasining 67 nafar tibbiyot xodimi reabilitatsiyaga kuzatildi. Ularning o‘rnini navbatdagi xodimlar egallashdi.
O‘zbekistonda koronavirus bemorlari soni 61 kishiga ko‘payib, 1275 kishiga yetdi.
Koronavirusdan tuzalgan yoki karantinda bo‘lgan kishini haqorat qilgan shaxsga 9 mln so‘mgacha ma’muriy jarima belgilangan.
Xalqaro valyuta jamg‘armasi 2020 yilda jahon iqtisodiyoti 3 foizga tushishini prognoz qilmoqda. O‘zbekiston yalpi ichki mahsulotining esa 1,8 foizgacha pasayishi kutilmoqda.
Pensiya jamg‘armasiga rahbarlik qilgan Baxrom Ashrafxanov O‘zbekistonning Ozarbayjondagi elchisi etib tayinlandi.
Andijon viloyatida 74 nafar tibbiyot xodimi koronavirusga chalingan.
Sulton Tex Group xususiy korxonasi rahbari Nurbek Ergashev prezidentga murojaat qilib, bosh vazir o‘rinbosari O‘ktam Barnoyev «noqonuniy talablari» bajarilmagani uchun uning kompaniyasini paxta-to‘qimachilik klasterlari ro‘yxatidan chiqarib yuborganini ma’lum qildi. Fermerlar ularni klaster bilan shartnomalarni bekor qilish va kooperativga o‘tishga majburlashayotganini xabar qildi. Korxona avtomobillari jarima maydonchasiga olib ketilmoqda.
Choriyev Jasurbek Ergashevich O‘zbekiston Respublikasi transport vazirining o‘rinbosari lavozimiga tayinlandi.
Inqirozga qarshi kurashish jamg‘armasining hisobiga 1,596 trln so‘m (157,7 mln dollar) kelib tushgan bo‘lsa, jamg‘arma xarajatlari 756 mlrd so‘mga (74,7 mln dollar) teng bo‘ldi. Mablag‘larning katta qismi shifoxona va karantin uchun maxsus muassasalarni qurishga yo‘naltirilgan.
O‘zbekiston Vengriyaga koronavirus bilan kurashish uchun 500 mingta tibbiy niqob jo‘natdi.
Bosh vazir o‘rinbosari Jamshid Qo‘chqorov karantin choralarining may oyida ham davom etish ehtimoli yuqoriligini ma’lum qildi. Uning so‘zlariga ko‘ra, O‘zbekistonning YAIMi birinchi chorakda 4,1−4,4 foiz atrofida o‘sgan, eksport 11 foizga, import esa 10 foizga qisqargan.
AQSH Jahon sog‘liqni saqlash tashkilotini moliyalashtirishni vaqtincha to‘xtadi. Tramp bu qarorni tashkilot o‘zining asosiy vazifasini bajara olmagani bilan asosladi. O‘z navbatida, BMT bosh kotibi hozir JSST uchun resurslarni kamaytirish vaqti emasligini ta’kidladi.
Markaziy bank asosiy stavkaning 16 foizdan 15 foizga pasaytirilishi yuzasidan izoh berdi. Asosiy omillar tashqi va ichki talabning qisqarishi sharoitida iqtisodiy faollikning sekinlashuvi hamda inflyatsiya prognozlarining pasayishi bilan bog‘liq.
Markaziy bank haftada ikkinchi marta valyuta kurslarini yangiladi. Dollar 427 so‘mga ko‘tarilib, 10121 so‘mga yetdi.
O‘zbekistonda yangi tasdiqlangan koronavirus holatlari 49 taga oshib, jami 1214 taga yetdi.
14 aprel kni O‘zbekistonda yana 167 nafar koronavirus bemori aniqlanib, umumiy 1165 kishiga yetdi.
Qo‘shimcha imkoniyatlarga ega bulish uchun saytda ro‘yxatdan o‘ting