Xitoydan olib kelingan koronavirus profilaktikasi va uni davolash uchun zarur dori-darmon hamda tibbiy jihozlar ortilgan yuk O‘zbekistonga yetib keldi. Ularni olib kelishda Xitoy kompaniyalari, futbolchi Odil Ahmedov, tadbirkor Gulbahor Tojimirzayeva va Alibaba Group asoschisi Jek Ma jamg‘armasi hissa qo‘shdi.
Jahongir Ortiqxo‘jayev ijara beruvchilardan ijara pulini vaqtincha talab qilmay turishlarini so‘radi. Hokim vaqtinchalik to‘lanmagan ijara haqqi keyinchalik to‘lab berish sharti bilan ijarada turuvchi fuqarolarga taqdim etilishi adolatli bo‘lishini aytdi.
O‘zbekistonda koronavirusga qarshi kurashish doirasida Rossiyadan 500 ta sun’iy nafas berish apparati xarid qilingan. Xitoydan kasallikni aniqlovchi 200 ming dona va Germaniyadan 50 ming dona test olib kelinmoqda
Adliya vazirligi nima uchun hozirgacha O‘zbekistonda favqulodda holat joriy qilinmaganiga izoh berdi.
Karantin vaqtida uyda qolib, onlayn xizmatlardan foydalanish uchun Uydaqoling.uz portali ishga tushirildi. Portalda ovqatlarga buyurtma berish, onlayn ish topish, mahsulotlar xarid qilish, tibbiy maslahatlar olish bo‘yicha internet-xizmatlari haqidagi barcha ma’lumotlar yig‘ilgan.
Shavkat Mirziyoyev Turkiy tilli davlatlar hamkorlik kengashining navbatdan tashqari sammitida koronavirus pandemiyasi oqibatlariga qarshi samarali kurashish bo‘yicha bir qator takliflarni ilgari surdi.
O‘zbekistonda COVID-19 infeksiyasi og‘ir kechayotgan bemorlarni davolashda sog‘aygan bemorlar qon plazmasidan foydalanish bo‘yicha yangi usulning amaliyotga joriy etilishi kutilmoqda.
Saudiya Arabistoni, Rossiya va boshqa OPEK+ davlatlari 30 iyungacha neft qazib olishni kuniga 10 mln barrelga kamaytirishga kelishib oldi. 2022 yilga qadar bu ko‘rsatkichni 6 mln barrelgacha qisqartirish rejalashtirilmoqda. Kelishuvga qo‘shilishdan faqat Meksika bosh tortdi.
G‘uzor tuman prokurori Bekzod Suyunov tuman hokimi vazifasini bajaruvchi etib tayinlandi.
8 aprel kuni yoqqan qor Toshkentda 7 mingga yaqin daraxtni shikastlagani ma’lum bo‘ldi. Obodonlashtirish boshqarmasi yo‘llarni tozalashda davom etmoqda. Lekin avtomobil harakatlanishiga cheklovlar sababli ekologiya va atrof-muhitni muhofaza qilish boshqarmasi xodimlari qiyinchiliklarga duch kelishmoqda.
O‘zbekistonda koronavirus chet eldan kelgan 94 nafar fuqaroda aniqlangan bo‘lib, ulardan 440 kishiga infeksiya yuqqan. Ushbu kasallikning epidemiologik surishtiruv ishlari bo‘yicha elektron tizim yaratilib, bemorlarning epidemiologik marshruti aniqlanmoqda.
Namangan viloyatida to‘rt nafar bemor koronavirusdan butunlay sog‘ayib, reabilitatsiyaga olindi. Jami tuzalganlar soni 42 nafarga yetdi.
Koronavirus infeksiyasi aniqlangan Buyuk Britaniya bosh vaziri Boris Jonson intensiv terapiya bo‘limini tark etdi. U o‘zini juda yaxshi his qilmoqda. Endi Jonson kasalxonada shifokorlar kuzatuvida qoladi.
Koronavirus pandemiyasi sababli Saudiya Arabistoni boshchiligidagi koalitsiya 10 apreldan boshlab Yamanda o‘t ochishni ikki haftaga to‘xtatdi.
Xususiy orolda o‘tkazilishi rejalashtirilgan UFC-249 musobaqasi vaqtincha qoldirildi. Buni Disney va ESPN kompaniyalari talab qilishgan. Janglarning qachon bo‘lib o‘tishi noma’lum.
Islom taraqqiyot banki O‘zbekistonda koronavirusga qarshi kurashayotgan yangi klinikalar uchun tibbiy jihozlar sotib olishga 17 mln dollar yo‘naltirdi. Sog‘liqni saqlash va biznesni qo‘llab-quvvatlashga qo‘shimcha 140 mln dollar ajratish masalasi ko‘rib chiqiladi.
Shavkat Mirziyoyev Turkiy tilli davlatlar hamkorlik kengashining navbatdan tashqari sammitida ishtirok etadi. Videoanjuman tarzida o‘tkaziladigan tadbirda koronavirus pandemiyasi tarqalishiga yo‘l qo‘ymaslik masalalari muhokama qilinadi.
Yaqin kunlarda yomg‘ir yog‘ib, momaqaldiroq bo‘lishi kutilmoqda. Tog‘oldi va tog‘li tumanlarda sel kelishi xavfi bor.
Yana 42 kishida COVID-19 infeksiyasi aniqlanib, jami tasdiqlangan holatlar 624 taga yetdi.
Qashqadaryoda Spark avtomobilida jarlik ustidagi suv quvuridan o‘tgan haydovchiga 2,23 mln so‘mlik jarima tayinlandi. Quvur ustiga esa to‘siq o‘rnatildi.
Qo‘shimcha imkoniyatlarga ega bulish uchun saytda ro‘yxatdan o‘ting