Fuqarolardan o‘zlarini uylarni koronavirus infeksiyasidan dezinfeksiya qiluvchi deb tanishtirayotgan noma’lum shaxslarni uyga kiritmaslik so‘ralmoqda. Bunday holatlarda «102» raqamiga yoki profilaktika inspektoriga qo‘ng‘iroq qilish lozim.
Poytaxtning Yunusobod tumanida Lacetti tartibga solinmagan piyodalar yo‘lakchasidan yo‘lni kesib o‘tayotgan erkakni urib yubordi. Piyoda olgan tan jarohatlari natijasida shifoxonada vafot etdi.
«Oltinsoy tumanida mansabdor shaxslar tomonidan o‘z vazifalariga loqaydlik yoki vijdonsizlarcha munosabatda bo‘lishi oqibatida sug‘oriladigan yer maydonlari talon-toroj qilingan» — Bosh prokuratura
Prezident qarori bilan prokuratura va ichki ishlar organlarida qishloq xo‘jaligi sohasi bo‘yicha mas’ul lavozimlar joriy qilindi. Bosh prokuratura va IIV tuzilmasida ham ayrim o‘zgarishlar bor.
Milliy bank rahbarining birinchi o‘rinbosari bo‘lib ishlagan Saxi Annaklichev O‘zsanoatqurilishbank boshqaruvi raisi lavozimiga tayinlandi.
Koronavirus epidemiyasi sababli bolalar o‘yin zallari, diskoteka va diskobarlar, massaj salonlari faoliyati to‘xtatiladi.
Toshkent hayvonot bog‘i karantin sababli vaqtinchalik yopildi. Botanika bog‘i esa hali faoliyat yuritmoqda.
Shavkat Mirziyoyev mahallalarda oilaviy hayotga tayyorlash kurslarini tashkil etish, xotin-qizlar o‘rtasida biznes loyiha bo‘yicha tanlov o‘tkazib, g‘oliblarga grantlar, kredit va joy ajratish bo‘yicha topshiriqlar berdi. Endilikda mahalladagi vaziyatga profilaktika inspektori bilan birga Milliy gvardiya ham javob beradi.
Rossiyada koronavirus aniqlangan bemorlar orasida birinchi o‘lim holati qayd etildi. Operativ shtab uning o‘limiga koronavirus sabab bo‘lmaganini ma’lum qildi.
«O‘zbekiston 24» telekanali direktori Madamin Safarov Milliy teleradiokompaniya raisi o‘rinbosari lavozimiga tayinlandi. Alisher Xo‘jayev esa MTRK raisi bo‘ldi (bunga qadar vazifasini bajaruvchi edi).
RSHTYOIM shifokorlardan biri o‘zida koronavirus alomatlari borligidan shubha qilgani bois u ishlayotgan bo‘lim ma’lum muddat yopildi. 1-klinik shifoxona esa Turkiyaga borganini yashirgan bemorda virus tasdiqlangani uchun karantinga olindi.
Toshkentda yo‘lovchi oqimi keskin kamaygan vaqtlarda atvobuslar harakati oraliq intervallari uzaytirilmoqda.
Yana besh kishi — Parijdan kelgan ayolning uch qarindoshi, Istanbul va Londondan kelgan ikki yo‘lovchida koronavirus tasdiqlandi. Aniqlangan holatlar soni 23 taga yetdi.
Jahon sog‘liqni saqlash tashkiloti bosh direktori Tedros Gebreyesusning e’lon qilishicha, olimlar COVID-19 koronavirusiga qarshi ilk vaksina sinovlarini boshlab yubordi.
O‘zbekistonga mulklarni Gulnora Karimovaning o‘zi qaytarganligi haqidagi ta’kidlar huquqiy asosga ega emas va shu bois haqiqatga to‘g‘ri kelmaydi, deya ma’lum qildi Adliya vazirligi. 1,3 mlrd dollardan ortiq miqdordagi mulklarni qaytarish bo‘yicha ish olib borilmoqda.
Misrdan O‘zbekistonga olib kelingan 181 nafar fuqaro Karmana tumanidagi NKMK sanatoriyasiga karantinga joylashtirildi.
Yana uch kishi — Parijdan qaytgan ayolning onasi, kelini va hamkasbida ham koronavirus tasdiqlandi. Aniqlangan holatlar soni 18 taga yetdi.
Joriy yilda «Raqamli Toshkent» dasturi doirasida transportga chiptalarni onlayn sotib olish, maktablarda onlayn jurnal va kundaliklar, kommunal xizmatlar uchun onlayn to‘lovlar va yagona elektron tibbiy karta yagona tizimi joriy etiladi. May oyidan «Xalq nazorati» portali ish boshlaydi.
Toshkentda sifat sertifikati bo‘lmagan 123 mln so‘mlik 62 ming dona tibbiy niqoblar savdoga chiqarilgani aniqlandi va vaqtincha olib qo‘yildi.
O‘zbekiston prezidenti neft narxining pasayishi, xorij valyutalarining qadrsizlanishi, xorijiy turistlar sonining kamayishi mamlakat iqtisodiyotiga salbiy ta’sir ko‘rsatishini bildirdi.
Qo‘shimcha imkoniyatlarga ega bulish uchun saytda ro‘yxatdan o‘ting