Arxiv
O‘zbekiston Qirg‘izistondan kirishni chekladi (aniqlik kiritildi)
6 oktayabrdan boshlab Bishkekdagi tartibsizliklar manzarasida O‘zbekiston Qirg‘izistondan kirishga cheklovlar qo‘ydi, deb xabar qilmoqda Qirg‘iziston ommaviy axborot vositalari. Yuk tashish cheklovlarsiz amalga oshirilmoqda. O‘zbekiston tomoni esa cheklovlar yo‘qligini e’lon qildi.
Qirg‘iziston MSK parlament saylovlarida ovoz berish natijalarini bekor qildi
Qirg‘iziston Markaziy saylov komissiyasi 4 oktyabrda bo‘lib o‘tgan Jogorku kenesh saylovlaridagi ovoz berish natijalarini haqiqiy emas deb topdi. 5 oktyabrda minglab fuqarolar norozilik namoyishiga chiqib, natijalarni bekor qilishni talab qilgan edi.
Qirg‘izistondagi zilzila O‘zbekistonning uchta hududida sezildi
6 oktyabr kuni Qirg‘izistonda 4,5 magnitudalik zilzila sodir bo‘lib, uning ta’siri Namangan, Andijon va Farg‘ona hududlarida ham sezildi.
«Sardoba ishi» bo‘yicha 17 nafar shaxsga nisbatan jinoyat ishi qo‘zg‘atilgan
«Sardoba ishi» bo‘yicha bugungi kunda 17 nafar shaxsga nisbatan jinoyat ishi qo‘zg‘atilgan. Ayblanuvchilarning 7 nafariga qamoqqa olish, 6 nafariga garov, 4 nafariga munosib xulq-atvorda bo‘lish haqida tilxat ehtiyot chorasi qo‘llanilgan.
Qashqadaryoda YTH oqibatida uch kishi halok bo‘ldi
Qashqadaryo viloyatida Nexia avtomashinasining yo‘ldan chiqib ketib, ag‘darilishi oqibatida uch kishi halok bo‘ldi.
Bishkekda namoyishchilar Oq uyni egallab oldi
Bishkekda parlament saylovlari natijalaridan norozi bo‘lgan minglab fuqarolar namoyish o‘tkazdi. Ular Oq uy, Milliy xavfsizlik davlat qo‘mitasi binolarini egallab oldi va sobiq prezident Almazbek Atambayevni ozod qildi. Davlat rahbari Sooronbay Jeenbekov siyosiy kuchlarni aql bilan ish ko‘rishga chaqirdi va ovoz berish natijalari bekor qilinishi mumkinligi haqida aytdi.
DTM binosi oldida natijalardan norozi bo‘lgan abituriyentlar to‘planishdi
Kirish imtihonlari natijalaridan norozi bo‘lgan abituriyentlar Davlat test markazi binosi oldida to‘planishdi. Natijalar hisoblanganda, ularning harbiy xizmat imtiyozlari hisobga olinmagan.
«Deputatlar so‘rovchi emas, talab qiluvchi bo‘lishi kerak» — Tanzila Narbayeva
Senat rahbari Tanzila Narbayeva Namanganga safari vaqtida tuman hokimlarini «yaxshi» reyting baholarini olgan hududlardan o‘rnak olishga, deputatlarni esa yanada talabchan bo‘lishga chaqirdi.
O‘zbekistonda jo‘natmalarni onlayn kuzatish tizimi joriy etiladi
Tumanlarda yakuniy manzilga yetkazish tizimi tajribadan o‘tkazilib, 2021 yil 1 martdan viloyat markazlarida, 1 iyuldan mamlakat bo‘yicha joriy etiladi. Prezident buning uchun jo‘natmalarni qabul qilish, saralash va onlayn kuzatuvchi avtomatlashgan axborot tizimini ishga tushirish kerakligini ta’kidladi.
Uzbekistan Airways loukoster yaratish rejalarini qayta ko‘rib chiqdi
Uzbekistan Airways 2018 yil fevralida tashkil etilishi e’lon qilingan loukoster tashkil etish rejasidan vaqtincha voz kechdi. Kompaniya raisi o‘rinbosari v. b. Umid Husanov tarif siyosati qayta ko‘rib chiqilgani, uning natijalari pandemiyadan keyin oshkor qilinishi haqida ham xabar berdi.
Kamchatkada dengiz jonivorlarining ommaviy o‘lish holati kuzatildi
Tinch okeanining Kamchatka o‘lkasi qirg‘oqlarida dengiz jonivorlarining ommaviy halok bo‘lish holatlari kuzatildi. Greenpeace buni ekologik falokat deb atadi. O‘lka rasmiylari sodir bo‘lgan voqeaning uchta versiyasini, shu jumladan texnogen ifloslanishni ko‘rib chiqmoqda.
Hafta davomida haroratning pasayishi kutilmoqda
Yaqin kunlarda respublikaga Uraldan sovuq havo oqimi kirishi kutilmoqda. Kunduzi havo harorati 15−20 darajagacha pasayadi. Tog‘oldi va tog‘li hududlarda ayrim joylarga yomg‘ir yog‘ishi mumkin.
Tibbiyot bo‘yicha Nobel mukofoti laureatlari e’lon qilindi
Fiziologiya va tibbiyot sohasi bo‘yicha Nobel mukofoti gepatit S virusini kashf etgan Harvi Alter, Maykl Xouton va Charlz Raysga topshirildi.
Faoliyati qoniqarsiz deb topilgan hokimlar xalqdan uzr so‘rashdi
Ijtimoiy-iqtisodiy rivojlanish bo‘yicha «qoniqarsiz» baholangan hokimlar va tumanlar sektor rahbarlari aholidan kechirim so‘rab, vaziyatni to‘g‘irlashga va’da berishdi. Jami 33 ta tuman va shaharlar «qizil» hudud deb topildi. Kasbi, Tomdi, Konimex va boshqa tumanlarning rahbarlari birinchi bo‘lib uzr so‘rashdi.
Namanganda bank xodimlari majburiy paxta terimiga jalb qilingani o‘rganilmoqda (yangilandi)
Mehnat vazirligi Namanganda bank xodimlarining majburiy mehnatga jalb qilingani haqidagi xabarlarni o‘rganmoqda. Ijtimoiy tarmoqlarda bank muassasalarining 1400 dan ziyod xodimlari paxta terimiga majburiy jalb qilingani haqida xabar berilgan edi.
Sog‘liqni saqlash boshqarmalari boshliqlari hokimlar bilan kelishilgan holda tayinlanadi
Sog‘liqni saqlash vaziri o‘rinbosari — Respublika shoshilinch tibbiy yordam ilmiy markazi bosh direktori lavozimi tugatilib, sog‘liqni saqlash vaziri o‘rinbosari — Toshkent shahar sog‘liqni saqlash bosh boshqarmasi boshlig‘i lavozimi joriy etildi. Sog‘liqni saqlash boshqarmalari rahbari hokimlar bilan kelishilgan holda lavozimlariga tayinlanadi.
6,5 mlrd so‘mga qurilgan ko‘prikni ta’mirlash uchun 9,6 mlrd so‘m ajratiladi
Surxondaryo viloyatida 6,5 mlrd so‘mga qurilgan va bir yarim yildan so‘ng qulab tushgan ko‘prik 9,6 mlrd so‘mga ta’mirlanadi. Ko‘prikning qulashiga tabiiy ofat sababchi qilib ko‘rsatildi.
Qirg‘izistonda parlament saylovlari bo‘lib o‘tdi
Qirg‘izistonda Jogorku Kenesh deputatlari saylovi bo‘lib o‘tdi. Dastlabki ma’lumotlarga ko‘ra, o‘rinlar uchun kurashgan 16 partiyadan atigi 4 tasi parlamentga kira oldi. Aholining saylovda ishtirok etish ko‘rsatkichi 56,2 foizni tashkil etdi.
Eng yuqori ball to‘plagan abituriyentlar «byudjet»ga o‘tkazildi
OTMlarga kirish imtihonlarida eng yuqori ball to‘plagan abituriyentlar «byudjet»ga o‘tkazildi. Respublika va xalqaro tanlovlar g‘oliblari uchun qo‘shimcha grant o‘rinlari ajratilmoqda.
Dollarning rasmiy kursi yana ko‘tarildi
Dollarning rasmiy kursi 18 so‘mga qimmatlab, jami 10 339 so‘m etib belgilandi. Shuningdek, yevro va rubl kurslari ham ko‘tarildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting