Arxiv
Xonabod hokimi Musaxon Mamadaliyev vafot etdi
Andijon viloyatida Xonobod hokimi Musaxon Mamadaliyev vafot etdi. O‘limiga o‘tkir yurak qon-tomir yetishmovchiligi sabab bo‘lgani ma’lum qilindi. Avvalroq esa uning pnevmoniya bilan davolanayotgani haqida xabar berilgan edi.
Prezident 5000 dan ortiq eskirgan standartlarni bekor qilishni buyurdi
O‘zbekistonda 1995 yilgacha qabul qilingan va hozirda eskirgan 5000 dan ortiq standartlar bekor qilinadi. Prezident mahsulot xavfsizligi bo‘yicha texnik reglamentni Yevropa va Yevroosiyo iqtisodiy ittifoqi talablariga mmoslashtirish to‘g‘risida ko‘rsatmalar berdi.
Qaysi viloyatlar aholisi soliqlarni o‘z vaqtida to‘lashi ma’lum bo‘ldi
Mol-mulk va yer solig‘ini to‘lashda Xorazm, Navoiy va Namangan viloyatlari aholisi yetakchilik qilayotgani ma’lum bo‘ldi. Eng ko‘p soliq imtiyozlarini olayotganlar esa Toshkent shahri, Toshkent, Andijon va Samarqand viloyatlarida.
Xivada «Lazgi» xalqaro raqs festivali o‘tkaziladi
2022 yildan boshlab Xivada har ikki yilda bir marta «Lazgi» xalqaro raqs festivali hamda uning doirasida xalqaro ilmiy-amaliy konferensiya o‘tkaziladi.
Moskva maktablarida ikki haftalik ta’til e’lon qilindi
Moskva meri Sergey Sobyanin Rossiya poytaxtida koronavirus tarqalishi bilan bog‘liq vaziyat tufayli maktab ta’tili davomiyligini ikki haftagacha uzaytirdi. Bolalar bog‘chalari esa «odatdagi jadval bo‘yicha» ishlashda davom etadi.
Sug‘urta polisi yonida bo‘lmagan haydovchilarning transport vositalari endi ushlab turilmaydi
Endilikda haydovchining yonida sug‘urta polisi bo‘lmagani sababli uning avtomashinasi jarima maydonchasiga joylashtirilmaydi. Bu prezident imzolagan Ma’muriy javobgarlik to‘g‘risidagi kodeksga kiritilgan o‘zgartirishlarda ko‘zda tutilgan.
Rostov va Samaradagi lagerlarda yashagan barcha o‘zbekistonliklar o‘z vatanga qaytarildi — TIV
Samara va Rostov viloyatlaridagi chodirlar lagerlarida yashagan barcha O‘zbekiston fuqarolari vatanga qaytarildi, deya xabar berdi TIV. Vazirlik vatanga mashinalarda qaytish uchun yo‘lovchi to‘playotgan xususiy tashuvchilarga ishonmaslikka chaqirdi.
Hokimlarning ayrim funksiya va vakolatlari bekor qilindi
Prezident byurokratik to‘siqlarni yanada qisqartirish, davlat organlari va tashkilotlari faoliyatiga zamonaviy boshqaruv tamoyillarini joriy qilishga qaratilgan qonunni imzoladi. Ushbu qonun bilan hokimlarning ayrim funksiya va vakolatlarini bekor qilindi.
Jahonda koronavirus qurbonlarining soni 1 mln dan oshdi
Dunyo bo‘ylab COVID-19 kasalligidan vafot etgan bemorlarning soni 1 mln dan oshdi. Mamlakatlar orasida eng ko‘p qurbon AQSH (205 ming kishi), Braziliya (142 ming) va Hindistonga (96 ming) to‘g‘ri kelmoqda.
O‘zbekiston vaksinalar ishlab chiqarish va eksport qilishni rejalashtirmoqda
O‘zbekiston hukumati Xitoyning ikkita kompaniyasi bilan koronavirusga qarshi vaksinalar sinovining so‘nggi bosqichlarini o‘tkazish bo‘yicha bitimlar imzoladi. Kelgusida dori vositasini ishlab chiqarish va uni qo‘shni davlatlarga eksport qilish rejalashtirilmoqda. Rossiya kompaniyalariga ham vaksinani birgalikdan sinovdan o‘tkazish taklif qilindi.
Kun davomida 477 kishida koronavirus tasdiqlandi, 501 kishi sog‘aydi
28 sentyabr kuni O‘zbekistonda 477 kishining koronavirusga chalingani tasdig‘ini topdi va jami holatlar soni 55878 taga yetdi. 2 kishi infeksiya asoratlaridan vafot etdi.
Buloqboshida ayanchli YTH sodir bo‘ldi. Qurbonlar bor
Andijon viloyatining Buloqboshi tumanida VOLVO yuk mashinasi yo‘l chetidagi uyga borib urildi va uy atrofida o‘ynab yurgan ikki bolani bosib ketdi. Haydovchi va bolalar shifoxonada vafot etdi.
OAV AQSHning FinCEN tarmog‘idagi maxfiy moliyaviy hujjatlarni e’lon qildi
90 ga yaqin mamlakat jurnalistlari AQSH moliyaviy jinoyatchilik tarmog‘ining (FinCEN) maxfiy hujjatlaridan foydalanish huquqiga ega bo‘lishdi. OAV ma’lumotlariga ko‘ra, hujjatlarda Alisher Usmonovning kompaniyasi va O‘zbekiston milliy banki (NBU) tilga olingan.
Bolasining onlayn ta’limiga sharoit yaratib bermagan ota-onalarga chora ko‘riladimi?
Xalq ta’limi vazirligi bolasini masofaviy ta’lim shaklida o‘qitayotgan oilalarda farzandining onlayn o‘qishi uchun sharoit yaratib bermagan ota-onalarga nisbatan chora ko‘rilishi haqidagi savolga javob berdi.
Abdulla Aripov boshchiligidagi O‘zbekiston hukumati delegatsiyasi Tojikistonga tashrif buyuradi
Bosh vazir Abdulla Aripov boshchiligidagi O‘zbekiston hukumati delegatsiyasi Savdo-iqtisodiy hamkorlik bo‘yicha Hukumatlararo komissiyaning 7-yig‘ilishida ishtirok etish uchun Tojikistonga tashrif buyuradi.
O‘zbekistonning sobiq davlat kotibi Rahim Rajabov vafot etdi
O‘zbekistonning birinchi va oxirgi davlat kotibi, sobiq bosh vazir Rahim Rajabov vafot etdi.
Yevropa Ittifoqi O‘zbekistonga COVID-19 ga qarshi kurashish uchun 2 mln yevrodan ortiq mablag‘ ajratdi
O‘zbekistonda COVID-19 ning keng tarqalishini oldini olish uchun Yevropa Ittifoqi tomonidan 2 mln yevrodan ortiq mablag‘ ajratildi. Ushbu mablag‘lar koronavirus infeksiyasiga chalingan bemorlar bilan ishlamaydigan, boshqa sohadagi tibbiyot xodimlarini shaxsiy himoya vositalari bilan ta’minlashga sarflanadi.
Ozarbayjon va Armaniston o‘rtasidagi vaziyat keskinlashmoqda
Tog‘li Qorabog‘da harbiy harakatlar yana kuchaymoqda. Ozarbayjon va Armaniston o‘rtasidagi vaziyatning keskinlashishi oqibatida bir kun ichida ushbu hududda o‘nlab tinch aholi vakillari, shuningdek, har ikkala tomondan ham ko‘plab harbiylar halok bo‘lgan. BMT, Yevropa Ittifoqi va bir qator mamlakatlarning ikkala tomonni harakatlarni to‘xtatib, muzokaralar yo‘liga o‘tishga chorlashiga qaramasdan, vaziyat haligacha keskinligicha qolmoqda.
O‘zbekistonliklar Janubiy Koreyaga soxta COVID-19 ma’lumotnomalari bilan borayotgani aniqlandi
O‘zbekistondan Janubiy Koreyaga borayotgan fuqarolardan koronavirus yo‘qligi to‘g‘risidagi soxta ma’lumotnomalar aniqlanmoqda. Bundan tashqari, ularning ayrimlarida COVID-19 qayd etilmoqda. Shu sababli Janubiy Koreya elchixonasi test natijalari ustidan konsullik nazorati tizimini joriy etdi.
Haftaning birinchi qismida yomg‘ir yog‘ishi kutilmoqda
Haftaning birinchi qismida O‘zbekistonda yomg‘irli ob-havo kuzatiladi. 29−30 sentyabr kunlari havo harorati 15−20 darajagacha pasayadi. Haftaning ikkinchi yarmidan boshlab ob-havo yog‘ingarchiliklarsiz bo‘lishi kutilmoqda.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting