Arxiv
Shifokorlarning farmatsevtik tashkilotlardan manfaatdor bo‘lish holatlariga chek qo‘yiladi
Tibbiyot xodimlarining bemorlarga dori vositalarini tayinlashida farmatsevtik tashkilotlardan manfaatdor bo‘lish holatlarining oldi olinadi. Shu maqsadda, tibbiyot xodimlarining kasbiy faoliyatiga qator cheklovlar qo‘yiladi.
Moliya vazirligi: Davlat qarzi $18,2 mlrd tashkil etmoqda
Moliya vazirligi 2020 yilning I choragi bo‘yicha O‘zbekistonning davlat qarzi $18,2 mlrd (YAIMga nisbatan 31,3 foiz) tashkil etganini ma’lum qildi. Bunda, mazkur qarzning asosiy qismi energetika, transport infratuzilmalari va suv ta’minoti bo‘yicha loyihalarga yo‘naltirilgan. Davlat qarzining makroiqtisodiy barqarorlik uchun xavfsiz darajasi YAIMga nisbatan 50 foizni tashkil etishi aytilmoqda.
Koronavirus bemorlari soni 5300 nafarga yaqinlashdi
Koronavirus bemorlari soni 30 nafarga ortib, jami 5293 kishini tashkil etmoqda. Yangi holatlarining 9 nafari Karantin markazidagi fuqarolar orasida, 19 nafari Toshkent shahrida (4 nafari aholi orasida) va qolgan 2 nafari esa Toshkent viloyatida xalqaro yuk tashuvchi avtomashina haydovchilarida aniqlandi.
Toshkent metrosining «Turkiston» va «Yunusobod» bekatlarida qurilish va pardozlash ishlari tugatildi
Toshkent metropolitenining Yunusobod yo‘nalishi 2-ikkinchi bosqichida qurilish-montaj va pardozlash ishlari yakuniga yetib, «Shahriston» bekatiga ulandi. Yo‘nalish bo‘yicha metro poyezdlarining sinov qatnovlari amalga oshirildi.
Tojikistonda sodir bo‘lgan zilzila O‘zbekistonda ham sezildi
O‘zbekiston hududida kuchsiz zilzila qayd etildi. Yer osti silkinishlari o‘chog‘i Tojikistonda joylashgan bo‘lib, markazda magnituda 5,5 ni tashkil etdi.
Kun davomida 183 ta koronavirus holati qayd etildi
Dushanba kuni O‘zbekistonda jami 183 ta yangi koronavirus holati aniqlandi. Ularning asosiy qismi — 153 tasi poytaxt hududiga to‘g‘ri keladi.
Yangi hafta bir oz salqin bo‘ladi
Sinoptiklar yaqin kunlarda havo harorati bir oz tushib, +30…+35 daraja atrofida bo‘lishini taxmin qilmoqda. Respublikaning tog‘li hududlarida yomg‘ir yog‘ishi mumkin.
109 kishida koronavirus aniqlandi (jami — 5263)
O‘zbekistonda yana 109 kishida koronavirus aniqlanib, jami holatlar 5263 taga yetdi. Toshkent shahri hamda Toshkent, Namangan, Navoiy va Samarqand viloyatlarida aholi orasida infeksiya yuqishi kuzatildi.
Deputat: Bo‘lib o‘tgan holatlar IIV rahbariyatining iste’fo vaqti kelganini ko‘rsatmoqda
Oliy Majlis Qonunchilik palatasi deputati Rasul Kusherbayev Andijonda IIB xodimlari tomonidan qiynoqqa olingan fuqaroning o‘limi yuzasidan munosabat bildirar ekan, IIV rahbariyatining iste’fo vaqti kelganini ta’kidlab o‘tdi.
Qirg‘iziston bosh vaziri iste’foga chiqdi
Qirg‘iziston bosh vaziri Muxammedkaliy Abilgaziyev iste’foga chiqqanini ma’lum qildi. U radiochastatalarning noqonuniy sotilishi bilan bog‘liq jinoiy ish ortidan ushbu qarorga kelganini ta’kidladi.
Mudofaa vaziriga yangi o‘rinbosarlar tayinlandi
Alisher Narbayev va Zairdjan Bazarbayev mudofaa vazirining yangi o‘rinbosarlari lavozimiga tayinlanishdi.
Xitoyda COVID-19: Pekinda fevraldan buyon ilk bor favqulodda holat e’lon qilindi
Pekinda so‘nggi ikki oy ichida ilk bor koronavirus bilan kasallanish holatlari qayd etildi. “Sinfadi” bozorida virus tarqalishi ro‘y berganidan keyin Pekin hukumati barcha dahalarda favqulodda holat e’lon qildi.
Sog‘aygan COVID-19 bemorlarini 14 kunlik reabilitatsiyaga jo‘natish amaliyotidan voz kechildi
O‘zbekistonda koronavirusga chalingan bemorlarni davolagan tibbiyot xodimlari va davolanish kursini tugatgan bemorlarni reabilitatsiya kurslarisiz uylariga kuzatish boshlandi. SSV bu amaliyot dunyoda faqat O‘zbekistonda qo‘llanilgani va unga zarurat yo‘qligini ma’lum qildi.
«Huquqni muhofaza qilish organlari tizimini tubdan isloh qilish lozim» — Yuksalish
«Yuksalish» umummilliy harakati Andijonda ichki ishlar xodimlari tomonidan sodir etilgan holat yuzasidan tergov harakatlarini audio va video qayd etish tizimlari orqali olib borish tizimini yo‘lga qo‘yish maqsadga muvofiqligini va ichki ishlar tizimini tubdan isloh qilish lozimligini ta’kidlab o‘tishdi.
Siyosiy partiyalar Andijondagi holat yuzasidan munosabat bildirishdi
“Adolat” va O‘zLiDep partiyalari siyosiy kengashi raislari hamda Ekologik partiyaning a’zosi Andijonda ichki ishlar xodimlari tomonidan hibsga olinib, qiynoqqa solinishi oqibatida vafot etgan fuqaro bilan bog‘liq hodisani qoralab, ichki ishlar tizimida tubdan islohotlar amalga oshirilishi lozimligini va qonun ustuvorligini ta’minlash kerakligini ta’kidlashdi.
“Bu uyat” — Ombudsman Andijondagi qiynoqlar haqida
Oliy Majlisning inson huquqlari bo‘yicha vakili Ulug‘bek Muxammadiyev Andijonda ichki ishlar organlari xodimlari tomonidan sodir etilgan qiynoq holatini uyat deb ta’rifladi. Ombudsman yagona tergov qiluvchi organning tashkil qilinishida zarurat borligini, lekin bu qiynoqlar va shaxsni huquqlarini buzilishi masalasiga to‘liq yechim emasligini ta’kidlab o‘tdi. Buning uchun IIV tizimini tubdan isloh qilish kerak, deya ta’kidladi Ulug‘bek Muxammadiyev “Gazeta.uz"ga bergan intervyusida.
Ukasining dorisi uchun dorixonaga chiqqan haydovchi aybsiz deb topildi
Ma’muriy sud nogironligi bo‘lgan ukasi uchun dori olishga chiqqan haydovchini aybsiz deb topdi. U avtomashinasida stikersiz harakatlangani uchun 4,5 mln so‘m miqdorida jarimaga tortilgan, transport vositasi esa jarima maydonchasiga qo‘yilgan edi.
Namanganlik erkak xotini va 4 oylik chaqalog‘ini bolta bilan chopib o‘ldirdi
Namanganlik erkak xotini va uch qizini bolta bilan urib tan jarohatlari yetkazib, so‘ngra o‘zini yoqib yubordi. Turmush o‘rtog‘i va besh oylik qizi olamdan o‘tdi.
Metro faoliyatiga nima uchun ruxsat berilmayotgani tushuntirildi
Sanitariya-epidemiologiya nazorati davlat inspeksiyasi bosh inspektori Nurmat Otabekov metrolardagi umumiy ventilyatsiya tizimi koronavirus infeksiyasi tarqalish xavfini oshirishi sababli metro harakatlanishiga ruxsat yo‘qligini ma’lum qildi.
Karimovaning O‘zbekistonga qaytarilgan 10 mln dollarlik aktivlari manbasi ma’lum qilindi
Gulnora Karimovaning Fransiyadan qaytarilgan 10 mln dollarlik aktivlari Parij markazidagi uyini sotishdan kelib tushgani ma’lum qilindi. Ushbu mablag‘ning qaysi maqsadlarda sarflanishiga ham qisman aniqlik kiritildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting