Sharofiddin Musayev har ko‘chatga yiliga atigi 17 litr suv sarflab, Kitobning qovjiragan adirlarida yong‘oqzorlar bunyod etadi. Qachonlardir bu joylar ko‘m-ko‘k o‘rmon edi, ammo aholi daraxtlarni o‘tin qilib yuborgan. Shunga qaramay, namliksiz ham daraxtlarni qaytarish mumkin. Sabina Bakayeva reportaji — shu haqda.
Britaniya elchisi Tim Torlou “Gazeta.uz”ga bergan intervyusida islohotlar, siyosiy muammolar, so‘z erkinligining mamlakat taraqqiyotidagi o‘rni haqida so‘zladi. U yangi elchi nima uchun o‘zbek tilini o‘rganayotgani va O‘zbekistonning Ukrainadagi urush bo‘yicha pozitsiyasi nimadan darak berishiga ham to‘xtaldi.
Janubiy Koreyada o‘q otish bo‘yicha yoshlar o‘rtasidagi jahon chempionatida o‘zbekistonlik sportchilar 50 metr masofadan to‘pponchadan otish dasturida ikkita kumush medalni qo‘lga kiritdi.
FVVga qarashli Toshkentdagi harbiy qismda samarqandlik askar vafot etdi. Marhumning pnevmoniya sababli olamdan o‘tgani aytilmoqda. Ammo yaqinlari bundan shubhalanib, unda jarohat izlari borligini aytmoqda. Harbiy prokuratura tergovga qadar tekshiruv harakatlari olib borilayotganini ma’lum qildi.
Isroil parlamenti sud-huquq islohotlari doirasida eng bahsli qonun loyihalaridan birini ko‘pchilik ovoz bilan qabul qilib, Oliy sud vakolatlarini chekladi. Islohot loyihasi mamlakatda olti oydan beri davom etayotgan ommaviy noroziliklarni keltirib chiqardi.
“Yangi Toshkent” bosh rejasini ishlab chiqish uchun jahon arxitektura byurolari — Singapurning Meinhardt, Britaniyaning Foster + Partners va Gollandiyaning OMA kompaniyalari jalb qilindi.
O‘zbekistonning Kiyevdagi elchixonasi Ukraina Qurolli kuchlari Bosh shtabining Donetsk viloyatida O‘zbekiston fuqarolari aniqlangani haqidagi ma’lumoti tasdiqlansa, fuqarolar manfaatlarini himoya qilish uchun barcha zarur choralar ko‘rilishini ma’lum qildi.
Samarqandda 45 yoshli erkak 10 yashar qiz qarindoshiga uyatsiz harakatlar qilib kelgani ma’lum bo‘ldi. Bosh prokuraturaga ko‘ra, holat yuzasidan jinoyat ishi qo‘zg‘atildi. Hozirgi kunda jinoyat ishi bo‘yicha tergov harakatlari olib borilmoqda.
O‘zbekistonda 2023-yilning yanvar-iyun oylarida tez tibbiy yordam xizmatiga 1752 marta yolg‘on chaqiriq kelib tushdi. Murojaatlarning eng ko‘pi Toshkent, Farg‘ona va Qashqadaryo viloyatlariga to‘g‘ri keldi.
Tadbirkorlar kuni munosabati bilan O‘zbekiston prezidentining ishbilarmonlar bilan ochiq muloqoti bo‘lib o‘tadi. Taklif va savollarni 1094 va 1100 qisqa raqamlariga, shuningdek, business.gov.uz portali orqali yuborish mumkin. Uchrashuv sanasi hozircha aniq emas.
Twitter o‘z logotipini “X” belgisiga o‘zgartirdi. Shuningdek, Mask platformaning standart rangini qoraga almashtirishni taklif etgan.
22-iyul kuni Xitoyda shaxmat bo‘yicha ayollar o‘rtasidagi jahon chempionati yakunlandi. Ley Tinsze va amaldagi chempion Szyuy Venszyun g‘oliblik uchun kurash olib bordi va unda Venszyun o‘yinni o‘z foydasiga hal qildi.
Toshkent hokimligi huzuridagi Raqamli rivojlanish departamenti poytaxt irrigatsiya-drenaj tizimi obyektlarini elektron xaritaga tushirdi. Mutaxassislar bu tizim nimalardan iborat ekani, nega Toshkentni muntazam suv bosayotgani va muammoni hal qilish yo‘llari haqida “Gazeta.uz"ga so‘zlab berdi.
Deputat Alisher Qodirovning kambag‘allikda odamlarning o‘zini ayblagan posti muhokamalarga sabab bo‘lmoqda. Uning hamkasbi Doniyor G‘aniyev buni “aporofobik diskriminatsiya” deya baholadi. “Gazeta.uz” ikki deputatning tarmoqlardagi bahsini bir sahifaga jamladi.
Toshkent viloyati Olmaliq shahrida yosh bolalarni axloqsiz harakatlar qilishga majburagan erkakka nisbatan jinoyat ishi qo‘zg‘atildi. Viloyat IIBBga ko‘ra, 39 yashar erkak ruhiy kasalliklar dispanserida doimiy ro‘yxatda turadi. U davolanish uchun yotqizilgan.
Yangi Toshkent investorlari, bosh loyiha va bosh pudrat tashkilotlari hamda direksiyasi O‘zbekistonda ishlab chiqarilmaydigan, shakllantiriladigan ro‘yxatlar bo‘yicha chetdan olib kelinadigan qurilish texnikasi, asbob-uskuna, butlovchi buyumlar, ehtiyot qismlar uchun bojxona boji to‘lashdan ozod etiladi.
Ukraina elchixonasi O‘zbekiston fuqarolarini Rossiyaning ushbu davlatga qarshi urushida qatnashmaslikka va Ukrainaning vaqtincha bosib olingan hududlariga bormaslikka chaqirdi. Bunday fuqarolar “bosqinchilarning sheriklari sifatida ko‘rib chiqiladi va javobgarlikka tortiladi”, — deyiladi murojaatda.
Kollej va texnikumlarning qurilish, transport, kommunal, qishloq xo‘jaligi va xizmat ko‘rsatish sohalariga o‘qishga topshirgan xotin-qizlarga to‘liq grant joriy etish bo‘yicha qaror loyihasi muhokamaga qo‘yildi. Hujjatda 3 yoshgacha bolasi bor o‘quvchilarga masofaviy ta’limga ruxsat berish ham nazarda tutilmoqda.
Prezident qarori bilan Yuqori Chirchiq va O‘rta Chirchiq tumanlaridagi 10 ta mavze hamda Sholichilik institutining qishloq xo‘jaligi yerlari Yangi Toshkent shahriga ajratiladi. Yerlarning toifasi o‘zgartirilgani uchun qishloq va o‘rmon xo‘jaligi nobudgarchiliklari o‘rnini qoplash bo‘yicha kompensatsiya undirilmaydi.
Surxondaryo viloyatida Hukumat qarori bilan 2018-yil tugatilgan YPX postlari qayta tiklandi. Viloyat YHXB matbuot xizmati rahbari ta’kidlashicha, postlar vaqtinchalik faoliyat ko‘rsatadi.
Qo‘shimcha imkoniyatlarga ega bulish uchun saytda ro‘yxatdan o‘ting