Arxiv
Prezidentlar Berlinda O‘zbekiston madaniy merosi ko‘rgazmasini ochib berdi
O‘zbekiston va Germaniya prezidentlari Jeyms Simon galereyasida tayyorgarligiga bir necha yil ketgan “O‘zbekistonning arxeologik xazinalari. Makedoniyalik Iskandardan Kushonlar saltanatigacha” ko‘rgazmasini ochib berdi. Unga Berlin muzeylaridan 65 ta, O‘zbekiston muzeylaridan 285 ta eksponat qo‘yilgan.
3-may kuni O‘zbekistonda sodir bo‘lgan eng muhim xabarlar dayjesti
Milliy gvardiyaga huquqbuzarlarga jarima qo‘llash huquqi berilishi, daraxtlarga shikast yetishiga yo‘l qo‘yganlar ham javobgarlikka tortilishi, O‘zbek-qirg‘iz chegarasidan o‘tuvchi yashirin yerosti yo‘li, tahdid sabab O‘zbekistonni tark etgan Nemolchi.uz loyihasi muallifi va boshqalar — “Gazeta.uz”ning kun dayjestida.
O‘zbekiston prezidenti CLAAS, Knauf, Siemens Energy, Deutsche Bank va boshqa kompaniyalar rahbarlari bilan uchrashdi
“Xorijiy investor O‘zbekiston deganda, birinchi navbatda, barqarorlik, ishonchlilik va kelajak uchun xotirjamlikni ko‘z oldiga keltirishi lozim. Har bir germaniyalik tadbirkor mamlakatimizda o‘zini erkin va dadil his etishi uchun barcha sharoitlarni yaratishga tayyormiz”, — dedi Shavkat Mirziyoyev Berlinda.
Kurash bo‘yicha O‘zbekiston terma jamoasi OCHda birinchi o‘rinni egalladi
Xitoyda o‘tkazilgan kurash bo‘yicha Osiyo chempionatida o‘zbekistonlik sportchilar 12 ta medal — 7 ta oltin, 3 ta kumush va 2 ta bronzani qo‘lga kiritib, umumjamoa hisobida birinchi o‘rinni egalladi.
Fransiyaning tashqi savdo bo‘yicha vazir-delegati Olive Besht O‘zbekistonga rejalashtirilgan tashrif haqida so‘zlab berdi
Fransiyaning tashqi savdo bo‘yicha vazir-delegati Olive Besht 4−6-may kunlari O‘zbekistonga tashrif buyuradi. Toshkentga kelishi arafasida u “Gazeta.uz”ga tashrifidan ko‘zlangan maqsadlar va Fransiya-O‘zbekiston hamkorligi tufayli ikki mamlakat kompaniyalari uchun ochilayotgan imkoniyatlar haqida so‘zlab berdi.
Shavkat Mirziyoyev Berlinda Frank-Valter Shtaynmayer bilan uchrashdi
O‘zbekiston va Germaniya prezidentlari Berlindagi muzokaralarda hamkorlikning ustuvor yo‘nalishlarini muhokama qildi. Germaniya mintaqadagi o‘zaro bog‘liqlik loyihalari, jumladan, YeIning “Global darvoza” tashabbusini qo‘llab-quvvatlashga tayyor. Gyote instituti O‘zbekiston viloyatlarida ham ochilishi kutilmoqda.
Milliy gvardiyaga ayrim huquqbuzarliklar uchun jarima qo‘llash huquqi berilmoqda
Milliy gvardiyaga qo‘shimcha vakolatlar berilmoqda. Senatorlar ma’qullagan qonunga ko‘ra, endi ular mayda bezorilik yoki sovuq qurol olib yurishga oid ma’muriy huquqbuzarliklarni ko‘rib chiqa oladi hamda bayonnomalar tuzadi. Shuningdek, ular ayrim ma’muriy huquqbuzarliklar bo‘yicha jarima qo‘llashga haqli.
Rossiya Ukraina hukumatini prezident Putinga suiqasd uyushtirishda aybladi
Kremlning ma’lum qilishicha, Ukraina Rossiya prezidenti Vladimir Putinning Kreml qarorgohiga 2 ta dron bilan hujum qilgan, keyinchalik ular yo‘q qilingan. Rossiyada bu davlat rahbariga suiqasd sifatida baholanmoqda.
Zara, Bershka, Massimo Dutti kabi brendlarni ichiga olgan Cenomi Group O‘zbekiston bozoriga kirishi mumkin
Portfeliga Inditex guruhining Zara, Zara Home, Massimo Dutti, Bershka, Pull & Bear, Oysho va Stradivarius kabi brendlari kiruvchi Cenomi Group O‘zbekiston bozoriga kirishi haqida e’lon qilindi. Cenomi Tashkent City Mall loyihasida taqdim etilishi mumkin.
O‘zbekiston matbuot erkinligi reytingida 4 pog‘ona pastladi
O‘zbekiston “Chegara bilmas muxbirlar” tashkilotining matbuot erkinligi reytingida 2022-yilgi o‘rnidan 4 pog‘ona pastlab, 137-o‘rinni egalladi. Mamlakatda OAV erkinligi bilan bog‘liq vaziyat “qiyin” bosqichda qolmoqda. Markaziy Osiyoning boshqa mamlakatlari ham salbiy natijalar qayd etgan.
Hokimlar 2024-yildan boshlab mahalliy kengashlarga rais bo‘lolmaydi
Hokimlarga mahalliy kengash raisi lavozimini egallashi taqiqlanmoqda. Toshkent shahri va viloyatlar miqyosida bu jarayon 2024-yildan, tuman va shaharlarda esa 2026-yildan boshlanadi. Bunda vazifalar takrorlanishining oldi olinishi, hokimlar ustidan ta’sirchan nazorat o‘rnatilishi ko‘zda tutilgan.
O‘zbekistonda kuchsiz zilzila sezildi
Chorshanba kuni tushdan keyin Toshkentda kuchsiz zilzila sezildi. Uning epitsentri Afg‘onistonda bo‘lib, u yerda zilzila kuchi 5 ballni tashkil etgan.
Nemolchi.uz loyihasi muallifi unga qilingan tahdidlar sababli O‘zbekistonni vaqtincha tark etdi
Zo‘ravonlikka qarshi kurashuvchi Nemolchi.uz loyihasi asoschisi Irina Matviyenko unga noma’lum shaxslar o‘lim bilan tahdid qilgani sababli O‘zbekistonni vaqtincha tark etganini ma’lum qildi. U bu haqda huquq-tartibot idoralariga ham ariza bilan murojaat yo‘llagan.
Senat tadbirkorlar hisobvaraqlaridagi mablag‘lar daxlsizligi to‘g‘risidagi qonunni ma’qulladi
Senat tadbirkorlik subyektlarining bank hisobvaraqlaridan pul mablag‘larini ularning roziligisiz qonunga xilof ravishda o‘tkazganlik yoki olib qo‘yganlik yoxud ortiqcha undirilgan mablag‘larni o‘z vaqtida qaytarmaganlik uchun ma’muriy va jinoiy javobgarlik choralari belgilashni ko‘zda tutuvchi qonunni ma’qulladi.
O‘zbekistonda daraxtlarni raqamlashtirish loyihasi 3 bosqichda amalga oshirilmoqda
O‘zbekistonda daraxtlarni raqamli inventarizatsiyadan o‘tkazish rejalashtirilmoqda. Loyiha 3 bosqichdan iborat. Birinchi bosqichda Tabiat resurslari vazirligi sun’iy yo‘ldoshdan olingan suratlarni tahlil qilib, mamlakatning “Yashil indeks”ini aniqlamoqchi. Hozir Sirdaryo viloyatida sinov ishlari ketmoqda.
Elektromobillarning uzluksiz harakatlanishi uchun TOK BOR infratuzilma yaratishni rejalashtirmoqda
TOK BOR tarmoqni rivojlantirish va O‘zbekistonning yirik shaharlari va chekka burchaklarini tez quvvatlantirish stansiyalari bilan jihozlashning birinchi bosqichi yakunlanganini e’lon qildi.
O‘zbek-qirg‘iz davlat chegarasidan o‘tuvchi yashirin yerosti yo‘li ochganlarga sud hukmi o‘qildi
O‘zbek-qirg‘iz chegarasida maxfiy yo‘l ochgan farg‘onalik shaxs va yana 5 kishiga sud hukmi o‘qildi. Yo‘l orqali Qirg‘izistonda noqonuniy tovarlar, O‘zbekistondan esa xorijiy valyutalar o‘tkazib turilgan. Sud hukmi bilan 3 nafar ayblanuvchi 6−7 yilga qamaldi, yana 3 nafariga axloq tuzatish ishlari jazosi tayinlandi.
Toshkentda o‘zi va yosh bolasini kanalga tashlagan ayol qutqarib qolindi
Yunusobod tumanidagi Bo‘zsuv kanaliga 1,5 yoshli bolasi bilan o‘zini tashlagan ayolni PPX xodimlari qutqarib qoldi. Ushbu harakatga “og‘ir hayotiy vaziyat” sabab bo‘lgan. 20 yoshli ayol ishidan afsusdaligi va ularni qutqarganlardan minnatdor ekanini aytdi. Bola vaqtincha mehribonlik uyiga topshirildi.
Daraxt va butalarga shikast yetkazgan va bunga yo‘l qo‘yganlar ham javobgarlikka tortilishi mumkin
Senat endilikda daraxtlar va butalarni shikastlantirganlar va bu borada loyihalar tayyorlaganlarni ham javobgarlikka tortish ko‘zda tutilgan qonunni ma’qulladi.
Germaniyaning KfW banki O‘zbekistonda ichimlik suvi va oqova suv xizmatlari uchun 200 mln yevro ajratadi
Germaniyaning KfW banki O‘zbekistonda ichimlik suvi ta’minoti hamda oqova suv xizmatlarini yaxshilash uchun 200 mln yevro ajratadi. Mablag‘lar Qo‘qon, Marg‘ilon, Termiz shaharlarining suv tizimini rivojlantirish uchun yo‘naltiriladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting