Arxiv
Toshkent hokimi v.b. bekatlarni tartibga solishga va’da berdi
Toshkent shahri hokimligi rahbari Shavkat Umurzoqov va IIV o‘rinbosari Bekmurod Abdullayev poytaxtga keltirilgan yangi avtobuslardan birida harakatlandi. Hokim v.b. tez orada bekatlar tartibga keltirilishi, ularning oldida suv to‘planib qolmasligini bildirdi. “Salgina sabr qiling”, — dedi u.
Toshkentga 233 ta avtobus va elektrobus olib kelindi. Foto
Toshkentga Xitoyda ishlab chiqarilgan 233 ta avtobus va elektrobus keltirildi. Shundan 203 tasi Yutong elektrobus va avtobuslari, 30 tasi esa o‘ta katta sig‘imli (18 metrli) King Long avtobuslaridir.
Activist loyihasi muallifi Hojiakbar Nosirov 15 sutkaga qamaldi
Tarkibida karmin moddasi mavjudligi sababli ayrim yogurtlar harom ekanini aytib chiqqan Activist loyihasi muallifi Hojiakbar Nosirov 15 sutkaga qamaldi. U “diniy adovatni targ‘ib qiluvchi materiallar tarqatish” va “ichki ishlar xodimining qonuniy talablarini bajarmaslik”da ayblangan.
O‘zbekiston xalq artisti Murod Rajabov vafot etdi
O‘zbekiston xalq artisti Murod Rajabov uzoq davom etgan qand kasalligidan so‘ng 74 yoshida vafot etdi.
Akademik Habibulla Akbarov vafot etdi
Fanlar akademiyasi akademigi Habibulla Akbarov 87 yoshida vafot etdi. U fan arbobi, geologiya sohasida yirik olim hisoblanadi.
Buxoroda fuqaro tomorqasiga zarar yetkazgan eshakning quloqlarini kesib tashladi
Peshku tumanida fuqaro qo‘shnisining eshagi tomorqaga zarar yetkazgani uchun uning quloqlarini kesib tashladi. Jonivor ko‘p qon yo‘qotishi oqibatida nobud bo‘ldi. Fuqaro 3 mln so‘mgacha jarimaga tortilishi mumkin.
Toshkentda ayol va uning 8 oylik o‘g‘li vafot etdi
Mirobod tumanidagi uylarning birida 25 yoshli ayol va uning 8 oylik o‘g‘li vafot etdi. Ularning o‘lim sababini aniqlash maqsadida sud-tibbiy ekspertizasi tayinlandi.
Yanvar-mart oylarida “Tez yordam”ga 3 milliondan ortiq murojaat kelib tushdi
O‘zbekistonda so‘nggi 3 oyda “Tez yordam” xizmatiga 3 mln 90 mingta chaqiriq kelib tushdi. Ularning eng ko‘pi Farg‘ona, Andijon viloyatlari hamda Toshkent shahriga to‘g‘ri keldi.
Toshkentda 4 ta avtomobil ishtirokida YTH sodir bo‘ldi
Shayxontohur tumanida Lacetti, Captiva va 2 ta Nexia avtomashinalari to‘qnashdi. Bir yo‘lovchi jarohat oldi.
“Monedan Kandinskiygacha”. Toshkentda modernist rassomlarning multimedia ko‘rgazmasi davom etmoqda
“O‘zekspomarkaz”da “Monedan Kandinskiygacha. San’atdagi inqilob” multimedia ko‘rgazmasi davom o‘tmoqda. Jahon san’ati durdonalarining animatsiyali ekspozitsiyasi tashrif buyuruvchilarni XIX asr oxiri va XX asr boshidagi badiiy oqimlar va ularning asosiy vakillari bilan tanishtiradi.
Toshkentning 4 ta tumanidagi ayrim hududlarda 2 kun suv bo‘lmaydi
Yakkasaroy, Sergeli, Yangihayot va Mirobod tumanlaridagi ayrim joylar 10-apreldan 12-aprelgacha ichimlik suv tarmog‘idan uziladi.
Samarqandda soliq boshqarmasi bosh inspektori 15 ming dollar olganlikda gumonlanib ushlandi
Samarqandda soliq boshqarmasi soliq nazorati bo‘limi bosh inspektori fuqaroning qarzdorligini kamaytirib berish evaziga undan 15 ming dollar olgani aytilmoqda. Namanganda esa advokat sud ishini ijobiy hal qilib berish uchun fuqarodan 7 ming dollar olgani gumon qilinmoqda.
Nima tayyorlaymiz: Iftorlik uchun taomlar
Karam barglaridan golupsi, qovurma lag‘mon, frikadelkali turkcha sho‘rva, klassik lazanya, mampar va boshqalar — Zira.uz iftorlik uchun tayyorlash mumkin bo‘lgan mazali taomlar ro‘yxatini taqdim etadi.
Urgutda 19 yoshli ayolning o‘z joniga qasd qilishi holati qayta tergov qilinadi
Samarqand viloyati prokuraturasi Urgut tumani prokuraturasining 19 yoshli kelinning fotosurati “Telegram” tarmog‘idagi behayo kanalga chiqarib yuborilgani sababli o‘zini o‘zi osib qo‘ygan bo‘yicha jinoiy ish qo‘zg‘atishni rad etish haqidagi qarorini bekor qildi.
Vayner Farhod Mannopovning o‘limi bo‘yicha jinoyat ishi qayta malakalandi
Prokuratura vayner Farhod Mannopovning o‘limi bo‘yicha jinoyat ishini qayta malakaladi. Qalampir ma’lumotlariga ko‘ra, Mannopov operatsiya qilingan Toshkentdagi xususiy klinikada plastik jarroh, laborant va UZI-mutaxassisi malaka toifasini tasdiqlovchi hujjatlarni taqdim eta olmagan.
7-aprel kuni O‘zbekistonda sodir bo‘lgan eng muhim xabarlar dayjesti
Yomg‘irli o‘tadigan dam olish kunlari, “Tashabbusli budjet” loyihasining g‘oliblari, Toshkent viloyatida buziladigan 23 ta eski “dom”, Toshkentdan Zangiota shifoxonasiga yangi avtobus, Sirdaryo viloyatining yangi hokimi, Qoraqalpog‘istonda 8 gektar dalani suv bosgani va boshqalar — “Gazeta.uz”ning kun dayjestida.
O‘zbekistonda yana bukmekerlik faoliyatini qonuniylashtirish masalasi ko‘tarildi
Prezident 2022-yil aprelida O‘zbekistonda bukmekerlik faoliyatini qonuniylashtirish haqidagi qarorini bekor qilgan edi. Biroq oradan bir yil o‘tib, yangi qaror bilan ushbu yo‘nalishda takliflar kiritish bo‘yicha ishchi guruh tuzishni topshirdi.
SHHT MATT 2023-yilda aksilterror mashqlari va axborot operatsiyasi o‘tkazadi
Toshkentda SHHT Mintaqaviy aksilterror tuzilmasi kengashi yig‘ilishi bo‘lib o‘tdi. Tashkilot a’zolari Qirg‘izistonda aksilterror mashqlari hamda internetdan terroristik, separatistik va ekstremistik maqsadlarda foydalanishning oldini olish bo‘yicha birinchi qo‘shma axborot operatsiyasini o‘tkazishga kelishib olindi.
Xorazm ishi: mehribonlik uyi rahbari qizlarni fohishalikka majburlagan bo‘lishi mumkin
Xorazmdagi oilaviy mehribonlik uyi rahbari o‘quvchilarni tungi klublarda fohishalik yo‘li bilan pul ishlashga majburlagan bo‘lishi mumkin, deya ma’lum qildi qizlar o‘qigan maktab direktori. Maktab o‘qituvchisi jabrlanuvchilardan birini asrab olmoqchi bo‘lgan, biroq rasmiylar unga ruxsat bermagan.
Fransiya prezidenti Xitoyni urushni to‘xtatish uchun Rossiyaga ta’sir o‘tkazishga chaqirdi
Xitoyga tashrif buyurgan Fransiya prezidenti Emmanuel Makron mamlakat yetakchisi Si Szinpinni Rossiyaning Ukrainaga qarshi urushini to‘xtatishga yordam berishga chaqirdi. XXR rahbari tinchlik muzokaralari erta boshlanishiga umid bildirib, tomonlarni vazminlikni saqlash, tinch aholiga hujumlardan qochishga chaqirdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting