Arxiv
AQSh havo yo‘li orqali mamlakatga kiruvchilardan PZR-test olishni bekor qildi
12 iyundan AQShga havo yo‘li orqali kirib keluvchi yo‘lovchilardan majburiy PZR-testi talab qilinmaydi. Bayden ma’muriyati mazkur tartibni xalqaro sayohatchilar AQShga parvoz qilishdan bir kun oldin bekor qildi.
Butun Toshkent bo‘ylab “Art Fest-2022” bo‘lib o‘tmoqda
6 iyun kuni O‘zbekistonda “Tashkent Art Fest-2022” rassomchilik va san’at festivali start oldi. Festival so‘nggida konkurs g‘oliblarini ajoyib mukofotlar kutmoqda.
BNQIZ Ai-80 benzinini birjaga 3900 so‘mdan chiqarmoqda
Buxoro neftni qayta ishlash zavodida Ai-80 benzini tannarxi 2800 so‘mni tashkil qilmoqda, birjaga esa 3900 so‘mdan qo‘yilmoqda. May oxirida «O‘zbekneftgaz» ga qarashli AYOQSHlarda Ai-80 narxi 6800 so‘mgacha ko‘tarilgandi. «Benzin narxlarining ko‘tarilishida zavodning aloqasi yo‘q», — dedi zavod rahbari o‘rinbosari.
Samarqandda 1,5 yoshli qizaloq 10-qavatdan tushib ketdi
Samarqand shahridagi ko‘p qavatli uylar qurilgan Qorasuv massivida 1,5 yoshli qizaloq 10-qavatdan tushib ketib, halok bo‘ldi. Mahalliy nashrlar bu kabi holat avval ham bo‘lganini xabar bermoqda.
Navoiylik tiktoker daydi mushukni itlariga talatdi
Ijtimoiy tarmoqlarda navoiylik tiktoker o‘zining ikkita Pitbull zotli itiga daydi mushukni talatib, buni suratga olgani aks etgan videolar tarqaldi. Viloyat IIB tiktoker shaxsi aniqlangani va u ikkita modda doirasida ma’muriy javobgarlikka tortilishini ma’lum qildi.
IIV kaltaklanganini ta’kidlagan juftlik bilan bog‘liq holatga izoh berdi
IIV matbuot kotibi IIB xodimlari kaltaklashganini aytgan yigit va qiz «giyohvandlik vositalariga aloqadorlik, shuningdek, profilaktik nazorat buzilishi» bo‘yicha gumonlanib, tekshirish uchun bo‘limga olib borilganini ma’lum qildi.U «boshidanoq fuqarolar o‘zini noo‘rin tutganini» aytib, qisqa videoni e’lon qildi.
Qishloq xo‘jaligi vazirligiga yer degradatsiyasiga qarshi kurashish bo‘yicha vazifalar yuklatildi
Prezident qaroriga ko‘ra, Qishloq xo‘jaligi vazirligiga yerlar degradatsiyasiga qarshi kurashish bo‘yicha vazifalar yuklatilib, maxsus departament ham tashkil etildi. Vazirlik yerlar cho‘llanishi, ularni tiklash, ekinlarni almashlab ekish, o‘rmonlar barpo qilishni monitoring qiladi va majburiy ko‘rsatmalar beradi.
Nima tayyorlaymiz: salqin ichimliklar
Malinali moxito, maymunjondan tayyorlangan moxito, shaftolili limonad, bodringli limonad va boshqa salqinlashtiruvchi ichimliklar retseptlari — Zira.uz materialida.
12 yil obod qilgan cho‘l maydonini auksion orqali tortib olishmoqchi — «Sahro ishg‘olchisi»
Jarqo‘rg‘on tumanidagi 35 ga cho‘lli maydonda 100 ming tupdan ortiq saksovul ekib, tuproq ko‘chishiga qarshi kurashib kelgan Nomoz Jumayev viloyat hokimligi ushbu yerga egalik huquqini unga bermayotganligini aytdi. Hokimlik prezident farmoniga ko‘ra, endilikda yer faqat auksion orqali sotilishini ta’kidlamoqda.
Senatning navbatdagi yalpi majlisi dushanba kuni chaqiriladi
Senatning 27-yalpi majlisi 13 iyun kuni chaqiriladi. Unda davlat mulkini boshqarish, alkogol va tamaki mahsulotlarining tarqatilishi hamda iste’mol qilinishini cheklashga oid qonunlar ko‘riladi. Bundan tashqari, senatorlar Oliy sud raisini saylashi rejalashtirilgan.
«Kogon magistral gaz quvurlari» boshqarmasida yong‘in chiqdi
Shanba kuni erta tongda Buxoro viloyatidagi «Kogon magistral gaz quvurlari» boshqarmasida yong‘in sodir bo‘ldi. Olov 8 ta yong‘in-qutqaruv ekipaji va 2 ta maxsus texnika yordamida 1,5 soatda bartaraf etildi.
Bahodir Jalolov raqibini muddatidan avval mag‘lub etdi
Shanba kuni tongda o‘zbekistonlik bokschi Bahodir Jalolov Nyu-York shahrida belgiyalik charm qo‘l qop ustasi Jek Mulovaiga qarshi ringga ko‘tarildi. 27 yoshli Jalolov 8-raundda raqibini nokautga uchratdi. Shu tariqa u professional boksdagi 11-jangida ham g‘alabaga erishdi.
Surxondaryoda Damas avtomashinasida 25 bola tashilayotgani aniqlandi
Termiz tumanida Damas avtomashinasidan bolalar bog‘chasi mikroavtobusi sifatida foydalanilayotgani aniqlandi. Mikrovenda 25 bola tashilgan. Mashina old oynalarga parda tortilgani uchun jarima maydonchasiga qo‘yildi.
10 iyun kuni O‘zbekistonda sodir bo‘lgan eng muhim xabarlar dayjesti
Bektemir tumanida ajratilgan drift uchun trassa, qurilish vaziriga tayinlangan yangi o‘rinbosar, yoshlar uchun joriy etilgan subsidiyalar, quyosh va shamol elektr uskunalarini o‘rnatganlarga to‘lanadigan 15 mln so‘mgacha kompensatsiya va boshqala — «Gazeta.uz» ning 10 iyundagi xabarlar dayjestida.
Prezident BAA hukumat ishlari bo‘yicha vazirini qabul qildi
Prezident Shavkat Mirziyoyev BAA hukumat ishlari bo‘yicha vaziri Muhammad bin Abdulloh al-Gargaviy boshchiligidagi delegatsiyani qabul qildi. Vazir BAA hukumati Yangi O‘zbekistonda amalga oshirilayotgan islohotlarning samarali ro‘yobga chiqarilishida zarur ko‘makni ko‘rsatishga tayyorligini ta’kidladi.
Besh oyda o‘tgan yilning shu davriga nisbatan 6373 ta kam nikoh qayd etildi
Yanvar-may oylarida O‘zbekistonda jami 90 543 ta nikoh holatlari qayd etildi. Bu o‘tgan yilning mos davriga nisbatan 6 373 taga kam.
Pochta aloqasi sohasidagi qonunchilikka “posilka”, “pochta kuryeri” kabi tushunchalar kiritildi
Prezident tomonidan “Pochta aloqasi to‘g‘risida"gi qonun imzolandi. Ushbu hujjat bilan qonunchilikka “posilka”, “pochta kuryeri” kabi tushunchalar kiritildi.
Farg‘onada do‘l yog‘di (foto, video)
Juma kuni Farg‘ona viloyatida kuchli shamol esib, yomg‘ir va do‘l yog‘di. Noqulay ob-havo bino tomlarini uchirib ketgan. FVV kuchli shamol oqibatlari bartaraf etilayotganini ma’lum qildi.
Xotiniga najosat yedirgan erkakning jazo muddati yengiliga o‘zgartirildi
Salkam ikki yil oldin Toshkentda erkak kishi turmush o‘rtog‘ini kaltaklab, unga farzandining najosatini zo‘rlab yedirgan edi. 3 yilga qamalgan shaxs jazo muddatini yengiliga almashtirishni so‘rab sudga murojaat qildi. Sud qarori bilan uning o‘talmay qolgan 2 yildan ortiq jazo muddati yengiliga o‘zgartirildi.
Xorijiy tilni o‘rganish, davolanish, ijara kompensatsiyasi, moddiy yordam — yoshlar uchun subsidiyalar joriy etildi
Hukumat qaroriga ko‘ra, «Yoshlar daftari»dagi va moddiy ahvoli og‘ir yoshlarga 1 mln 200 ming so‘m miqdorida bir martalik moddiy yordam beriladi. Yangi yosh oilalarga uy qurish uchun garovsiz kredit, ijara kompensatsiyasi, davolanish va til o‘rganish uchun moddiy yordam — yoshlar uchun qator subsidiyalar joriy qilindi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting