Arxiv
Kosmosda o‘stirilgan paxta chigitidan yaratilgan yangi nav yetishtirishga tayyor
Uzoq yillar avval Vladimir Jonibekov o‘zi bilan koinotga paxta chigitini olib chiqqan edi. Faqat hozir, parvozdan qariyb 40 yil o‘tgachgina, bu urug‘lardan yangi nav yaratildi va unga patent olindi. Bu haqda olim Shodmon Namozov «Gazeta.uz»ga ma’lum qildi.
Futbol: O‘zbekiston va Rossiya durang o‘ynadi
O‘zbekiston va Rossiya terma jamoasi Toshkentda bo‘lib o‘tgan o‘rtoqlik uchrashuvida durang o‘ynadi. O‘yin gollarsiz yakunlandi.
Toshkentda Qozog‘iston prezidenti saylovida ishtirok etganlar 96 foizni tashkil qildi
Qozog‘istonning Toshkentdagi elchixonasida tashkil etilgan uchastkada 621 nafar saylovchidan 591 nafari ovoz berdi. Saylovda qatnashganlarning taxminiy ko‘rsatkichi 69 foizdan ko‘proqni tashkil qildi, eng yuqori — Jetisu viloyatida, eng kami esa — Olmaotada — 28,7%. Ostonada esa 48,6% saylovchi ishtirok etdi.
Andijonda ko‘p qavatli uyning tom qismida yong‘in sodir bo‘ldi
Andijon shahar 3-kichik dahasida joylashgan ko‘p qavatli uyning tom qismida yong‘in sodir bo‘ldi. Yong‘inni bartaraf etish uchun 12 ta ekipaj va 3 ta avtonarvon jalb etildi. Voqea joyiga viloyat hokimi bordi. Hodisa oqibatida tan jarohati olgan va halok bo‘lganlar yo‘qligi aytilmoqda.
«Qaysi uchastkaga borishni o‘zimiz hal qildik». Xalqaro kuzatuvchilar Qozog‘istondagi saylov jarayoni haqida
Qozog‘istondagi prezident saylovlarida qatnashayotgan xalqaro kuzatuvchilar, jumladan Falastin, Italiya, O‘zbekiston, AQSh, Kanada vakillari o‘z fikrlari bilan o‘rtoqlashdi. Falastin elchisi qaysi uchastkaga borishni o‘zi hal qilganini aytsa, AQSh vakili norozilik namoyishlari bo‘lmaganini ta’kidladi.
Samarqandda Xitoy fuqarosi itni temir bo‘lagi bilan urib o‘ldirdi
Samarqandda Xitoy fuqarosi bog‘langan itni temir bo‘lagi bilan urib o‘ldirdi. Viloyat IIB unga nisbatan ma’muriy jazo qo‘llanilganin ma’lum qildi. Avvalroq senatorlar hayvonlarga shafqatsiz munosabat uchun jinoiy javobgarlik belgilashni ma’qullagandi.
Tadbirkorni «qamattirib qo‘ygani»ni aytib, so‘kingan Angren shahri hokimiga chora ko‘riladi
Angren shahri hokimi Alisher Raimov hududda qurilayotgan Prezident maktabi ta’minotchilari bilan muloqot chog‘ida haqoratli so‘zlar ishlatgan. Toshkent viloyati hokimligining Odob-axloq komissiyasi viloyat hokimidan Raimovga chora ko‘rishni so‘radi. Uning o‘zi qilgan ishidan «ming pushaymon»ligini bildirdi.
Fransiya kompaniyalari uchun alohida sanoat zonasi ajratiladi — ITSV rahbari
Bosh vazir o‘rinbosari Jamshid Xodjayev Parijda bo‘lib o‘tgan biznes-forumda faqat fransuz kompaniyalari uchun alohida sanoat zonasini ajratish, ularga imtiyozlar berish va mahsulotlarni xarid qilishni kafolatlashga tayyorligini ma’lum qildi. U hamkorlikning beshta yo‘nalishini sanab o‘tdi, jumladan, avtomobilsozlik.
Sirdaryoda yangi IES ishga tushirildi
Sirdaryo viloyatida Turkiyaning Cengiz Enerji kompaniyasi tomonidan qurilgan quvvati 220 MVt gaz-porshenli issiqlik elektr stansiyasi ishga tushirildi. IES 20 noyabrdan elektr tarmoqlariga energiya yetkazib berishni boshladi. U yiliga 1,7 mlrd kVt/soat energi ishlab chiqarish mumkin.
Qiziriqda yerlari klasterga olib berilgan fermerlar va IIO xodimlari o‘rtasida janjal kelib chiqdi
Qiziriqda yerlari klasterga olib berilgan 14 nafar fermer va IIO xodimlari o‘rtasida mojaro kelib chiqdi. IIV voqea ishtirokchilari o‘zlarini traktor ostiga tashlash, bir-biriga shikast yetkazishga urinmoqchi bo‘lganini ma’lum qildi. Deputat Kusherbayev fermerlar Oliy sudda g‘alaba qozonganini aytdi. Munosabatlar.
OAV: Usmonov ishi Germaniya va O‘zbekiston o‘rtasida ziddiyatni keltirib chiqardi
Germaniyada tadbirkor Alisher Usmonov ustidan olib borilayotgan tergov Germaniya va O‘zbekiston o‘rtasidagi diplomatik munosabatlarni keskinlashtirdi, deya xabar qildi Spiegel jurnali.
Yashnobodda daraxtlarni noqonuniy kesganlardan 3,5 mlrd so‘m undirildi
Toshkentning Yashnobod tumanida qimmatbaho daraxtlarning noqonuniy kesib tashlanishi oqibatida o‘simlik dunyosiga zarar yetkazilgandi. Deputat Rasul Kusherbayevning ma’lum qilishicha, quruvchi tashkilotdan 3,5 mlrd so‘m mablag‘ undirildi, 200 tup daraxt ham ektirilmoqda.
O‘zbekiston fransuz sarmoyadorlari uchun nimasi bilan jozibador? Jamshid Xodjayev javob berdi
O‘zbekiston o‘zining tashqi siyosat tamoyillari, qulay sarmoyaviy muhiti, tabiiy resurslarning ko‘pligi, «imtiyozli paketlar» va boshqa afzalliklari tufayli fransuz sarmoyasi uchun maqbul manzilga aylanishi mumkin, dedi bosh vazir o‘rinbosari Jamshid Xodjayev Parijda bo‘lib o‘tgan biznes-forumda.
Foto: Qozog‘istonda prezident saylovlari bo‘lib o‘tmoqda
Yakshanba tongida Qozog‘istonda navbatdan tashqari prezident saylovi boshlandi. Ilk saylov uchastkasi Tokioda ochildi, ovoz berish jarayonlari oxirgi bo‘lib San-Fransiskoda tugaydi. «Gazeta.uz» muxbiri poytaxt Ostona va Akmola viloyatidagi saylov uchastkalaridan fotoreportaj tayyorladi.
Navoiyda soliq boshqarmasining ikki xodimi pora bilan ushlangani aytilmoqda
Navoiy viloyati soliq boshqarmasining ikki xodimi pora bilan ushlangani xabar qilindi. Ular soliq tekshiruvi natijasini tadbirkor foydasiga ijobiy hal qilish uchun 10 ming dollar talab qilgan. Xodimlarga «qamoqqa olish» tarzidagi ehtiyot chorasi qo‘llanildi.
Toshkentda Kichik halqa yo‘lining bir qismi 2 kunga yopildi
Toshkentdagi Kichik halqa yo‘lining Qatortol ko‘chasi bilan kesishmasidan Farhod ko‘chasi bilan chorrahasigacha bo‘lgan oralig‘i 20−22 noyabr kunlari qisman yopiladi. Bu vaqtda yo‘l ta’mirlash ishlari olib boriladi.
Toshkentni issiqlik bilan ta’minlovchi Veolia Energy Tashkent’ning rahbari o‘zgardi
Veolia Energy Tashkent bosh direktori Aleksandr Xasti oilaviy sabablarga egallab turgan lavozimini tark etdi. Uning o‘rniga Alisher Xaytmetov korxona boshlig‘i vazifasini bajaruvchi bo‘ldi.
Toshkentda 20 yoshli ayol oilaviy janjal sabab o‘zini Bo‘zsuvga tashladi
Shahidlar xotirasi xiyobonida 19 noyabr kuni 20 yoshli ayol o‘zini Bo‘zsuv kanaliga tashladi. Uni ikki nafar Milliy gvardiya xodimi suvdan olib chiqib, qutqargan. Hozirda ayol hushiga kelgan, ahvoli barqaror.
Toshkent aeroportida yana reptiliyalar ushlab qolindi
Poytaxt aeroportining bojxonasi Misrdan uchib kelgan ayoldan Nil timsohi, iguana va piton bolalarini olib qo‘ydi. Noto‘g‘ri tashilgani sabab jonivorlarning ahvoli qoniqarsiz. Ushbu sudralib yuruvchilarning umumiy bahosi taxminan 77 mln so‘m ekani aytilmoqda.
Sergelidagi qurilish maydonida ko‘tarma kran quladi (to‘ldirildi)
Ijtimoiy tarmoqlarda Toshkentning Yangihayot tumanida ko‘tarma kran qulagani haqida xabarlar tarqaldi. FVV hodisa Sergelida yuz berganini ma’lum qildi. Sergeli hokimligi kran qulagan vaqtda unda odam bo‘lgani haqidagi gap-so‘zlarni rad etdi. Qurilish mas’ullariga ko‘ra, qulagan kran endi utilizatsiya qilinadi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting