Arxiv
OTB tavsiyalari: budjet mablag‘larini samaraliroq sarflash va soliqlarni optimallashtirish
O‘zbekistonda iqtisodiy o‘sish sur’ati Ukrainadagi urush tufayli sezilarli darajada sekinlashadi, biroq yanada samaraliroq budjet xarajatlari va yashil moliyalashtirish kelgusida o‘sishning tezlashishiga xizmat qilishi mumkin. Osiyo taraqqiyot banki o‘z prognozlariga tayangan holda, beqarorlik va risklar davrida hukumatlarga budjet-soliq siyosati bilan bog‘liq tavsiyalar bermoqda.
«Eshikni ochib qarasam, oldimda 2 metr balandlikda suv turibdi». Forishdagi seldan jabr ko‘rganlar
Jizzaxdagi seldan talofat ko‘rgan uylardan birining egasi Isroil Aliyev «Gazeta.uz»ga sel qanday kelgani haqida so‘zlab berdi. «Uydan eshikni ochib qarasam, oldimda 2 metr balandlikdagi suv turganini ko‘rdim. Suv pasayguncha shunday jon saqlab turdik», — dedi u. Favqulodda vaziyatlar vaziri xotini va bolasini qutqarib qolgan Isroilni «qahramon» deb atadi. Isroil Aliyevning so‘zlariga ko‘ra, hokimiyat vakillari uysiz qolgan aholiga 3 xonali uy qurib berishini aytgan.
Prezident hokimlarga: «Odamlarga 100 ta tovuq berib, olti oydan keyin gaplash»
Shavkat Mirziyoyev yangi Ko‘kdala tumanida o‘tkazilgan yig‘ilishda insonlar farovonligi va ertangi kunga ishonch o‘rtasidagi bog‘liqlik haqida gapirdi. Hokimlarga murojaat qilib: «Qo‘lingdan hech narsa kelmasa, odamlarga hech bo‘lmaganda 100 ta tovuq ber… Olti oy ichida u bilan gaplash. Ularning dunyoqarashi o‘zgaradi». Shuningdek, u hamma ham hokim bo‘la olmasligini, ularni tarbiyalash kerakligini, bu oson emasligini ta’kidladi.
Sherzod Kudbiyev Fiskal institut rektori bo‘ldi
Davlat soliq qo‘mitasi raisi Sherzod Kudbiyev qo‘mita huzuridagi Fiskal institutga rektor bo‘ldi.
Qashqadaryoda Suriyaga ketmoqchi bo‘lgan shaxs ushlangani aytilmoqda
DXX Rossiya va Turkiya orqali o‘tib Suriyadagi terroristik tashkilotga qo‘shilishni rejalashtirganlikda gumonlangan qashqadaryolik fuqaroni ushladi. U ijtimoiy tarmoqlarga xalqaro terroristik tashkilotlar va diniy ekstremistik oqim rahnamolarining ma’ruzalarini joylab, qishlog‘ida ham targ‘ib qilgani aytilmoqda.
Iftorlik uchun noodatiy taomlar
Somsa-sho‘rva, tovuqli dangasa xonim, satsebeli qaylasida tayyorlangan mol go‘shti, gaz pechida pishirilgan kartoshka va go‘shtli frikadelkalar, quritilgan mevalar bilan tayyorlangan go‘shtli rulet, qiyma bilan to‘ldirilgan pomidorlar — Zira.uz iftorlik uchun noodatiy taomlar retseptlari ro‘yxatini taqdim etadi.
«Pop-Namangan» yo‘li kengaytirilib, 11 ta chorraha va yer osti yo‘laklari quriladi
Prezident Pop va Namangan yo‘lini rekonstruksiya qilish loyihasi bilan tanishdi. Unda transportlar qayrilib olishi uchun chorraha va piyodalar uchun yer osti o‘tish joylarini qurish rejalashtirilgan. Natijada, o‘rtacha tezlik 40−60 km/s dan 90−100 km/s gacha oshishi mumkin.
Bolalar ombudsmani: Mehribonlik uyi ma’muriyati «Eng yaxshi himoya — bu hujum» tamoyilini qo‘lladi
Bolalar ombudsmani Aliya Yunusova 21 aprel kuni ijtimoiy tarmoqlarda videosi tarqalgan Toshkent shahridagi 21-mehribonlik uyida yuz bergan voqeaga izoh berdi. O‘rganishlar natijasida mehribonlik uyi ma’muriyati bolalarni psixiatriya shifoxonasiga yuborib kelganligi, ularga nisbatan qo‘rqitish va nodo‘stona munosabatda bo‘lib kelingani aniqlandi.
O‘zMTRK futbol bo‘yicha jahon chempionatini translyatsiya qilish huquqini sotib oldi
Qatarda bo‘lib o‘tadigan futbol bo‘yicha 2022 yilgi jahon chempionati O‘zbekistonda MTRK tomonidan namoyish qilinadi. Kompaniya ushbu musobaqaning barcha 64 ta uchrashuvini o‘z telekanallarida efirga uzatish huquqini sotib olgan.
Nima uchun asosiy stavka oshganiga qaramay, biznes uchun kreditlar arzonlashdi?
Mart oyi o‘rtalarida Markaziy bankning asosiy stavkani 17 foizga oshirganidan so‘ng kreditlar bo‘yicha foiz stavkalarining oshishi kutilgan edi. Ammo o‘tgan oyda tadbirkorlik subyektlari uchun ajratiladigan kreditlar 1,1 foizga arzonlashdi. Markaziy bank nima uchun bunday bo‘lganini tushuntirdi.
Dollarning rasmiy kursi pasaydi
Dollarning so‘mga nisbatan rasmiy kursi 41,80 so‘mga arzonlab, 11 260,28 so‘mni tashkil qildi. Yevro kursi ham pasaydi, rubl kursi esa ko‘tarildi.
Nikohni rasmiylashtirishdagi 1 oylik muddatni bekor qilish taklif etilmoqda
Fuqarolarning nikohini FHDYoga ariza berilganidan bir oy o‘tib rasmiylashtirish tartibini bekor qilish taklif etilmoqda. Nikoh tibbiy ko‘rikdan so‘ng qayd etilishi mumkin.
Biz haqimizda bizsiz qaror: o‘zbek imo-ishora tilini uning tashuvchilarisiz rivojlantirishmoqchimi?
Fevral oyida hukumatning o‘zbek imo-ishora tilini shaxslararo muloqot vositasi sifatida rivojlantirish to‘g‘risidagi qarori jamoatchilik muhokamasiga qo‘yildi. Unda yana nogironlikning ijtimoiy modeli emas, tibbiy jihatiga e’tibor qaratilgan. Karlar huquqlari faoli Ma’mur Ahliddinov va «Gazeta.uz» kolumnisti Dilmurod Yusupov hujjatning xom ekanligini ta’kidlab, uni takomillashtirishni taklif qilishmoqda.
Prezident Qashqadaryo viloyatidagi ichimlik suv, ijtimoiy soha va ishsizlik muammolariga e’tibor qaratdi
Prezident Qashqadaryo viloyatiga safari davomida viloyatning dolzarb muammolariga e’tibor qaratdi. Joriy yilda viloyatga ijtimoiy soha va infratuzilmani yaxshilash uchun respublika budjetidan qo‘shimcha 360 mlrd so‘m ajratiladi. Yakkabog‘, Chiroqchi, Qamashi, Shahrisabz va Kitob tumanlarini suv bilan ta’minlash uchun «Ayoqchisoy» sel suv ombori quriladi. 9 mingdan ziyod aholining gaz ta’minoti qayta tiklanadi. Ishsizlikni kamaytirish uchun 270 ta sanoat loyihalari dasturi shakllantiriladi. 40 ming gektardan ortiq yerlar qayta foydalanishga kiritiladi.
Dollar taqchilligi yoki katta miqdorda rublning kirib kelishi kuzatilmayapti — Markaziy bank
Markaziy bank mamlakatda dollar va yevro tanqisligi, shuningdek katta miqdordagi rublning kirib kelishi kuzatilmayotganini ma’lum qildi. Shuningdek, xorijiy valyuta operatsiyalari bo‘yicha cheklovlar ko‘rib chiqilmayotgani qayd etildi. Regulyator jurnalist va blogerlar savollariga bergan javoblarning muhim qismlari «Gazeta.uz» materialida.
Kelgusi haftada kuchli yomg‘ir va do‘l yog‘ishi mumkin, aksariyat hududlarga sel kelishi xavfi bor
24−25 aprel kunlari yomg‘ir yog‘ishi, ba’zi hududlarda yomg‘ir kuchayishi va momaqaldiroq bo‘lishi kutilmoqda. Ayrim joylarda do‘l yog‘ishi mumkin, shamol tezligi 17−22 m/s gacha kuchayadi. Shuningdek, O‘zgidromet respublikaning qariyb barcha hududlarida sel-suv toshqinlari kuzatilishi mumkinligidan ogohlantirdi.
Qashqadaryoda aholiga 730 mlrd so‘m imtiyozli ipoteka kreditlari, ehtiyojmand oilalarga 72 mlrd so‘m subsidiya ajratiladi
Prezident Qashqadaryoda 143 ta ko‘p qavatli uy-joylar foydalanishga topshirilishini ma’lum qildi. Viloyat aholisiga joriy yilda 730 mlrd so‘m imtiyozli ipoteka kreditlari hamda ehtiyojmand oilalarga 72 mlrd so‘m subsidiya ajratiladi. Shuningdek, 30 ta qishloq va mahallalar «Obod qishloq» va «Obod mahalla» dasturlari bilan qamrab olinadi.
Andijonda bolalar bog‘chasining 4 yoshli tarbiyalanuvchisi uyqu vaqtida vafot etdi
Oltinko‘l tumanidagi 31-maktabgacha ta’lim tashkilotining 4 yoshli tarbiyalanuvchisi uyqu vaqtida olamdan o‘tdi. U tarbiyachi bolalarni uyqudan uyg‘otgan vaqtida qaytib o‘rnidan turmagan. Tashkilot hamshirasi bolada hech qanday kasallik alomatlari kuzatilmaganini aytdi.
Ukrainadan qaytgan talabalar o‘qishini O‘zbekistonga soddalashgan tartibda ko‘chirishga ruxsat etildi
Ukrainadan qaytgan talabalar 26 apreldan boshlab o‘qishlarini O‘zbekistondagi universitetlarga soddalashtirilgan tartibda ko‘chirishlari mumkin, biroq istisnolar ham bor.
O‘zbekistondagi yirik savdo tarmoqlari oziq-ovqat isrofgarchiligini kamaytirmoqchi
Adliya vazirligi va O‘zbekistondagi yirik savdo tarmoqlari vakillari oziq-ovqat chiqindilarini kamaytirish masalasini muhokama qilmoqda. Shu maqsadda fudshering platformasini ishga tushirish rejalashtirilgan. Statistikaga ko‘ra, Toshkentda har kuni 2 tonna non mahsulotlari, respublika bo‘ylab yiliga 3 million tonna oziq-ovqat mahsulotlari chiqindiga tashlanadi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting