Arxiv
Qashqadaryoning bir qator tibbiy muassasalarida budjet mablag‘lari talon-toroj qilingani aniqlandi
Qashqadaryoda «D.M.» MCHJ rahbari va 10 ta tibbiyot muassasasi mansabdorlari budjet mablag‘lari hisobidan tibbiy uskunalarini bir necha barobar qimmatga xarib qilgani aniqlandi. Yetkazilgan zarar 3 mlrd so‘mdan ortiq. Sud 11 nafar amaldorni 1 yilga mansabdorlik lavozimlarida ishlashdan mahrum qildi.
Davlat OTMlarida barcha talabalar uchun to‘lov-kontrakt miqdori oshirilmaydi — Oliy ta’lim vazirligi
Oliy ta’lim vazirligi 2022/2023 o‘quv yilida davlat OTMlarida barcha bosqich (bakalavriat va magistratura) talabalari uchun to‘lov-kontrakt miqdorlari oshirilmasligini ma’lum qildi. Shuningdek, «superkontrakt» miqdorlari ham o‘zgarishsiz qoladi. Jadval.
O‘zbekiston OTMlariga kirish natijalari e’lon qilindi
2022−2023 o‘quv yili uchun oliy ta’lim muassasalarining bakalavriat ta’lim yo‘nalishlariga kirish imtihonlari natijalari e’lon qilindi. Buni 6 xil usulda bilib olish mumkin.
IT-parkda ilk osmono‘par binolar foydalanishga topshirildi (foto)
Poytaxtning Mirzo Ulug‘bek tumanida qurilayotgan IT-parkda dastlabki 20, 22 va 25 qavatli binolar foydalanishga topshirildi. Ularda «Aloqabank» va «O‘zbektelekom» joylashgan. Kelgusida bu yerga AKT vazirligi va sanoat korxonalari ko‘chiriladi. Prezident osmono‘par binolardan birining tomiga ko‘tarildi. Foto.
Prezident yangilangan milliy bog‘ga tashrif buyurdi (foto)
1932 yilda tashkil etilgan va besh yil avval ta’mirlash uchun yopilgan O‘zbekiston Milliy bog‘i ochilishga tayyor. Ko‘l yana suvga to‘lgan, istirohat bog‘iga prezident tashrif buyurdi. U bog‘ni Toshkent ramzlaridan biri deb atadi va «qadriyatlarimizni e’zozlash va xotira ham kerak"ligini ta’kidladi. Foto.
Bayram kunlari Toshkent — Samarqand yo‘nalishidagi poyezdlar qatnovi ko‘paytiriladi
Mustaqillik bayrami munosabati bilan 29 avgustdan 4 sentabrga qadar «Samarqand-Toshkent-Samarqand» yo‘nalishidagi «Afrosiyob» poyezdlari qatnovi bittaga ko‘payadi.
«OTM va talaba o‘rtasida do‘stona munosabat bo‘lishi kerak» — Bern universiteti doktoranti Zarif Ibragimov bilan suhbat
«Xorijdagi o‘zbekistonliklar» loyihasining navbatdagi mehmoni — xalqaro matematika olimpiadasi sovrindori, Shveysariyaning Bern universiteti doktoranti Zarif Ibragimov. U «Gazeta.uz» ga O‘zbekiston va xorijdagi ta’limning farqlari, chet eldagi hayot tarzi va duch kelgan qiyinchiliklari haqida so‘zlab berdi.
Prezident mamlakatni raqamlashtirishning «yuragi»ga tashrif buyurdi (foto)
Toshkent viloyati Zangiota tumanida «Elektron hukumat» tizimi ma’lumotlarini saqlash va qayta ishlash yagona markazi bunyod etildi. 20 petabayt xotiraga ega tizim ma’lumotlarni saqlash va texnik qo‘llab-quvvatlash xarajatlarini kamaytiradi. Prezident markazni mamlakatni raqamlashtirishning «yuragi» deb atadi.
«Taqiqlar jamiyatga zarar yetkazadi» — Komil Allamjonov
Prezident Administratsiyasi rahbari o‘rinbosari Komil Allamjonovning ta’kidlashicha, «No Photo, No Video» muammosi O‘zbekiston ijtimoiy hayotidan allaqachon yo‘qotilishi kerak edi. «Ayrim o‘zboshimchalik bilan joriy qilingan taqiqlar jamiyatga zarar keltirishi muqarrar», — dedi u.
Boks bo‘yicha milliy terma jamoaga kubalik mutaxassislar jalb qilindi
O‘zbekiston boks terma jamoasining yangi murabbiylar shtabida endi federatsiya maslahatchisi, jamoa katta murabbiyi, murabbiy, trener-fizioterapevti lavozimlarida kubaliklar faoliyat olib boradi. Tajribali murabbiy Rahmatjon Ro‘zioxunov esa murabbiylar shtabidagi ishini davom ettirishi ma’lum bo‘ldi.
Qozog‘istonda «Toshkent — Bishkek» avtobusi YTHga uchradi
Qozog‘istonning Turkiston viloyatida «Toshkent — Bishkek» avtobusi yo‘ldan chiqib ketdi. 12 kishi og‘ir yaralangan.
So‘nggi 2 yilda o‘tish balini to‘play olmagan maktab bitiruvchilari salmog‘i pasaygan — XTV
XTV va DTM abituriyentlar to‘plagan ballarni avvalgi yillar bilan solishtirib chiqdi. So‘nggi 2 yilda o‘tish balini to‘play olmagan maktab bitiruvchilari salmog‘i pasaygan, deyiladi XTV ma’lumotida. O‘tish balini to‘play olmagan abituriyentlarning har 5 tadan biri (108 ming) maktabni joriy yilda bitirgan.
Nima tayyorlaymiz: Pishloqli pishiriqlar
Pishloq va kartoshkali chalpak, pishloq va ko‘katli dangasa pirojkalar, tovada pishirilgan pishloqli xachapuri, turkcha pogacha, pishloq va tvorogli kish, qatlamali xamirdan qilingan pishloq va ko‘katli o‘ramalar, pishloqli sloyka va boshqalar — Zira.uz mazali pishloqli pishiriqlar retseptlari ro‘yxatini taqdim etadi.
Kamilov va Norov Turkmanistonning «Galkinish» ordeni bilan taqdirlandi
O‘zbekiston prezidentining maxsus vakili Abdulaziz Kamilov va tashqi ishlar vaziri v. b. Vladimir Norov Turkmanistonning «Galkinish» («Tiklanish») ordeni bilan taqdirlandi. Turkmaniston tashqi ishlar vaziri Rashid Meredov esa O‘zbekistonning «Do‘stlik» ordeni bilan mukofotlandi. Marosim Ashxobodda bo‘lib o‘tdi.
Shavkat Mirziyoyev Vladimir Zelenskiyni Ukraina Mustaqillik kuni bilan tabrikladi
Shavkat Mirziyoyev Vladimir Zelenskiyni Ukraina Mustaqilligi kuni bilan tabriklar ekan, «do‘st ukrain xalqiga tinchlik va farovonlik» tiladi. U ikki davlat o‘rtasidagi «an’anaviy ravishda do‘stlik va o‘zaro hurmat tamoyillariga asoslangan» munosabatlar «bundan keyin ham rivojlanib borishiga» ishonch bildirdi.
OAV: «Rossiyada o‘zbekistonlik valyuta chayqovchilari faollashdi»
Rossiya o‘zbekistonlik valyuta chayqovchilari ayriboshlovchi joyga aylandi, deb xabar bermoqda Rossiya OAV. O‘zbekistonliklar rublga o‘zbek so‘mini xarid qilib, so‘ngra dollarga almashtirib, RFga olib kelib, bu yerda yana rublga almashtirishmoqda. Bunday operatsiyalardan bir necha kunda 6% gacha foyda olish mumkin.
26 avgust kuni O‘zbekistonda sodir bo‘lgan eng muhim xabarlar dayjesti
Qoraqalpog‘istonning yangi yetakchisi, Nukus voqealari sababini aytgan prezident, hamkasbini pichoqlab, 10 yilga qamalgan Madaniyat vazirligi xodimi, Quyi Chirchiqda xotinini kaltaklab, ertasi kuni o‘ldirib ketgan er, Qoraqalpog‘istonlik yoshlar uchun OTMlarga kvota va boshqalar — «Gazeta.uz» da kun dayjesti.
Bashar Asadning Samarqanddagi SHHT sammitiga tashrifi muhokama qilinmagani aytildi
Suriya prezidenti Bashar Asadning Samarqanddagi SHHT sammitiga tashrifi muhokama qilinmadi, dedi O‘zbekistonning SHHT ishlari bo‘yicha milliy koordinatori Rahmatulla Nurimbetov. Avvalroq OAV uning sammit doirasida Turkiya prezidenti Rejep Tayyip Erdog‘an bilan uchrashishi mumkinligi haqida xabar bergan edi.
«Eng og‘ir jazoni olishi lozim». Ijtimoiy tarmoq faollari rashk sabab xotinini pichoqlab o‘ldirgan er haqida
Quyi Chirchiqdagi 31 yoshli erkak rashk tufayli o‘z xotinini otasining uyida pichoqlab o‘ldirdi. «Gazeta.uz» tarmoqlar foydalanuvchilari ushbu xabarga bildirgan fikrlarni bir materialga jamladi. Kimdir bu qilmishi uchun unga eng og‘ir jazoni berish kerak desa, kimdir bunga tomoshabin bo‘lganlar ham aybdor demoqda.
AQSh global oziq-ovqat inqiroziga javoban O‘zbekistonga $2 mln ajratadi
AQSh O‘zbekistondagi fermer va o‘g‘it ishlab chiqaruvchilarga yordam ko‘rsatish uchun USAID agentligi orqali 2 mln dollar ajratadi. Yordamning maqsadi global oziq-ovqat inqirozi sharoitida mamlakatning oziq-ovqat xavfsizligini ta’minlash bo‘yicha sa’y-harakatlarini qo‘llab-quvvatlashdan iborat.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting