Arxiv
“O‘zmilliybank” yangi aksiya haqida e’lon qildi
15-iyundan 15-sentabrga qadar “O‘zmilliybank”dan Solfy to‘lov kartasi bilan Baraka Market`da xaridlarni amalga oshirib, Tailandga sayohat va boshqa qimmatli sovg‘alarni yutib olish imkoniyati mavjud.
Namangan viloyati Jinoyat qidiruv bo‘limining sobiq boshlig‘iga qiynoq uchun yengil jazo tayinlandi
Namangan viloyati IIB Jinoyat qidiruv bo‘limi boshlig‘i Umid Raupovga tergov izolyatorida saqlanayotgan shaxsni qiynoqqa solgani uchun uch yil muddatga ozodlik cheklash jazosi tayinlandi. Sud jabrlanuvchining da’volari yo‘qligi hamda sudlanuvchining aybiga qisman iqrorligini inobatga olib, jazoni yengillashtirdi.
Attraksiondan yiqilgan fuqarolar holati o‘rta og‘ir darajada — SSV
SSV ma’lum qilishicha, “Anhor — Lokomotiv” ko‘ngilochar bog‘ida attraksiondan yig‘ilgan ikki fuqaroning holati o‘rta og‘ir darajada. Holat yuzasidan jinoyat ishi qo‘zg‘atildi.
Xorazmda daraxtlarni noqonuniy ravishda kesgan ferma raisi ozodligi 2 yilga cheklandi
Qo‘shko‘pir tumanida 83 tup har xil kattalikdagi daraxtni qo‘porgan va 3 tup daraxtga shikast yetkazgan ferma raisining ozodligi 2 yilga cheklandi. Shuningdek, 193,8 mln so‘m miqdorida o‘simlik dunyosiga yetkazilgan zararni ham qoplashi belgilandi.
“Click va Uzum birlashishi to‘g‘risida rasmiy bitim tuzilmagan” — Raqobatni rivojlantirish qo‘mitasi
Raqobatni rivojlantirish va iste’molchilar huquqlarini himoya qilish qo‘mitasi Click to‘lov tashkiloti Uzum kompaniyalar guruhi bilan birlashuv bitimiga oldindan rozilik olish bo‘yicha murojaat qilmaganini va kompaniyalar birlashishi to‘g‘risida rasmiy bitim tuzilmaganini ma’lum qildi.
“Intermed Innovation klinikasining vajlari huquqiy asosga ega emas” — SSV
SSV Intermed Innovation xususiy klinikasi litsenziyasini sud orqali bekor qilinganini ma’lum qilgandi. Shundan so‘ng, Intermed Innovation kompaniyasi litsenziyani bekor qilish bo‘yicha sud jarayonini noqonuniy deb atagan edi. Vazirlik klinikaning bayonotiga nisbatan munosabat bildirdi.
Toshkentda 2 yoshli qizaloq qulagan devor ostida qoldi
Mirzo Ulug‘bek tumanidagi xonadonlarning birida qurilish vaqtida uyning bir qismi qulab tushdi, oqibatda ikki yashar qizaloq devor ostida qoldi. FVV xodimlari qizni qutqarib, shifokorga topshirgan.
O‘zbekiston prezidenti Xitoy raisini 70 yoshi bilan tabrikladi
Shavkat Mirziyoyev Xitoy raisi Si Szinpinga 70 yoshga kirgani munosabati bilan tabrik yo‘lladi. Shuningdek, uni O‘zbekistonga rasmiy tashrif bilan kelishga taklif qildi.
Transport vaziri basketbol federatsiyasi raisi bo‘ldi
2020-yildan beri O‘zbekiston transport vaziri sifatida ishlab kelayotgan Ilhom Maxkamov endilikda Basketbol federatsiyasiga ham raislik qiladi.
Toshkentda ikkilamchi uy-joyning o‘rtacha narxi bir yilda 27 foizga oshdi — ITIM
May oyida poytaxtdagi ikkilamchi ko‘chmas mulkning o‘rtacha narxi 2,5 foizga ko‘tarilib, o‘tgan yilning shu davriga nisbatan 27 foizga oshdi. Shahardagi ijara narxlari esa yil boshidan beri 12,1 foizga kamaydi.
“Hech kimni o‘z holiga tashlab qo‘ymaymiz”. Shavkat Mirziyoyev Qo‘qondagi bozorda yuz bergan yong‘in haqida
Shavkat Mirziyoyev yong‘indan zarar ko‘rgan Qo‘qondagi bozor bir oy ichida to‘liq tiklab berilishini ma’lum qildi. “Qo‘qonlik tadbirkorlarimiz xotirjam bo‘lsin, biz hech kimni o‘z holiga tashlab qo‘ymaymiz”, — dedi prezident.
Toshkentda himoya orderi talablarini buzgan AQSh fuqarosi jarimaga tortildi
Toshkentda 61 yoshli AQSh fuqarosi Maksim Penson himoya orderi talablarini buzgani va bezoriligi sabab jarimaga tortildi. U turmush o‘rtog‘i S.Razakovani turli so‘zlar bilan haqorat qilib, ayoliga nisbatan tazyiq o‘tkazgan. Sud uni 990 ming so‘m jarimaga tortdi.
Nukusda ayol 4-qavatdan qulab vafot etdi
Nukusda 27 yoshli ayol ko‘p qavatli uyning 4-qavatidan qulashi oqibatida halok bo‘ldi. Ayolning ruhiyatiga o‘tgan yilning sentabrida egizak chaqaloqlaridan ayrilgani salbiy ta’sir ko‘rsatgani aytilmoqda.
O‘zbekistonga besh oy davomida 2,6 mln sayyoh keldi
Statistika agentligi O‘zbekistonga yanvar-may oylarida 2,6 mln nafar sayyoh kelgani, ularning eng ko‘pi Markaziy Osiyo davlatlari va Rossiyadan ekanini ma’lum qildi. Sayyohlarning 2,1 mln nafari (81,5%) mamlakatga piyoda kelgan.
Markaziy bank asosiy stavkani yillik 14 foiz darajasida o‘zgarishsiz qoldirdi
Markaziy bank asosiy stavkani yillik 14 foiz darajasida o‘zgarishsiz qoldirish to‘g‘risida qaror qabul qildi. Regulyatorning qayd etishicha, yil yakuniga qadar inflyatsiyaning 8,5−9,5 foizgacha pasayishi hamda inflyatsiyani pasaytiruvchi omillar ta’sirini oshiruvchi omillarga nisbatan kuchliroq bo‘lishi kutilmoqda.
Belarus bilan yangi multimodal transport koridorini yaratish masalasi muhokama qilindi
Toshkentda Belarus delegatsiyasi bilan Belarusdan Pokistongacha bo‘lgan yangi multimodal transport yo‘lagini shakllantirish, shuningdek, milliy tashuvchilarga qo‘shimcha qulayliklar yaratish masalalari muhokama etilmoqda. Multimodal koridorni birgalikda yaratish tashabbusini Abdulla Aripov ilgari surgandi.
DXX fuqarolarni uchinchi davlat orqali AQSh va Kanadaga yuborish bilan bog‘liq holatlarni aniqladi
DXX tomonidan Samarqandda ikki fuqaroni Meksika orqali Qo‘shma Shtatlarga yuborishi uchun 44 ming dollar talab qilgan shaxs ushlandi.
Valyutani Milliy mobil ilovasida tez, qulay va foyda bilan ayirboshlash mumkin
NBU Milliy mobil ilovasi yordamida valyutani istalgan vaqtda va hamyonbop kursda ayirboshlash, shuningdek bank terminallarida foizsiz naqd pul olish imkoniyati mavjud.
Toshkentning 3 ta tumanida elektr ta’minoti vaqtincha to‘xtatildi
Poytaxtning Yashnobod (soat 16:00 gacha), Mirobod va Chilonzor (soat 17:00 gacha) tumanlaridagi ayrim hududlarda elektr ta’minoti to‘xtatildi.
Qozog‘istonning Abay viloyatidagi o‘rmon yong‘ini qurshab olindi
Qozog‘istonning Abay viloyatidagi yirik o‘rmon yong‘ini deyarli bir hafta o‘tib lokalizatsiya qilindi, 15 kishi halok bo‘lgan. Bosh prokuratura mas’uliyatsizlikka yo‘l qo‘ygan mansabdor shaxslarni javobgarlikka tortishga va’da berdi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting