Arxiv
Bosh prokuratura Denovdagi portlash bo‘yicha terakt versiyasini rad etdi
Bosh prokuratura matbuot kotibi Denovdagi portlash bo‘yicha terakt versiyasini rad etdi. Dastlabki ma’lumotlarga ko‘ra, portlashga taxminan bino ichida bir necha soat davomida gaz sizib chiqishi sabab bo‘lgan. Chaqnash oqibatida 65 ta uy zarar ko‘rgani, 6 ta xonadon yashash uchun xavfli holatga kelib qolgani aytilmoqda. Viloyat hokimi To‘ra Bobolov yetkazilgan zarar davlat tomonidan to‘liq qoplab berilishiga ishontirmoqda.
Orzudagi Konstitutsiya
O‘zbekiston Konstitutsiyasi kuni kolumnist Komil Jalilov hokimiyat tarmoqlari o‘rtasida o‘zaro tiyib turish va muvozanatni saqlashning demokratik tizimini barpo etish, shu orqali jamiyat va davlatni korrupsiyadan xalos etish uchun poydevor yaratish maqsadida Asosiy qonunga qanday o‘zgartirishlar kiritish zarurligi haqida fikr yuritdi.
Olaf Shols Germaniyaning yangi kansleri etib saylandi
2018 yildan buyon moliya vaziri va vitse-kansler lavozimlarida ishlab kelayotgan Sotsial-demokratik partiya a’zosi Olaf Shols Germaniya federal kansleri etib saylandi. Uning nomzodini Bundestagning 395 deputati qo‘llab-quvvatladi.
DXX respublika bo‘yicha jami 24,5 kgdan ortiq giyohvand moddalarni musodara qildi
Davlat xavfsizlik xizmati xodimlari tomonidan Farg‘ona, Andijon, Qashqadaryo va Qoraqalpog‘istonda o‘tkazilgan tekshiruvlarda jami 5,450 kg «opiy», 19,2 kg «gashish» hamda 2990 dona «Tramadol» aniqlanib, musodara qilindi.
Tuman sababli O‘zbekiston aeroportlarida bir necha reyslar kechiktirildi
Quyuq tuman tushgani sababli Urganch, Nukus va Navoiy aeroportlari faoliyatiga o‘zgarishlar kiritildi. Jumladan, Toshkentdan Urganch va Nukusga amalga oshirilgan parvozlar kechiktirildi.
Madaniyat vazirligi xodimlari ish faoliyati davomida do‘ppi kiyishni boshladi
Madaniyat vaziri Ozodbek Nazarbekov vazirlik xodimlari ish faoliyati davomida do‘ppi kiyishni rejalashtirganini ma’lum qildi. U buni qadriyatlarni hayotga qaytarish deb atab, barcha soha xodimlarini mazkur tashabbusni qo‘llab-quvvatlashga chaqirdi. Foto.
Foto: Denovdagi portlash oqibatlari
Denovdagi savdo markazidagi portlash ovozi bir necha kilometr uzoqlikdan eshitildi. Yaqin atrofdagi binolar, jumladan, turar-joy binolari jiddiy shikastlangan. Portlashning taxminiy sababi sifatida gaz qurilmalaridan foydalanish qoidalarining buzilishi aytilmoqda. «Gazeta.uz» favqulodda hodisa joyidan suratlarni e’lon qildi.
Jahon yangiliklari dayjesti
Rossiyada Afrika davlatlari va Gongkongdan kelgan fuqarolarning 14 kunlik karantinga olinishi, Janubiy Koreyada koronavirusning omikron shtamiga chalinganlar soni 36 nafarga yetgani, Belarusda pirotexnika vositalari sotilishiga ruxsat berilgani va boshqa yangiliklar — «Gazeta.uz»ning jahon yangiliklari dayjestida.
7 dekabr kuni O‘zbekistonda sodir bo‘lgan eng muhim xabarlar dayjesti
Mercedes`dan Cadillac`gacha: amaldorlarning qanday mashinada yurishi, Konstitutsiya kuni arafasida 182 mahkumning afv etilishi, «Qo‘yliq» bozorining ko‘chirilishi, Denovdagi savdo majmuasida portlash oqibatida 2 kishining halok bo‘lishi, bank kartalaridan pul yechib olinish sabablari o‘rganilayotgani, AQSh senatorlarining O‘zbekistonga bosim o‘tkazishga chaqirig‘i — «Gazeta.uz» ning 7 dekabrdagi eng muhim xabarlari dayjestida.
Korrupsiyaga qarshi kurashish agentligining vakolatlari kengayadi
Korrupsiyaga qarshi kurashish agentligiga yangi vakolatlar berildi. Endilikda agentlik huquqni muhofaza qiluvchi organlarning elektron ma’lumotlar bazalaridan korrupsiyaga oid huquqbuzarliklar to‘g‘risidagi ma’lumotlarni olishi va jinoyat ishini qo‘zg‘atish yoki boshqa choralarni ko‘rish uchun korrupsiya faktlari to‘g‘risidagi xabarlarni yuborish va natijalari bo‘yicha qabul qilingan qaror to‘g‘risida ma’lumotni talab qilishi mumkin.
Prezident Konstitutsiyaga qator o‘zgartishlar kiritishni taklif qildi
Prezident Shavkat Mirziyoyev Konstitutsiya kuni munosabati bilan yo‘llagan tabrigida asosiy qonunga o‘zgartirishlar kiritishni taklif qildi. U inson huquqlarini himoya qilish bo‘yicha amaldagi tizim samarasini oshirish maqsadida Konstitutsiyada bolalar mehnatiga yo‘l qo‘ymaslik, nogironlar, keksa avlod vakillarining huquqlarini ishonchli himoya qilish masalalari ham o‘z aksini topishi kerakligini ta’kidladi.
Konstitutsiya kuni arafasida 182 nafar mahkum afv etildi
Prezident farmoni bilan Konstitutsiya kuni arafasida bilib-bilmay jinoyat sodir etgan, qilmishiga chin dildan pushaymon bo‘lib, tuzalish yo‘liga qat’iy o‘tgan 182 nafar mahkum afv etildi. Ularning 6 nafarini chet el fuqarolari, 6 nafarini 60 yoshdan oshganlar, 9 nafarini ayollar va 25 nafarini taqiqlangan tashkilotlarga aloqador bo‘lganlar tashkil etdi.
Qurolli kuchlarning 30 yilligiga esdalik nishoni ta’sis etildi
Prezident Qurolli kuchlarga 30 yil esdalik nishonini ta’sis etish to‘g‘risidagi farmonni imzoladi.
Dollarning rasmiy kursi ko‘tarildi
Dollarning so‘mga nisbatan rasmiy kursi 12,46 so‘mga ko‘tarilib, 10 782,24 so‘m etib belgilandi. Shuningdek, yevro va rubl kurslari esa pasaydi.
AQSh inson huquqlari buzilayotgani tufayli Pekindagi Olimpiadaga diplomatik boykot e’lon qildi
AQSh hukumati inson huquqlari buzilayotgani sababli 2022 yilda Pekinda bo‘lib o‘tadigan Olimpiadaga diplomatik boykot e’lon qildi. Xitoy bunga javoban Amerika vakillarining Olimpiadada bo‘lmasligi «hech kimni xavotirga solmasligini» ta’kidladi.
Xitoy kompaniyasi Farg‘onada texnopark va quyosh elektr stansiyasi qurishni rejalashtirmoqda
Xitoy kompaniyasi Farg‘ona viloyatida 25 gektar maydonda innovatsion texnopark hamda 350 mln dollar investitsiya hisobiga 500 gektar yerda quyosh fotoelektr stansiyasi barpo etishni rejalashtirmoqda. Stansiyada ishlab chiqarilgan elektr energiyasi texnoparkda joylashtiriladigan xorijiy korxonalarni ta’minlashga yo‘naltiriladi.
Qoraqalpog‘iston hududida yangi qush turi — cho‘l buqasi aniqlandi
Qoraqalpog‘istonda Respublikasida shamol elektr stansiyasini qurish bo‘yicha investitsiya loyihasi doirasida bahorgi monitoring chog‘ida yangi qush turi — cho‘l buqasi topildi. Ushbu qush Energetika vazirligi loyihalarining atrof-muhitga ta’sirini o‘rganish jarayonida aniqlangan.
Yil boshidan beri shaharlararo avtobuslarda yo‘lkira narxi 9,4 foizga oshdi
Davlat statistika qo‘mitasi ma’lumotlariga ko‘ra, noyabr oyida shaharlararo avtobusda yo‘lkira narxlari oktabr oyiga nisbatan o‘rtacha 0,4 foizga oshdi. Yil boshidan beri bu ko‘rsatkich 9,4 foizga qimmatlashgan.
Boysun tumani hokimligi 398 mln so‘mga Trailblazer xarid qildi
Surxondaryo viloyati Boysun tumani hokimi farmoyishi bilan texnik nosoz Captiva-2 xizmat avtomobili bepul tarzda tuman prokuraturasiga o‘tkazildi. Shundan so‘ng, hokimlik 398 mln so‘mlik Trailblazer mashinasini xarid qilish uchun shartnoma tuzgan. Biroq, hukumat qarori bilan tuman hokimlariga 270 mln so‘mgacha bo‘lgan xizmat avtomobilini xarid qilishga ruxsat etilgan.
AQSh senatorlari Davlat departamenti va prezidentni O‘zbekistonga bosim o‘tkazishga chaqirdi
AQSh senatorlar guruhi Oq uy va Davlat departamentini inson huquqlari bilan bog‘liq vaziyat sababli O‘zbekistonga bosim o‘tkazishga chaqirdi. Ularning fikricha, O‘zbekistondagi islohotlar sustlashgan, mamlakatda erkin so‘z huquqi cheklanmoqda. OAV faoliyatida ham muammolar kuzatilmoqda.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting