Arxiv
Piyoda yurishning foydasi nimada?
Muntazam piyoda yurish — qon bosimini me’yorlashtiradi, kayfiyatni va organizmning umumiy holatini yaxshilaydi. Bundan tashqari qon bosimi va xolesterin miqdorini me’yorlashtiradi. Odam kuniga qancha masofa yurishi kerak, yurish vaqti va masofasini qay tartibda oshirib borish zarur? Bu haqda Sog‘lom turmush tarzini qo‘llab-quvvatlash va jismoniy faolligini oshirish markazi direktori Barno Odilova ma’lumot berdi.
10 oyda davlat xizmatlarini ko‘rsatish sohasida 191 mingdan ortiq holatda qonun buzilgan — DXA
10 oyda davlat xizmatlarini ko‘rsatish sohasida 191 mingdan ortiq qonunbuzilish holati aniqlandi. «O‘zsuvta’minot», «Hududgazta’minot», Qurilish vazirligi, Kadastr agentligi, Sog‘liqni saqlash vazirligi qonun buzar takshilotlar top-5taligidan o‘rin olgan. Natijada 2556 nafar mansabdor jarimaga tortildi, 64 nafari esa ishdan bo‘shatildi.
Dollarning rasmiy kursi ketma-ket uchinchi kun ko‘tarildi
Dollarning so‘mga nisbatan rasmiy kursi 5,02 so‘mga ko‘tarilib, 10 737,06 so‘m etib belgilandi. Shuningdek, yevro va rubl kurslari esa pasaydi.
Toshkentning uchta tumanida issiqlik va issiq suv uzilib qoldi
Yunusobod tumanidagi 4-Issiqlik markazining elektr energiyasi ta’minotida nosozlik ro‘y bergani sababli Yunusobod, Olmazor va Shaxontohur tumanlarida issiq suv va issiqlik ta’minotida uzilish kuzatilmoqda.
O‘zbekistondagi uy-joy va binolarda energiya tejash bo‘yicha katta muammolar mavjud — ekspertlar
O‘zbekistonda jami elektr energiyasining qariyb 60 foizi jamoat binolari iste’moliga to‘g‘ri kelmoqda. Uy-joy kommunal xizmat ko‘rsatish vaziri o‘rinbosari Nazirjon Nazirovning fikricha, «uy-joy va binolarni ekspluatatsiya qilishda energiya tejash bo‘yicha katta muammolar mavjud». Jahon bankining O‘zbekistondagi vakili Marko Mantovanelli esa yuqori energiya sarfi gazni atrof muhitga tashlash va iqlim o‘zgarishlariga sabab bo‘lishini ta’kidladi. O‘zbekiston muammoni bartaraf etish uchun Milliy dastur ishlab chiqmoqchi.
USAID O‘zbekistonga COVID-19 bilan kurashish uchun qo‘shimcha 2,5 mln dollar ajratdi
AQSh Xalqaro taraqqiyot agentligi O‘zbekistonga qo‘shimcha 2,5 mln dollar ajratdi. Bu mablag‘ dori vositalari sifatini ta’minlash va mamlakatda vaksinaga nisbatan ishonchsizlikni bartaraf etish uchun sarflanadi.
Dunyoda qochqinlar va boshpana izlovchilar soni ortdi
Yarim yil ichida dunyo bo‘ylab qochqin, ko‘chirilganlar, boshpana izlovchilar hamda fuqaroligi bo‘lmagan shaxslar soni 84 millionga yetdi. Qochqinlarning aksariyatini Suriya, Venesuela va Afg‘oniston fuqarolari tashkil etmoqda. «Qurolli to‘qnashuvlar, COVID-19 pandemiyasi, qashshoqlik, oziq-ovqat muammolari va iqlimdagi favqulodda vaziyatlar ko‘chirilgan odamlarning og‘ir ahvolini yanada kuchaytirmoqda», — deyiladi BMTning Qochqinlar bo‘yicha Oliy komissarligi boshqarmasi hisobotida.
Dam olish kunlari ayrim hududlarda yomg‘ir yog‘ishi kutilmoqda
Dam olish kunlari mamlakatga biroz nam va salqin havo massalari kirib kelishi kutilmoqda. Respublika bo‘yicha ba’zi joylarda biroz yomg‘ir yog‘adi. Havo harorati kunduz kuni +8…+13 daraja iliq bo‘lishi kutilmoqda.
Andijon shahar hokimi fuqaroni haqorat qildi
Andijon shahar hokimi Bahromjon Haydarov telefon suhbati davomida fuqaroni haqorat qilganligi ma’lum bo‘ldi. Viloyat hokimligining ta’kidlashicha, fuqaro uyi «snos»ga tushganligi sababli hokimga qurilish firmasidan 400 kv metrli uy-joy va Gentra avtomobilini undirib berishni so‘rab bir necha marotaba murojaat qilgan. Andijon hokimining harakatlariga viloyat hokimligi tomonidan huquqiy baho beriladi.
Yerda kuzatilgan 5 ta eng g‘ayrioddiy tabiat hodisalari
Dunyo bo‘ylab avval kuzatilmagan ayrim tabiat hodisalarining kelib chiqish sabablarini ilm-fan ham tushuntirib berolmaydi. Ularning aksariyati yoki taxminiy hulosalarga, yoki farazlarga asoslanadi. Ayrimlariniki esa haligacha noma’lum. Muzlab qolgan metan pufakchalari, «qonli» yomg‘ir, «o‘lim barmog‘i» va minglab odamlarni o‘ldirgan qora tuman kabi hodisalar haqida «Gazeta.uz» maqolasida.
Bo‘stonliq tumanida 56 tup daraxt kesib tashlandi
Toshkent viloyati Bo‘stonliq tumanida 56 tup daraxt noqonuniy ravishda kesilganligi aniqlandi. Ushbu hatta-harakat natijasida o‘simlik dunyosiga 288 mln 792 ming so‘m miqdorda zarar yetkazilgan. Holat yuzasidan jinoyat ishi qo‘zg‘atildi.
2022 yilda 40 ta maktab qurish rejalashtirilgan. Bu juda ham kam
2022 yilda davlat tomonidan 410 mlrd so‘mlik 40 ta maktab qurish rejalashtirilgan. Bu o‘tgan yilgidan deyarli ikki baravar ko‘p, ammo maktablarda joy yetishmasligi muammosini hal qilish uchun hali ham halokatli darajada yetarli emas.
Andijon viloyatida zilzila sodir bo‘ldi
Andijon viloyatining Jalaquduq tumani hududida zilzila sodir bo‘ldi. Epitsentr hududida silkinishlar kuchi 4 ballni tashkil qildi.
2022 yilda elektr energiyasi va tabiiy gaz tarif narxlari oshirilishi kutilmoqda
Hisob palatasi 2022 yilda energiya resurslari, jumladan, elektr energiyasi, tabiiy gaz, issiq suv va issiqlik energiyasi, sovuq suv va kanalizatsiya tariflari narxlari oshirilishini ma’lum qildi. Shuni hisobga olgan holda, asosiy iste’mol tovarlari va xizmatlar narxlari o‘sish sur’atlarini sezilarli darajada pasaytirish yuzasidan tavsiyalar berilgan.
11 noyabr kuni O‘zbekistonda sodir bo‘lgan eng muhim xabarlar dayjesti
Behzod Musayev sog‘liqni saqlash vaziri lavozimiga tayinlanishi, 2022 yilda YAIM 5,9 foizga o‘sishi prognoz qilinishi, “Bavariya” klubiga muxlislik qiluvchi O‘zbekiston bosh vaziri — “Gazeta.uz"ning 11 noyabrdagi eng muhim xabarlari dayjestida.
Kun fotosi: Bosh vazir Abdulla Aripov «Bavariya» libosi bilan
Bavariya bosh vaziri Markus Syoder Myunxenning «Bavariya» klubiga muxlislik qiluvchi O‘zbekiston bosh vaziri Abdulla Aripov bilan tushgan suratini joylashtirdi. Shu kunlarda O‘zbekiston hukumat delegatsiyasi Germaniyada bo‘lib turibdi.
Jahon yangiliklari dayjesti
Varshavada minglab millatchilarning namoyishi bo‘lib o‘tgani, Tinchlik bo‘yicha Nobel mukofoti sovrindori, JARning sobiq prezidenti Frederik de Klarkning vafot etgani, Latviya parlamenti Georgiy lentalaridan foydalanishni taqiqlovchi qonunni tasdiqlagani, Seulda amerikalik diplomat avtohalokat sodir etib, AQSh harbiy bazasiga yashiringani, Nobel mukofoti sovrindori Malala Yuzufzoy turmushga chiqqani va boshqa yangiliklar — «Gazeta.uz»ning jahon yangiliklari dayjestida.
Jismoniy shaxslardan olinadigan mol-mulk solig‘i 10 foizga oshishi kutilmoqda
2022 yilda jismoniy shaxslardan olinadigan mol-mulk solig‘i stavkalarini 10 foizga oshirish rejalashtirilmoqda. Shuningdek, aksiz solig‘i stavkalarining o‘rtacha 10 foizga oshishi kutilmoqda. Yuridik shaxslarning mol-mulkiga solinadigan soliq stavkasi esa amaldagi 2 foizdan 1,5 foizga kamaytirish ko‘zda tutilgan. Hisob palatasi 2022 yilgi davlat budjeti qonuni loyihasi va budjetnoma bo‘yicha xulosa berdi.
Hududlardagi tibbiyot muassasalarini jihozlash va kadrlar malakasini oshirishga $100 mln ajratiladi
Prezident qarori bilan tuman va viloyat tibbiyot muassasalari uchun zamonaviy tibbiy uskunalar xarid qilish va kadrlarning xorijda malakasini oshirishga Tiklanish va taraqqiyot jamg‘armasi hisobidan 100 mln dollar ajratiladi. Mablag‘lar hokimliklarga qaytarish sharti bilan milliy valyutada 3 yil muddatga ssuda sifatida taqdim etiladi.
2022 yilda budjet xarajatlari YAIMga nisbatan 33% miqdorida bo‘lishi prognoz qilinmoqda
2022 yilgi konsolidatsiyalashgan budjet xarajatlari 277,2 trln so‘m yoki YAIMga nisbatan 33% miqdorida bo‘lishi prognoz qilinmoqda. Hisob palatasi kelgusi yilda aholini uy-joy bilan ta’minlash dasturlarini moliyalashtirish uchun 2,1 trln so‘m subsidiyalar ajratishni tavsiya qildi. 2022 yil uchun 1 AQSh dollarining yillik o‘rtacha almashuv kursi 11 321 so‘mga prognoz qilindi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Qashqadaryoda “KamAZ” tirkamasi chiqib ketib, 3 ta transportga urildi, bir kishi jarohatlandi
- Futzal JCH: O‘zbekiston Paragvayga yirik hisobda mag‘lub bo‘ldi
- Shaxmat Olimpiadasida O‘zbekiston erkaklar jamoasi vaziyatni o‘nglamoqda, ayol shaxmatchilar esa ilk bor mag‘lubiyatga uchradi
Qo‘shimcha imkoniyatlarga ega bulish uchun saytda ro‘yxatdan o‘ting