Arxiv
Ularga, baribir, tekinga suv yetkazilmaydi — Dehqonobod hokimligi buloq qurishi tufayli suvsiz qolgan qishloq aholisi haqida
Qashqadaryo viloyati Dehqonobod tumani «Nurli kelajak» mahallasidagi buloq qurib qolgani sababli aholi ichimlik suvisiz qolmoqda. Ijtimoiy tarmoqlarda ayollarning buloq suvini talashayotgani aks etgan video tarqaldi. Tuman hokimligi vakili «Gazeta.uz»ga muammo yil oxirigacha hal bo‘lmasligi, aholiga esa tekinga suv yetkazilmasligini ma’lum qildi.
Bu yil 5−6−7−8 hamda 10-sinflarning bosqichli imtihonlari o‘tkazilmaydi
Joriy o‘quv yili yakunida 5−6−7−8 hamda 10-sinflarning bosqichli imtihonlari o‘tkazilmaydi. Ixtisoslashtirilgan davlat maktablari va maktab-internatlar esa buni ichki nizomiga ko‘ra bajaradi. Shuningdek, dam olish kunlari hisobiga 9-sinf bitiruvchilari «Jismoniy tarbiya» fanidan yakuniy nazorat imtihonlarini har yilgidek 2−7 may kunlari emas, balki 11−14 mayda topshiradi.
O‘zbekistonning tashqi savdo aylanmasi yanvar-mart oylarida 13,15 mlrd dollarga yetdi
2022-yilning birinchi choragida O‘zbekiston eksporti 2,4 baravar oshib, 5,7 mlrd dollarga yetdi. Eksport tarkibining yarmidan ko‘prog‘i oltin savdosidan iborat bo‘ldi. Oltinni hisobga olmaganda, eksport o‘sishi 15,8 foizga teng bo‘ldi. Import esa 44,6 foizga o‘sib, 7,4 mlrd dollarni tashkil etdi.
MB asosiy stavkani 17 foiz darajasida qoldirdi va makroiqtisodiy prognozlarni yomonlashtirdi
Markaziy bank asosiy stavkani 17 foiz darajasida o‘zgarishsiz qoldirishga qaror qildi. Asosiy savdo-hamkor davlatlarda iqtisodiy vaziyat shu jumladan, valyuta kurslarining ma’lum darajada muvozanatlashuvi kuzatilayotganiga qaramasdan, barcha makroiqtisodiy ko‘rsatkichlar bo‘yicha o‘rta muddatli istiqbolda noaniqlik va xatarlar darajasi yuqoriligicha saqlanib qolmoqda, deya qayd etdi regulyator. MB inflyatsiya, pul o‘tkazmalari va YAIM o‘sishi bo‘yicha prognozlarini yomonlashtirdi.
Xorijda turib masofadan ishlash uchun O‘zbekiston hududida tasdiqnoma olish talabi bekor qilinmoqda
1 iyuldan litsenziya yoki ruxsat etish xususiyatiga ega hujjatlarning ayrim talab va shartlari bekor qilinmoqda. Jumladan, xorijda turib masofaviy (onlayn) shaklda ishlash uchun O‘zbekiston hududida tasdiqnoma olish shart bo‘lmaydi.
Toshkentda Xalqlar do‘stligi maydoni atrofidagi ko‘chalar vaqtincha yopiladi
23−24 aprel kunlari Toshkentda Xalqlar do‘stligi maydoni atrofida duatlon bo‘yicha O‘zbekiston chempionati bo‘lib o‘tishi munosabati bilan bir qator ko‘chalar vaqtincha yopiladi.
Paxtaobodda zaxiradagi yerni sotmoqchi bo‘lgan irrigatsiya va kadastr bo‘limi xodimlari ushlandi
Paxtaobod tumanida irrigatsiya bo‘limida ishlaydigan aka o‘zining kadastr bo‘limida ishlaydigan ukasi orqali tuman hokimligi zaxirasidagi 10 sotix yer maydonini uy-joy qurish uchun sotmoqchi bo‘lganlikda gumon qilinmoqda. Gumonlanuvchilar fuqarodan 10,1 ming dollar olgan vaqtida ushlangan.
DXMlarda o‘ziga o‘zi xizmat ko‘rsatuvchi joylar tashkil etiladi
1 iyundan davlat xizmatlari markazlarida elektron davlat xizmatlaridan foydalanish uchun o‘ziga o‘zi xizmat ko‘rsatuvchi joylar tashkil etiladi. Shuningdek, DXMlardagi bank shoxobchalarida to‘lov amalga oshirilganda, foizgacha bo‘lgan bank komissiyasi olinmaydi. «Yoshlar daftari»ga kiritilgan yoshlar OTMlarga kirish imtihonlari uchun to‘lovdan ozod qilindi.
Sirdaryoda Nexia-3 gaz balloni portlab, butunlay yaroqsiz holga keldi
Yangiyer shahrida Nexia-3 avtomobiliga o‘rnatilgan gaz balloni portlashi oqibatida mashina butunlay yaroqsiz holga keldi. Hodisada hech kim jabrlanmadi. 2 mashina zararlandi.
Qirg‘izistondagi OTMlarga kiritib, so‘ng o‘qishini O‘zbekistonga ko‘chirib bermoqchi bo‘lgan shaxslar ushlandi
Farg‘ona va Namangan viloyatlarida fuqarolarni Qirg‘izistondagi OTMlarga o‘qishga kiritib, so‘ng o‘qishini O‘zbekistonga ko‘chirib berishni va’da qilganlikda gumonlangan shaxslar ushlandi. Ushlanganlar fuqarolardan jami 5680 dollar va 26 mln so‘m olgan.
Uy-joyning «snos» ga tushganini aniqlash bo‘yicha davlat xizmatlari ko‘rsatiladi
Hukumat qarori bilan ko‘chmas mulk buzilishga tushgan yoki tushmaganligi holati to‘g‘risida ma’lumotnoma 3 ish kunida DXM yoki YAIDXP orqali beriladi. Bundan tashqari, bino va inshootlar tashqi ko‘rinishini o‘zgartirish, loyiha-smeta hujjatlarni kelishish, qurilishni boshlash uchun obyektni ro‘yxatdan o‘tkazish zarurligi belgilanmoqda.
Sel oqibatlari: 260 ta xo‘jalik talofat ko‘rdi, 6 ta maktab, 2 ta MTMga suv kirdi, 6 kishi qutqarildi
20 aprel kuni Samarqand va Jizzax viloyatlarida 1,5 soatda bir oylik miqdorda yomg‘ir yog‘ishi oqibatida sel oqimlari va toshqin suvlari yuzaga keldi. Natijada har ikki viloyatda jami 364 ta uy-joy, 6 ta maktab va 2 ta MTMning yerto‘la va hovlilarigaga suv kirgan. 26 ta xo‘jalik turli darajada talofat ko‘rdi. 6 kishi qutqarildi, 100 dan ziyod aholi evakuatsiya qilindi.
Telefon raqami orqali barcha davlat xizmatlaridan foydalanish imkoniyati yaratilmoqda
1-avgustdan boshlab davlat xizmatlaridan foydalanishda shaxsni aniqlash uchun Mobil-ID tizimi joriy etiladi. Bunda fuqarolar tizim orqali elektron raqamli imzoni qo‘llamagan holda barcha davlat xizmatlaridan foydalanishi mumkin bo‘ladi.
Mudofaa vazirligi vagonlarda harbiy texnikalar tashilayotgani aks etgan videoga izoh berdi
Ijtimoiy tarmoqlarda harbiy texnikalar temir yo‘l vagonlarida tashilayotgani aks etgan videolavha tarqaldi. O‘zbekiston Mudofaa vazirligi bu holat qo‘shinlarda rejaviy almashtirish ishlari ekanini ma’lum qildi.
20 aprel kuni O‘zbekistonda sodir bo‘lgan eng muhim xabarlar dayjesti
ISHID raketalari O‘zbekistongacha yetib bormaganini aytgan «Tolibon», O‘zbekistonga «yashil» iqtisodiyotni rivojlantirish uchun 150 mln yevro ajratadigan Fransiya taraqqiyot agentligi, mahkumlar ishlagan muddatni ish stajiga qo‘shish taklif etilayotgani, Jizzaxdagi kuchli sel tufayli vafot etgan 4 kishi, Buxoroda ushlangan soxta aviachipta tayyorlovchilar va boshqalar — «Gazeta.uz» ning 20 apreldagi eng muhim xabarlari dayjestida.
Yuridik shaxslarning mol-mulk solig‘ini hisoblash tartibiga o‘zgartirishlar kiritildi
Prezident qarori bilan yuridik shaxslarning mol-mulk solig‘ini hisoblash tartibiga o‘zgartirishlar kiritildi. Bundan buyon soliq bazasini aniqlashda so‘nggi ikki yil davomida baholovchi tashkilotni jalb qilgan holda o‘tkazilgan mol-mulkni baholash natijalari asos bo‘ladi.
O‘zbekistonliklar uchun Rossiyaga kirganidan 15 kun ichida majburiy ro‘yxatdan o‘tish talabi bekor qilinishi mumkin
O‘zbekiston fuqarolarining Rossiyada ro‘yxatdan o‘tmagan holda bo‘lish muddatini 7 kundan 15 kunga uzaytirish rejalashtirilmoqda. O‘zbekistondagi rossiyaliklar uchun ham xuddi shunday rejim joriy etiladi.
Bojxonachilar tomonidan yil boshidan beri yarim tonnadan ziyod giyohvandlik vositalari ushlab qolindi
Joriy yilning birinchi yarmida O‘zbekiston bojxona xizmati organlari tomonidan 503,6 kg giyohvandlik vositalari ushlab qolindi. Shuningdek, 1 mln dollarga teng naqd xorijiy valyuta to‘xtatib qolingan, 5,2 mlrd so‘mlik zargarlik buyumlarining aylanishining oldi olingan.
Jizzaxda kuchli yog‘ingarchiliklar oqibatida yuzaga kelgan sel va suv toshqinlarida binolar zarar ko‘rdi, 4 kishi halok bo‘ldi
Jizzaxning Baxmal, G‘allaorol, Forish tumanlarida kuchli yog‘ingarchilik oqibatida sel kelishi va toshqinlar kuzatildi. Maktab va bog‘cha zarar ko‘rdi. Hodisa tufayli 4 kishi halok bo‘ldi. O‘zgidromet yetakchi mutaxassisi Erkin Abdulaxatovning aytishicha, ikki soat ichida G‘allaorol meteorologiya stansiyasi yillik yog‘ingarchilikning deyarli 10 foizini qayd etgan.
ISHID raketalari O‘zbekistongacha yetib bormadi — «Tolibon»
«Tolibon» matbuot kotibi o‘rinbosari Inomulla Samangoniy ISHIDning Xuroson bo‘limi jangchilari Afg‘oniston hududidan O‘zbekistonga raketalar uchirishga uringani, biroq snaryadlar o‘zbek chegarasigacha yetib bormaganini tasdiqladi. U Afg‘oniston hech kimga o‘z hududidan qo‘shni davlatlar xavfsizligiga tahdid qilishga yo‘l qo‘ymasligini bildirdi. Shunga qaramasdan, mamlakat muvaqqat hukumati TIV o‘qqa tutish holatini rad etdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting