Arxiv
«Urush Rossiya xalqi uchun qimmatga tushmoqda» — rossiyalik iqtisodchi Sergey Guriyev
Iqtisodchi Sergey Guriyev Rossiya Markaziy bankining YeI, AQSh va Kanadadagi aktivlari muzlatilishini «mutlaqo kutilmagan, muhim yangilik» deb atadi — «bu rubl uchun ulkan zarba» bo‘ladi. Uning fikricha, Rossiyaning neft eksportiga embargo joriy etilishi ham ehtimoldan holi emas. Yuqori texnologiyalar eksporti bilan bog‘liq sanksiyalar esa Rossiyada texnologiyalar rivojlanishini to‘xtatib qo‘yishi mumkin.
1-iyuldan o‘lim haqida tibbiy guvohnoma berish tartibi bekor qilinadi, tizim elektronlashtiriladi
Hukumat qarori bilan 1-apreldan Toshkent shahrida, 1-iyuldan esa respublika bo‘ylab tibbiyot muassasalari tomonidan o‘lim haqida tibbiy guvohnoma berish tartibi bekor qilinadi. Uning o‘rniga, elektron tizim orqali tibbiy ma’lumotnoma shakllantirish tartibi joriy etiladi. O‘limni qayd qilish bilan bog‘liq kompozit davlat xizmatlarini ko‘rsatish yo‘lga qo‘yiladi.
Navoiyda shifokor bemorning onasini jinsiy aloqaga majburlagani ortidan tibbiyot markazi rahbari ishdan bo‘shatildi
Navoiy viloyati bolalar ko‘p tarmoqli tibbiyot markazi Nevrologiya bo‘limi mudiri bemor bolaning onasini kasallik varaqasini berish evaziga jinsiy aloqa qilishga majburlab kelganlikda gumonlanib, hibsga olingandi. Mazkur voqea ortidan xodimlari ustidan yetarli nazorat o‘rnatmagani uchun tibbiyot markazi direktori ishdan bo‘shatildi.
Yevrokomissiya rahbari: «Ukraina YeIga a’zo bo‘lishi kerak, biz uni Yevropa oilasida ko‘rishni istaymiz»
«Ukraina vaqt o‘tib, YeIga a’zo bo‘lishi kerak, bu mamlakat — bizlarning bittamiz, biz uni Yevropa oilasida ko‘rishni istaymiz», — dedi Yevropa komissiyasi rahbari Ursula fon der Lyayen. U Ukraina Yevropa qadriyatlarini tushunishini va tinch demokratik sharoitda yashashni istashini ta’kidladi. Germaniya kansleri Bundestag qarshisida chiqish qilar ekan, Ukrainaga amalga oshirilgan bosqin uchun butun boshli rus xalqi emas, balki Vladimir Putinning shaxsan o‘zi javobgarligini aytdi.
Ukraina va Rossiya muzokaralari boshlandi
Ukraina va Belarus chegarasida Ukraina va Rossiya delegatsiyalari o‘rtasida muzokaralar boshlandi. Ukraina delegatsiyasi muzokara uchun belgilangan hududga Gomel orqali to‘g‘ridan-to‘g‘ri yo‘l bilan emas, balki aylanma hudud — Polsha orqali kelgan. Muhokamalarning asosiy mavzusi — o‘t ochishni zudlik bilan to‘xtatish va Ukraina hududidan qo‘shinlarni olib chiqib ketish ekanligi aytilmoqda.
Milliy gvardiyaga ishga va diplomatiya universitetiga o‘qishga kiritib qo‘yishga uringan shaxslar ushlandi
Andijonda uch nafar shaxs Toshkentdagi tanishlari orqali fuqaroni Milliy gvardiya tizimiga ishga, boshqa bir fuqaroni esa Jahon iqtisodiyoti va diplomatiya universitetiga o‘qishga kiritib qo‘yishi evaziga 32 ming dollar olganida ushlangani aytilmoqda. Ularga nisbatan jinoyat ishi qo‘zg‘atildi.
Hafta oxirida juda iliq ob-havo kutilmoqda
Hafta boshida kuchsiz yomg‘irlar, o‘rtasida esa juda iliq ob-havo bo‘lishi kutilmoqda. Janubda va cho‘l hududlarida havo harorati +25…+27 darajagacha ko‘tariladi.
Ukrainadagi mojaro ortidan Rossiyaga sport bo‘yicha qanday cheklovlar qo‘yilmoqda?
Rossiyaning Ukrainaga qarshi «maxsus harbiy operatsiyalari» oqibatida mamlakat sportda ham ko‘plab sanksiyalarga uchradi. UEFA Chempionlar Ligasi finalini Sankt-Peterburgda emas, Parijda o‘tkazishga qaror qildi. FIFA ham Rossiya hududida hech qanday xalqaro musobaqa o‘tkazilmasligini ma’lum qildi, endi mamlakat vakillari Rossiya bayrog‘i yoki madhiyasidan foydalana olmaydi. Bundan tashqari, Vladimir Putin Xalqaro dzyudo federatsiyasining «faxriy prezidenti va elchisi» maqomidan mahrum etildi. Sochida o‘tishi kutilayotgan «Formula-1» gran-prisi esa bekor qilindi.
Rossiya Markaziy banki asosiy stavkani 20 foizga oshirdi
Rossiya Markaziy banki asosiy stavkani 9,5 foizdan 20 foizga oshirishga qaror qildi. Markaziy bank bayonotida qayd etilishicha, bu moliyaviy va narxlar barqarorligini saqlash, fuqarolar jamg‘armalarini qadrsizlanishdan himoya qilishga yordam beradi. Mamlakat Moliya vazirligi eksportchilarga valyuta tushumining 80 foizini sotish majburiyatini yukladi.
XTV qizil galstuk masalasiga siyosiy tus bermaslikni so‘radi
Ijtimoiy tarmoqlarda Uchtepa tumanidagi 283-maktab o‘quvchilariga qizil galstuk taqdirilgan holat «pionerlikka qaytish» deb tariflanayotgani muhokamalarga sabab bo‘lmoqda. Xalq ta’limi vazirligi maktabning ochilish marosimida ota-onalar bilan kelishilgan holda boshlang‘ich sinf o‘quvchilariga erkaklarning qizil rangli bo‘yinbog‘i taqilganini ma’lum qilib, «bunga siyosiy tus bermaslikni» so‘radi.
«Hayot gullari». Kam ta’minlangan oilalar ayollari gul yetishtirish sirlarini o‘rgandilar
Toshkent viloyatida yashovchi kam ta’minlangan oilalar ayollari floristika bo‘yicha bepul kursda ta’lim olishdi. Ayollar guldasta va kompozitsiyalarni yasash, sovg‘alar tayyorlash, xonaki gullarni parvarishlash sirlarini o‘rgandilar. Kurs tashkilotchilarining ta’kidlashicha, bu ko‘nikmalar ayollarga ish topishda va hayotlarini o‘z qo‘llariga olishda amaliy yordam beradi.
Dunyodagi eng yirik samolyot Rossiya harbiylari tomonidan yo‘q qilindi
Kiyev yaqinidagi Gostomel aeroportida turgan dunyodagi eng katta An-225 «Orzu» samolyoti Rossiya harbiylari tomonidan yo‘q qilindi. Uni restavratsiya qilish uchun 3 mlrd dollar va 5 yildan ziyodroq vaqt kerakligi ma’lum qilindi.
Yakshanba kuni Qoraqalpog‘iston, Jizzax va Qashqadaryoda kovid aniqlanmadi
Yakshanba kuni Qoraqalpog‘iston, Jizzax va Qashqadaryodan tashqari 11 ta hududda jami 106 kishi koronavirus infeksiyasini yuqtirib oldi. Kun davomida ikki bemor vafot etdi, 15 kishida esa pnevmoniya aniqlandi.
Toshkent shahridagi avtobus bekatlari dizaynini o‘zgartirish taklif etilmoqda
Poytaxt hokimining qarori loyihasiga ko‘ra, shahardagi avtobus bekatlarini namunaviy dizayn asosida qayta qurish rejalashtirilmoqda. Unda nogironligi bo‘lgan shaxslar uchun maxsus pandus, 4G Wi-Fi, elektron tablo, kuzatuv kamerasi, chiqindi qutisi va LED ekran o‘rnatilishi ko‘zda tutilgan. Bekatlarni tadbirkorlarga vaqtincha foydalanishga berish ko‘zda tutilgan. Shu kabi takliflar 2020 yildan beri kiritiladi.
Dunyoda o‘z mustaqilligini e’lon qilgan, biroq tan olinmagan yoki qisman tan olingan qanday hududlar bor?
Rossiya 22-fevral kuni DXR hamda LXR mustaqilligini rasman tan olganligini e’lon qildi. Jahon hamjamiyati mazkur hududlarni Ukraina hududining bir qismi deb hisoblaydi. “Gazeta.uz” dunyodagi boshqa shu kabi o‘zini mustaqil deb e’lon qilgan, biroq jahon hamjamiyati tomonidan tan olinmagan yoki qisman tan olingan hududlar to‘g‘risida hikoya qiladi.
Ukrainadagi o‘zbekistonliklarni evakuatsiya qilish uchun birinchi aviareys 28 fevralga rejalashtirilgan
O‘zbekiston TIV Ukrainadagi o‘zbekistonliklarni Polsha orqali evakuatsiya qilish uchun birinchi reysni 28 fevralda amalga oshirish rejalashtirilgan. Bugungi kunda 600 nafardan ortiq fuqarolar Polsha chegarasiga yetkazilgan, ularning 110 nafarga yaqini chegarani kesib o‘tgan.
Putin yadro qurollarini o‘z ichiga olgan tiyib turuvchi kuchlarni shay holatga keltirishni buyurdi
Vladimir Putin Rossiya mudofaa vaziri va Bosh shtab boshlig‘iga armiyaning tiyib turuvchi kuchlarni «harbiy navbatchilikning maxsus rejimiga» o‘tkazishni buyurdi. Ushbu strategik kuchlar Rossiya armiyasining asosi bo‘lib, unda tajovuzkorlarga qarshi yadro qurolidan foydalanish mumkinligi ham nazarda tutilgan.
Mahalliy ishlab chiqaruvchilarni iste’molchilarning kambag‘allashishi evaziga himoya qilish qanchalik to‘g‘ri?
2021 yilda ichki iste’molchilarga avtomobil yetkazib berilishi bir necha marotaba kechiktirilgan bo‘lsa-da, avtomobil eksporti sezilarli darajada oshgan. «Gazeta.uz» kolumnisti, iqtisodchi Mirkomil Xolboyev avtomobillar importiga to‘siqlarni kamaytirish milliy iqtisodiyotga qanday foyda keltirishi mumkinligi va milliy avtomobilsozlik nima sababdan himoya qilinishi haqida fikr yuritadi.
Ukraina Rossiya ustidan BMT Xalqaro sudiga shikoyat kiritdi
Vladimir Zelenskiy BMT Xalqaro sudiga Rossiya ustidan shikoyat kiritganini e’lon qildi. Ukraina rahbari Xalqaro suddan Rossiyaga harbiy harakatlarni to‘xtatishni buyurishni so‘rab, sud jarayonlari kelasi hafta boshlanishiga umid bildirgan.
Ukraina-Polsha chegarasini kesib o‘tish jarayoni uzoq vaqt olishi mumkin — TIV
O‘zbekistonning Ukrainadagi elchixonasi mamlakatdan evakuatsiya qilinayotgan o‘zbekistonliklar Polsha chegarasidan o‘tishiga uzoq vaqt ketayotganligini ma’lum qildi. Shaxsni tasdiqlovchi hujjatlari bo‘lmagan fuqarolardan hech bo‘lmaganda ularning qog‘oz nusxasi yoki mobil telefondagi skaneri bo‘lishi so‘ralgan. Moldovada bo‘lgan o‘zbekistonliklarga yordam berish uchun shtab tashkil etilmoqda.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting