Arxiv
Jizzaxda 6 yoshli bola asfalt yotqizish mashinasi bosib ketishi oqibatida vafot etdi
Paxtakor tumanida 6 yoshli bola asfalt yotqizish mashinasi ostida qolib ketdi. Oqibatda bola voqea joyida vafot etgan. Holat yuzasidan og‘ir texnika vositasi tegishli bo‘lgan firma rahbariga ma’muriy bayonnoma tuzilgan va jinoyat ishi qo‘zg‘atilgan.
O‘zbekistonga 1,2 mln dozadan ortiq Pfizer vaksinasi olib kelinmoqda
O‘zbekistonga 1 mln 200 ming dozadan ortiq Pfizer/BioNTech va 600 ming dozadan ortiq AstraZeneca vaksinalari olib kelinishi kutilmoqda.
Avgust oyida yillik inflyatsiya darajasi 11,1 foizni tashkil etdi
Markaziy bank bergan ma’lumotlarga ko‘ra, avgust oyi yakunlari bo‘yicha yillik inflyatsiya uch-to‘rt oydan buyon deyarli o‘zgarishsiz qolib 11,1 foiz darajasida shakllanmoqda. Shuningdek, banklararo pul bozoridagi depozitlar bo‘yicha o‘rtacha foiz stavkalari aprel oyidagi 14,2 foizdan iyul oyida 8,7 foizgacha pasaydi.
Dollarning rasmiy kursi yana pasaydi
Dollarning so‘mga nisbatan rasmiy kursi 14,77 so‘mga pasayib, 10 668,09 so‘m etib belgilandi. Shuningdek, yevro kurs ham pasaydi, rubl kursi esa ko‘tarildi.
Afg‘onistonda tinchlik va osoyishtalikni ta’minlashga qo‘limizdan kelgan yordamni ayamaymiz — prezident
Shavkat Mirziyoyev O‘zLiDePning saylovoldi s’ezdida «Afg‘oniston zaminida tinchlik va osoyishtalikni ta’minlashga, qo‘limizdan kelgan barcha yordamni ayamaslik» ni ta’kidladi. Prezident shuningdek, «Jahon savdo tashkilotiga a’zo bo‘lish va YeOII bilan integratsiya jarayonlarini chuqurlashtirish bo‘yicha qadamlar qo‘yilishini» ma’lum qildi.
«Barchaga g‘amxo‘rlik — davlatning burchi!» — XDP nomzodi Maqsuda Vorisovaning saylovoldi dasturi
Xalq demokratik partiyasi nomzodi Maqsuda Vorisova saylovoldi dasturini e’lon qildi. Prezidentlikka nomzod pensiya tayinlash tizimini isloh qilish, qimmatbaho mulklarga «hashamat solig‘i»ni joriy etish, shifokorlarning ish haqini 3 barobarga oshirish, 6 yoshdan 7 yoshgacha bo‘lgan bolalarni bepul 100 foiz maktabgacha ta’lim bilan qamrab olish, xususiy shifoxonalarda 25% bepul tibbiy xizmat ko‘rsatish kabi takliflarni ilgari surdi. Nomzodning to‘liq dasturi.
Samarqandda qariyb 3 mlrd so‘mlik gaz o‘g‘irlanishi aniqlandi
Samarqand viloyatida bir qator korxonalar gaz tarmog‘iga noqonuniy ulangani aniqlandi. O‘g‘irlikdan yetkazilgan zarar 2,8 mlrd so‘mga baholanmoqda.
O‘zbekiston Afg‘onistonning ichki ishlariga aralashmaslik tarafdori — Abdulaziz Kamilov
TIV rahbari Abdulaziz Kamilov O‘zbekiston Afg‘oniston bilan «do‘stlik va yaxshi qo‘shnichilik munosabatlarini saqlab qolish, betaraflik va qo‘shni davlatning ichki ishlariga aralashmaslik tarafdori» ekanligini ta’kidladi. Uning so‘zlariga ko‘ra, Afg‘onistonni mintaqaviy integratsiya jarayonlariga jalb qilish mamlakat iqtisodiyotini tiklashga samarali imkoniyat yaratadi.
Shavkat Mirziyoyev O‘zLiDeP partiyasidan prezidentlikka nomzod sifatida tasdiqlandi
O‘zLiDePning navbatdagi s’ezdida partiyadan prezidentlikka nomzod sifatida Shavkat Mirziyoyev tasdiqlandi. Nomzod oldingi prezident saylovida ilgari surilgan dasturdagi vazifalar ijrosiga to‘xtalib, o‘zining 2021 yil saylovoldi dasturi haqida ma’lumot berdi.
«Saylash va tanlash huquqi — sizning qo‘lingizda» — Shavkat Mirziyoyev
Prezidentlik saylovlaridagi O‘zLiDeP nomzodi Shavkat Mirziyoyev o‘zbekistonliklarni oktabrdagi saylovlarda faol ishtirok etishga chorladi. «Hech qachon unutmang, saylash va tanlash huquqi — Sizning qo‘lingizda. Kelajak uchun mas’uliyat esa barchamizning zimmamizda», — dedi u.
Shavkat Mirziyoyev: Bugungi xalqimiz — kechagi xalq emas
Shavkat Mirziyoyev o‘zining saylovoldi dasturi haqida gapira turib, o‘tgan yillar davomida nafaqat o‘zbek xalqi balki mamlakat ham tubdan o‘zgarganini ta’kidladi. «Bugungi xalqimiz — kechagi xalq emas. Bugungi O‘zbekiston ham, kechagi O‘zbekiston emas», — dedi u. Amalga oshirilayotgan ishlar vaqtida prezident o‘z xalqidan kuch olishini ma’lum qilib, ular oldida ta’zim qildi.
Shahar va tuman hokimligiga nomzodlarni partiyalar ko‘rsatishi mumkin bo‘ladi — prezident
Shavkat Mirziyoyev saylovoldi dasturida tuman va shahar hokimi lavozimiga nomzodlarni ko‘rsatish bo‘yicha yangi tartibni joriy qilishni taklif qildi. Uning ta’kidlashicha, hududiy kengashda eng ko‘p deputatlik o‘rni olgan partiya guruhlari hokimlikka o‘z nomzodlarini ko‘rsatishlari mumkin bo‘ladi.
«Qishloqlardagi maktablar ahvoli qanday ekanini bilaman». Shavkat Mirziyoyev ta’limda amalga oshiriladigan islohotlar haqida
Shavkat Mirziyoyev o‘zining saylovoldi dasturi doirasida kelgusi besh yilda amalga oshiriladigan ishlarga to‘xtalib o‘tdi. Jumladan, 7 mingdan ziyod yangi bog‘cha qurish orqali maktabgacha ta’limdagi qamrovni 80 foizga yetkazish, maktablarni rivojlantirish davlat dasturini ishlab chiqish, 1,2 mln o‘quvchi o‘rnini yaratish, qolaversa, oliy ta’lim qamrovini 50 foizga, xususiy oliygohlar sonini esa 50 taga yetkazish, 100 ming o‘rinli talabalar yotoqxonalarini barpo etish rejalari ma’lum qilindi.
Toshkent — Urganch yo‘nalishi bo‘yicha tezyurar poyezdlar qatnovi yo‘lga qo‘yiladi
Shavkat Mirziyoyev o‘zining saylovoldi dasturi doirasida temir yo‘llarini elektrlashtirish darajasi amaldagi 40 foizdan 60 foizga oshirilishini ta’kidladi. Toshkent — Urganch yo‘nalishi bo‘yicha tezyurar poyezdlar qatnovi yo‘lga qo‘yilishi ma’lum qilindi.
Daraxtlarni kesishga muddatsiz moratoriy joriy qilinadi — prezident
Shavkat Mirziyoyev o‘z saylovoldi dasturida daraxtlarni kesishga muddatsiz moratoriy joriy qilinishi haqida ma’lum qildi. O‘zLiDeP nomzodi parklar va yashil zonalar hududini boshqa maqsadlar uchun ishlatish qat’iyan taqiqlanashini qayd etdi. Har yili kamida 200 mln tup daraxt ko‘chatlari ekilishi ta’kidlandi.
Kelgusi 5 yilda har bir xonadon yuqori tezlikdagi internetga ulanadi — prezident
Shavkat Mirziyoyev o‘zining saylovoldi dasturida kelgusi 5 yilda sanoat mahsulotlari hajmi 1,4 barobar, mehnat unumdorligi esa kamida 2 marta oshirilishini aytib o‘tdi. Xalqaro magistral internet tezligi 5 barobarga, tumanlararo tarmoqlar tezligi 8 barobarga oshirilishi qayd etildi.
Niqob taqish koronavirus bilan zararlanish holatlarini kamaytiradi — Bangladeshdagi tadqiqot natijasi
Bangladeshda olib borilgan tadqiqotlarga ko‘ra, jamiyat orasida niqob taqishni targ‘ib qilish niqoblardan foydalanish darajasini 29 foiz bandga, ijtimoiy masofalanish darajasini esa 5 foiz bandga oshirgan. Shuningdek, niqob taqish COVID-19 bilan kasallanish holatlarini kamaytirishi ham aniqlandi. Tadqiqotchilar aholi orasida niqob taqish darajasini qanday oshirish mumkinligi haqidagi tavsiyalar bilan ham bo‘lishishdi.
Shavkat Mirziyoyev va Emomali Rahmon SHHT sammiti doirasida alohida uchrashuv o‘tkazadi
O‘zbekiston va Tojikiston prezidentlari Dushanbeda bo‘lib o‘tadigan SHHT sammiti doirasida ikki tomonlama va mintaqa kun tartibidagi masalalar bo‘yicha alohida uchrashuv o‘tkazishga kelishib oldilar.
Markaziy bank asosiy stavkani yana o‘zgarishsiz qoldirdi
Markaziy bank Boshqaruvining oraliq yig‘ilishida asosiy stavkani yillik 14 foiz darajasida o‘zgarishsiz qoldirish to‘g‘risida qaror qabul qilindi.
Tojik-o‘zbek investitsiya kompaniyasi tashkil etiladi
Tojikiston-O‘zbekiston investitsiya kompaniyasini tashkil etish to‘g‘risidagi Bitim tasdiqlandi. Investitsion kompaniyaning maqsadi Tojikiston hududidagi qo‘shma loyihalarni moliyalashtirish hisoblanadi. Kompaniyaning boshlang‘ich ustav kapitali 12 mln dollar bo‘ladi va bosqichma-bosqich 50 mlngacha yetkaziladi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting