Arxiv
1 iyun kuni O‘zbekistonda sodir bo‘lgan eng muhim xabarlar dayjesti
Prezidentning Surxondaryoga tashrifi, bokschilarning Osiyo chempionatidagi natijasi, DXX tomonidan giyohvandlik moddalarining musodara qilinishi, UzAuto Motors`ning “shapka tizimi” haqidagi xabarlarga izohi — “Gazeta.uz"ning 1 iyundagi eng muhim xabarlari dayjestida.
«Texnopark» kir yuvish mashinalari va muzlatkichlar ishlab chiqaradi
Toshkent hokimiyati tashkil etgan «Texnopark» kompaniyasi kir yuvish mashinalari va tijoriy muzlatkichlar, mis quvurlari, sanoat suv isitkichlari, HPL-panel va boshqalarni ishlab chiqarishni yo‘lga qo‘yadi.
“Agrobank” fermerlar maktablarini yo‘lga qo‘ymoqda
Agrobank tashabbusi bilan O‘zbekistonda ilk bor bepul fermerlar maktablari ochildi. Maktablar Toshkent, Andijon, Samarqand, Termiz, Nukus shaharlarida tashkil etilgan.
31 may kunduz kuni uchun havo haroratining mutlaq maksimumi yopildi
O‘zgidromet 31 may kunduz kuni uchun havo haroratining mutlaq maksimumi yopilgani haqida xabar berdi. Buxoroda 43 daraja, Urganchda 42.9 daraja maksimal havo harorati kuzatildi.
UzAuto Motors «shapka tizimi» qaytgani haqidagi xabarlarga izoh berdi
UzAuto Motors yangi avtomobillari uchun ko‘p ming kishilik navbatlar yuzaga keldi. Tarmoqlarda «shapka tizimi» qaytgani haqidagi xabarlar tarqaldi. Kompaniya ayrim dilerlar mikrochiplar bozoridagi vaziyatdan foydalanishga harakat qilayotganini ma’lum qilib, noqonuniy harakatlar haqida xabar berishga chaqirdi.
Prezident Surxondaryoda g‘alla o‘rish kombaynini haydadi — video
Shavkat Mirziyoyev «Angor Surxon g‘ururi» klasteri dalasida g‘alla o‘rish kombaynini haydadi.
Yo‘llardagi muammolarni bartaraf etish bo‘yicha idoralararo ishchi guruhi tuzildi
Respublikada yo‘l harakati sohasidagi muammolarni kompleks o‘rganish va amaliy muammolarni bartaraf etish bo‘yicha idoralararo ishchi guruhi tuzildi. Guruh tarkibiga Hukumat, ichki ishlar, transport, moliya vazirliklari, avtomobil yo‘llari qo‘mitasi va boshqa mutasaddi idoralar va tashkilotlarning rahbar va malakali mutaxassislari kiritilgan.
Iyunda O‘zbekiston bo‘ylab «Yoshlar oyligi» tashkil etiladi
Iyun oyi davomida barcha hududlarda «Yangi O‘zbekiston yoshlari, birlashaylik!» shiori ostida «Yoshlar oyligi» tashkil etiladi. Oylik doirasida 4 million 300 mingdan ziyod yoshlarni qamrab olish rejalashtirilayotganligi ma’lum qilindi.
Bizda anorchilik bo‘yicha an’ana bor, lekin ilm yo‘q — prezident
Shavkat Mirziyoyev Surxondaryo viloyatidagi anorchilikka ixtisoslashgan bog‘lar bilan tanishdi. Viloyatda qishloq xo‘jaligini innovatsion yo‘naltirish bo‘yicha institut tashkil etish, anor bilan birga limon, xurmo yetishtirishni ko‘paytirish yuzasidan ko‘rsatmalar berildi. «Bizda anorchilik bo‘yicha an’ana bor, lekin ilm yo‘q, kitob yo‘q, laboratoriya yo‘q. Anor jaydari usulda yetishtirilyapti», — dedi Shavkat Mirziyoyev.
Dollarning rasmiy kursi ketma-ket to‘rtinchi bor pasaymoqda
Dollarning rasmiy kursi 8 so‘mga pasaydi va jami 10 559 so‘m etib belgilandi. Shuningdek, rubl kursi ham pasaydi, yevro esa biroz ko‘tarildi.
Chirchiq sohilidagi Daryo bo’yi Business City loyihasi qanday ko‘rinishda bo‘ladi
Toshkent hokimi Jaxongir Ortiqxo‘jayev prezidentga Chirchiq daryosining toraytirish va yangi ochilgan hududda turli infratuzilma obyektlarini barpo etishni ko‘zda tutadigan Daryo bo’yi Business City loyihasini taqdim etdi. Uzunligi 5 km bo‘lgan (16 km dan) birinchi uchastkada ishlarni 2021 yilda yakunlash rejalashtirilgan. Loyihaning umumiy qiymati 100 million dollarga baholanmoqda.
O‘zbekistonga 70 ming doza «Sputnik V» vaksinasi olib kelindi
O‘zbekistonga Rossiyadan «Sputnik V» vaksinasining navbatdagi 70 ming dozalik 1-komponenti olib kelindi. Shu bilan O‘zbekistonning vaksina zaxirasi 4 mln 330 ming dozaga yetdi.
O‘zbekistonda kelgusida OTMlarga kirish imtihonlari bekor qilinishi mumkin
DTM bosh boshqarmasi boshlig‘i Farhod Mirzayev O‘zbekistonda kelgusida OTMlarga kirish imtihonlari bekor qilinishi mumkinligini ma’lum qildi. Kirish imtihonlaridan voz kechilsa, abituriyenlar maktab imtihonlari natijalariga asosan OTMga qabul qilinadi. Shuningdek, 2021−22 o‘quv yili uchun OTMlarga kirish test sinovlarini 2 ta ssenariy — yopiq va ochiq maydonlarda o‘tkazish kelishib olingan.
Sherobod quyosh elektr stansiyasi qurilishiga start berildi
Shavkat Mirziyoyev Surxondaryo viloyatidagi tashrifi chog‘ida Sherobod quyosh elektr stansiyasi qurilishi munosabati bilan uning poydevoriga kapsula qo‘ydi. Mazkur elektr stansiya loyihasini Birlashgan Arab Amirliklarining «Masdar» kompaniyasi amalga oshiradi va 260 mln dollar to‘g‘ridan-to‘g‘ri investitsiya jalb qiladi.
May oyida inflyatsiya 0,5 foizni tashkil qildi
May oyida inflyatsiya 0,5% ni tashkil etdi. Oziq-ovqat mahsulotlari 0,5 foizga, nooziq-ovqat mahsulotlari 0,4 foizga, xizmatlar 0,7 foizga qimmatladi.
DXX Afg‘onistondan olib kirilayotgan 7 kg giyohvandlik moddasini musodara qildi
DXX tomonidan Sirdaryo va Samarqandda jami 7 kg, Dang‘ara tumanida 1 kg dan ortiq, Farg‘ona viloyatida 1,3 kg giyohvandlik moddalari topildi va musodara qilindi.
Toshkent aeroporti yaqinidagi ko‘prik o‘rniga aylanma shaklidagi yo‘l o‘tkazgich quriladi
Toshkent aeroportiga olib boradigan ko‘prik o‘rniga aylanma shaklidagi yo‘l o‘tkazgich qurish rejalashtirilmoqda. Lohiha prezidentga taqdim etildi. Eslatib o‘tamiz, yo‘l o‘tkazgich 2008 yilda kengaytirilgan edi.
O‘zbekistonlik bokschilar Osiyo chempionatida 1-o‘rinni egallashdi
Boks bo‘yicha O‘zbekiston erkaklar jamoasi BAAda bo‘lib o‘tgan Osiyo chempionatida 6 ta oltin, 1 ta kumush va 3 ta bronza olib, umumjamoa hisobida 1-o‘rinni egalashdi.
O‘zbekiston Hirotdagi Alisher Navoiy maqbarasida sakkiz burchakli masjid barpo etadi
O‘zbekiston tomonidan Afg‘onistonning Hirot shahridagi Alisher Navoiy maqbarasi majmuasida sakkiz burchakli masjidi quriladi. Kirish peshtog‘idan hovli qismining chap va o‘ng tomonida yopiq uslubda ayvonlar barpo etiladi. Maqbaraning tashqi ko‘rinishiga bezak berilib, kirish va qolgan yo‘laklarida shoirning hikmatli suzlari bitilgan kitob ko‘rinishidagi belgilar qo‘yiladi.
O‘zbekistonda 2 million dozadan ortiq vaksina qo‘llanildi
O‘zbekistonda 2 mln dozadan ortiq vaksina qo‘llanildi. Shuningdek, so‘nggi kun ichida 230 nafar bemor kasallikdan sog‘ayib, O‘zbekistonda sog‘ayish ko‘rsatkichi 96 foizni tashkil etmoqda.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting