Arxiv
2020 yilda o‘rtacha ish haqi 14,8 foizga o‘sib, 2,67 mln so‘mni tashkil etdi
2020 yilda respublika bo‘yicha o‘rtacha oylik ish haqi 2,67 mln so‘mni tashkil etib, 2019 yilga nisbatan 14,8 foizga o‘sdi. O‘zbekiston bo‘yicha eng yuqori ish haqi Toshkent shahri (3,99 mln so‘m), hamda Navoiy (3,5 mln) va Toshkent (2,87 mln so‘m) viloyatlarida qayt etilgan.
IIB ro‘yxatida turuvchi yoshlarning harbiy poligoniga olib ketilgani bo‘yicha izoh berildi
Toshkent viloyatida IIB ro‘yxatida turuvchi va bekor yurgan 200 nafar yoshlar ota-onalarining xabarisiz harbiy poligonga olib ketildi. Viloyat IIBB mazkur holat yuzasidan izoh berdi.
Sardoba toshqinidan jabr ko‘rganlarga uy ajratilishi bo‘yicha 724 ta murojaat rad etilgan
Sardoba toshqinidan jabr ko‘rganlarga uy-joylar taqsimlanishida birinchi navbatda hujjatlarida muammosi bo‘lmagani uchun 1430 ta xonadon egalariga to‘g‘ridan-to‘g‘ri berilgan. Muammo va kamchiliklari bo‘lgan 724 ta hujjatlar Xalq deputatlari tuman Kengashlari sessiyalarida ko‘rib chiqilib, sessiya qarorlariga asosan uy ajratilishi rad etildi.
Sardoba toshqinidan jabrlangan aholi uchun qurilgan uylar narxi 855,4 mlrd so‘mni tashkil etdi
Sardoba toshqinidan jabr ko‘rgan 4790 nafar xonadon egalariga 186,6 mlrd so‘m moddiy yordam mablag‘lari plastik kartalarga tushirilgan. Toshqin oqibatida uy-joylariga jiddiy zarar yetgan fuqarolar uchun shartnoma bo‘yicha 855,4 mlrd so‘mga teng 2640 ta xonadonli 86 ta ko‘p qavatli turar joy qurilgan.
Toshkentdagi maktabda kompyuterlarni o‘g‘irlagan fuqarolarga nisbatan jinoyat ishi qo‘zg‘atildi
Uch nafar fuqaro Toshkent shahrining Bektemir tumanidagi maktabda 17 ta kompyuterni o‘g‘irlashda gumon qilinib, hibsga olindi. Tergov ma’lumotlariga ko‘ra, ular poytaxtning boshqa maktablaridagi o‘g‘irliklarga ham aloqador bo‘lganlar.
Sudgacha Guljahon Yo‘ldoshevani aybdorga chiqargan prokuror Bosh prokuraturaga ishga o‘tdi
Baxtiyor Ibrohimov Bosh prokuraturaning boshqarma boshlig‘i o‘rinbosari lavozimiga tayinlandi. U bunga qadar Chirchiq shahar prokurori sifatida ishlagan. Ibrohimov Toshkent viloyati bosh infeksionisti Guljahon Yo‘ldoshevaning ishi sudgacha yetib bormasidan OAVlarda aybdor degan fikrni ilgari surgani bilan ko‘pchillikka tanish.
Fevraldan benzin narxlari 110 so‘mgacha oshishi kutilmoqda
1 fevraldan neft mahsulotlariga solinadigan soliq stavkalarining o‘zgarishi natijasida benzin narxlari ham oshishi kutilmoqda. Ai-80 benzini o‘rtacha 110 so‘mgacha, Ai-90 va undan yuqori markali benzin narxlari o‘rtacha 60 so‘mdan 90 so‘mgacha qimmatlashishi mumkin.
Cotton Campaign O‘zbekiston paxta klasterlari bilan hamkorlikni yo‘lga qo‘yishni taklif qildi
Cotton Campaign 2020 yilda mamlakatdagi paxta yig‘im-terimlarida majburiy mehnatga barham berishda «sezilarli yutuqlar» bo‘lganini qayd etib, so‘nggi 10 yilda ilk bor majburiy mehnat holatlari hujjatlashtirilmagani aytildi. Shuningdek, koalitsiya O‘zbekiston paxta klasterlari bilan hamkorlikni yo‘lga qo‘yishni taklif qildi.
Qozog‘istonda 2021 yil oxirigicha 6 mln aholi COVID-19 ga qarshi emlanishi rejalashtirilmoqda
2021 yilning ohirigacha Qozog‘istonda 6 mln aholi koronavirusga qarshi emlanishi rejalashtirilmoqda. Vaksinatsiya jarayonlariga faqat 18 yoshga to‘lgan fuqarolar o‘tkaziladi. Bundan tashqari elektron vaksinatsiya pasporti joriy etilishi kutilmoqda.
Farg‘onada 3 yashar bolasini 4000 dollarga sotmoqchi bo‘lgan ayolga nisbatan jinoyat ishi qo‘zg‘atildi
Farg‘ona viloyatida fuqaro tanishi bilan birga o‘zining 3 yashar farzandini 4000 AQSH dollariga sotayotgani aniqlandi. Bolaning onasi bundan avval ham shunday holatni sodir etgani ma’lum bo‘lgan. Fuqarolarga nisbatan jinoyat ishi qo‘zg‘atildi.
Yoshlarga 1 gektardan yer ajratish rejalashtirilmoqda
Shavkat Mirziyoyev bosh vazir o‘rinbosari Shuhrat G‘aniyevga yoshlarni qishloq xo‘jaligiga jalb qilish tartibini, har 10 gektar ekiladigan yerning 1 gektarini yoshlarga ajratishni buyurdi. Prezident buni «inqilobiy qaror» deb atadi.
Sadir Japarov Qirg‘iziston prezidenti sifatida ish boshladi
Qirg‘izistonning saylangan prezidenti Sadir Japarov davlat rahbari lavozimida ish boshladi. U o‘zining inauguratsiya marosimidagi nutqida Markaziy Osiyo mamlakatlari bilan hamkorlikni kuchaytirishga va’da berdi.
Toshkent viloyatida 2,5 yashar qizaloq bosh qismiga olingan jarohatdan vafot etdi
Toshkent viloyatida erkak 2,5 yashar qizaloqni tinchlantirish uchun boshiga urib, tan jarohati yetkazdi. Hodisa oqibatida bola vafot etdi.
Shavkat Mirziyoyev talabalar uylarini ko‘paytirish bo‘yicha topshiriq berdi
O‘zbekistondagi 129 ta OTMda 500 ming nafar talaba tahsil oladi, lekin ular yetarlicha yotoqxonalar bilan ta’minlanmagan. Toshkentda 13 foiz talabalar yashash joyi bilan qamrab olingan. Shavkat Mirziyoyev talabalar turar joylari sonini ko‘paytirishni buyurdi. «Bitta xonada 4 kishi bo‘lsin, platskartaga o‘xshab», — dedi u.
O‘zbekiston korrupsiyani qabul qilish indeksida 7 pog‘ona ko‘tarildi
Transparency International xalqaro tashkilotining 2020 yil uchun Korrupsiyani qabul qilish indeksida O‘zbekiston 146-o‘rinni egalladi. Bu 2019 yil ko‘rsatkichiga qaraganda 7 pog‘onaga yuqori. COVID-19 pandemiyasi korrupsiya avj olgan va avtoritar rahbarlar uchun davlat xarajatlari ustidan nazoratni yengillashtirish va fuqarolar erkinliklarini cheklash uchun bahona bo‘ldi, deyiladi hisobotda.
«Vatanparvar» tashkiloti Mudofaa vazirligi tizimiga o‘tkaziladi
Mudofaaga ko‘maklashuvchi «Vatanparvar» tashkiloti 210 ta hududiy bo‘linmasi bilan birgalikda Mudofaa vazirligi tizimiga o‘tkaziladi. Prezident Shavkat Mirziyoyev yig‘ilishda yoshlarning vatanparvarlik tuyg‘ularini tarbiyalash va ularga kasb-hunar o‘rgatish vazifalarini bajarmayotganligini ta’kidladi.
Yoshlar muammolarini tizimli o‘rganish Davlat xavfsizlik xizmatiga yuklatildi
Davlat xavfsizlik xizmati endi yoshlar dasturlarini amalga oshirishda, shuningdek, yoshlarning ijtimoiy muammolarini muvofiqlashtirish va tizimli o‘rganishda ishtirok etadi. «Pastda yoshlar bilan ishlash tizimi yaratilgan, lekin ming afsus, biz kutgan natija bo‘lmagani uchun bugun mana shunday tizimni yaratyapmiz», — dedi Shavkat Mirziyoyev.
Shavkat Mirziyoyev va Mun Chje In videoanjumanda uchrashadi
Ilgari erishilgan kelishuvlarga muvofiq, O‘zbekiston va Koreya prezidentlari onlayn uchrashuv o‘tkazadi. Kun tartibidan strategik sheriklik munosabatlari o‘rin olgan. Sammit yakunida esa yangi tashabbuslarni ilgari surish ko‘zda tutilgan hujjatlar imzolanadi.
Prezident hokim va vazir ishdan bo‘shatilishini e’lon qildi
Shavkat Mirziyoyev yaqin orada bir hokim va bir vazirni ishdan olishini ma’lum qildi. lekin ularning ismlarini aytmadi. Hokim haqida gapirar ekan, «Sadoqatli odam, lekin ishni bajara olmayapti. Aravani tortmayapti», — dedi prezident.
Jahon yangiliklari dayjesti
Ukrainada Bayden va Poroshenkoga qarshi ikkita jinoiy ish ochilgani, Italiyada mafiyadan 124 mln yevrolik mol-mulkning musodara qilingani, Qirg‘iziston sobiq bosh vazirining hibsga olingani va boshqa yangiliklar — «Gazeta.uz»ning jahon yangiliklari dayjestida.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting