Arxiv
Prezident Oltinko‘l tumanida bug‘doy va paxta dalalarini ko‘zdan kechirdi
Shavkat Mirziyoyev Andijon viloyatining Oltinko‘l tumanida g‘alla va g‘o‘za rivojini ko‘zdan kechirdi. Davlat rahbari g‘o‘za qator oralariga soya ekish bo‘yicha Andijon tajribasini yaratish hamda TDAU Andijon viloyati filiali negizida alohida OTM tashkil etish bo‘yicha ko‘rsatmalar berdi.
Alisher Usmonov Andijondagi ehtiyojmand oilalarga 2,5 milliard so‘m ajratdi
Milliarder Alisher Usmonov Andijon viloyati Marhamat tumanidagi 1000 ta ehtiyojmand oilaga 2,5 milliard so‘m miqdorida moddiy yordam ajratdi. Bu pullar har bir oilaga 2,5 million so‘mdan taqsimlab berildi.
AQSHda ishsizlar soni 40 milliondan oshishi mumkin
AQSHda koronavirus pandemiyasi oqibatida ishsizlik bo‘yicha ariza berganlar soni 39 millionga yaqinlashdi. Ishsizlar soni 40 milliondan oshishi kutilmoqda.
Suv toshqinida ilmiy yozmalari yo‘qolgan tadqiqotchiga doktorlik darajasi berildi
Prezident topshirig‘i bilan Sardoba toshqinida ilmiy yozmalarini yo‘qotgan sirdaryolik yosh olimaga doktorlik darajasi istisno tariqasida berildi. Tayanch doktori O‘zbekistonda birinchi bo‘lib onlayn tarzda o‘z dissertatsiyasini yoqladi.
22 maydan muzey va san’at galereyalari faoliyatiga ruxsat beriladi
Respublika maxsus komissiyasi qaroriga ko‘ra, 22 maydan boshlab “sariq” va “yashil” toifadagi hududlarda ochiq sayilgoh, muzey va san’at galereyalarining faoliyatini yo‘lga qo‘yishga ruxsat beriladi. Tashrif buyuruvchilar uch kishidan ko‘p bo‘lib to‘planishlari mumkin emas. O‘yingoh va ovqatlanish shoxobchalari bundan mustasno.
Toshkentda birlamchi bozordan uy sotib olishga qo‘yilgan 5 foizlik stavka bekor qilindi
Prezident qaroriga binoan, Toshkentda “propiskaga” ega bo‘lmagan O‘zbekiston fuqarolari uchun birlamchi bozordan uy sotib olganda to‘lanadigan 5 foizlik stavka bekor qilindi.
Poytaxtdagi Homiylik xayriyalarini muvofiqlashtirish markazi o‘z ishini yakunladi
Toshkentdagi Homiylik xayriyalairni muvofiqlashtirish markazi o‘z ishini yakunladi. 50 kunlik faoliyat davomida markaz tomonidan 85 mingga yaqin ijtimoiy himoyaga muhtoj oilalarga yordam ko‘rsatilib, ularga jami 11,8 mlrd so‘mlik mahsulotlar va dori vositalari yetkazib berilgan.
Prezident Andijonga jo‘nab ketdi
Shavkat Mirziyoyev ijtimoiy-iqtisodiy islohotlarning borishi, odamlar hayoti bilan tanishish maqsadida Andijonga jo‘nab ketdi.
Koronavirus bemorlari soni 2950 nafarga yetdi
Koronavirus bemorlari soni 11 nafarga ortib, jami 2950 kishini tashkil etmoqda. Respublikada infeksiyadan 565 kishi davolanmoqda, ulardan 5 nafarining ahvoli og‘ir, deb baholanmoqda. Ayni paytda 45 mingdan ortiq fuqaro karantin tadbirlari bilan qamrab olingan va 540 mingtadan ortiq test sinovlari o‘tkazilgan.
Toshkentda qurilgan uch pog‘onali yo‘l o‘tkazgich ochildi
Toshkentda Ohangaron shossesi va Maxtumquli ko‘chasi kesishmasidagi uch pog‘onali yo‘l o‘tkazgich ochildi. Prezident Shavkat Mirziyoyev soatiga 20 mingta transport vositasini uzluksiz o‘tkazish imkoniyatiga ega uch pog‘onali yo‘l o‘tkazgichni ko‘zdan kechirdi.
Sirdaryoda «poytaxtdagidek sharoitli» yangi uylar quruvchilari kimlar?
Sirdaryoda suv toshqinidan zarar ko‘rganlar uchun uchta aholi turar joy mavzesining qurilish maydoni Britaniyaning Benoy kompaniyasi arxitektori tavsiyasiga ko‘ra tanlandi. Qurilish ishlari uchun poytaxtning Whitecity Construction, Ecopark va Gold Step Invest kompaniyalari tanlangan. Qurilish loyihalari va quruvchilar haqida nimalar ma’lum? Foto.
Koronavirus holatlari soni 2939 taga yetdi (+12)
O‘zbekistonda koronavirus holatlari soni 12 taga ko‘payib, jami 2939 taga yetdi. Kun davomida 84 ta yangi COVID-19 holati aniqlandi.
Toshkentda Markaziy Osiyoda yagona Bolalar milliy tibbiyot markazi foydalanishga topshirildi
Prezident Shavkat Mirziyoyev Toshkentda foydalanishga topshirilgan Bolalar milliy tibbiyot markazini borib ko‘rdi. Markaz, jumladan, onkologik kasalliklarni bir necha yil oldin aniqlaydigan zamonaviy texnologiyalar bilan jihozlangan.
Adliya vazirligi tuzilmasida ikkita yangi boshqarma tashkil etildi
Adliya vazirligi tuzilmasida Fuqarolik-huquqiy munosabatlarni rivojlantirish boshqarmasi va Ma’muriy tartib-taomillarni takomillashtirish va monitoringini yuritish boshqarmasi tashkil etildi. Shuningdek, Namangan va Qarshida sinov tariqasida yuridik xizmatlar ko‘rsatish markazlari tashkil etiladi.
Toshkentda Adiblar xiyoboni ochildi
Prezident Shavkat Mirziyoyev Toshkentda barpo etilgan Adiblar xiyoboni, xiyobon yonida tashkil etilgan kutubxonaga tashrif buyurdi. Davlat rahbari “Adiblar xiyoboni” deb nomlangan internet portali tashkil etish taklifini bildirdi.
1-yanvargacha idoraviy qonun hujjatlarini qabul qilish to‘xtatiladi
Idoraviy qonun hujjatlari loyihalarini ishlab chiqish, kelishish, qabul qilish, huquqiy ekspertiza va davlat ro‘yxatidan o‘tkazish 1-iyuldan boshlab sinov tariqasida, 1-oktyabrdan boshlab esa to‘liq yagona elektron tizim orqali amalga oshiriladi.
Adliya vazirligi vakolatlari kengaytirilmoqda
Adliya vazirligi zimmasiga qo‘shimcha vazifalar yuklatildi. 2018−2019 yillarda yangi (qayta) tashkil qilingan 8 ta vazirlik va idoralar faoliyatini o‘rganish, aholiga Davlat xizmatlari markazlari tomonidan ko‘rsatiladigan yangi xizmatlar sonini 15 taga oshirish shular jumlasidan.
Urganchda karantin hududidan qochmoqchi bo‘lgan shaxs ushlandi
Harbiylar Urganchdagi karantin hududidan bir necha marta qochishga uringan shaxsni ushladi. U panjaradan oshib o‘tayotgan vaqtda havoga ogohlantiruvchi o‘q uzilgan.
Qozog‘iston prezidenti YeOII rivojlanish strategiyasini qabul qilmadi
Qozog‘iston prezidenti Qosim-Jomart Toqayev YeOIIning 2025 yilgacha bo‘lgan rivojlanish strategiyasini qabul qilmadi. U strategiya hozirgi holatida jamoatchilik tomonidan rad etilishi, shuningdek, hukumat va parlamentning suveren huquqlarini cheklashini ta’kidladi.
Mudofaa vazirligida armiya sporti tashkil etiladi
Mudofaa vazirligi Sport klubi Oliy sport natijalarini rivojlantirish markaziga aylantiriladi. Markaz mustaqil boshqarma sifatida armiyada ommaviylashtirilayotgan sport turlarini rivojlantirish bilan shug‘ullanadi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting