Arxiv
Bir oyda 10 trln so‘m soliq tushadi, ortiqcha to‘langan 126 mlrd so‘m, bu — normal raqam — DSQ raisi
Qonunchilik palatasi deputatlari 9 oyda ortiqcha to‘langan 126 mlrd so‘m soliqni qaytarish masalasi bilan qiziqishdi. «Bir oyda 10 trln soliq tushumlari tushadi, ortiqcha to‘langan 126 mlrd so‘m bu normal raqam», — dedi DSQ raisi Sherzod Qudbiyev. U, shuningdek, ortiqcha to‘langan soliq tadbirkorlik sub’ekti murojaati yoki sudni qarori bilan qaytarilishini ma’lum qildi.
«Volontyorlar faoliyatini bir ko‘rib chiqishimiz kerak» — Jahongir Ortiqxo‘jayev
Toshkent hokimi Jahongir Ortiqxo‘jayev volontyorlar tomonidan tovar va pul olish, kimgadir nimalardir olib borish holatlari ko‘payib borayotganidan shubhaga tushayotganini ta’kidladi. «Hammasi sumka-sumka narsa olib borib tashash bilan ovora. Buni bir ko‘rib chiqishimiz kerak», — dedi u.
Qashqadaryoda bitiruvchilari OTMga kirmagan maktab direktorlari bo‘shatildi
Xalq ta’limi vaziri Sherzod Shermatov Qashqadaryo viloyatida birorta ham bitiruvchisi OTMga kira olmagan 20 ta maktab direktorini o‘z lavozimidan chetlatdi. Yuqori natijalarga erishgan maktab direktorlari esa rag‘batlantirildi.
9 oyda tabiiy gazni qazib olish 19,6 foizga, gaz kandensati esa 34,7 foizga kamaygan
Oliy Majlis Qonunchilik palatasining navbatdagi majlisida 9 oyda tabiiy gazni qazib olish 19,6 foizga, gaz kandensati esa 34,7 foizga tushgani, bu dunyo bozoridagi talab kamayishi tufayli kuzatilgani aytildi. Deputat Maqsuda Vorisova, — «Ichki bozorda talab kundan-kunga oshib borayapti, tadbirkorlarni ham qish oldidan gaz tarmog‘idan uzishga majbur bo‘layapmiz, bunga qanday izoh berasizlar», — deya savol berdi. Energetika vaziri o‘rinbosari qo‘shma korxonalar eksportni to‘xtatgani va ishlab chiqarish shuning hisobiga qisqarganini ma’lum qildi.
Oltin-valyuta zaxiralari kamayishda davom etmoqda
O‘zbekistonning rasmiy zaxira aktivlari ketma-ket uchinchi oy kamayishda davom etmoqda va umumiy 33,3 mlrd dollarni tashkil etmoqda.
Elektron kundalik uchun pullik obuna 30 noyabrdan boshlanadi
30 noyabrdan elektron kundalik uchun to‘lovni amalga oshirish mumkin. Obuna narxi qog‘oz kundalikning o‘rtacha narxi kabi — 9 200 so‘m etib belgilandi. U orqali ota-onalar bir yil davomida bolaning maktab hayotini kuzatish imkoniga ega bo‘ladi. O‘qituvchilar elektron jurnaldan bepul foydalana oladi.
Turkiyada karantin choralari kuchaytirilmoqda
Turkiyada karantin choralari kuchaytirilmoqda. Savdo markazlari, bozorlar va sartaroshxonalar ish vaqtiga cheklovlar qo‘yildi. Bar va restoranlar faqat olib ketish xizmati orqali ishlaydi. Kinoteatrlar yil oxirigacha yopiladi, maktab o‘quvchilari masofaviy ta’limga o‘tadi. Dam olish kunlari ko‘chaga soat 20:00 dan 10:00 gacha chiqish taqiqlanadi.
Uzauto Motors 2020 yilda 582,6 mlrd so‘m yig‘imni byudjetga to‘lamagan — Hisob palatasi
Uzauto Motors kompaniyasi 2020 yilning yanvar-sentyabr oylari davomida davlat byudjetiga 582,6 mlrd so‘m yig‘imni to‘lamagan. 2019 yil 1 oktyabrdan boshlab joriy qilingan ushbu yig‘im avtomashinalar narxiga kiritilgan, natijada ushbu yig‘im xaridorlar hisobidan undiriladi.
Andijonda 65 yoshli erkak voyaga yetmagan qizni zo‘rlashda ayblanmoqda
Andijon viloyatining Paxtaobod tumanida voyaga yetmagan qiz (nogiron, 2004 yilda tug‘ilgan) 65 yoshli qo‘shnisi tomonidan jinsiy zo‘ravonlikka uchradi. Huquqni muhofaza qilish organlarining ma’lumotlariga ko‘ra, erkak 2018 yildan beri qiz bilan jinsiy aloqada bo‘lgan.
O‘zbekistondagi 26 ta ko‘prik ayanchli holatga kelib qolgan
«O‘zyo‘linspeksiya» O‘zbekistondagi 26 ta ayanchli holatga kelib qolgani, ularni saqlashga mas’ul bo‘lgan korxonalar ham zarur chora-tadbirlarni amalga oshirmaganini ma’lum qildi. Ayrim ko‘priklarga yaqin o‘zanlarda karerlar faoliyati hanuz tugatilmagan.
Sud hujjatlarini ijro etish tizimi takomillashtiriladi
Ijro ishi yuritishni to‘xtatib turish to‘g‘risida qaror qabul qilish vakolati sudlardan davlat ijrochisiga o‘tkazilmoqda. Shuningdek, SSP va Biznes-ombudsmanga tadbirkorlarning qarzlari yuzasidan ijroni kechiktirish yoki bo‘lib-bo‘lib ijro etish to‘g‘risida murojaat qilish huquqi berilmoqda.
Prezident COVID-19 shifoxonalarini optimizatsiya qilish bo‘yicha topshiriq berdi
Davlat rahbari bugun o‘tkazilgan videoselektor yig‘ilishda mutasaddilarga koronavirusga ixtisoslashgan shifoxonalarni optimizatsiya qilish bo‘yicha topshiriq berdi. Shuningdek, prezident matbuot xizmati COVID-19 shifoxonalarida 6570 nafar bemor davolanayotganini qayd etdi. SSV esa 17 noyabr holatiga mamlakatda 2123 nafar koronavirus bemori borligini ma’lum qilgan.
SSV koronavirus bo‘yicha rasmiy statistikadagi farqlarga izoh berdi
Sog‘liqni saqlash vazirligi koronavirusga ixtisoslashgan shifoxonalardagi bemorlar soni va davolanayotgan koronavirus bemorlari ko‘rsatkichlardagi farqlarga izoh berdi. Unga ko‘ra, rasmiy statistikaga faqatgina maxsus laborator tekshiruvlarda koronavirus tasdiqlanganlar kiritiladi. Shifoxonalar statistikasida esa kasallik belgilari mavjud yoki pnevmoniya bo‘lganlar, lekin infeksiya tasdiqlanmagan bemorlar ham kiritilgan bo‘ladi.
Jahon yangiliklari dayjesti
Fransisko Sagastining vaqtinchalik Peru prezidenti etib saylanishi, Daniya hukumati parranda grippi sababli 25 ming jo‘jani yo‘q qilish qaroriga kelgani, Rossiya birinchi sayyohlar guruhini XKSga yuborishi va boshqa yangiliklar — “Gazeta.uz"ning jahon yangiliklari dayjestida.
O‘zbekiston yangi yevroobligatsiyalar chiqarilishini e’lon qildi
O‘zbekiston tashqi bozorda 10 yillik yevroobligatsiyalarni joylashtirish rejalarini e’lon qildi. Obligatsiyalar qiymati hozircha ma’lum qilinmadi.
2021 yilning iyuniga qadar O‘zbekistonda aholining 60 foizi koronavirusdan emlanadi
O‘zbekistonda koronavirusga qarshi vaksinalarnining sotuvi yo‘lga qo‘yiladi va ularni xarid qilish bo‘yicha muzokaralar olib borilmoqda. 2021 yil iyunigacha aholining 60 foizi emlanishi rejalashtirilgan.
«So‘x voqealari» bo‘yicha navbatdagi sud majlisi bo‘lib o‘tdi
«So‘x voqealari» bo‘yicha 22 nafar shaxsga nisbatan navbatdagi sud majlisi bo‘lib o‘tdi. Davlat ayblovchisi So‘x voqealarida bir qancha avtomashina va yashash xonadonlariga moddiy zarar yetganini aytdi. Ayblanuvchilarning bir qismi aybiga iqror bo‘lmagan, ayrimlari esa qisman iqrorligini ma’lum qilgan.
Endi yashash joyida ro‘yxatdan o‘tganlar haqida ma’lumotnomani elektron olish mumkin
«Doimiy yashash joyida ro‘yxatdan o‘tib yashovchilar soni to‘g‘risida ma’lumotnoma»ni [17 forma] elektron tarzda, bir necha daqiqalar ichida olish imkoniyati yaratildi.
Xitoy vaksinasi sinovi uchun ko‘ngillilar qanday tanlab olinadi?
Xitoy vaksinasini sinovdan o‘tkazishda qatnashmoqchi bo‘lgan ko‘ngillilar qaysi mezonga ko‘ra tanlab olinadi? Ularga qanday sharoitlar yaratiladi? Ushbu savollarga Innovatsion rivojlanish vazirligi huzuridagi ilg‘or texnologiyalar markazining o‘rinbosari Alisher Abdullayev javob berdi.
Crew Dragon kemasi XKSga qo‘shildi
To‘rtta astronavtni fazoga olib chiqqan SpaceX kompaniyasining Crew Dragon kemasi Xalqaro kosmik stansiyasiga qo‘shildi. Ekipaj olti oy davomida XKSda qoladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting