Arxiv
Hafta o‘rtalarida havo 33−36 darajagacha isiydi
O‘zbekistonda haftaning birinchi yarmida havo harorati ko‘tarilib, 33−36 darajagacha, janubiy va cho‘l hududalardagi ayrim joylarda 38 darajagacha issiq bo‘ladi. Haftaning ikkinchi yarmida harorat 25−30 darajagacha pasayadi.
Xorazmda 72 yoshli erkak xotinini bolta bilan chopib o‘ldirdi
Xorazm viloyati Shovot tumanida yashovchi erkak xotini bilan uni sehr-jodu qilganlikda ayblab, janjallashgan. Janjal vaqtida erkak xonada turgan bolta bilan xotiniga 17 marotaba zarba bergan. Ayol voqea joyida vafot etgan. Sud erkakni 10 yilga ozodlikdan mahrum qilish to‘g‘risida hukm chiqardi.
Sergey Shoygu Rossiya mudofaa vaziri lavozimini tark etdi
Sergey Shoygu 2012-yildan beri ishlab kelayotgan mudofaa vaziri lavozimidan bo‘shatilib, Rossiya Xavfsizlik kengashi kotibi etib tayinlandi. Putin, shuningdek, bosh vazirning birinchi o‘rinbosari lavozimida ishlagan Andrey Belousovni yangi mudofaa vaziri etib tayinlashni taklif etdi.
Telegram`da havola yuborish orqali bank kartalaridan pul o‘g‘irlab kelgan yigit ushlandi
Toshkentda fuqaroning bank kartasidan 11,7 mln so‘m pul o‘g‘irlandi. Aniqlanishicha, bu jinoyatni Farg‘ona viloyatida yashovchi 20 yoshli yigit sodir etgan. U boshqalarga Telegram orqali turli havolalar jo‘natib, ularning bank karta ma’lumotlarini qo‘lga kiritgan va pul yechish bilan shug‘ullanib kelgan.
Namanganda 7 yoshli qizga qilingan jinsiy zo‘ravonlik ishi qayta malakalanib, erkak qamoqqa olindi
Yangi Namangan tumanida 68 yoshli erkakning 7 yoshli qizga nisbatan qilgan harakatlari qayta malakalandi va erkak jinsiy ehtiyojni zo‘rlik ishlatib, g‘ayritabiiy usulda qondirish moddasi yuzasidan qamoqqa olindi. Uning yana boshqa bir qizga nisbatan ham shunday harakatlar qilgani haqidagi xabarlar o‘rganilmoqda.
O‘zbekiston 2024-yilda Rossiyaning 5 mlrd dollarlik sarmoyasini o‘zlashtirmoqchi
2023-yilda O‘zbekistonda 3 mlrd dollarga yaqin Rossiya sarmoyasi o‘zlashtirildi, 2024-yilda buni 5 mlrd dollarga yetkazish kutilmoqda. “Vazifani bemalol bajarsa bo‘ladi… Loyihalarni o‘z vaqtida va samarali amalga oshirishda nostandart yondashuvni ta’minlash topshirig‘i berildi”, — dedi ISSV rahbari Laziz Kudratov.
Afg‘onistondagi sel oqibatida 150 dan ortiq kishi halok bo‘ldi
Afg‘oniston shimolida kuchli yomg‘irlar sababli suv toshqinlari yuz berib, kamida 150 kishi halok bo‘ldi, 100 dan ortiq odam jarohatlandi. Hodisadan eng ko‘p Bag‘lon viloyati zarar ko‘rdi. Uyidan ayrilgan oilalarga chodir, ko‘rpa-to‘shak va oziq-ovqat tarqatilmoqda.
Toshkentda Malibu urib yuborgan piyoda vafot etdi
Mirzo Ulug‘bek tumanida 20 yoshli yigit boshqaruvidagi Malibu 45 yoshli piyodani urib yubordi. Erkak hodisa joyida vafot etdi.
Tazyiq va zo‘ravonlikdan jabrlanganlarning ijtimoiy himoyasi kuchaytiriladi
O‘zbekistonda tazyiq va zo‘ravonlikdan jabrlanganlarga ijtimoiy xizmatlar ko‘rsatish takomillashtiriladi: himoya orderisiz ham ijtimoiy, psixologik va yuridik xizmatlar ko‘rsatiladi, vaqtinchalik shelter va 24/7 ishlovchi birlamchi ko‘mak xonalari tashkil etiladi, zo‘ravonlik qilganlar reyestri yuritiladi. Batafsil.
Apple tanqidlarga sabab bo‘lgan iPad reklamasi uchun uzr so‘radi
Apple yangi iPad mahsulotiga ishlangan reklamasi uchun uzr so‘radi. Videoda gidravlik press madaniyat va san’atga oid narsalarni parchalab yuborgani, o‘rnida esa yangi iPad paydo bo‘lganini ko‘rish mumkin. Internet foydalanuvchilari buni “insoniyat san’ati va tajribasining yo‘q qilinishi namoyishi” deya qabul qildi.
Toshkent aeroportini ko‘chirish haqida 32 yil avval qabul qilingan qaror o‘z kuchini yo‘qotadi
1992-yilda qabul qilingan “Toshkent aeroportini ko‘chirish haqida”gi hukumat qarori 1-sentabrda o‘z kuchini yo‘qotadi. Bu Vazirlar Mahkamasi tomonidan bekor qilinayotgan 493 ta qarordan birida nazarda tutilgan. 32 yil avval qabul qilingan hujjatda aeroport poytaxtdan 45 km uzoqqa ko‘chirilishi belgilangandi.
O‘zbekiston va Qatar ta’lim sohasida hamkorlikni kengaytirmoqchi
Elchi Ashraf Xodjayev Qatar ta’lim vaziri Busaina bint Ali An-Nuaymiy bilan uchrashdi. Ular Qatar universitetlarida o‘zbekistonlik talabalar uchun kvotalar ajratish, ikki davlat maktab va OTMlari o‘rtasida almashinuv, qo‘shma ilmiy izlanishlar olib borish kabi masalalarni muhokama qildi.
Toshkent viloyatida 26 yoshli muhandis tok urishidan halok bo‘ldi
Qibray tumanining Universitet va Salar ko‘chalari chorrahasidagi ustunga radar o‘rnatayotgan muhandisni tok urdi. 26 yoshli yigitning vafoti yuzasidan maxsus komissiya tuzildi.
Rossiya Xarkov viloyatiga yangi hujum boshladi. Nimalar ma’lum?
Ukraina Mudofaa vazirligi Rossiya qo‘shinlari Xarkov viloyati shimolida mudofaa chizig‘ini yorib o‘tishga uringanini ma’lum qildi. Vazirlikka ko‘ra, barcha hujumlar qaytarilgan, ammo janglar davom etmoqda. Chegaradagi qishloqlarda mahalliy aholini evakuatsiya qilish boshlandi.
O‘zbekistonning ikkita nominatsiyasi YUNESKOning “Jahon xotirasi” ro‘yxatiga kiritildi
O‘zbekiston tomonidan ko‘rsatilgan “Turkiston albomi (1871−1872)” va “Xudoybergan Devonovning Xorazm vohasi fotosuratlari (1879−1937)” YUNESKOning “Jahon xotirasi” ro‘yxatiga kiritildi.
Vengriya o‘zbekistonlik atom energetikasi mutaxassislarini tayyorlashni boshladi
Vengriyada O‘zbekistondan kelgan atom energetikasi bo‘yicha mutaxassislarni tayyorlash boshlandi, dedi Vengriya tashqi ishlar va savdo vazirligi rahbari Peter Siyyarto. Shuningdek, u qo‘shma fond hajmini 50 milliondan 150 million yevrogacha oshirishga tayyorligini ma’lum qildi.
10-may kuni e’lon qilingan eng muhim yangiliklar dayjesti
Viloyatlarda yuz bergan toshqinlar, issiqxona xo‘jaliklari uchun imtiyozlar, ipak olishning Xitoy tajribasi, bog‘cha to‘lovi oshirilganining sabablari va boshqalar — “Gazeta.uz"ning kunlik dayjestida.
Prezident — O‘zbekistonda charm sanoati va ipakchilikni qo‘llab-quvvatlash chora-tadbirlari to‘g‘risida
Shavkat Mirziyoyev O‘zbekistonning ikki viloyatida charm klasterlarini tashkil etish, zotli chorva mollarini sotib olish uchun imtiyozli kreditlar ajratish, pillaning xarid narxini oshirish va charm sanoati hamda ipakchilikni qo‘llab-quvvatlash bo‘yicha boshqa chora-tadbirlarni ma’lum qildi.
O‘zbekistonda qishloq xo‘jaligi iqlim o‘zgarishiga moslashtiriladi
Prezident O‘zbekistonda qishloq xo‘jaligini iqlim o‘zgarishiga moslashtirish va uning iqlimga salbiy ta’sirini yumshatish bo‘yicha milliy dastur bilan tanishdi. Unda 1 mln gektar agroekologik landshaft va degradatsiyaga uchragan yaylovlar holatini yaxshilash, himoya o‘rmon zonalarini yaratish va boshqa chora-tadbirlar bor.
Toshkent viloyatida kadastr xodimi kaltaklandi
Toshkent viloyati Bo‘stonliq tumanida xizmat vazifasini bajarayotgan kadastr xodimi kaltaklandi. Bosh prokuratura holat yuzasidan jinoyat ishi qo‘zg‘atilganini ma’lum qildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting