2023 yilning may oyidan yuridik shaxslar va YATTlarga masofaviy hisobvaraq ochishga ruxsat beriladi. Shuningdek, korxonalar elektr energiyasi, gaz va boshqa kommunal xizmatlarni yetkazib berish bo‘yicha shartnomalarni elektron shaklda rasmiylashtirishi mumkin bo‘ladi.
Samarqandda 10 noyabr kuni O‘zbekiston, Turkiya, Ozarbayjon va Vengriyaning birinchi xonimlari maxsus tashkil etilgan «O‘zbekiston ranglari» ko‘rgazmasiga tashrif buyurdi.
Toshkent markazida joylashgan Vazirlar Mahkamasi binosida quyosh fotoelektr stansiyasi ishga tushirildi. Uning quvvati 630 kVtga teng. Stansiya Vazirlar Mahkamasi binosini kunduz kuni to‘liq elektr energiyasi bilan ta’minlaydi.
Turkiya prezidenti Rajab Toyyib Erdog‘an TDT Davlat rahbarlari kengashi yig‘ilishidagi nutqida Shimoliy Kipr tashkilotga kuzatuvchi sifatida a’zo bo‘lgani haqida gapirdi. O‘zbekiston TIV rahbari Shimoliy Kiprni mustaqil davlat sifatida tan olish haqida gap bo‘lish mumkin emasligini ta’kidladi.
Ko‘rgazma zalida Chelyabinsk viloyati sanoat, gaz, mashinasozlik va oziq-ovqat korxonalari mahsulotlari bilan tanishish mumkin.
2023 yildan boshlab O‘zbekistonda 9 turdagi statistik hisobotlar, jumladan, mehnat holati, xodimlar sonini hisoblangan ish haqi miqdori bo‘yicha taqsimlash, meva-sabzavot xarid qilish va boshqalar to‘g‘risidagi hisobotlar bekor qilindi (ro‘yxat).
Yuridik shaxslar jismoniy shaxslarning ish haqi va boshqa daromadlari to‘g‘risidagi arxiv hujjatlarni, shuningdek, moliyaviy, soliq va statistik hisobotlarni saqlash va arxivga topshirish majburiyatidan ozod etildi. O‘zgartirish 2022 yil 1 yanvar va undan keyin chiqarilgan hujjatlarga ta’sir qiladi.
Turkiy davlatlar tashkiloti sammitining asosiy tadbiridan so‘ng, O‘zbekiston, Turkiya, Ozarbayjon, Qozog‘iston, Qirg‘iziston, Vengriya va Turkmaniston yetakchilari Registon maydonida daraxt ekishdi. Shu kunning o‘zida O‘zbekistonda 2,5 mln tup, qolaversa, Ozarbayjonda 111 ming tup daraxt ekish ko‘zda tutilgan.
Prezident kasaba uyushmalari xodimlari kuni munosabati bilan 11 noyabrni “Umumxalq bayrami” sifatida dam olish kuni deb e’lon qilish taklifini bildirdi. Agar taklif ma’qullansa, keyingi yildan mazkur sana dam olish kuni bo‘ladi.
O‘zbekiston milliy terma jamoasining Qozog‘iston va Rossiyaga qarshi o‘yinlar uchun kengaytirilgan tarkibi e’lon qilindi. Qozog‘iston termasiga qarshi o‘yin 16 noyabr kuni, Rossiyaga qarshi bahs esa 20 noyabr kuni bo‘lib o‘tadi. MTJning ushbu o‘yinlarni ham o‘z ichiga olgan yig‘ini 13 noyabr kuni boshlanadi.
Adliya vazirligi taqdim etgan qonun loyihasiga ko‘ra, qimor va tavakkalchilikka asoslangan boshqa o‘yinlarni reklama qilish, namoyish etish hamda tarqatish uchun javobgarlik belgilanmoqda. Ushbu harakatlarni sodir etganlar uch yilgacha ozodlikdan mahrum qilish bilan jazolanishi mumkin.
Mukofotlarni topshirarkan, Shavkat Mirziyoyev Erdog‘anning «turkiy davlatlar mustaqilligini mustahkamlashdagi jonbozligi»ni, Berdimuhamedovning «yosh avlod tarbiyasiga katta ijobiy ta’sir ko‘rsayotgan ma’rifiy asarlari»ni qayd etib o‘tdi. Marhum adib Chingiz Aytmatov Alisher Navoiy mukofoti bilan taqdirlandi.
TDT sammitida Qozog‘iston prezidenti Qasim-Jomart Toqayev tashkilotning Raqamlashtirish markazini tashkil etish taklifini ilgari surdi. Tuzilma savdo, transport, suv resurslaridan foydalanish, axborot xavfsizligi va boshqa tarmoqlar uchun zarur raqamli yechimlarni ishlab chiqish imkonini beradi.
O‘zbekiston prezidenti TDT sammitida «so‘nggi paytlarda jahonning turli nuqtalaridagi ziddiyatli voqealar turkiy dunyoning umumiy xavfsizligiga ham ta’sir o‘tkazayapti», deya ta’kidladi. Bundan tashqari, Shavkat Mirziyoyev Afg‘oniston masalasi hech qachon nazardan chetda qolmasligi ham muhimligini eslatib o‘tdi.
Toshkent viloyati Olmaliq shahrida yo‘ldan o‘tayotgan ona-bola Istana urib ketishi oqibatida shifoxonada vafot etdi.
O‘zbekistonda dam olish kunlari havo iliq va nisbatan quruq bo‘ladi. Harorat kunduzi +9…+14 daraja, kechasi esa +5 daraja bo‘lishi prognoz qilinmoqda. Yog‘ingarchilik kutilmaydi, ba’zi joylarga kechasi va ertalab tuman tushishi mumkin.
PFMLning U-16 musobaqasida Buxoroga qarshi o‘yinning so‘nggi daqiqasigacha hisobda oldinda borgan Namangan jamoasi qo‘shib berilgan daqiqalarda «shubhali tarzda» 2 ta gol o‘tkazib yuborgan. «Achinarlisi, bu gollardan so‘ng ikkala jamoa futbolchilari bir-birini ochiqchasiga tabriklagan», — deyiladi O‘FA bayonotida.
Shavkat Mirziyoyev Turkiy davlatlar tashkiloti sammiti ishtirokchilariga O‘zbekistonning 2023-yilni Turkiy sivilizatsiyaning yuksalish yili, deb e’lon qilish taklifini qo‘llab-quvvatlagani uchun minnatdorchilik bildirdi. “Men ishonaman, Turkiy dunyoni buyuk kelajak kutmoqda”, — dedi u.
O‘zbekiston Turkiy davlatlar tashkiloti doirasida «Yangi iqtisodiy imkoniyatlar hududi»ni barpo etish taklifini ilgari surdi. Shavkat Mirziyoyev tashkilotning Samarqanddagi sammitida nutq so‘zlab, dolzarb zamonaviy muammolarni hal qilishda umumiy yondashuvlarni aniqlashga chaqirdi.
Chilonzor tumani «Ko‘tarma» mahallasidagi daraxtzor o‘rnida turar-joy qurilishiga qarshii chiqqan profilaktika katta inspektori kapitan Azimjon Qudabayev tuman hokimligi tomonidan taqdirlandi.
Qo‘shimcha imkoniyatlarga ega bulish uchun saytda ro‘yxatdan o‘ting