Toshkentning Sergeli tumanida «VAZ-2106» rusumli avtomashina daraxtga borib urilishi natijasida ikkiga bo‘linib ketdi. Haydovchi kasalxonaga yotqizilgan.
Toshkentda Navoiy shoh ko‘chasining Abay chorrahasidan Furqat ko‘chasigacha bo‘lgan qismi yo‘l qurilishi ishlari o‘tkazilishi munosabati bilan yopildi.
«O‘zbekneftgaz» kompaniyasi AI-80 benziniga talab ortib borayotganini qayd etdi, biroq AYOQSHlarida ushbu markadagi yoqilg‘i taqchilligi kuzatilayotgani haqidagi xabarlarni inkor etdi.
1 oktabrdan boshlab nodavlat ta’lim tashkilotlarining o‘quv kurslarida yoshlarning AKT sohasida o‘qishi uchun ta’lim krediti ajratish tizimi yo‘lga qo‘yiladi. Bunda ta’lim kreditlari MBning asosiy stavkasida BHMning 65 baravarigacha 1 yillik imtiyozli davr bilan 4 yil muddatga ajratiladi.
Andijonda fuqaroni 10 ming dollar evaziga o‘qishga kiritmoqchi bo‘lgan shaxs qo‘lga olindi. Toshkentda esa Tojikistondan o‘qishni ko‘chirib berishni va’da qilgan gumonlanuvchi 3 ming dollar olgan vaqtda ashyoviy dalillar bilan ushlandi.
Olcha va shtreyzelli tvorogli pirog, o‘rik qo‘shilgan tvorogli pirog, tvorogli krendellar, tvorogli bulochka «Vengerkalar», tvorog va malinali pirog, tvorogli ponchiklar va bulochkalar, tvorog hamda kokosli pechene va boshqalar — Zira.uz turli xil shirin tvorogli pishiriqlar retseptlari ro‘yxatini taqdim etadi.
Magic City ma’muriyati bog‘ hududida pichoqbozlik sodir bo‘lganini inkor qildi. Milliy gvardiya esa o‘z xabarini yangiladi.
Qozog‘iston o‘z neftining bir qismini Rossiya o‘z quvurlarini yopib qo‘yish bilan tahdid qilgani bois muqobil yo‘llar orqali sotishni rejalashtirmoqda, deya xabar qildi Reuters. Buning uchun Ozarbayjonning eng yirik neft quvuridan foydalanishni ham ko‘zlamoqda.
Deputat Odiljon Tojiyev BBC O‘zbek xizmatiga Konstitutsiyaga kiritilgan o‘zgartirishlardan maqsad prezident muddatini yangilash ekanligini inkor qildi. U bu haqdagi o‘zgartirish muallifini oshkor qilmadi, biroq minglab fuqarolar hozirgi davlat rahbari islohotlarni davom ettirishini qo‘llab-quvvatlashini aytdi.
Bekoboddagi metallurgiya kombinatiga borgan Shavkat Mirziyoyev, Westminister`ga o‘qishga kiritish uchun $10,2 ming, Islom birdamligi o‘yinlarida qo‘shimcha 14 ta medal, telekanal efirlaridagi rejali uzilishlar, ishsizlik darajasi, yakshanbadan boshlab yana issiq bo‘lishi va boshqalar — «Gazeta.uz» da kun dayjesti.
«Maroqand neft bazasi»ning Bulung‘ur va Jomboy filiallarida 73,7 mlrd so‘mlik talon-toroj va kamomad aniqlandi. Mazkur holatlarga huquqiy baho berish va kamomadlarga yo‘l qo‘ygan xodimlarga nisbatan qonuniy chora ko‘rish uchun to‘plangan hujjatlar Davlat xavfsizlik xizmatiga taqdim etildi.
DXX tomonidan 10,2 ming dollar evaziga Toshkent shahridagi Xalqaro Vestminster universitetiga o‘qishga kiritib qo‘yishni va’da qilgan shaxs ushlangani aytilmoqda. Gumonlanuvchi oldindan 5 ming dollar olayotgan vaqtida qo‘lga olingan.
O‘zbekistonda 2022 yildan boshlab, ixtirochilik va ratsionalizatorlik bo‘yicha ko‘rik-tanlov o‘tkaziladi. Tanlov g‘oliblariga 60 mln so‘mdan 90 mln so‘mgacha pul mukofoti beriladi. Shuningdek, g‘oliblar magistraturaga imtihonsiz kirish imkoniyatiga ega bo‘ladilar.
Konya shahrida o‘tkazilayotgan Islom birdamligi o‘yinlarida O‘zbekiston terma jamoasi sportning turli yo‘nalishlarida yana 14 ta — 5 ta oltin, 3 ta kumush va 6 ta bronza medalni qo‘lga kiritdi.
Qoraqalpog‘istonning Ellikqal’a tumanida Lacetti va YPXning Nexia 3 avtomobili to‘qnashib ketdi. Oqibatda qarama-qarshi yo‘nalishga chiqib ketgan birinchi avtomashina haydovchisi halok bo‘ldi.
Markaziy bank O‘zbekistonda «Oriyonbank»ning (Tojikiston) vakolatxonasi akkreditatsiya qilinganligi haqida xabar berdi.
Prezident metallga ketadigan xarajatlar ulushi uy-joy qurilishida 15 foiz, mashinasozlikda 40 foizni tashkil qilayotgani, qolaversa, jahon bozorida metall narxi oshayotganini ta’kidladi. Bosh vazir maslahatchisi Bobir Islomov mamlakatda 1,2 mlrd tonna temir rudasi zaxiralari borligini qayd etdi.
Prezident Bekoboddagi O‘zbekiston metallurgiya kombinatidagi qiymati 672 mln yevrolik quyuv prokat majmuasi qurilishini ko‘zdan kechirdi. Uni 2024 yilda ishga tushirish, yiliga 1 mln tonna po‘lat listlar ishlab chiqarish rejalashtirilgan. Davlat rahbari korxonani tezroq ishga tushirishni buyurdi.
Korrupsiyaga qarshi kurashish hamda Yoshlar ishlari agentliklari rahbarlari, jurnalist, inson huquqlari bo‘yicha huquqshunos, «Yuksalish» UMH rahbari, mentor va bloger 2022 yilda oliy ta’lim muassasalariga hujjat topshirgan abituriyentlarga o‘z maslahatlari va tilaklarini bildirishdi.
O‘zbekiston bo‘ylab profilaktika ishlari o‘tkazilishi sababli 18−25 avgust kunlari asosan tungi vaqtlarda telekanallar efirlarida uzilishlar kuzatiladi. Bu vaqtda abonentlardan tyuner va televizor sozlamalariga tegmaslik so‘ralmoqda.
Qo‘shimcha imkoniyatlarga ega bulish uchun saytda ro‘yxatdan o‘ting