Iqtisodiyot
O‘zbekistonda tadbirkorlarni elektrdan qarzi uchun tarmoqdan uzishni to‘xtatish rejalashtirilmoqda
O‘zbekistonda elektr energiyasidan xo‘jasizlarcha foydalanganlik uchun javobgarlik choralarini qayta ko‘rib chiqish rejalashtirilmoqda. Tadbirkorlar uchun jarimadan qarzdorligi hisobiga tarmoqdan uzish o‘rniga bo‘lib-bo‘lib to‘lash mexanizmini joriy etish taklif etilmoqda.
O‘zbekistonda 2024-yildagi inflyatsiya: narxlar qanday o‘zgardi?
2024-yil O‘zbekistonda rasmiy inflyatsiya 9,8 foizni tashkil etdi, bu Markaziy bank kutilmalaridan yuqori. 1 yilda kartoshka deyarli 40 foiz, sabzi 18,3 foizga qimmatladi. Gaz tariflari o‘rtacha 2,3 baravar, elektr energiyasiniki esa qariyb 1,7 baravar, propan narxi 30,9 foizga, benzinniki 5,9 foizga oshdi.
Toshkent metropoliteni Rossiyadan uchta yangi poyezd oldi
Toshkent metropoliteni 2024-yil oxirida Rossiyada ishlab chiqarilgan uchta yangi tarkibni oldi. O‘tgan yili jami 11 ta to‘rt vagonli poyezd olib kelindi.
O‘zbekiston Turkmanistondan yuk mashinalari kirishi uchun yig‘imlarni oshirdi, Eron uchun stavkalarni nolga tushirdi
O‘zbekiston Turkmanistondan yuk mashinalarini olib kirish uchun yig‘imlarni 80−100 dollarga oshirdi. Yevropa Ittifoqi mamlakatlari va Ozarbayjon uchun yuk transportining bo‘lish vaqti bo‘yicha tabaqalashtirilgan tariflar joriy etildi. Eron uchun stavka nolga tenglashtirildi.
Buxoro neftni qayta ishlash zavodining barcha neft mahsulotlari birja orqali “erkin raqobat muhitida” sotiladi
1-yanvardan Buxoro neftni qayta ishlash zavodida ishlab chiqariladigan barcha turdagi neft mahsulotlari, jumladan, benzin faqat birjada “erkin raqobat muhitida” sotiladi, deya ma’lum qildi “O‘zbekneftgaz”. Kompaniyaning ta’kidlashicha, aholini benzin bilan ta’minlash masalasi davlat nazoratiga olingan.
Carvon (UNG Petro) zapravkalarida Ai-80 benzini narxi 8150 so‘mgacha ko‘tarildi
1-yanvardan O‘zbekistonda avvalroq xususiylashtirilgan eng yirik yonilg‘i quyish shoxobchalaridan bo‘lmish Carvon (UNG Petro) tarmog‘ida Ai-80 markali benzin 6900 so‘mdan 8150 so‘mgacha qimmatlashdi. Yillik hisobda narx deyarli 34 foizga oshdi.
JST talablariga javob berish maqsadida eksportchilar xarajatlarini kompensatsiyalash to‘xtatilmoqda
O‘zbekistonda eksportchilarning transport xarajatlarini davlat budjetidan subsidiyalash amaliyoti bekor qilinmoqda. Ushbu chora JST talablariga javob berish uchun qabul qilindi. Bu maqsadlar uchun 2024-yilda 133,8 mlrd so‘m, 2023-yilda 509,9 mlrd so‘m mablag‘ ajratilgandi.
O‘simlik yog‘ini olib kirishda nol boj stavkasi uzaytirildi, ammo bu gal parranda go‘shti bilan bunday bo‘lmadi
O‘zbekiston prezidenti farmoniga ko‘ra, o‘simlik yog‘i importida bojxona bojining nol stavkalari 2026-yil 1-yanvargacha amal qiladigan bo‘ldi. Shu bilan birga, parranda go‘shtini olib kirish bo‘yicha imtiyozlarning amal qilish muddatini uzaytirmaslikka qaror qilindi.
O‘zbekiston, Ozarbayjon va Qozog‘iston “yashil” energetika koridori to‘g‘risida ta’sis shartnomasini imzoladi
O‘zbekiston, Qozog‘iston va Ozarbayjon magistral elektr tarmoqlari operatorlari “yashil” energiya koridori loyihasini amalga oshirish uchun qo‘shma korxona tashkil etdi.
O‘zbekistondagi barcha dorixonalar va klinikalar apreldan QQS to‘lovchiga aylanadi
2025-yil aprelidan O‘zbekistondagi barcha dorixonalar va klinikalar qo‘shilgan qiymat solig‘i to‘lashga o‘tadi. QQS hisobotlari soliq organlari tomonidan avtomatik shakllantirib boriladi.
O‘zbekistonda 2028-yilgacha QQS va foyda solig‘i stavkalari oshirilmaydi
Prezident farmoni bilan QQS va foyda solig‘i stavkalari 2028-yilgacha oshirilmaydi. Savdo-sanoat palatasi huzurida Tadbirkorlarga tashqi moliya bozorlariga chiqishga ko‘maklashish markazi tashkil etiladi.
Prezident huzuridagi Tadbirkorlikni qo‘llab-quvvatlash bo‘yicha jamoatchilik kengashi va ekspert guruhlari tarkibi tasdiqlandi
Prezident Tadbirkorlikni qo‘llab-quvvatlash bo‘yicha jamoatchilik kengashi va ekspert guruhlari tarkibini tasdiqladi. 46 nafar tadbirkorlar orasida Zafar Hoshimov, Jahongir Ortiqxo‘jayev, Murod Nazarov, Click, Amirsoy ta’sischilari va boshqalar bor.
O‘zbekistonga 60 ga yaqin tovar importi uchun nol boj stavkalari qo‘llanishi 2026-yilgacha uzaytirildi
O‘zbekistonda 59 turdagi oziq-ovqat va boshqa tovarlar, jumladan, go‘sht, sut mahsulotlari, sabzavot va mevalarga import bojining nol stavkasi qo‘llanishi 2026-yil 1-yanvargacha uzaytirildi. Qaror ichki bozorda narxlar barqarorligini ta’minlashga qaratilgan.
Tergov qilish davomida aniqlangan kriptoaktivlarni olib qo‘yish tartibi belgilandi
Adliya vazirligida tergov qilish davomida aniqlangan kriptoaktivlarni olib qo‘yish tartibi to‘g‘risidagi yo‘riqnoma davlat ro‘yxatidan o‘tkazildi. Bunda tergov harakatlari sohaga oid ko‘nikmalarga ega mutaxassislar tomonidan amalga oshiriladi.
O‘zbekistonda 2024-yilda dollar kursi qanday o‘zgardi?
MB ma’lumotlariga ko‘ra, 2024-yil davomida dollarning so‘mga nisbatan kursi qariyb 582 so‘mga (+4,71 foiz) mustahkamlandi. Milliy valyutaning devalvatsiya sur’ati 2023-yilga nisbatan pastroq bo‘ldi. Dollarning o‘rtacha yillik kursi prognozdan biroz yuqori shakllangan.
Eriell xodimlari ish haqi kechikishi bo‘yicha yana murojaat bilan chiqdi
Eriell kompaniyasi xodimlari ish haqlari kechikayotgani bo‘yicha O‘zbekiston prezidentiga murojaat yo‘lladi. Ular avgust, sentabr, oktabr va noyabr oylari uchun maosh olmaganini aytmoqda.
Tamaki kontrabandasi: O‘zbekiston yashirin bozorni qisqartirish uchun qanday choralar ko‘rmoqda?
420 mlrd so‘m hajmdagi tamaki mahsulotlarining yashirin aylanmasi muammosi asosan uning O‘zbekiston hududi orqali Qirg‘iziston va Tojikistonga tranziti bilan bog‘liq, dedi Bojxona qo‘mitasi raisi birinchi o‘rinbosari Otabek Ibragimov. U importni “oqartirish” uchun nimalar qilinganini aytdi.
UzAuto Motors va UzAuto Motors Powertrain bosh direktori Bu Andersson ishini yakunlamoqda
Uch yil avval UzAuto Motors va UzAuto Motors Powertrain bosh direktori etib tayinlangan Bu Andersson faoliyatini yakunlamoqda. UzAuto Motors’ning ma’lum qilishicha, uning rahbarligida ishlab chiqarish ko‘rsatkichlari oshgan — 2023-yilda 395 400 mashina konveyerdan chiqqan, bu avvalgi yildan 20% ko‘p.
Prezident 2024-yil uchun davlat budjeti xarajatlari va tashqi qarzlar chegarasini oshirishni tasdiqladi
Prezident 2024-yilgi davlat budjetiga vazirliklar xarajatlarini 9,98 trln so‘mga oshirishni nazarda tutuvchi o‘zgartirishlar kiritishni tasdiqladi. Tashqi qarz bo‘yicha chegara 5 dan 7,3 mlrd dollargacha oshdi. Qo‘shimcha qarzlar ipoteka bozorini rivojlantirish va mudofaa qobiliyatini mustahkamlash uchun ishlatiladi.
O‘zbekiston va Misr to‘siqlarni bartaraf etish hisobiga tovar ayirboshlash hajmini 500 mln dollarga yetkazmoqchi
O‘zbekiston va Misr 15 yil ichida hukumatlararo komissiyaning ilk yig‘ilishini Toshkentda o‘tkazdi. Tomonlar to‘siqlarni bartaraf etish orqali tovar ayirboshlash hajmini 500 mln dollarga (hozir qariyb $42 mln) yetkazishga, shuningdek, O‘zbekiston-Misr ishbilarmonlar kengashini tuzishga kelishib oldi.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting