Iqtisodiyot
O‘zbekistonda avgust oyida inflyatsiya: propan 20,2 foizga, go‘sht 4,9−5,3 foizga qimmatlashdi
Avgust yakunlariga ko‘ra, O‘zbekistonda inflatsiya 0,5 foiz darajasida qayd etildi. Yillik inflyatsiya 10,47 foiz darajasida saqlanib qoldi. Propan (20,2%), mol go‘shti (5,3%) va qo‘y go‘shti (4,9%), kartoshka (5,5%) keskin qimmatlashdi. Dori-darmonlar narxi o‘sishda davom etmoqda.
Umumiy ovqatlanish korxonalariga foyda solig‘i stavkasi 50 foizga kamaytiriladi, ayrim tadbirkorlarga esa QQSning bir qismi qaytariladi
2028-yilgacha O‘zbekistondagi umumiy ovqatlanish korxonalariga foyda solig‘i stavkasi 50 foizga kamaytiriladi. Shuningdek, turoperatorlik va mehmonxona xizmatlarini hamda umumiy ovqatlanish xizmatlarini ko‘rsatuvchi tadbirkorlarga har oyning 25 sanasiga qadar to‘langan QQSning bir qismi qaytariladi.
Tadbirkorlarning elektr energiyasi va tabiiy gaz ortiqcha iste’moli uchun qo‘shimcha to‘lovi 10 baravarga kamaytiriladi
2024-yil 1-noyabrgacha tadbirkorlarga elektr energiyasi va tabiiy gaz iste’moli miqdorlariga nisbatan shartnomaviy limitlarni oshirish va undan ortishiga yo‘l qo‘yilgan taqdirda ortiq iste’mol qilingan elektr energiyasi hamda tabiiy gaz uchun qo‘shimcha to‘lovni kamida 10 baravarga kamaytirish choralari ko‘riladi.
Tadbirkorlarning tovar, xizmat va resurslari erkin harakatlanishi qonunda mustahkamlandi
Qonun hujjatlariga tadbirkorlik subyektlarining hududiy prinsip bo‘yicha tovarlar, xizmatlar, mehnat resurslari va moliyaviy mablag‘larining erkin harakatlanishini cheklash, to‘xtatib turish va taqiqlashga qarshi qo‘shimcha kiritildi. Bu norma avvalroq Konstitutsiyada mustahkamlab qo‘yilgandi.
Universalbank ham reklama qonunchiligini buzgani uchun jarimaga tortildi
Raqobat qo‘mitasi xizmatlarini reklama qilishda qonunchilik talablarini buzgani uchun Universalbank’ni jarimaga tortdi. Bu “Reklama to‘g‘risida"gi qonunni buzayotgan 2 oy ichidagi 5-bank.
To‘palang daryosi bo‘yida “Zarchob-1A” kichik GESi ishga tushdi
Surxondaryo viloyati Sariosiyo tumanida “Zarchob-1A” kichik GESi foydalanishga topshirildi. Loyiha qiymati — 3,3 mln dollar. Stansiya yiliga 13 mln kVt soat elektr ishlab chiqaradi va 4750 ta xonadonni ta’minlaydi.
Rossiya O‘zbekistonga gazni “mumkin qadar maksimal” yetkazib bermoqda — “Gazprom” rahbari
Rossiyaning “Gazprom” kompaniyasi O‘zbekistonga gazni “texnik jihatdan mumkin qadar maksimal darajada” yetkazib bermoqda. “Qishdagi darajada. O‘tgan qishda, O‘zbekistonda anomal kuchli sovuq bo‘lganida, biz u yerni gaz bilan ta’minlagan darajada”, — dedi kompaniya rahbari Aleksey Miller.
THAY bo‘ylab boshqa chorrahalarda ham yo‘l o‘tkazgichlar qurish reja qilinmoqda — Avtoyo‘l rahbari
Prezident poytaxtning Temur Malik ko‘chasidagi yangi yo‘l o‘tkazgichni borib ko‘rarkan, Toshkent halqa avtomobil yo‘lining boshqa tirband chorrahalarida ham shunday yo‘l o‘tkazgichlar qurishni buyurdi, deya ma’lum qildi Avtomobil yo‘llari qo‘mitasi rahbari Jamshid Tursunov.
Prezident Toshkentning Temur Malik ko‘chasidagi yangi yo‘l o‘tkazgichni ochdi
Toshkent shahrida rekonstruksiya qilinib, kengaytirilgan Temur Malik ko‘chasi bo‘ylab yangi yo‘l o‘tkazgich foydalanishga topshirildi. Prezident ko‘chaga tashrif buyurib, “yangi yo‘l va inshootlar Mustaqillik bayramiga tuhfa” ekanini ta’kidladi.
Qozog‘iston Tojikistondan elektr energiyasini O‘zbekiston orqali import qilishni rejalashtirmoqda
Qozog‘iston Tojikistonning Rog‘un GESidan elektr energiyasini O‘zbekiston orqali import qilmoqchi. O‘zbekiston ham avval shu stansiyadan elektr xarid qilishni ko‘rib chiqqandi. Tojikiston GES qurilishini yakunlashga tashqi moliyalashtirish olish uchun energiya yetkazib berish bo‘yicha shartnomalar tuzishi kerak.
Termiz xalqaro savdo markazi o‘z ishini boshladi
Termiz xalqaro savdo markazining ochilish marosimi bo‘lib o‘tdi. Unda O‘zbekiston bosh vaziri Abdulla Aripov, Afg‘oniston bosh vaziri v.b. Abdul G‘ani Barodar, Ozarbayjon bosh vazirining o‘rinbosari Shaxin Mustafayev qatnashdi.
Raqobat qo‘mitasi “O‘zbekneftgaz”ga nisbatan ish qo‘zg‘atdi
Raqobat qo‘mitasi “O‘zbekneftgaz”ning 4,8 mlrd so‘mga yaqin savdolarida “Raqobat to‘g‘risida”gi qonunning 29-moddasi buzilganiga oid alomatlarni aniqlandi. AJga nisbatan ish qo‘zg‘atildi.
Korxonalar muammolarini hal qilish uchun ularga mas’ullar biriktiriladi
Bosh vazir o‘rinbosari Jamshid Qo‘chqorov prezidentga viloyat va tumanlardagi sanoat bilan “korxonabay” ishlash boshlangani, ularga aylanma mablag‘, elektr va gaz ta’minoti, soliq masalalari bo‘yicha ko‘maklashilayotgani haqida hisobot berdi. Prezident korxonalarga mas’ullarni biriktirish bo‘yicha topshiriq berdi.
Olimpiya medallari jadvali bizga nimalar haqida hikoya qiladi?
Shavkat Mirziyoyev Parij olimpiadasi ishtirokchilari bilan uchrashuvda Financial Times kolumnisti Saymon Kuperning “Olimpiya medallari jadvali bizga nimalar haqida hikoya qiladi?” nomli maqolasidan iqtibos keltirdi. “Gazeta.uz” ushbu maqolaning tarjimasini havola etadi.
Fuqarolardan elektr energiyasi va gaz uchun qarzdorlikni undirish tartibiga o‘zgartirishlar kiritildi
Prezident aholidan elektr energiyasi va gaz uchun majburiy to‘lovlarni undirish tartibiga o‘zgartirishlar kiritish to‘g‘risidagi qonunni imzoladi. Ilgari qonun hujjatlaridagi bo‘shliqlar tufayli 7700 dan ortiq qarzdor fuqaro tarmoqdan majburiy ravishda uzilmagan.
YTTB O‘zbekistonda o‘g‘it ishlab chiqarishni dekarbonizatsiyalash bo‘yicha pilot loyihani qo‘llab-quvvatlaydi
YTTB Markaziy Osiyodagi birinchi qayta tiklanadigan vodorod ishlab chiqarish loyihasini qo‘llab-quvvatlaydi. 20 MVt quvvatga ega elektroliz uskanasi va 52 MVt quvvatga ega shamol stansiyasi ammiakli o‘g‘itlar ishlab chiqarishda qo‘llanadigan kulrang vodorodni qayta tiklanadiganiga almashtirishga yordam beradi.
O‘zbekistonda o‘rtacha ish haqiga nisbatan eng qimmat uylar qayerda?
Markaziy bank aholining o‘rtacha ish haqi va uy-joy narxlarini taqqosladi. Eng qimmat uy-joylar Samarqand viloyati va Toshkentga to‘g‘ri keldi. Xarid qobiliyati deyarli barcha hududlarda yomonlashdi. “Gazeta.uz” 50 kvadrat metrli kvartirani sotib olish uchun necha yillik ish haqi kerakligini hisoblab chiqdi.
“Muqobil energiya manbalarini o‘rnatish — davlat siyosati” — prezident
Prezident muqobil energiya manbalarini o‘rnatishni davlat siyosati deb atadi. O‘zbekistondagi 1 mln xonadonning isitish tizimini energiya tejamkoriga almashtirish, aholi va tadbirkorlarga 973 MVt quvvatli qayta tiklanadigan energiya manbalarini o‘rnatish vazifasi qo‘yildi.
Raqobat qo‘mitasi reklamada to‘liq ma’lumot bermagani uchun “Ipak yo‘li” bankiga jarima qo‘lladi
Raqobat qo‘mitasi omonat turlari reklamasida muhim ma’lumotlar to‘liq berilmagani uchun “Ipak yo‘li” bankiga moliyaviy jarima qo‘lladi. Bankka qonun buzilishi holatini bartaraf etish va kelgusida yo‘l qo‘ymaslik bo‘yicha ko‘rsatma berildi.
Milliy investitsiya jamg‘armasi tashkil etiladi
O‘zbekiston milliy investitsiya jamg‘armasi tashkil etiladi. Jamg‘armaning asosiy vazifasi etib jamg‘arma aksiyalarini yetakchi xorijiy fond birjasida joylashtirish va jamg‘arma aktivlarini xususiylashtirish jarayonlarida ishtirok etish uchun xalqaro institutsional investorlarni jalb qilish belgilandi.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting