Iqtisodiyot
Korzinka “eng arzon narx” haqidagi reklamani qoidabuzarlik deb hisoblamasligini bildirdi
Korzinka supermarketlar tarmog‘i “eng arzon narx” iborasidan foydalanishni qoidabuzarlik deb hisoblamasligini ta’kidladi. Kompaniyaga ko‘ra, dastur “vaqtinchalik reklama emas, balki yangi narx strategiyasi” bo‘lib, unda eng past narxlar “uzoq muddatli va har kuni” taklif etiladi.
Ipoteka bozori qisqarmoqda, bank ipoteka stavkalari esa ko‘tarilmoqda — Markaziy bank
Birinchi yarim yillikda O‘zbekistonda ipoteka kreditlari hajmi qariyb 2 foizga — 6,88 trln so‘mga, oluvchilar soni esa 17,3 foizga qisqardi. Shu bilan birga, ajratilgan ipoteka kreditlarining o‘rtacha miqdori va bank foiz stavkalari ham oshdi.
O‘zbekistonda BYD Seagull va E2 elektromobillarini ishlab chiqarish rejalashtirilmoqda
BYD Uzbekistan Factory xitoylik hamkorlar bilan O‘zbekistonda yangi avtomobil modellarini ishlab chiqarish bo‘yicha shartnomalar tuzdi. BYD Seagull va E2 ehtimoliy ishlab chiqarish uchun taqdim etilgan va laboratoriyalarda sinovdan o‘tkazilmoqda.
UzAuto Motors`ning yaqin qarindoshlar ishtirok etgan 1,3 mlrd so‘mlik tenderi bekor qilinadi
Antikorrupsiya agentligi UzAuto Motors o‘tkazgan 1,3 mlrd so‘mlik davlat xaridida qonun buzilishi holatini aniqladi. Tenderda ishtirok etgan ikki korxona rahbarlari yaqin qarindosh bo‘lgan. Hozirda xarid natijalarini bekor qilish, aybdorlarga chora ko‘rish ishlari olib borilmoqda.
Soliq to‘lovchilar uchun sun’iy intellektga asoslangan virtual yordamchi ishga tushirildi
Soliq qo‘mitasi sun’iy intellektga asoslangan DavrOn nomli virtual yordamchini ishga tushirdi. U soliq to‘lovchilarga tegishli ma’lumotlar va soliq va soliqqa tortish masalalari bo‘yicha personal maslahatlar berishi mumkin. Bu qo‘mitaning SIga asoslangan uchinchi xizmatidir.
Muomaladagi naqd pullar ulushi va kartadagi pulni naqdlashtirib olish kamaymoqda — MB
Yanvar-iyun oylarida umumiy pul tushumlari 385 trln so‘mni tashkil etib, o‘tgan yilga qaraganda 30 foizga o‘sdi. Bank kartalaridagi pullarning 23 foizi naqdlashtirib olindi (2023-yilning mos davrida 24 foiz edi). Naqd pullar ulushi 3,7 foiz bandga pasayib, 21,1 foizni tashkil qildi.
O‘zbekistonda gaz “zapravka”lar uchun qo‘shimcha talablar belgilandi
Endi yangi AGTKSHlar qurish uchun tabiiy gaz tarmoqlariga ulanish bo‘yicha texnik shartlar va litsenziya faqat Vazirlar Mahkamasi bilan kelishilgan holda Energetika vazirligining taqdimnomasiga ko‘ra beriladi. 1-yanvardan boshlab esa “UZINFOCOM” avtomatlashtirilgan tizimlariga ulanish talabi majburiy hisoblanadi.
To‘qimachilik va yog‘ klasterlari narxlarni sun’iy oshirib, 20 mlrd so‘m asossiz daromad olgani aniqlandi
Raqobat qo‘mitasi 40 ga yaqin paxta to‘qimachilik va yog‘-moy klasterlari tomonidan yuqori likvidli va monopol mahsulotlarning narxlari sun’iy oshirilganini aniqladi. Ular mahsulotlarni birjaga joylashtirish qoidalarini buzib, 20 mlrd so‘m asossiz daromad olgan. Klasterlarga nisbatan ish ochildi.
Raqobat qo‘mitasi “Buxoro hududiy elektr tarmoqlari”ga nisbatan ish qo‘zg‘atdi
Raqobat qo‘mitasi tomonidan “Buxoro hududiy elektr tarmoqlari” AJga nisbatan ish qo‘zg‘atildi. Korxona “Bahouddin Naqshband” yodgorlik majmuasi markazi uchun elektr energiya tariflarini oshirib qo‘llagan. Buning oqibatida 115 mln so‘mlik qo‘shimcha to‘lov hisoblangan.
Uy-joy bozoridagi faollik pasayib, narxlar o‘sishi sekinlasha boshladi
Yil boshidan buyon O‘zbekiston uy-joy bozorida savdolar soni 5,7 foizga kamaydi. Narxlarning o‘sish sur’ati sekinlasha boshladi va o‘tgan oyda atigi 0,3 foizga oshdi, Toshkentda esa har kvadrat metr uchun 1142 dollargacha — 1,1 foizga pasaydi.
O‘zbekistonning konsolidatsiyalashgan budjeti ijrosi tashqi auditdan o‘tkaziladi
O‘zbekistonning konsolidatsiyalashgan budjeti ijrosi tashqi auditdan o‘tkaziladi va natijasi bo‘yicha tegishli xulosalar tayyorlanadi. Shuningdek, 2025-yildan ustav fondida (ustav kapitalida) davlat ulushi 50 foiz va undan ortiq bo‘lgan yirik tashkilotlar faoliyatini auditdan o‘tkazish amaliyoti yo‘lga qo‘yiladi.
Iyunda yengil avtomobillar savdosi 2021-yil oxiridan beri eng past darajaga tushdi
Iyun oyi yakuniga ko‘ra, O‘zbekistonda 77,6 mingta yengil avtomobil oldi-sotdisi ro‘yxatga olindi, bu 2021-yil dekabridan beri eng past ko‘rsatkichdir. Eng yuqori pasayish minilgan avtomobillarga to‘g‘ri keldi.
Farg‘ona viloyatida rahbarlar har kuni 5 nafar tadbirkorni qabul qiladi
Farg‘ona viloyatida rahbarlarning mas’uliyatini oshirish bo‘yicha yangi tizim joriy etiladi, dedi prezident Quvadagi yig‘ilishda. Viloyat hokimi, uning o‘rinbosarlari, 19 ta tuman va shahar hokimlari har kuni 5 nafar tadbirkor va investorni qabul qilib, ularning muammolarini hal etadi.
Andijon biokimyo zavodi 101,3 mlrd so‘mga xususiylashtirildi
Andijon biokimyo zavodi ustav kapitalidagi 96 foiz davlat aksiyalar paketi 101,3 mlrd so‘mga Jasminye Gold Group’ga sotildi.
Andijondagi sement zavodiga nisbatan antidemping ishi ochildi
Raqobat qo‘mitasi aprel oyi oxirida Andijon viloyatida ishga tushirilgan Shangfeng — Bridge of Friendship O‘zbekiston-Xitoy sement zavodiga nisbatan ish ochdi. Boshqa sement ishlab chiqaruvchilari zavod mahsulotni tannarxidan arzon sotayotganidan shikoyat qildi.
Elektr energiyasini hisoblash bo‘yicha yangi billing tizimi 1-avgustdan ishga tushiriladi
O‘zbekistonda elektr energiyasini hisoblashning yangi billing tizimi 1-avgustdan joriy etiladi. Hozirda u Yakkasaroy tumanida sinov tarzida ishga tushirilgan. Unda abonent pasport ma’lumotlaridan tashqari, kadastr va hisobraqamlar haqidagi axborotlar ham aks etadi.
Soliq qo‘mitasi tadbirkorlarga cheklardagi summalarni tahrirlashga ruxsat berdi
O‘zbekistonda tadbirkorlarga 2023-yil 1-yanvardan 2024-yil 30-iyungacha berilgan cheklar summasiga tuzatishlar kiritishga ruxsat berildi. Soliq organlari cheklar bo‘yicha so‘rovlarni 25-iyulgacha qabul qiladi.
Prezident Farg‘onada qator loyihalar qurilishi va ishga tushirilishiga start berdi
Shavkat Mirziyoyev Farg‘ona viloyatida yangi loyihalarning qurilishi va ishga tushirilishini boshlab berdi. Ular orasida “Qo‘qon” EIZdagi 370 mln dollarlik korxonalar va Farg‘ona tumanining chekka hududlaridagi kichik gidroelektr stansiyalari ham bor.
Pensiya tizimini qanday takomillashtirish kerak? Strategik islohotlar agentligi tahlili
O‘zbekistonda pensiya ta’minoti qamrovi yuqori norasmiy bandlik tufayli atigi 38 foizni tashkil etadi. Boshqa davlatlarga nisbatan pensiya badallari yuqori darajada (12−25 foiz), to‘lovlar esa o‘rtacha darajada. Strategik islohotlar agentligi mamlakatning pensiya tizimini takomillashtirish yo‘lini o‘rgandi.
“Qo‘qon” EIZ hududi kengaytiriladi
Prezident qarori bilan, Quvasoy shahri hokimligi zaxirasidagi 210 gektar yer hisobiga “Qo‘qon” erkin iqtisodiy zonasi hududi kengaytiriladi. Yangi hududda 2026-yilgacha kamida 1 mlrd dollarlik investitsiyalar o‘zlashtirish, 11,7 mingta ish o‘rni yaratish rejalashtirilmoqda.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting