Iqtisodiyot
2035 yilgacha O‘zbekistonda elektrga bo‘lgan talab har yili 5−5,3 foizga oshishi kutilmoqda
PMTI prognozlariga ko‘ra, 2035 yilda O‘zbekiston aholisi 45,6 mln kishidan oshadi. Ushbu davrgacha aholining elektr energiyasiga bo‘lgan talabi esa har yili 5−5,3 foizga oshishi kutilmoqda. Mutaxassislar milliy energetika tizimini tezroq yadro, vodorod va «yashil» texnologiyalarga integratsiyalashni taklif etmoqda.
2022 yilda O‘zbekiston YAIM hajmi 80,4 mlrd dollarga ko‘tarildi
O‘zbekiston yalpi ichki mahsuloti (YAIM) 2022 yilda 5,7 foizga o‘sib, 888,34 trln so‘mni (80,4 mlrd dollarga yaqin) tashkil etdi. Aholi jon boshiga YAIM hajmi esa 2255 dollargacha oshdi, deya xabar berdi Statistika agentligi.
O‘zbekistonda chiqindilar gazidan elektr energiyasi ishlab chiqaradigan majmua qurilishi boshlandi
Toshkent viloyatida «Ohangaron» va «Maydontol» poligonlaridan chiqadigan gazni qayta ishlash bo‘yicha majmua qurilishi boshlandi. Chiqindi gazlaridan elektr toki ishlab chiqarish loyihasi Janubiy Koreyaning Sejin G&E kompaniyasi tomonidan amalga oshirilmoqda.
«O‘zkimyosanoat» shina zavodining 80 mln dollarga sotilganini asoslab berdi
«O‘zkimyosanoat» kompaniyasi Angrendagi «Birinchi rezinotexnika zavodi» davlat ulushini Rossiyaning «Tatneft» kompaniyasiga 80 mln dollarga sotganini ma’lum qildi. Aktivning kam qiymatda ekani xaridor tomonidan qoplanadigan 153 mln dollarlik kredit majburiyatlari hamda mavjud qarzdorlik bilan izohlandi.
Banklarda dollarning sotish kursi 11 375 so‘mgacha ko‘tarildi
Tijorat banklari 27 yanvar kuni aholidan 1 AQSh dollarini 11 280 — 11 355 so‘mdan sotib olmoqda, sotish kursi esa aksariyat banklarda 11 375 so‘m.
2022-yilda O‘zbekiston ko‘chmas mulk bozori qanday o‘zgardi — ITIM
2022-yilda O‘zbekiston ko‘chmas mulk bozoridagi faollik 3,8 foizga oshdi. Ikkilamchi bozorda o‘rtacha narxlar yil davomida 16,5 foizga, Toshkent shahrida esa 24 foizga oshgan. Shu bilan birga, poytaxtda ijaraga beriladigan uy-joylar 34 foizga qimmatlashdi.
«Humo va Uzcard integratsiyasi bo‘yicha kelishuvga erishdik» — MB raisi
Humo va Uzcard to‘lov tizimlari uzoq muzokaralardan so‘ng o‘zaro integratsiya bo‘yicha kelishuvga erishdi, deya ma’lum qildi O‘zbekiston Markaziy Banki rahbari. Birinchi bosqichda bankomatlarni har ikkala turdagi kartalarni ham qabul qilishga moslashtirish rejalashtirilgan. Bu ishlar may oyigacha yakunlanishi mumkin.
2022-yilda O‘zbekistonga rekord darajada — 16,9 mlrd dollar jo‘natildi
2022-yilda O‘zbekistonga rekord darajada -16,9 mlrd dollar pul o‘tkazmalari kelib tushdi, bu 2021-yilga nisbatan 2,1 barobar ko‘pdir. Bu mablag‘larning katta qismi Rossiyadan. O‘zbekistondan boshqa davlatlarga 2,1 mlrd dollarlik xorijiy valyuta jo‘natilgan.
O‘zbekiston va Qirg‘iziston Qambarota GES qurilishi bo‘yicha investitsiya shartnomasini imzoladi
O‘zbekiston prezidentining Qirg‘izistonga tashrifi arafasida ikki davlat o‘rtasida Jalolobod viloyatida Qambarota-1 GES qurilishi bo‘yicha investitsiya shartnomasi imzolandi. Loyihaning asosiy uch tomonlama bitimi iyul oyida imzolanishi rejalashtirilgan.
O‘zbekiston va Qirg‘iziston o‘rtasida 1,6 mlrd dollarlik kelishuvlar imzolandi
Shavkat Mirziyoyevning Qirg‘izistonga davlat tashrifi arafasida Bishkekda umumiy qiymati 1,6 milliard dollardan ortiq bo‘lgan hujjatlar imzolandi. Ular orasida 300 million dollarlik investitsiya va 1,3 milliard dollarlik savdo shartnomalari mavjud.
Energetika vaziri — O‘zbekistonda kelgusi qish mavsumiga tayyorgarlik rejasi haqida
Energetika vaziri O‘zbekistonda kelasi qishga tayyorgarlik rejasini ma’lum qildi. Bunda chekka hududlar to‘liq suyultirilgan gazga o‘tkaziladi va ko‘mir qozonlar quriladi, issiqxonalar hamda qurilish materiallari ishlab chiqaruvchilar ko‘mirga o‘tkaziladi, quyosh elektr stansiyalari qurilishi jadallashtiriladi.
UzAuto Motors Tracker, Malibu va Equinox uchun shartnoma berishni qayta tikladi
UzAuto Motors 4 yanvar kuni avtomobillar uchun shartnoma tuzishni vaqtincha to‘xtatgandi. Xabar berilishicha, kompaniya Tracker, Malibu va Equinox uchun shartnoma berishni qayta tiklagan.
MB asosiy stavkani o‘zgarishsiz qoldirdi. Sabablar
Markaziy bank asosiy stavkani 15% darajasida o‘zgarishsiz qoldirdi. Regulyator bu iqtisodiyotda nisbatan qat’iy pul-kredit sharoitlarini saqlab qolish uchun yetarli, deb baholamoqda. Oxirgi uch oydagi inflyatsion kutilmalardagi o‘sish kelgusida inflyatsion xatarlar yuzaga kelishi ehtimollarini oshirgani qayd etildi.
Banklarda dollar kursi 25 so‘mga oshdi
Tijorat banklari 26 yanvar kuni aholidan 1 AQSh dollarini 11 250 — 11 330 so‘mdan sotib olmoqda, sotish kursi esa aksariyat banklarda 11 350 so‘m.
«Suverenitetimizga qandaydir tahdid yo‘q» — Energetika vazirligi «Gazprom» bilan imzolagan «yo‘l xaritasi» haqida
O‘zbekiston Energetika vazirligi Rossiyaning «Gazprom» kompaniyasi bilan gaz sanoati sohasida hamkorlik bo‘yicha imzolagan «yo‘l xaritasi» bo‘yicha tushuntirish berdi. «Bunda gaz transport tizimi kimgadir berilishi yoki suverenitetimizga qandaydir tahdid umuman yo‘q», — deyiladi xabarda.
O‘zbekiston Turkmanistondan neft sotib oladi
«O‘zbekneftgaz» Turkmanistonning Petronas Çarigali kompaniyasidan neft sotib olishni rejalashtirmoqda.
Banklar dollar kursi yana tushdi
Tijorat banklari 25 yanvar kuni aholidan 1 AQSh dollarini 11 245 — 11 305 so‘mdan sotib olmoqda, sotish kursi esa aksariyat banklarda 11 325 so‘m.
Rossiyaga yaqinlashish, Xitoy — asosiy yetkazib beruvchi. 2022 yilda O‘zbekiston tashqi savdosi qanday o‘zgardi?
Rossiya O‘zbekistonning asosiy savdo sherigi sifatidagi o‘rnini mustahkamladi, Xitoy ikkinchi o‘rinda qoldi, biroq import bo‘yicha RFdan yetakchilikni qo‘lga oldi. Shu bilan birga, Rossiya bozori o‘zbek eksportchilari uchun yanada jozibador bo‘ldi, Turkiyaga yetkazib berish esa kesin kamaydi.
O‘zbekiston va «Gazprom» o‘rtasida gaz sohasida hamkorlik bo‘yicha «yo‘l xaritasi» imzolandi
O‘zbekiston Energetika vazirligi va Rossiyaning «Gazprom» kompaniyasi gaz sanoati sohasida hamkorlik bo‘yicha «yo‘l xaritasi»ni imzoladi. Bundan bir hafta avval Gazprom Qozog‘iston bilan ham shunday hujjat imzolagan edi.
O‘zbekiston avtomobil bozori 2022 yilda qanday o‘zgardi?
Dekabr oyida faollik sezilarli darajada pasayganiga qaramay, 2022 yilda O‘zbekistonda avtomobil savdosining rekord darajada o‘sishi qayd etildi. Yil davomida sotuvlar soni 87 foizga oshib, 1,4 million avtomobilni tashkil etdi.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting