Iqtisodiyot
Shavkat Mirziyoyev servis sohasini rivojlantirish bo‘yicha topshiriqlar berdi
Prezident Shavkat Mirziyoyev servis sohasini rivojlantirish, xususan, o‘zini o‘zi band qilgan fuqarolar va frilanserlarni qo‘llab-quvvatlash, ularga imtiyoz va preferensiyalar taqdim etish bo‘yicha topshiriqlar berdi.
Karantin sababli ishsiz qolgan fuqarolar nomma-nom aniqlanadi
Barcha tuman va shaharlarda karantin cheklovlari sababli ishsiz qolgan va ehtiyojmand aholi nomma-nom aniqlanadi. Prezident 110 ming kishini mavsumiy, 167 ming fuqaroni jamoat ishlari bilan qamrab olish vazifasini qo‘ydi.
20 ta yirik hamkor-davlatlar orasidan yettitasida faol tashqi savdo balansi kuzatildi
Birinchi chorakda O‘zbekistondagi 3298 ta eksportyor tomonidan qariyb 2,4 mlrd dollarlik tovar va xizmatlar eksport qilindi. Eksport tarkibida tovarlar ulushi 81,4 foizni tashkil etdi.
O‘zbekiston tashqi savdosi deyarli 1 mlrd dollarga qisqardi
Koronavirus pandemiyasi sababli yanvar-mart oylarida import hajmi 10 foizga, eksport esa 11 foizga qisqardi. Xitoy 2016 yildan beri ilk marotaba O‘zbekistonning asosiy savdo hamkori pozitsiyasini yo‘qotdi. Uning o‘rnini tashqi savdo aylanmasidagi 16,9 foiz ulush bilan Rossiya egalladi.
Qibrayda 25 mln dollarga chet ellik investorlar uchun shaharcha quriladi
Turkiyadagi to‘qimachilik kompaniyasi Qibray tumanidagi Invest Village shaharchasi loyihasiga 20 mln dollar sarmoya kiritmoqda. Investorga berilayotgan yer uchastkasi qishloq xo‘jaligi toifasidan aholi punkti toifasiga o‘tkaziladi.
MB valyutada kredit olganlarning zararlarini qoplab bermaydi
Markaziy bank valyutada kredit olganlarning so‘m devalvatsiyasi natijasida ko‘radigan zararlarini qoplashni rejalashtirayotgani yo‘q. Valyutadagi kreditlar bo‘yicha xatarlarni qarz oluvchilarining o‘zlari mustaqil ravishda hisobga olishlari kerak, deya qayd etdi nazoratchi.
38 foiz YATTlar faoliyati karantin sababli to‘xtab qolgan — DSQ (aniqlik kiritildi)
Karantin choralari sababli 38,4 foiz yoki 95 mingdan ortiq yakka tartibdagi tadbirkorlar faoliyati to‘xtab qolgan. Ular soliq organlariga murojaat qilib, soliq yengilliklari olishlari mumkin.
Pandemiya sharoitlarida qishloq xo‘jaligi va oziq-ovqat xavfsizligi
Koronavirus pandemiyasi butun dunyo va O‘zbekistondagi qishloq xo‘jaligi va oziq-ovqat xavfsizligiga qanday ta’sir qiladi? Ushbu savollarga Jahon bankining O‘zbekistondagi qishloq xo‘jaligi masalalari bo‘yicha yetakchi iqtisodchi mutaxassisi Sergiy Zorya javob berdi.
Uzbekistan Airways Boeing-767 yo‘lovchi samolyotlarini yuk tashuvchiga aylantirmoqda
«Uzbekistan Airways» yuk tashishga talab o‘sib, yo‘lovchi tashish to‘xtatilgani sababli bir nechta samolyotini qayta jihozlab, ularni yuk tashuvchiga aylantirishni rejalashtirmoqda.
Amerika neftining narxi nol dollardan pastladi
Tarixda birinchi marta, neftni sotish uchun xaridorga pul to‘lash kerak. WTI markali qayta ishlanmagan neftning may oyida yetkazib berish narxi 0 dollardan pastladi (-7 AQSH dollari atrofida). Neftga bo‘lgan talabning pasayishi sababli dunyo bo‘ylab 160 mln barrel neft tankerlarda turib qolgan.
«Qurilish sohasi yangi ish o‘rinlarini yaratish uchun katta imkoniyat» — Shavkat Mirziyoyev
Karantin vaqtida qurilish materiallari bozorida ishlab chiqarish hajmi 30−40 foizga kamaygan. «O‘zqurilishmateriallari» aksiyadorlik kompaniyasiga yil oxirigacha mahsulot ishlab chiqarishni 22 trillion so‘mga yetkazish vazifasi qo‘yildi. Prezident qurilish sohasining yangi ish o‘rinlarini yaratish uchun katta imkoniyat va zaxira ekanligini ta’kidlagan.
Prezident: «Hududlarda karantin choralarini yumshatish vaqt-soati keldi»
O‘zbekiston prezidenti Shavkat Mirziyoyev koronavirus aniqlanmagan yoki epidemiologik vaziyat yaxshilangan hududlarda karantin cheklovlarini bosqichma-bosqich bekor qilish bo‘yicha topshiriq berdi.
Xalqaro aviapochta jo‘natmalarini yuborish qisman tiklandi
«O‘zbekiston pochtasi» 20 apreldan 38 ta davlatga xalqaro aviapochta jo‘natmalarini yuborishni qisman tikladi. Bungacha pochtalar faqat yer usti transporti orqali jo‘natilayotgan edi.
O‘zbekistonga pul o‘tkazmalarida o‘sish kuzatilmoqda — Mamarizo Nurmurodov
Mart oyining ikkinchi yarmida O‘zbekistonga pul o‘tkazmalari hajmi ikki barobarga kamaygan edi. Markaziy bank raisi hozirda o‘sish kuzatilayotganini ma’lum qildi. Shuningdek, xorijiy valyutani sotish va sotib olishda cheklovlar o‘rnatilmagani, tijorat banklarida yetarlicha valyuta zaxiralari mavjudligini qayd etdi.
Markaziy bank raisi: Naqd xorijiy valyuta taqchilligi yo‘q, bo‘lmaydi ham
O‘zbekistonda naqd xorijiy valyuta taqchilligi bo‘lmaydi, deya ma’lum qildi Markaziy bank raisi Mamarizo Nurmurodov. Yaqinda muddatidan oldin Nyu-York Federal zaxira bankidan 200 mln dollar olib kelindi. May oyida yana 400 mln dollar olib kelinishi kutilmoqda.
«O‘zdonmahsulot» ishlab chiqargan bir qop un narxi 125 ming so‘m qilib belgilandi
«O‘zdonmahsulot» AK tizim korxonalarida ishlab chiqarilgan bir qop un narxi 125 ming so‘m qilib belgilandi.
Prezident 2300 ta o‘pkani sun’iy ventilyatsiya qiluvchi apparat sotib olish vazifasini qo‘ydi
Prezident Shavkat Mirziyoyev o‘pkani sun’iy ventilyatsiya qiluvchi 2 ming 300 ta apparat va boshqa uskunalar sotib olish vazifasi qo‘yildi. «Gazeta.uz» hukumatdagi manbasining ma’lum qilishicha, apparatlar Zangiota tumanida yangi qurilayotgan shifoxonada o‘rnatilishi kutilmoqda.
Byudjet tashkilotlari xodimlariga ba’zi to‘lovlar hisoblanishi vaqtincha to‘xtatiladi
Davlat byudjetidan 5,1 trln so‘m, mahalliy byudjetlardan esa 980 mlrd so‘m maqbullashtiriladi. Byudjet tashkilotlarida asosiy vositalarni xarid qilish va kapital ta’mirlash bilan bog‘liq 3,2 trln so‘mlik xarajatlar ikkinchi yarim yillikka o‘tkaziladi.
Shavkat Mirziyoyev avtokredit taqdim etayotgan banklarni rag‘batlantirishga ko‘rsatma berdi
Prezident avtomobillarning yangi modellarini ishlab chiqish, avtokredit taqdim etayotgan tijorat banklarini rag‘batlantirish bo‘yicha ko‘rsatmalar berdi.
Qo‘shni davlatlardan 2 ming tonna gipoxloritga buyurtma kelib tushgan — prezident
Prezident Shavkat Mirziyoyev pandemiya sharoitida tozalash va dezinfeksiya vositalariga talab oshgani, xususan qo‘shni davlatlardan 2 ming tonna gipoxloritga buyurtma kelib tushganini ma’lum qildi.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting