Tijorat banklari 6 mart kuni aholidan 1 AQSh dollarini 11 320 — 11 365 so‘mdan sotib olmoqda, sotish kursi esa 11 380 — 11 430 so‘m.
Fevral oyida O‘zbekistonda inflyatsiya darajasi 0,54 foizni tashkil etdi — bu so‘nggi 5 yildagi eng past ko‘rsatkichlardan biri. Sut narxining oshishi yana tezlashdi, shakar va sariyog‘ beshinchi oy ketma-ket arzonladi. Meva-sabzavotlar orasida piyoz, pomidor va karam eng ko‘p qimmatlashdi.
Gazli magistral gaz quvurlari boshqarmasi Rossiyadan «import qilinadigan tabiiy gaz hajmi ichki transportirovka hajmlariga aralashmasligi uchun» o‘z infratuzilmasini tayyorlamoqda, deb ma’lum qildi «O‘ztransgaz».
Vetnamning VietJet Air aviakompaniyasi 2 maydan boshlab Xoshimin-Toshkent-Xoshimin yo‘nalishi bo‘yicha to‘g‘ridan-to‘g‘ri reyslarni yo‘lga qo‘yadi. Parvozlar charter asosida har 10 kunda bir marta amalga oshiriladi.
Yandex Go taksi xizmatining O‘zbekistondagi faoliyati tufayli monopoliyaga qarshi organ va Soliq qo‘mitasi tanqidga uchradi. Raqobatni rivojlantirish qo‘mitasi «Yandeks.Taksi» va boshqa xorijiy xizmatlarning ro‘yxatdan o‘tmagani monopoliyaga qarshi tartibga solishda qiyinchiliklar tug‘dirayotganini tan oldi.
«Xalq banki»ning Xovos filialida 3,8 mlrd so‘m talon-toroj qilingani aytilmoqda. DXX holat yuzasidan jinoyat ishi qo‘zg‘atilib, bankning bir nafar mas’uli qamoqqa olinganini ma’lum qildi.
Tijorat banklari 3 mart kuni aholidan 1 AQSh dollarini 11 280 — 11 345 so‘mdan sotib olmoqda, sotish kursi esa 11 370 — 11 420 so‘m.
Fransiyaning Montagne et Neige Développement kompaniyasi Chimyonda gondol va mayatnik tipidagi osma yo‘llar, 11 ta tog‘-chang‘i yo‘laklari, yozgi va qishki attraksionlar, shuningdek, 6 ming sayyohga mo‘ljallangan mehmonxona va kottejlardan iborat umummavsumiy dam olish maskani qurish bo‘yicha tenderda g‘olib chiqdi.
Prezident 2023−2025 yillarda isloh qilish va operatsion samaradorligini oshirish rejalashtirilgan 31 ta davlat ulushi bo‘lgan korxona ro‘yxatini tasdiqladi. Ular orasida NKMK, OKMK, «O‘zbekko‘mir» va «O‘zbekneftgaz» bor. Davlat ulushlari Strategik islohotlar agentligiga, boshqaruv esa UzAssets`ga topshiriladi.
Senat import qilinadigan tovarlarga iste’mol kreditlari taqdim etishga ruxsat beruvchi qonunni ma’qulladi (hozir ushbu turdagi kredit faqat mahalliy avtomobillar va maishiy texnika uchun beriladi). Hujjat prezident tomonidan imzolanishi kerak.
O‘zbekistonda 1 iyuldan boshlab tadbirkorlarga nisbatan yangi jazo turlarini joriy etishga 3 yillik moratoriy o‘rnatiladi. Savdo qoidalarini buzishni dekriminallashtirish rejalashtirilmoqda.
Tijorat banklari 2 mart kuni aholidan 1 AQSh dollarini 11 280 — 11 345 so‘mdan sotib olmoqda, sotish kursi esa aksariyat banklarda 11 405 so‘m.
«O‘zbekistonda qo‘shilgan qiymat solig‘ining 15% dan 12% ga tushirilishi narxlarning tegishli ravishda tushishiga olib kelmagan», — demoqda PMTI ekspertlari. Bunga yashirin iqtisodiyot ulushi kattaligi, raqobat shakllanib ulgurmagani va boshqa omillar sabab sifatida keltirildi.
Radisson Hotel Group kompaniyasi Metropol Group bilan Toshkentda o‘z mehmonxonasini qurish bo‘yicha bitim imzoladi. 22 qavatli majmua «Brodvey»da, DXXning sobiq binosi o‘rnida barpo etiladi.
YTTB Farg‘ona vodiysida sug‘orish samaradorligini oshirish uchun qariyb 200 mln dollar miqdorida kredit ajratdi. Ushbu mablag‘lar hisobidan 118 ta eskirgan nasos stansiyalari yangi jihozlar o‘rnatgan holda modernizatsiya qilinadi.
Toshkent tumanlararo iqtisodiy sudi qarori bilan «Turkistonbank» bankrot deb topildi. Bankni tugatish komissiyasi ham o‘z faoliyatini yakunladi.
Rossiyadan O‘zbekistonga gaz importi 1-martdan boshlanmaydi, deb xabar qildi Energetika vazirligi. Ishchi guruhlar imzolangan “yo‘l xaritasi” doirasida o‘rganishni davom ettirmoqda. Hozircha aniq kelishuvga erishilmagan.
Tijorat banklari 1 mart kuni aholidan 1 AQSh dollarini 11 280 — 11 335 so‘mdan sotib olmoqda, sotish kursi esa aksariyat banklarda 11 395 so‘m.
O‘zbekiston va Pokiston savdo hajmini 1 mlrd dollarga yetkazish uchun savdogarlarni qo‘llab-quvvatlash vositalarini joriy etish, avtomobil va tranzit tashish tartib-qoidalarini uyg‘unlashtirish hamda ikki davlat o‘rtasida elektron tijoratni rivojlantirishni o‘z ichiga olgan harakatlar rejasini kelishib oldi.
Markaziy bankning Bank nazorati qo‘mitasi tomonidan O‘zmilliybank, Mikrokreditbank, Aloqabank, Turonbank, Qishloqqurilishbank, Asakabank, Kapitalbank, Anorbank va Ravnaq-bank yo‘l qo‘ygan kamchiliklari uchun ogohlantirildi.
Qo‘shimcha imkoniyatlarga ega bulish uchun saytda ro‘yxatdan o‘ting