Chang konsentratsiyasi eng yuqori bo‘lgan hududlar ma’lum qilindi
O‘zgidromet 4 noyabr kuni havodagi changning eng yuqori konsentratsiyasi Toshkent (33 marta), Chirchiq (26), Guliston va Olmaliq (20), Bekobod (18) va Buxoro (14) shaharlarida kuzatilganini ma’lum qildi. Boshqa hududlarda esa bu ko‘rsatkich 2 dan 8 martagacha bo‘lgan.
Jahon yangiliklari dayjesti
Dunyo bo‘ylab COVID-19 ga chalinganlar sonining 250 mlndan oshgani, polshaliklarning Belarus chegarasidagi vaziyat tufayli amerikaliklarga murojaat qilgani, Portugaliyada yangi qonunga ko‘ra ish beruvchilar xodimlar bilan ishdan tashqari vaqtda gaplashishi taqiqlangani va boshqa yangiliklar — «Gazeta.uz»ning jahon yangiliklari dayjestida.
9 noyabr kuni O‘zbekistonda sodir bo‘lgan eng muhim xabarlar dayjesti
iFly Airlines`ga O‘zbekistonga parvozlarni amalga oshirish vaqtincha taqiqlanishi, Shavkat Mirziyoyev va Jahongir Ortiqxo‘jayevning Toshkentdagi chang haqidagi fikrlari, prezident raisligida bo‘lib o‘tgan videoselektor yig‘ilishi — “Gazeta.uz"ning 9 noyabrdagi eng muhim xabarlari dayjestida.
Deputat 2022 yil uchun Davlat budjeti loyihasi kechikayotganini ma’lum qildi
Vazirlar Mahkamasi 15 oktabrgacha loyihani taqdim etishi kerak bo‘lsada, Oliy Majlis Qonunchilik palatasiga 2022 yilgi budjet loyihasi haligacha kelib tushmadi, deya ma’lum qildi deputat Doniyor G‘aniyev. Uning so‘zlariga ko‘ra, hukumat iyun oyida yangilangan o‘rta muddatli fiskal strategiyani tasdiqlashi kerak edi, biroq bu hali amalga oshmagan.
O‘zbekiston aholisining katta qismi asosiy daromad manbai oylik ish haqi ekanini ma’lum qildi
Markaziy bank o‘tkazgan so‘rovnomada qariyb 70 foiz ishtirokchi daromadlarining asosiy manbai oylik ish xaqiga to‘g‘ri kelishini ta’kidladi. 28 foiz respondent jamg‘armalari 1 oygacha, 16 foizi 1−3 oyga yetishini ma’lum qilgan bo‘lsa, 42 foiz qatnashchi damg‘armalari mavjud emasligini bildirdi.
Shahlo Ahmedova David Guetta qo‘shig‘ining remiksini taqdim etdi
TBRG Open loyihasi doirasida taqdim etilgan qo‘shiq Spotify, Apple Music, Deezer, “Яндекс.Mузыка”, Amazon Music, “Музыка ВКонтакте” kabi platformalarda mavjud.
“Bu bizning qumlarimiz emas”. Prezident va poytaxt hokimi chang-qumli tuman haqida
“Gazeta.uz” muxbiri Toshkent hokimiga chang-qumli tuman va ekologik muammolar haqida savol berdi. Jahongir Ortiqxo‘jayev esa changning Qozog‘istondan kirib kelganini aytib, provokatsiya qilmaslikni so‘radi. U “Gazeta.uz"ga ekologiya mavzusida tadbir tashkil etishni taklif qildi va buni hokimlik qo‘llab-quvvatlashga tayyorligini bildirdi. Avvalroq prezident Shavkat Mirziyoyev ham chang tashqaridan kelganini aytgan edi.
Changda inson salomatligi uchun xavfli pestitsidlar mavjud emas — Innovatsiya vazirligi
Innovatsion rivojlanish vazirligi Toshkentda kuzatilgan chang-qumli bo‘rondang so‘ng «Beruniy» metro bekati va «Akadem shaharchasi» hududidan olingan chang namunalari xavfsiz bo‘lib chiqqanini ma’lum qildi. «Chang tarkibida og‘ir metallar, tuzlar, inson salomatligi uchun xavfli pestitsidlar mavjud emas», — deyiladi xabarda.
Yurak-qon tomir kasalliklarini davolash bo‘yicha mutlaqo yangi tizim joriy qilinadi — prezident
Prezident Shavkat Mirziyoyev 2022 yildan 40 yoshdan oshgan barcha fuqarolar yiliga kamida bir marta manzilli skriningdan o‘tkazilishini ma’lum qildi. Yurak-qon tomir kasalliklar aniqlangan aholining yagona elektron reyestri yuritiladi. Tumanlardagi har bir mahallada «gipertoniya salomatlik maktablari»ni tashkil etiladi.
Bir haftada auksion orqali 9,4 mlrd so‘mlik avtoraqamlar sotildi
1 — 7 noyabr kunlari onlayn auksion orqali jami 9,4 mlrd so‘mlik 3663 ta avtoraqam sotildi. Shuningdek, birja savdolari orqali jami 1 trln 442,3 mlrd so‘mlik tovar resurslari sotilgan.
Dollarning rasmiy kursi yana pasaydi
Dollarning so‘mga nisbatan rasmiy kursi 12,91 so‘mga pasayib, 10 680,09 so‘m etib belgilandi. Yevro va rubl kurslari esa ko‘tarildi.
«O‘zbekiston menga kirishni taqiqladi» — Agneshka Pikulitska
Polshalik jurnalist Agneshka Pikulitskaning unga O‘zbekistonga kirish taqiqlanganini, shu sababli u 7 noyabrdan beri «Qozog‘iston bilan chegarada qolib ketgan»nini ma’lum qildi. U bu qarorini jurnalistik faoliyati bilan bog‘lamoqda. «O‘zgarishlar bo‘lishi mumkin degan umidda O‘zbekistonga kelganimga uch yildan oshdi. Hozirgi hukumat davrida hech qanday tizimli o‘zgarishlar bo‘lmaydi, degan ishonch bilan ketyapman», — deb yozdi jurnalist.
Toshkentdagi yana bir chorrahadan o‘tish bo‘yicha qo‘llanma e’lon qilindi
Ahmad Donish, Sebzor va Nurafshon ko‘chalari kesishmasi qaytadan tashkil etildi. Chorrahadan faqat to‘g‘riga harakatlanishga ustuvor ahamiyat sifatida qaralgan, o‘ngga burilish qo‘shimcha yo‘l, chapga burilishlar esa aylanma yo‘l va ortga qayrilish yo‘nalishlari orqali amalga oshiriladi. Hokimiyat qo‘llanmani e’lon qildi.
2022 yildan 1hls.uz platformasidagi to‘lovlar to‘g‘ridan-to‘g‘ri davlat byudjetidan qoplanadi
Prezident qarori bilan Moliya vazirligi tomonidan “Sog‘lom turmush tarzi” platformasi orqali amalga oshiriladigan to‘lovlarni 2022 yil uchun davlat budjeti parametrlarida nazarda tutiladi. Shuningdek, 1hls.uz ilovasida haqiqatda piyoda yurganligini aniqlovchi mexanizm joriy etiladi.
Olmaliqda shahar mudofaa ishlari bo‘limi boshlig‘i ayol kishini urgani aytilmoqda
Olmaliq shahar mudofaa ishlari bo‘limi boshlig‘i deyilayotgan shaxs ayol kishiga qo‘l ko‘targani aytilmoqda. Holat yuzasidan surishtiruv ishlarini boshlagan.
Parijdagi Olimpiada va Paralimpiadaga tayyorgarlik bo‘yicha maqsadli ko‘rsatkichlar tasdiqlandi
2024 yilgi Parij Olimpiadasi va Paralimpiya o‘yinlariga tayyorgarlik ko‘rish bo‘yicha maqsadli ko‘rsatkichlarda o‘zbekistonlik sportchilar uchun 26 sport turi bo‘yicha 103 ta litsenziya olish ko‘zda tutilgan. Ushbu o‘yinlarda birinchi marta erkaklar va ayollar o‘rtasida teng miqdordagi litsenziyalar taqsimlanadi. MOQga Olimpiadada ishtirok etish uchun ariza topshiradigan sportchi ayollar sonini ko‘paytirish topshirildi.
Shavkat Mirziyoyev Turkiyaga tashrif buyuradi
Prezident Shavkat Mirziyoyev Turkiy tilli davlatlar hamkorlik kengashi sammitida ishtirok etish uchun 11−12 noyabr kunlari Turkiyaga tashrif buyuradi.
Kasaba uyushmasi bir xodimga yil davomida 5 mln so‘mdan ko‘proq mablag‘ sarfladi
Kasaba uyushmalari tomonidan yil boshidan beri 14 mingga yaqin xodimning mehnat huquqlari tiklanib, ular foydasiga 13,6 mlrd so‘mdan ortiq mablag‘ undirib berildi. Jamoa shartnomasini bajarish uchun respublika bo‘yicha o‘rtacha bir xodimga yil davomida sarflangan mablag‘ miqdori 1,5 mln so‘mdan 5 mln 62 ming so‘mgacha oshdi.
Buxoroda elektromobillar ishlab chiqarish rejalashtirilmoqda
Buxoro viloyatida elektromobillarni ishlab chiqarishni yo‘lga qo‘yish rejalashtirilmoqda. Loyiha Koreyaning Songuo Mobility Innovation kompaniyasi bilan hamkorlikda amalga oshiriladi. Loyiha qiymati 1 mlrd 210 mln dollarga teng.
Barcha sohalarda Germaniya tajribasini joriy etish rejalashtirilmoqda — Shavkat Mirziyoyev
Shavkat Mirziyoyev inauguratsiya marosimidagi nutqida O‘zbekiston iqtisodiyotining rivojlanishi va barcha sohalarda Germaniya tajribasidan foydalanish bo‘yicha rejalar haqida gapirdi. «Nima uchun men Karl Marksni ko‘p o‘rganaman?.. Qanday inqirozlarga duch kelishidan qat’i nazar, ta’lim bor, bilim bor, ilm bor. Ilm natijasida, mana, Germaniyaning iqtisodiyoti inqirozda qanchalar tik turibdi», — deya ta’kidladi prezident.
Qo‘shimcha imkoniyatlardan foydalanish uchun saytda ro‘yxatdan o‘ting