18 yoshgacha bo‘lganlar uchun yagona bolalar nafaqasi joriy etiladi
Prezident farmoni bilan 1 sentyabrdan amaldagi 14 yoshgacha bolalar uchun nafaqa va 2 yoshgacha bolani parvarish qilish nafaqasi o‘rniga yagona bolalar nafaqasi joriy etiladi. Ushbu nafaqa yoshi 18 yoshgacha oshiriladi, to‘lov muddati 12 oygacha uzaytiriladi. Qolaversa, Minimal iste’mol xarajat miqdorlaridan kambag‘allik mezoni sifatida foydalaniladi.
Xorijdagi o‘zbekistonliklar uchun 49 ta davlatda statsionar va ko‘chma saylov punktlari tashkil etiladi
Chet elda istiqomat qilayotgan o‘zbekistonliklarning prezident saylovida qatnashishi uchun 49 ta davlatda 54 ta statsionar va 316 ta ko‘chma saylov punkti tashkil etiladi. Jumladan, O‘zbekistonning Nyu-Yorkdagi bosh konsulxonasi va BMTdagi vakolatxonasida yagona saylov uchastkasi bo‘ladi. Hozirgacha xorijdagi saylovchilarning birlamchi ro‘yxati ham shakllantirildi.
Dollarning rasmiy kursi yana ko‘tarildi
Dollarning rasmiy kursi 9,03 so‘mga ko‘tarildi va jami 10 660,03 so‘m etib belgilandi. Yevro va rubl kurslari esa biroz pasaydi.
«Toshkent viloyatida ishsizlik masalasi bo‘lmasligi kerak» — prezident
Prezident Toshkent viloyatidagi sharoit va imkoniyatlar hisobga olinsa, aslida hududda ishsizlik masalasi bo‘lmasligi kerakligini ta’kidladi va mahalliy sanoatni rivojlantirish bo‘yicha ko‘rsatmalar berdi. Hisob-kitoblarga ko‘ra, bugungi kunda ishsizlar soni 134 ming nafarni tashkil etmoqda. «So‘nggi yillarda Toshkent bo‘yicha to‘plagan tajribalarimizni Toshkent viloyatida ham joriy etishimiz kerak», — dedi davlat rahbari.
Milliy gvardiya Mehribonlik uylaridagi bolalarni oilaga qaytarishga ko‘maklashadi
Milliy gvardiya prezident qarori bilan o‘ziga biriktirilgan Mehribonlik uylaridagi bolalarni ota-onalariga qaytarish, vasiy tayinlash va farzandlikka olishga ko‘maklashadi. O‘quv-tarbiya muassasalarida tarbiyalanuvchilarning muammolarini o‘rganish va hal etish uchun «Mehr daftari» tizimi joriy qilinadi.
PDP Academy`dan “Unicorn” ta’lim granti: IT-kompaniyalarda ish bilan ta’minlanish kafolati
Agar siz IT sohasiga qiziquvchi, 18−28 yoshlar oralig‘idagi iqtidorli yoshlardan biri bo‘lsangiz, demak PDP Academy`dan “Unicorn” ta’lim granti aynan siz uchun. Ushbu grant IT-kompaniyalarga ishga joylashishingiz uchun 100% kafolat beradi.
Buxoroda 3 balli zilzila sodir bo‘ldi
Chorshanba kuni Buxoro viloyatining Shofirkon tumanida 3 balli zilzila sezildi.
Qoraqalpog‘istonda futbol uchrashuvi vaqtida janjal sodir bo‘ldi
Mo‘ynoq tumanidagi “Orol” stadionida tumanning “Mo‘ynoq siti” va “Jayxun” jamoalari o‘rtasidagi o‘yinda kelishmovchilik kelib chiqqan va bosh hakam qaroridan norozi bo‘lgan ayrim tomoshabinlar maydonga chiqib ketgan. Holat yuzasidan ichki ishlar organlari surishtiruv ishlarini olib bormoqda.
O‘zbekistonda «Sputnik V» vaksinasini keyingi haftadan ishlab chiqarish boshlanadi
O‘zbekistonda Jurabek Laboratories kompaniyasi tomonidan ishlab chiqarilgan «Sputnik V» vaksinasi Rossiyaning Gamaleya ilmiy-tadqiqot markazi tomonidan ma’qullandi. Rossiyadan keyingi haftada xom-ashyo kelganidan so‘ng, preparat ishlab chiqariladi va tekshiruv uchun yana markazga yuboriladi.
Bosh vazir o‘rinbosari Sardor Umurzakov koronavirusga qarshi emlandi
Bosh vazir o‘rinbosari — investitsiyalar va tashqi savdo vaziri Sardor Umurzakov COVID-19 ga qarshi Moderna vaksinasi bilan emlandi.
Adliya vazirligi bir qator huquqbuzarliklar bo‘yicha jarimalar miqdorini kamaytirishni taklif etdi
Yangi qonun loyihasida Adliya vazirligi pasport tizimi qoidalarini buzish, noqonuniy valyuta operatsiyalari va yo‘lovchilarni litsenziyasiz tashish uchun jarimalarni sezilarli darajada kamaytirishni taklif qilmoqda.
10 avgust kuni O‘zbekistonda 903 kishida koronavirus aniqlandi
Kecha kun davomida O‘zbekistonda 903 kishida koronavirus infeksiya qayd etildi. 7 nafar COVID-19 bemori vafot etdi. Shuningdek, seshanba kuni 472 kishida pnevmoniya qayd etildi, 3 nafar pnevmoniya bemori vafot etdi.
Toshkentda ayollarga noqonuniy diniy ta’lim berib kelganlar aniqlandi
Poytaxtning Uchtepa tumanida ayol va qizlarga noqonuniy diniy ta’lim berib kelgan 3 nafar ayol aniqlandi. Fuqarolarga nisbatan BHMning 5 barobari (1 mln 225 ming so‘m) miqdorida jarima jazosi tayinlandi.
Lionel Messi «PSJ» jamoasiga o‘tdi
«Barselona»ning sobiq o‘yinisi Lionel Messi 2+1 sxemasi bo‘yicha «Pari Sen-Jermen» bilan shartnoma imzoladi.
Vaksinaning keyingi dozalari bilan emlashni kechiktirish xavfsiz — Innovatsion rivojlanish vazirligi
Xitoy-o‘zbek vaksinasining keyingi dozalari bilan emlashning kechiktirilishi antitanalar miqdori va boshqa ko‘rsatkichlarga ta’sir ko‘rsatmaydi, balki antitanalar miqdori oshishi va ularning uzoq vaqt davomida saqlanib qolishiga xizmat qiladi, deb aholining qo‘rquviga javob qaytardi Innovatsion rivojlanish vazirligi.
13 avgustdan juma namozini masjidlarda o‘qishga ruxsat berildi
Respublika maxsus komissiyasi masjidlarning ishchi va xodimlari emlangan taqdirda juma namozini ado etishga ruxsat berdi. Qolaversa, tashrif buyuruvchilardan vaksina olganlik to‘g‘risida QR-kodi yoki sertifikati mavjud bo‘lganlar kiritilishi belgilanmoqda.
Bosh prokuratura tuman prokurori uyidagi majburiy mehnat haqidagi xabarni o‘rganmoqda
Bosh prokuratura obodonlashtirish boshqarmasi xodimlari Andijon viloyatining Qo‘rg‘ontepa tumani prokurori uyida majburiy mehnatga jalb qilingani to‘g‘risidagi xabarni tekshirmoqda. Viloyat prokuraturasi uch nafar xodim o‘z xohishi bilan ishlaganini ma’lum qildi.
Jahon yangiliklari dayjesti
BMTning afg‘on tomonlarini o‘t ochishni to‘xtatishga chaqirayotgani, AQShning 11 sentyabr voqealariga oid bir qator maxfiy hujjatlar oshkor qilinishi mumkinligi, Eronning Buyuk Britaniyani sudga berishni rejalashtirayotgani va boshqa yangiliklar — «Gazeta.uz»ning jahon yangiliklari dayjestida.
Vasiylikka olingan yetim bolalarga ham OTMga kirish uchun kvota ajratiladi
Joriy yildan homiylikka yoki patronatga olingan 25 yoshdan oshmagan yetim bolalar Mehribonlik uylari bitiruvchilariga ajratilgan OTMga kirish uchun qo‘shimcha kvotadan foydalanishi mumkin. Jami 6,2 ming nafar bolaga qo‘shimcha kvota berish kutilmoqda. Qolaversa, ularga 50 foiz oshirilgan miqdorda stipendiya to‘lanadi. Nodavlat o‘quv kursida o‘qish harajati va xorijda davolanish uchun kompensatsiya, kitob harid qilishga esa subsidiya beriladi.
10 avgust kuni O‘zbekistonda sodir bo‘lgan eng muhim xabarlar dayjesti
Olimpiada o‘yinlarida ishtirok etgan o‘zbekistonlik sportchilarni kutib olish marosimi, Toshkentda qariyb 1,1 mlrd so‘mlik kuchli ta’sir qiluvchi preparatlarning noqonuniy savdosi aniqlanishi, “UZB” yoki “AAA” kabi seriali davlat avtomobil raqamlarining ochiq savdoda sotilishi — “Gazeta.uz"ning 10 avgustdagi eng muhim xabarlari dayjestida.
Qo‘shimcha imkoniyatlardan foydalanish uchun saytda ro‘yxatdan o‘ting