«Hokimiyat vakilining qonuniy faoliyatiga qarshilik ko‘rsatish soni oshgan». Deputatlar yangi qonun loyihasi haqida
Hokimiyat vakiliga qarshilik ko‘rsatganlik uchun jinoiy javobgarlik kuchaytirilishi kutilmoqda. Qonunchilik palatasi deputati Alisher Qodirov bunga huquqni muhofaza qiluvchilarning qonuniy faoliyatiga qarshilik ko‘rsatish soni oshib borayotganligini sabab qilib ko‘rsatdi. Deputat Doniyor G‘aniyev bunday holatlar ichki ishlar organlari xodimlarining sog‘lig‘iga zarar bo‘layotganligini ta’kidladi.
Yana 1 mln doza ZF-UZ-VAC2001 vaksinasi olib kelindi
O‘zbekistonga xitoy-o‘zbek ZF-UZ-VAC2001 vaksinasining navbatdagi 1 mln dozasi olib kelindi.
Qashqadaryoda kafe, oshxona, choyxonalarning soat 22:00gacha ishlashiga ruxsat berildi
Qashqadaryo viloyatida 28 iyundan restoran, tungi klublar, diskoteka, karaoke, bilyard zallari va kompyuter o‘yinlari markazlari hamda kafe, oshxona, choyxonalarni ishlashiga soat 8:00 dan 22:00 gacha ruxsat beriladi. Shuningdek, karantin bo‘yicha boshqa bir qator tartib va cheklovlarga qo‘shimchalar kiritildi.
Jahon yangiliklari dayjesti
Estoniya prezidentining BMTda ayollar va bolalar huquqlari jahon himoyachisi bo‘lgani, Pokistonda TikTok’ning bloklangani, Belarusning «Sharqiy sheriklik» tashabbusidagi ishtirokini to‘xtatayotgani va boshqa yangiliklar — «Gazeta.uz»ning jahon yangiliklari dayjestida.
29 iyun kuni O‘zbekistonda sodir bo‘lgan eng muhim xabarlar dayjesti
Mudofaa vaziri barcha kuch tuzilmalarining jangovar shayligini sinovdan o‘tkazishi, Shavkat Mirziyoyev va Gurbanguli Berdimuhamedovning telefon orqali suhbati, Jahongir Otajonovning haqoratomuz video chiqishlariga Toshkent IIBBning munosabati, UzReport TV Beeline`ni sudda yutishi — “Gazeta.uz"ning 29 iyundagi eng muhim xabarlari dayjestida.
Banklarning muammoli kreditlari ulushi 4,7 foizgacha o‘sdi
O‘zbekiston bank tizimidagi muammoli kreditlar (NPL) ulushi 1 iyunda 4,7 foiz yoki 14 trln so‘mga yetdi, o‘tgan yil boshida bu ko‘rsatkich 2,1 foizni tashkil etgan edi. NPL O‘zMB, «Agrobank», «O‘zsanoatqurilishbank», Xalq banki, «Qishloq qurilish bank» va boshqalarda o‘sdi.
Dollarning rasmiy kursi ketma-ket uchinchi kun ko‘tarildi
Dollarning rasmiy kursi 18,47 so‘mga ko‘tarildi va jami 10 605,30 so‘m etib belgilandi. Yevro va rubl kurslari esa biroz pasaydi.
Toshkent shahar YHXBga elektromobillar topshirildi
Poytaxt YHXBga ORA IQ rusumli elektromobillar foydalanishga topshirildi. Tajribaning maqsadi ushbu transport vositasining ichki ishlar idoralarida ishlatiladigan avtoulovlarga nisbatan ustunligi yoki kamchiliklarni o‘rganishdan iborat, deya qayd etdi boshqarma.
Qirg‘izistonda davlat xizmatchilari soni 30 foizga qisqartiriladi
Qirg‘iziston prezidenti Sadir Japarov Davlat apparati hajmini qisqartirish to‘g‘risidagi farmonni imzoladi. Bu ijro etuvchi hokimiyat va boshqaruvning davlat organlari tuzilmasining optimallashtirilishi, takrorlanadigan va keraksiz funksiyalarning yo‘q qilinishi, shuningdek, davlat apparatini saqlash uchun byudjet mablag‘larining tejalishiga olib keladi.
UzReport TV Beeline`ni sudda yutdi
UzReport TV mualliflik va turdosh huquqlar buzilganligi da’vosi bo‘yicha Beeline`ni sudda yutdi. Sudning qaroriga ko‘ra, javobgarga Beeline TV mobil ilovasidan UzReport TV hamda Futbol TV telekanallarini olib tashlash, kelgusida ushbu telekanallarni UzReport TV axborot agentligi bilan shartnoma tuzmasdan namoyish etmaslik majburiyatlari yuklandi.
O‘zbekiston iqtisodiyoti 2021 yilda 5,6% ga o‘sadi — YeTTB
Yevropa tiklanish va taraqqiyot banki O‘zbekiston iqtisodiyoti 2021 yilda 5,6% ga va 2020 yilda 6% ga o‘sishini prognoz qilmoqda.
Idoraviy normativ huquqiy hujjatlarni tayyorlash va qabul qilish qoidalari o‘zgardi
Idoraviy normativ huquqiy hujjatlarni tayyorlash va qabul qilish qoidalariga o‘zgartishlar kiritildi. Endilikda hujjatlar loyihasining korrupsiyaga qarshi ekspertizasi natijalari yuzasidan korrupsiyaviy omillarni aniqlash bo‘yicha cheklist to‘ldiriladi, bir nechta idoralar faoliyatiga taalluqli NHH loyihasi esa ular o‘rtasida yagona elektron tizim orqali kelishiladi.
MDH davlatlari kiberterrorizmga qarshi kurashni muvofiqlashtirishi kerak — SMTI
Kiber tahdidlarning transchegaraviy xususiyati mintaqaviy va xalqaro darajada hamkorlik qilishni talab etadi, deya ta’kidladi Strategik va mintaqalararo tadqiqotlar instituti rahbari Eldor Aripov MDH davlatlarining axborot xavfsizligi masalalari bo‘yicha forumida.
Hokimiyat vakiliga qarshilik ko‘rsatganlik uchun jinoiy javobgarlik kuchaytiriladi
Hokimiyat vakiliga qarshilik ko‘rsatganlik uchun jinoiy javobgarlik kuchaytirilmoqda. Jarima miqdori BHMning 50 baravaridan 100 baravarigacha oshiriladi. Shuningdek, 1 yildan 3 yilgacha ozodlikni cheklash jazo chorasi kiritilmoqda va ozodlikdan mahrum qilish jazosi 1 yildan 3 yilgacha uzaytiriladi.
O‘zbekistonga yana 1 million doza o‘zbek-xitoy vaksinasi olib kelindi
O‘zbek-xitoy olimlari hammuallifligidagi ZF-UZ-VAC2001 vaksinasining yana 1 mln dozada O‘zbekistonga olib kelindi.
«Ipak Yo‘li» bankining mijozlari uchun onlayn-identifikatsiya yanada osonlashdi
«Ipak Yo‘li» bankining mijozlari uchun MyID servisi orqali masofali identifikatsiyadan o‘tish imkoniyati paydo bo‘ldi. Identifikatsiya uchun hujjatlar kerak bo‘lmaydi.
O‘zbekiston mis sotishdan $2,5 mlrd daromad topmoqda, biroq klasterlar hisobiga foydani oshirishni rejalashtirmoqda
O‘zbekiston bugungi kunda misdan 2,5 mlrd dollar daromad ko‘rmoqda. Kelgusi 5 yilda mis ishlab chiqarish hajmini 400 ming tonnagacha yetkazish orqali, bu ko‘rsatkichni turdosh tarmoqlar bilan birga 7−8 milliard dollarga yetkazish mumkin, deyildi prezident rahbarligida o‘tkazilgan yig‘ilishda. Buning uchun mis sanoati klasterlarini tashkil etish va boshqa choralarni amalga oshirish rejalashtirilmoqda.
Jahongir Otajonovning haqoratomuz video chiqishlariga huquqiy baho beriladi — Toshkent IIBB
Jahongir Otajonovning davlat organlari xizmatchilariga nisbatan haqoratomuz video chiqishlarida tuhmat va haqorat qilish alomatlari mavjud bo‘lgani sababli, holatga tegishli tartibda huquqiy baho beriladi. Ma’lum qilinishicha, Jahongir Otajonov o‘z chiqishlari orqali yaqinlarining huquqbuzarliklarini yashirish, o‘zining maishiy muammolariga omma e’tiborini tortishga uringan.
Markaziy Osiyo davlatlari rahbarlarining Maslahat uchrashuvi Turkmanistonda bo‘lib o‘tadi
Shavkat Mirziyoyev va Turkmaniston prezidenti Gurbanguli Berdimuhamedovning telefon orqali suhbati bo‘lib o‘tdi. Yetakchilar Markaziy Osiyo davlatlari rahbarlarining navbatdagi Maslahat uchrashuvi Turkmanistonda bo‘lib o‘tishini hamda Afg‘onistondagi harbiy-siyosiy vaziyatni muhoqama qildilar.
Mudofaa vaziri barcha kuch tuzilmalarining jangovar shayligini sinovdan o‘tkazdi
Mudofaa vaziri Bahodir Qurbonov rahbarligida aviatsiya, artilleriya va batalon taktik guruhlarining jangovar shayligi tekshirildi. Vazir SU-25 qiruvchi samolyotida chegarani buzib o‘tgan shartli dushmanga aviazarba berilishini bevosita kuzatdi.
Qo‘shimcha imkoniyatlardan foydalanish uchun saytda ro‘yxatdan o‘ting