Toshkent IIBB muxlislarni O‘zbekiston — Eron futbol o‘yiniga vaqtliroq kelish va jamoat tartibini saqlashga chaqirdi
Toshkent shahar IIBB futbol muxlislarini O‘zbekiston-Eron terma jamoalarining “Bunyodkor” stadionida bo‘ladigan uchrashuviga ertaroq kelish va jamoat tartibini saqlashga chaqirdi. O‘FA muxlislarga maydonga tushish qat’iyan man etilganini eslatdi.
Toshkentda havo ifloslanishi har yili 3000 dan ortiq kishining bevaqt o‘limiga sabab bo‘lmoqda — Jahon banki hisoboti
Toshkentda PM2,5-mayda zarrali changlar ta’siri oqibatida yiliga 3042 kishi bevaqt vafot etmoqda. Jahon banki hisobotida qayd etilishicha, aholi salomatligiga yetkazilayotgan zarar 488,4 mln dollarga baholanmoqda. Poytaxt aholisining 83 foizi havosi yuqori darajada ifloslangan hududlarda istiqomat qiladi.
Yangi Buxoro aeroporti shahar markazidan 26 km uzoqlikda, 307 gektar maydonda quriladi
Yangi Buxoro xalqaro aeroportini qurish uchun 307 (ayrim ma’lumotlarga ko‘ra, 380) gektar yer maydoni ajratilishi ko‘zda tutilmoqda. Majmua shahar markazidan 26 km uzoqlikda joylashadi.
Abror Mirzo Olimov Markaziy bank raisi o‘rinbosari bo‘ldi
Prezident farmoni bilan Abror Mirzo Olimov Markaziy bank raisi o‘rinbosari etib tayinlandi. U bunga qadar MBda departament direktori lavozimida faoliyat yuritgan. Avvalgi o‘rinbosar Shayxontohur tumani hokimi bo‘lgandi.
Toshkentda har bir tumanning bosh rejasi ishlab chiqiladi — poytaxt hokimi Shavkat Umurzoqov
Poytaxt hokimi Shavkat Umurzoqov prezident shahardagi har bir tumanning bosh rejalarini ishlab chiqish taklifini berganini ma’lum qildi. Shuningdek, Toshkentda arxitektorlar tayyorlash uchun shaharsozlik instituti, tirbandliklarni bartaraf etish bo‘yicha Yo‘llarni boshqarish departamenti tashkil etish rejasi aytildi.
AQShdagi elchixona Floridadagi to‘fon tufayli o‘zbekistonliklarni ehtiyot choralarini ko‘rishga chaqirdi
O‘zbekiston elchixonasi AQShning Florida shtatidagi o‘zbekistonliklarni “Milton” to‘foni sabab ehtiyot choralarini ko‘rishga chaqirdi. Tez yordam kerak bo‘lganida vakolatxona va shtatdagi yordam xizmatlariga murojaat qilishlari so‘raldi.
Toshkent metropoliteni 2025-yilda 10 ta maxsus ventilyator sotib oladi
Toshkent metropolitenining ventilyatsiya tizimi ikki yildan buyon ta’mirlanmoqda. Ta’mirlash va sozlash ishlari yo‘lovchilar oqimi oshgani va ventilyatsiya qurilmalari uzoq yillardan beri uzluksiz ishlab kelayotgani bois boshlangan. 2025-yilda 10 ta yangi ventilyator xarid qilish rejalashtirilgan.
Samarqandda 3 ta mashina ishtirokidagi YTHda haydovchi halok bo‘ldi
Samarqand shahrida yuqori tezlikda harakatlangan Range Rover avtomobili Lacetti va Damas`ni urib yubordi. Oqibatda haydovchilardan biri vafot etdi.
AQSh O‘zbekistonga 435 ming dollarlik oziq-ovqat yordamini yetkazib berdi
AQSh o‘zining USAID dasturi orqali 435 ming dollarlik 131 tonna oziq-ovqat yordamini O‘zbekistonga yetkazdi. Mazkur insonparvarlik yordami 145 dan ziyod ijtimoiy muassasalarga hamda aholining ehtiyojmand qatlamiga tarqatiladi. Bu orqali 33 mingdan ortiq insonni qamrab olish rejalashtirilgan.
Qo‘lda terilgan 1 kg paxta uchun 2500 so‘m haq to‘lanadi
O‘zbekiston qishloq xo‘jaligi vazirligi qo‘lda terilgan paxtaning har bir kilogrammi uchun 2500 so‘mdan haq to‘lanishini ma’lum qildi. Bu uchun Qishloq xo‘jaligini davlat tomonidan qo‘llab-quvvatlash jamg‘armasi hisobidan fermerga imtiyozli kredit beriladi.
Farg‘ona viloyati hokimiga yangi o‘rinbosar tayinlandi
Sherzodjon Polvonov Farg‘ona viloyati hokimiga o‘rinbosar bo‘ldi. U bunga qadar Mahallalar uyushmasida boshqarma boshlig‘i vazifasida ishlagan.
Qashqadaryoda Mercedes-Benz va Labo to‘qnashuvida ikki kishi halok bo‘ldi
Qashqadaryo viloyati G‘uzor tumanida Mercedes-Benz mashinasi qarama-qarshi yo‘nalishga chiqib ketib, Labo bilan to‘qnashdi. YTH oqibatida Labo ichidagi ikki nafar fuqaro voqea joyida halok bo‘ldi. Holat yuzasidan jinoyat ishi qo‘zg‘atildi.
Toshkentda prokuratura tergovchisi jinoyat ishini hal qilib berish uchun 40 ming dollar pora olib, qochib ketdi
Toshkent shahrida prokuratura katta tergovchisiga qidiruv e’lon qilindi. U fuqarodan jinoyat ishini hal qilib berish evaziga 40 ming dollar olib, qochib ketgan.
Buxorodagi yangi xalqaro aeroport o‘tkazuvchanligi ikki baravar oshiriladi
Prezident Buxoro xalqaro aeroporti qurilishi rejasi bilan tanishdi. U yangi aeroportda o‘tkazuvchanlik qobiliyatini 2 barobar oshirib, soatiga 8 ta samolyot kelish-ketishiga imkoniyat yaratish zarurligini ta’kidladi.
TIV rahbari Afg‘onistonning O‘zbekistondagi yangi elchisini qabul qildi
Tashqi ishlar vaziri Baxtiyor Saidov Afg‘onistonning O‘zbekistondagi diplomatik missiyasi yangi rahbari Abdul G‘affor Teraviyni qabul qildi. Ikki davlat o‘rtasidagi munosabatlarni rivojlantirish, foydalanilmayotgan salohiyatni ro‘yobga chiqarish, yangi loyihalarni ishlab chiqish masalalari muhokama qilindi.
Qashqadaryoda shifoxona 2,1 mlrd so‘mlik elektrdan noqonuniy foydalangani aniqlandi
Qarshi shahridagi ona va bola salomatligi markazi 4 dona chiller sovutish tizimini elektr tarmog‘iga noqonuniy ulab, 2,1 mlrd so‘m zarar keltirgani ma’lum bo‘ldi.
Samarqandda yo‘lga yugurib chiqqan ayol Damas urib ketishi sababli vafot etdi
Samarqandning Narpay tumanida belgilanmagan joydan yo‘lga yugurib chiqqan ayolni Damas urib ketdi. Oqibatda u shifoxonada vafot etdi.
O‘zbekiston aeroportlarida 9 oyda yo‘lovchi tashish hajmi 33 foizga oshdi
III chorakda O‘zbekiston aeroportlarining asosiy ko‘rsatkichlari oshdi. 2023-yilning shu davriga nisbatan yo‘lovchi tashish 33 foizga o‘sib, qariyb million kishini tashkil etdi. 82 637 ta reysga xizmat ko‘rsatildi, bu o‘tgan yilning yanvar-sentabriga nisbatan 36 foizga ko‘p.
KXDR Janubiy Koreyaga olib boruvchi avtomobil va temiryo‘llarni to‘sib qo‘yadi
KXDR “milliy xavfsizlik himoyasi uchun” Janubiy Koreya bilan qolgan barcha avtomobil va temiryo‘llarni yopishini e’lon qildi. Janubiy Koreya buni “Kim Chen In muvaffaqiyatsiz rejimining umidsiz chorasi” deb atadi.
Toshkentning bosh rejasi loyihasi: kamida 7,5 mln aholiga mo‘ljallangan megapolis
Toshkent shahrining 2045-yilgacha bosh rejasi loyihasiga ko‘ra, hudud 3 ta zonaga bo‘linadi: konservatsiya, rekonstruksiya va renovatsiya. Ekologik muammolar, “15 daqiqalik shahar” tamoyili hamda Toshkent viloyati tumanlarini poytaxt bilan yagona aglomeratsiya sifatida rivojlantirish hisobga olingan.
Qo‘shimcha imkoniyatlardan foydalanish uchun saytda ro‘yxatdan o‘ting