Toshkentda Captiva urib yuborgan erkak halok bo‘ldi
Toshkent shahri Yashnobod tumanida Captiva bilan to‘qnashuv oqibatida 39 yoshli piyoda halok bo‘ldi. Haydovchi mast edi. Mashina do‘kon devori oldida o‘tirgan erkakni bosib ketgan.
O‘zbekistonda 24 yoshli yigit notkoin sotgani uchun 10 sutkaga qamaldi
Chilonzor tumani sudi Telegram orqali notkoin yig‘ib, uni 800 ming so‘mga sotgan 24 yoshli TerDU talabasini 10 sutkaga qamash to‘g‘risida hukm chiqardi. Kriptoaktivlar aylanmasidagi qonunchilikni buzishda ayblangan surxondaryolik yigit bu ishi noqonuniy ekanini bilmaganini ta’kidladi.
O‘zbekiston ilk marta BMT Iqtisodiy va ijtimoiy kengashiga saylandi
O‘zbekiston ilk marta BMT Iqtisodiy va ijtimoiy kengashi (ECOSOC) a’zoligiga saylandi. 54 ta a’zodan iborat kengash BMTning iqtisodiy va ijtimoiy faoliyatini muvofiqlashtirishga mas’ul hisoblanadi.
Toshkent aeroportida 4 ayolni fohishalik uchun Turkiyaga yuborayotgan ayol ushlandi
Toshkent viloyati Bo‘stonliq tumanida yashovchi 42 yoshli ayol 4 ayolga yaxshi daromad topadigan ish topib berishni va’da qilib, ularni Turkiyaga fohishalikka yuborayotgani aniqlandi. Ular Toshkent xalqaro aeroportida to‘xtatib qolindi.
Daniya bosh vaziri Mette Frederiksen hujumga uchradi
Daniya bosh vaziri Mette Frederiksenga Kopengagenda bir erkak hujum uyushtirdi. Uning ahvoli yaxshi ekani, ammo voqeadan “juda hayratda” ekani qayd etildi. Hujum qilgan shaxs qo‘lga olindi.
Jizzaxda avtotreyler va 3 ta yuk mashinasi ishtirokida YTH sodir bo‘ldi
G‘allaorol tumanida MAN yuk avtomobilida nosozlik kuzatilib, 2 ta yuk mashinasi va UzAuto Motors avtotreyleri bilan to‘qnashdi. Kompaniya 4 ta Cobalt va 3 ta Equinox texnik shikastlanganini bildirdi. Yuk mashinalari ham jiddiy zararlangan, haydovchilar jarohat olmagan. 2 kilometrli tirbandlik hosil bo‘lgan.
Samsung Electronics xodimlari kompaniya tarixida birinchi marta ish tashlash e’lon qildi
Janubiy Koreyaning Samsung Electronics kasaba uyushmasi kompaniyaning 55 yillik tarixida birinchi marta ish tashlash uyushtirdi. Xodimlar ish haqini oshirishga harakat qilmoqda.
AQSh “xorijiy agentlar to‘g‘risidagi” qonun tufayli o‘nlab Gruziya fuqarolariga qarshi viza sanksiyalari joriy qildi
AQSh “xorijiy agentlar to‘g‘risida"gi qonun qabul qilinishi munosabati bilan o‘nlab Gruziya fuqarolariga, jumladan, Gruziya parlamenti a’zolari va xavfsizlik xodimlariga nisbatan viza cheklovlarini joriy qildi. Hukmron “Gruziya orzusi” partiyasi vakili “hech kim sanksiyalardan qo‘rqmaydi”, deya javob qaytardi.
Shaxmatchi Abdimalik Abdisalimov Sahibkiran Amir Temur Cup g‘olibi bo‘ldi
Toshkentda sovrin jamg‘armasi 20 ming dollarni tashkil qiluvchi Sahibkiran Amir Temur Cup musobaqasida o‘zbekistonlik grossmeyster Abdimalik Abdisalimov g‘olib chiqdi.
Koreya Respublikasining O‘zbekistondagi yangi elchisi tayinlandi
Koreya Respublikasi prezidentining O‘zbekistonga tashrifi arafasida Von Do Yon ushbu mamlakatning Toshkentdagi yangi elchisi etib tayinlandi.
IIVda uchuvchisiz qurilmalardan foydalanish tuzilmasi yaratiladi
Shavkat Mirziyoyev IIV Jamoat xavfsizligi departamentining Muvofiqlashtirish markaziga tashrif buyurdi. U xodimlar kiberjinoyatlarning oldini olish uchun texnologiyalarni yaxshi bilishi kerakligini ta’kidladi. U, shuningdek, vazirlikda uchuvchisiz qurilmalardan foydalanish bo‘yicha tuzilma yaratish vazifasini ham qo‘ydi.
Toshkentda daraxtga urilgan Lacetti haydovchisi halok bo‘ldi
Toshkent shahrining Elbek ko‘chasida Lacetti avtomashinasi daraxtga urildi, haydovchi voqea joyida halok bo‘ldi. To‘qnashuv oqibatida mashina butunlay vayron bo‘lgan.
Putin O‘zbekiston misolida Rossiyaning imperialistik ambitsiyalari yo‘qligini ta’kidladi
Vladimir Putin Rossiyada imperialistik ambitsiyalar yo‘qligini aytib, bu pozitsiyani O‘zbekiston misolida tushuntirdi. “Agar kimdir bizni qandaydir imperialistik ambitsiyalarda gumon qilsa, tasavvur qiling: Sovet Ittifoqini tiklasak, bizda asosan islomiy aholi bo‘ladi”, — dedi u.
Prezident Yakkasaroydagi suv sporti saroyida bo‘ldi
Shavkat Mirziyoyev Toshkent shahrining Yakkasaroy tumanidagi yangi suv sporti saroyini ko‘zdan kechirdi. 50 metrli basseynga ega majmua bir vaqtning o‘zida 100, kuniga esa 1000 dan ortiq odamga xizmat ko‘rsata oladi. Unda professional sportchilar ham, havaskorlar ham mashq qilishi mumkin.
Rossiyaning “Inter RAO” kompaniyasi kuzda O‘zbekistonga elektr energiyasi yetkazib berishni boshlashi mumkin
Rossiyaning “Inter RAO” energetika kompaniyasi O‘zbekistonga elektr yetkazib berishni boshlashi mumkin. Kompaniya kuzatuv kengashi raisi Aleksandra Paninaning aytishicha, kuzgacha Qozog‘iston qancha hajmni tranzit qilishi mumkinligi aniqroq ishlab chiqiladi.
Qanot Sharq Toshkentdan Budapeshtga to‘g‘ridan to‘g‘ri reyslarni yo‘lga qo‘ymoqda
30-iyundan Qanot Sharq aviakompaniyasi “Toshkent — Budapesht — Toshkent” muntazam qatnovlarini yo‘lga qo‘yadi. Dastlabki reyslar haftada bir marta yakshanba kunlari amalga oshiriladi, 4-sentabrdan esa chorshanba kunlari qo‘shimcha reyslar parvozlarni boshlaydi.
Investitsiyalar vaziriga 2 nafar o‘rinbosar v.b. tayinlandi
Bosh vazir investitsiyalar, sanoat va savdo vaziriga o‘rinbosar vazifasini bajaruvchilar sifatida Shoxrux Gulamov hamda Akram Aliyevni tayinladi.
Hech bir davlat JSTga a’zolikni siyosiy irodasiz amalga oshira olmagan — JST bosh direktori
Jahon savdo tashkiloti bosh direktori Ngozi Okonjo-Ivealaga ko‘ra, hech bir mamlakat tashkilotga a’zolikni siyosiy irodasiz amalga oshira olmagan. “O‘zbekiston hukumatida kuchli siyosiy irodani ko‘ryapman”, — degan bosh direktor a’zolikka da’vogarlar orasida birinchi bo‘lib O‘zbekistonga kelganini qayd etdi.
Shuhrat Rizayev Kinematografiya agentligiga rahbar bo‘ldi
Shuhrat Rizayev Kinematografiya agentligi rahbari etib tayinlandi. U bunga qadar agentlik direktori o‘rinbosari lavozimida ishlab kelayotgandi. Tashkilotning avvalgi rahbari Firdavs Abduxoliqov Islom sivilizatsiyasi markazi direktori bo‘lgan.
Janubiy Koreya prezidenti davlat tashrifi bilan O‘zbekistonga keladi
Janubiy Koreya prezidenti Yun Sok Yol keyingi haftada davlat tashrifi bilan O‘zbekiston, Qozog‘iston va Turkmanistonga keladi. Tashriflar 10−15-iyun oralig‘ida bo‘lib o‘tadi va Koreya yetakchisiga mamlakat birinchi xonimi hamrohlik qiladi.
Qo‘shimcha imkoniyatlardan foydalanish uchun saytda ro‘yxatdan o‘ting